سلام عليكم اعزائي النواصر.. 
كيفكم عساكم بخير ...
والله غبار ومن زمان ما قرقرت هنا… 
واليوم جايه ليكم بهدره جديده
فاقد الشيء لا يعطيه.
. جمله نسمعها وايد بحياتنا.. فهل صحيحه تحسوها…
والله اني قاسيه.. لأني ما لقيت الطيب ...
اني جافه لأني ما لقيت الحنيه..
اني ظالمه لأني ما لقيت العدل ..
اني كل شر وقهر لأني ما لقيت كل عدل وراحه… 
..!!!!!
شلوووون بس قولو لي شلووون.. ارحم واني ما لقيت اللي يرحمني ؟؟؟
هااا… شلون اراعي واحترم واني ما لقيت اللي يحترمني..؟؟؟
شلون اسمع راي احد واتقبله واني ما احد يسمع رايي ولا يتقبله؟؟؟؟
شلون وشلون.. وهالشلون سلسلة حديد معلقه برقبتنا..
وياكثر ما نقول شلون وكيفا.. تبغاني اسوي مع فلان كذا وهو كذا..
الدنيا صحيح قاسيه وما ترحم.. والله مشيبه الصغير قبل الكبير.
. وما الوم اجدادنا وابائنا اذا قالوا وبحسره..
رحمك الله يا زمان اول..
العلاقات هالأيام تتوقعوها مثل لول..؟؟
علاقة الوالدين بولادهم والعكس..
علاقة الواحد بأخوانه وخواته..
علاقته بأهله وجيرانه..
تحسها تكليف اكثر من كونها عطاء.. هذا اذا التزم بالتكليف كاملا بعد..
نقطع وما نوصل.. اللسان مخاوي الأذون من طوله..
توصل بنا العصبيه الى حد عدم مراعاة شعور الأخرين,, واحيانا عدم احترامهم.. مافي مجال للنقاش ولا الحوار.. الصريخ سلاح فعال لهدم كل الطرق الموصله للقلب…
وبعدين اذا اختلينا مع نفسنا وهدينا.. نقول.. ليتنا ما سوينا وليتنا ما قلنا… وشوي يجي بليسووه اللعين 
وجمله وحده يزرعها في قلبنا…. والله فاقد الشي لا يعطيه… ليش انت طيب مع ناس نحيسه.. ليش تتناسى غلط ناس حقوده.. امسك عطائك وخليك جاف قد ما تقدر...
ممكن تكون هالجمله صحيحه بنسبة 100% عند ناس .. بس من رايي.. نسبة صحتها في مساحة قلبي 30% << لا احد يسألني لويش يعنو...
..
بس الصراحه.. احس فاقد الشي يعطيه وبكثره.. كتعويض للحرمان اللي عاشه و سد للنقص اللي بداخله.. بالعطاء..
ببساطه دائما فبالي.. لأني احب كذا فأبغى يعاملوني كذا.. لأني بعطي كذا.. وكذا وكذا... ... الخ..
اخيرا جاوبوا اميروه ,, وبصراحه..
عطائكم وامساككم للعطاء هل سببه الحرمان؟؟؟
ان كنت تشوف ان فاقد الشي لايعطيه يعنو برايك الاحساس مثل بير الماي يجف بأي وقت وما عاد ينبع فشلون يرجع ينبع..؟
هل انت حاليا وبكل صراحه تعطي والا تمسك بسبب الحرمان ؟؟؟
ما نسبة صحة هالجمله .. فاقد الشي لا يعطيه في مساحة قلبك..؟؟
ودمتم بحفظ الرحمن 
شلوووون بس قولو لي شلووون.. ؟؟؟؟
رد مع اقتباس
المفضلات