:.|[ღ]|. حبيبي صعب نسيانك .|[ღ]|.:

[حكاية حب]

الجزء حلووو
عالفكره
أول مااشفت اسمك استغربت حدي فققت عووايني ههه
عالعمووووووووووووم شوووكرن عالجزء القصير
طلب
ممكن مره ثاانيه تنزلي ليناا جزء طووووووووووووووووووووووويل على الاقل جزئين أو 3
ووولك أجمل تحيااتي
وعيدك مبااارك

[farooo7a]

يسلمك ربي عمري " حكاية حب "

والله اسعدتني متابعتك لي

وانا بجد اسفه ع التقصيررررررررر

وما لكم الا طيبة الخاطري :)

تحياتي

فروحه

[farooo7a]

الجزء الـ 14

ورد
اول ما شافت منظر خالد وعبد الرحمن جالسين بمكان واحد حست بضيق

بس فرحتها بشوفة عبد الرحمن خلتها تنسى وجود خالد

سلمت على عمها وبعدها تجاهلت وجود خالد وسلمت على نوره بكل حراره

نوره : الحمدلله على سلامتك ورد

ورد : الله يسلمك حبيبتي

نوره : شوفيي هذا الورد حسيت انه ياخذ من حلاك ولا وش رايك

ورد طالعت بالورد وابتسمت ابتسامه كلها حيا

كانت تطالع فيه وهي تشم ريحة عبد الرحمن الي طاغيه ع المكان

ابو خالد : ورد حبيبتي لازم تنتبهي على نفسك انتي عروس ما يصير تهملي حالك

ابو خالد قال الكلام وكانه جالس يطعن عبد الرحمن الف طعنه

عبد الرحمن تغيرت الوانه : يالله الله يجعلها اكبر المصائب ،، يالله نوره نمشي ؟؟

نوره حست ان الجو مكهرب وردت وهي تحس باحراج : اي يالله

ورد ردت وعيونها بدت تلمع دموع : نوره بدري ما شبعت منك

نوره ردت ووجها مصفر : معليش حبيبتي لاحقين على بعض يالله اشوفكم على خير

قامت نوره وعبد الرحمن

وورد كانت تطالع عبد الرحمن بحزن وياس وكانها اخر مره تشوفه

ما قدرت تتحمل وقامت وراهم على اساس تودعهم

طلع وراهم برى البيت

ورد : نوووووووره انتظري

التفتت نوره وعبد الرحمن

ورد كانت تمشي بسرعه واحساسها يقول لها ترى هذي اخر مره تشوفي فيها عبدالرحمن

نوره كانت تطالع في اخوها والحسره بتذبحها عليه

وعبدالرحمن كان يطالع بالارض ويتمنى الارض تنشق وتبلعه ولا يشوف ويسمع الي شافه اليوم

نوره : ورد فيك شي ؟؟

ورد وقفت مكانها محتاره وش تقول

" عبد الرحمن ودي اصرخ واسمع هالعالم واقول اني احبك

عبد الرحمن ارجوك لا تطلع من حياتي .. حياتي بدونك ولا شي "

ورد : لا بس ليش مستعجلين

نوره : لا بس اخوي وراه دوام والسواق ينام بدري

وما حبينا نثقل عليكم يمكن عمك يبيكم في موضوع عائلي

ورد : انتي تدري ان عمرك بحياتي ما بتكوني انسانه تثقل علي

نوره : لحظه نسيت ما اعطيك شي بروح اجيبه من السياره وبجي

ظل عبد الرحمن واقف مع ورد

ورد : عبد الرحمن

عبد الرحمن : رفع عينه وقام يطالع بورد الي دموعها على طرف رموشها

ورد : وحشتني

عبد الرحمن : ورد ليش سويتي كذا ليش شغلتي بالي عليك

ورد قامت تبكي : سويت كذا لاني ما تخيلت حياتي بدونك

عبدالرحمن : قصدك ان اهلك جابرينك على خالد .. طيب فهمت

نوره وهي جايه يوم شافت الوضع ما يناسب رجعت وجلست بالسياره عشان ياخذو راحتهم

ورد : امي شافت مسجاتك بجوالي وسحبت جوالي مني

امي صارت عارفه اني على علاقه مع شخص بس للحين ما تعرف ان هذا انت

وعشان كذا هي مصره انها تزوجني من خالد

انا بنظر امي بنت قليلة ادب وما استاهل الثقه. . .

عبد الرحمن انا ما اقدر اعيش بدونك

بس ابيك تفهم هالشي ..

سالت دموعها على خدها ومشت وهي مكسورة الخاطر

وعبدالرحمن راح لسيارته والعبره خانقته ومو عارف شيسوي في نفسه

نوره : هونها وتهون ياخوي

عبد الرحمن ابتسم ابتسامه صفره وراحو البيت

،،،،،

[farooo7a]

دخلت ورد البيت بعد ما مسحت دموعها

وكانت متجهه للدرجه وفي هالوقت نادتها امها

ام رواد : حبيبتي ورد تعالي عمك يبيك في كلمتين

ورد ياربي ساعدني : ان شاء الله

راحت ورد وهي مالها خلق تسمع او تقول اي شي

ابو خالد : ها حبيبتي يناسبك تكون الملكه يوم الخميس الجاي

ورد انصدمت من هالكلام وما عرفت وش تقول

ام رواد : هههههه يناسبها ونص ولا وش رايك يا بنتي

ورد ردت بابتسامه باهته : بس يما مو كان المفروض ناخذ راي ابوي

ابو خالد : طول عمرك سنعه يا ورد ، البنت صادقه

خالد حس بقهر لانه حس ان ورد تبي تاجل باي شكل من الاشكال

" هين يا ورد ان ما كنتي لي اليوم بتكوني لي بكره "

،،،،،

اول ما دخلو البيت عبد الرحمن ونوره شافتهم امهم

ام عبدالرحمن : وانتو ابد ما تنشافو يا طالعين لبرى يا داخلين لغرفكم

الحين الحين تفهموني وش صاير

نوره حاولت تتصنع المرح : يعني مافي اسرار بين الاخت واخوها

عبد الرحمن : انا رايح انام وراي دوام بكره ،،تصبحو على خير

ام عبد الرحمن : متهاوشين كـ العاده

نوره حاولت ترقع : اي شسوي يا ماما ولدك يقهر

قامت وباست امها على راسها : يالله تصبحي على خير يا احلى ماما بالدنيا

،،،،،

اول ما دخل عبد الرحمن غرفته لقى جواله ع السرير >> كان ناسيه

وكان فيه 17 مكالمه لم يرد عليها و 3 رسائل

كانو كلهم من ورد قعد يطالع فيهم عبد الرحمن وهو محتار شلون يتصرف

وكيف له عين يكلمها وهي خلاص شبه مخطوبه لولد عمها

سكر كل شي وفضل انه يقفل جواله على انه يكلمها ويعور قلبه اكثر

،،،،،

في اليوم الجديد وبالتحديد في المدرسه وقت الفطور

كل البنات كانو متجمعين حول ورد ويتحمدو لها السلامه >> وكان التعب واضح على ملامحها

بعد كذا اخذتها نوره على جنب

نوره : ها وش صار امس ؟؟

ورد : عمي كان يبي الملكه تصير يوم الخميس وامي كانت موافقه احترت شلون اوقف الموضوع واضطريت اقولهم ان المفروض ناخذ راي ابوي

نوره : ورد لو تقدم لك عبدالحمن الحين بتقدري توقفي في وجه اهلك وتوافقي عليه ؟؟

،،،،،

[farooo7a]

بعد ما رجعو من دوامتهم

وبالتحديد في بيت نوف

اول ما خلصت غذا راحت طيران ع النت وشبكت مسنجرها

كان مساعد موجود اون لاين

مساعد : اهلين سارونا يا هلا والله باهل المدارس

سارونه الاموره : وانت 24 ساعه اون لاين وش هالفضاوه

مساعد : شسوي بعد انتظر الوظيفه كان عندك واسطه تشغليني فيها

في هالوقت دخلت ام مساعد عليه

وانت طول الوقت على هالكمبيوار ابي افهم متى بتصير انسان مسؤل وتشيل حمل عن ابوك واخوك شوي

ابي افهم ناقصك ايد ولا رجل عشان ما تساعدهم

اذا ما انتبهت على حلالك من ينتبه عليه ؟؟

مساعد : دراسه وخليتوني ادرس على كيفكم

خلص خلوني اكمل حياتي مثل ما احب

هذا انت وبتم مثل ما انت مافي منك خير .. طلعت امه وهي زعلانه عليه

سارونه الاموره : هاهاها لو عندي واسطه كان طلعت من المدرسه واشتغلت فيعا
سارونه الاموره : الوووووووووووووو وينك ؟؟
سارونه الاموره : ياربي ويييييييييين رحت

مساعد رد وهو متضايق من كلام امه : معليش سارونه واحد من الشباب مسوي حادث بروح له المستشفى اعذريني يالغاليه ,, مع السلامه

قفل المسنجر في وجهها وطلع

نوف : اووووووووووووووف الحين اسولف مع مين

اقوم احل واجباتي اصرف لي

،،،،

انتهى الجزء الـ 14

ادري قصير شوي بس نزلته عشان ما نزعلكم

ان شاء الله عن قريب بنزل الجزء الـ 15

تحياتي للجميع

Faro7a