في هالوقت في بيت ابو خالد >>> عم ورد
خالد كان جالس وهو ضايق خلقه من الي صار له
ام خالد : انت شفيك على طول جالس متضايق بكره اخطب لك الي احسن منها
خالد رد بعصبيه : ومن قالك اني ابي الي احسن منها ،، ومن قالك اصلا انها ماتبيني اصلا ورد تبيني وادري انها تحبني من يوم احنا صغار
ام خالد : ما ادري وش عاجبك في هالمغروره
خالد : يا يمى يا عمري يا روحي انتي تقولي كذا لانك ما تعرفيها زين
ام خالد تطالعه بنظرات حاده : يعني انت الي تعرفها زين
خالد رد وهو مرتبك : لا بس احساسي يقولي كذا
وفي هالوقت دخل ابو خالد البيت
خالد : هلا بتاج راسي
ابو خالد : قول شتبي اخلص
خالد : افااااا
ابو خالد : مو الي في هالبيت ما يكلموني الا اذا عندهم مصلحه
اخلص اخلص شتبي
خالد يتكلم بحيا : ممكن لو سمحت تكلم بيت عمي ابو رواد
وتسالهم متى وقت الملكه
ام خالد : خالد شفيك البنت ما بتطير
ابو خالد : وانتي شالي قاهرك الولد صادق يعني ليمتى التأجيل
خالد اتصل على بيت عمك وعطيني التلفون
خالد يرد بفرح : ان شاء الله
..تفضل
ابو خالد يمسك التلفون : السلام عليكم
ام رواد : وعليكم السلام هلا والله بـ ابو خالد
ابو خالد : هلا بك زود هلا بمرت اخوي
بشريني اخباركم علومكم
ام رواد : نسال عنك والله انت اخبارك واخبار ام خالد والعيال
ابو خالد : والله خالد صاج راسي كل يوم يقولي اسالكم متى موعد الملكه..
ام رواد حست باحراج : والله ما ادري شقولك يابو خالد
ابو خالد يتغير وجهه : ليش وش صاير ؟؟
،،،،،،،،،،،،
وصلو عبد الرحمن ونوره بيت ام رواد
واستقبلتهم الخدامه وراحت تنادي على ام رواد
الخدامه : مدام نوره و اخوها هنا
ام رواد تلبس حجابها وتمشي : طيب روحي جهزي عصير وشوكلاته وروحي قدميه
راحت ام رواد وسلمت على نوره
ام رواد : هلا والله بشيخة البنات نوره
نوره ترد بحيا : هلا خالتي الحمدلله على سلامة ورد
وتقدم الورد لأم رواد
ام رواد : تسلمي حبيبتي الله يسلمك .. تلتفت لعبد الرحمن الي من دخل وهو موطي راسه بالارض
هلا بولدي عبد الرحمن شخبارك
عبدالرحمن يرد والعرق يزخه : هلا خالتي الحمدلله نسال عنكم
نوره تدخل عرض : خالتي مو ناويه تجي ورد وتجلس معانا
ام رواد : الحين اناديها انتظري شوي حبيبتي
وفي هالوقت يرن جرس بيتهم
تفتح الخدامه ويطلع الي جاي ابو خالد وخالد
يدخل ابو خالد وخالد
نوره في هالوقت حست انهم في موقف لا يحسدو عليه
وعبد الرحمن ابتدآ ينبهت لونه
ابو خالد + خالد : السلام عليكم
عبد الرحمن + نوره : وعليكم السلام
ابو خالد : باين عليج خوية ورد صح
نوره ترد بخجل : ايه انا صاحبتها
في هالوقت تجي ام رواد واول ما شافت خالد وابو خالد
طارت من الفرحه
هلا هلا بو خالد تو ما نور البيت
في هالحظه حس عبدالرحمن بقهر لان خالد كان موجود
ورد كانت نازله ع الدرج وهي فرحانه واخيرا بتشوف نوره
ريحه من ريحة عبد الرحمن
ما كان لا ع البال ولا الخاطر المنظر الي شافته
،،،،،،،،،،