:.|[ღ]|. حبيبي صعب نسيانك .|[ღ]|.:

[farooo7a]

اسفه حبيباتي

" كبرياء ، حكاية حب "

ع التاخير

ولكم حبيباتي التكمله

[farooo7a]

الجزء الـ 13

راحت ام رواد عشان تعطي الجوال ورد
ودخلت وهي مالها نفس تكلم بنتها
وبدون ما تطالع فيها
ام رواد : خذي جوالك وياليت تتعلمي كيف تستخدميه صح
ورد ردت والدموع بعينها
ورد : ماما أنا موافقة على ولد عمي
كانت ام رواد عاطيه بنتها ظهرها وبتمشي
وبمجرد ما سمعت هالكلام وقفت مكانا وقالت
ام رواد : والله فيك الخير بس بعد الي سويته يا ورد هو الي ما يبيك
مو انتي الي ماتبيه
ورد قامت تتكلم وهي تبكي : وانا شسويت يا يمه فهميني
كل ذنبي اني حبيت ترى والله ما سويت شي يغضب الله
ام رواد : وتبينا ننتظرك تسويه عشان نوقفك عند حدك ؟؟
ورد : يعني انتو رحتو قلتو حق خالد بالسالفه ؟
ام رواد : وش تبينا نقوله سواد وجهك ؟؟
ورد ردت وهي منهاره : خلاص ماما والله ابيه وموافقه عليه
ام رواد : أي توافقي عليه وتسكتي اهلك وترجعي تلعبي بذيلك من ورانا وعاد هالمره فضيحتك بتصير في العايله كلها
ورد سكتت وصارت جامده مكانها حتى عيونها ما قامت ترمش
وعم الصمت ع المكان
،،،،
في بيت ابو عبدالرحمن
نوره غابت عن المدرسه وقامت تفكر بالي صار امس
معقوله زهره تكون اخت نواف ؟؟
من وين جابت رقمي ؟؟ ورد عمرها ما جابت طاريها
وبعدين شتبي فيني اوووف ياربي لا يكون ...
وهي تكلم حالها رن الجوال من جديد والمتصل زهره
مسكت الجوال نوره وقامت تفكر ارد ولا ما ارد
يالله برد وبشوفها شتبي
نوره : الو
زهره : هلا والله لا يكون مشغوله وازعجتك
نوره : لا
زهره : أي طيب عندي لك خبر يسوى مليون
نوره : هههههههه شنو ؟؟
زهره : ورد طلعت من المستشفى
نوره ردت والفرحه مو سايعتها وبصوت عالي : قولي والله
زهره : والله واذا مو مصدقه قومي وروحي لها البيت وبتشوفيها
نوره : رايحه لها طيراااااااااااااان
اسمحي لي لازم اقفل الحين عشان أقوم أجهز وأروح لها
زهره : مسموحه يالله يمكن أشوفك هناك
نوره حست بإحراج : أي إن شاء الله
يالله باااااااي
زهره : باي
طلعت نوره من غرفتها وراحت تركض لغرفة أخوها
ولـ أول مره تدخل بدون أستاذان
كان عبد الرحمن جالس على الأرض ومستند على سريره
وفي يده ورقه وحوله أوراق كثيرة وهدايا
كان واضح على وجهه التعب
كان جالس يقرأ رسائل ورد إلي كانوا يتبادلوها اسبوعيا
من محل بياع الورد
نوره تفاجئت من منظر أخوها وتأثرت حيل فيه
مع هذا تماسكت وما بينت له انها حست بشي
نوره : دحووووووووووووووووووم ورد طلعت من المستشفى
قووووم بسرعة احلللق ما يصير تشوفك وأنت كذا
عبد الرحمن رفع عينه وهو مو مصدق : تتكلمي عن جد
نوره : راحت وسحبته من يده قووووووووم تحرك بسرعة
انا بروح أبدل ملابسي وأنت أجهز بسرعة وخلينا نروح
ولأول مره بعد ما صارت كل هالاحداث
يحس عبد الرحمن بفرحه من قلب
،،،،،،،

[farooo7a]

بعد ما انتهى الحوار الحاد الي صار بين ام رواد وورد نزلت ام رواد
الطابق الاول وشافت ابو رواد جالس يقرأ الجرايد
ام راود : ابو رواد
ابو رواد : هلا
ام رواد : ورد تقولك تقدروا تحددوا موعد الملكه من جديد
ابو رواد : خلع نظارته وعدل من جلسته
شوفي يا ام رواد بنتي وانا اعرفها ماتبي الولد خلاص ماهي مجبوره عليه.. وبالنسبه للولد الف من يتمناه
ام رواد حست باحراج : من قالك ماتبيه الا تبيه بدليل اني اول ما رحت اكلمها قالت لي اقولك تحددو موعد الملكه
ابو رواد : انا ما راح اكلم اخوي وما راح يصير أي شي قبل ما اسال البنت بنفسها
في هالوقت وبالتحديد في غرفة ورد الي كانت اضائتها مطفيه
وماغير اشعة الشمس الي منورة المكان
مسكت ورد جوالها وقامت تطالع فيه بعيونها الي انتفخت من كثر البكا.. تطالع فيه وهي تشوف صورة عبد الرحمن
تطالع فيه وهي تحس بصوته
ضغطت على الحبه الي تشغل فيها الجوال وابتدى يشتغل الجوال
بعد ما خلص تشغيل وصلتها مسجات من خدمة موجود
وكان كلها من عبد الرحمن ونوره وبعدها
كانت مسجات من عبد الرحمن فتحت المسجات وابتدت تقراها
ملكت قلبي : ورد هديتي حيلي طلبتك فتحي جوالك
بس ابي افهم وش صاير
ملكت قلبي : ورد حياتي ما تسوى بدونك
افتحي جوالك ولهت على صوتك
ملكت قلبي : ورد حياتي فتحي جوالك واخيرا توظفت
وعن قريب بجي اخطبك
ملكت قلبي : ورد عمري فتحي جوالك عندي لك مفاجئه
ملكت قلبي : حياتي وحشتيني موت موت
ادري انك نايمه اذا صحيتي من النوم كلميني اوكي ؟
اموااااااااااااااح احبك موت
ملكتي قلبي .

الرسالة الثانية
ملكت قلبي : قلبي أنا الحين مع أصحابي بالشاليه
شوي بصرفهم وبقوم عشان اكلم يا بعد راسي
احبببببببببببببببببك موووووووت موووووووت
ملكتي قلبي 
ملكت قلبي : قلبي وحشتيني وحشني صوتك
كل هذا نوم قومي اصحي من النوم ما اقدر على فراقك
ملكتي قـــلـــــبـــــــــي .
ابتدت تسيل دموع ورد
وابتدت تبكي بهستيريا وتكلم حالها بصراخ
ورد : عبد الرحمن وييييينك وينك تعال شوف شصار فيني
تعال ما اقدر أعيش بدون
وربي احبك وربيييييييي
ابتدت تتعب لين سكتت ودموعها باقي تسيل على خدها
حطت راسها على المخدة وقامت تتذكر أول مره شافته فيها
واشتغل شريط الذكريات معاها لين غفت عيونها من التعب والارهاق
،،،،،
في بيت ام عبد الرحمن
خلصت نوره وراحت عشان تمر على أخوها
عبد الرحمن وينزلوا مع بعض
نوره : ها عبد الرحمن خلصت ؟؟
عبد الرحمن : أي يالله مشينا.. طلع وهو مبتسم بس التعب باقي مرسوم في ملامحه
....
اثناء ما كانو بالسياره سفط عبد الرحمن عند محل حلويات
عبد الرحمن : يالله نوره خلينا ننزل نختار لها شوكلاته
نوره نزلت وهي مبسوطة : يالله 
بعد ما اختاروا الشوكلاته كان في محل ورد جنب محل الحلويات
نوره قالت بغمزه : ما يصير نروح لورد بدون ورد
عبد الرحمن + نوره : هههههههههههههههههههههههههههههههه
دخلوا مع بعض وكان الورد من اختيار نوره
بعد كذا راحوا على بيت ام رواد
،،،،،،،،،

[farooo7a]

في هالوقت في بيت ابو خالد >>> عم ورد
خالد كان جالس وهو ضايق خلقه من الي صار له
ام خالد : انت شفيك على طول جالس متضايق بكره اخطب لك الي احسن منها
خالد رد بعصبيه : ومن قالك اني ابي الي احسن منها ،، ومن قالك اصلا انها ماتبيني اصلا ورد تبيني وادري انها تحبني من يوم احنا صغار
ام خالد : ما ادري وش عاجبك في هالمغروره
خالد : يا يمى يا عمري يا روحي انتي تقولي كذا لانك ما تعرفيها زين
ام خالد تطالعه بنظرات حاده : يعني انت الي تعرفها زين
خالد رد وهو مرتبك : لا بس احساسي يقولي كذا
وفي هالوقت دخل ابو خالد البيت
خالد : هلا بتاج راسي
ابو خالد : قول شتبي اخلص
خالد : افااااا
ابو خالد : مو الي في هالبيت ما يكلموني الا اذا عندهم مصلحه
اخلص اخلص شتبي
خالد يتكلم بحيا : ممكن لو سمحت تكلم بيت عمي ابو رواد
وتسالهم متى وقت الملكه
ام خالد : خالد شفيك البنت ما بتطير
ابو خالد : وانتي شالي قاهرك الولد صادق يعني ليمتى التأجيل
خالد اتصل على بيت عمك وعطيني التلفون
خالد يرد بفرح : ان شاء الله
..تفضل
ابو خالد يمسك التلفون : السلام عليكم
ام رواد : وعليكم السلام هلا والله بـ ابو خالد
ابو خالد : هلا بك زود هلا بمرت اخوي
بشريني اخباركم علومكم
ام رواد : نسال عنك والله انت اخبارك واخبار ام خالد والعيال
ابو خالد : والله خالد صاج راسي كل يوم يقولي اسالكم متى موعد الملكه..
ام رواد حست باحراج : والله ما ادري شقولك يابو خالد
ابو خالد يتغير وجهه : ليش وش صاير ؟؟
،،،،،،،،،،،،
وصلو عبد الرحمن ونوره بيت ام رواد
واستقبلتهم الخدامه وراحت تنادي على ام رواد
الخدامه : مدام نوره و اخوها هنا
ام رواد تلبس حجابها وتمشي : طيب روحي جهزي عصير وشوكلاته وروحي قدميه
راحت ام رواد وسلمت على نوره
ام رواد : هلا والله بشيخة البنات نوره
نوره ترد بحيا : هلا خالتي الحمدلله على سلامة ورد
وتقدم الورد لأم رواد
ام رواد : تسلمي حبيبتي الله يسلمك .. تلتفت لعبد الرحمن الي من دخل وهو موطي راسه بالارض
هلا بولدي عبد الرحمن شخبارك
عبدالرحمن يرد والعرق يزخه : هلا خالتي الحمدلله نسال عنكم
نوره تدخل عرض : خالتي مو ناويه تجي ورد وتجلس معانا
ام رواد : الحين اناديها انتظري شوي حبيبتي
وفي هالوقت يرن جرس بيتهم
تفتح الخدامه ويطلع الي جاي ابو خالد وخالد
يدخل ابو خالد وخالد
نوره في هالوقت حست انهم في موقف لا يحسدو عليه
وعبد الرحمن ابتدآ ينبهت لونه
ابو خالد + خالد : السلام عليكم
عبد الرحمن + نوره : وعليكم السلام
ابو خالد : باين عليج خوية ورد صح
نوره ترد بخجل : ايه انا صاحبتها
في هالوقت تجي ام رواد واول ما شافت خالد وابو خالد
طارت من الفرحه
هلا هلا بو خالد تو ما نور البيت
في هالحظه حس عبدالرحمن بقهر لان خالد كان موجود
ورد كانت نازله ع الدرج وهي فرحانه واخيرا بتشوف نوره
ريحه من ريحة عبد الرحمن
ما كان لا ع البال ولا الخاطر المنظر الي شافته
،،،،،،،،،،

[farooo7a]

في بيت ابو مشعل >> الي هو بيت نوف صاحبة نوره وورد
كانت نوف جالسه ع النت كـ العاده
الحب المستحيل :
انا اسمي ساره وانت ؟؟
مغرور بس معذور :
انا مساعد وعمري 22 سنه توي متخرج من امريكا و راجع السعوديه وانتي ؟؟
الحب المستحيل :
انا عمري 17 سنه باقيلي تيرم واخلص ثاني ثانوي واروح ثالث ثانوي
مغرور بس معذور :
هههههههههههههه ما شاء الله عليك باقي كتكوته
ليش ما نمتي للحين ما عندك مدرسه بكره ؟؟
الحب المستحيل :
الشره مع عليك على الي يتكلم معاك .. باي
مغرور بس معذور :
اوكي .. باي
سكرت نوف وهي منقهره
نوف : جد مغرور.. خير شايف نفسه وكانه اول واحد يتخرج من امريكا
وععععع مالت عليه وعلى وجهه اروح انام ابرك لي
ولا اقول عناد ماني نايمه بنزل اشاهد لي فلم وعن القهر

بكذا انتهى الجزء الـ 13

وش صار مع ورد من بعد ما شافت خالد وعبد الرحمن جالسين بنفس المكان ؟؟
تتوقعوا وش سالفة مساعد مع نوف ؟؟
اتمنى الجزء نال على اعجاب الجميع

تقبلوا تحياتي

فروحه