في هالوقت وبسيارة نواف
نواف : خالتي انت تعتبريني مثل رواد ؟؟
ام رواد : اكيف انت بغلاة رواد ياقلبي
نواف : طيب وغلاتي عندك ليش كنتي معصبه اليوم
ام رواد : آآآآه يا نواف ذكرتني بهمي
نواف فجأه التفت لخالته وكان مفتح عيونه ع الاخر
>> هممممممممم ؟؟ الله لا يجيب الهم
ليش وش صاير يا خالتي ؟
ام رواد : ورد متعبتني يا نواف
كل ما قلت بكره تعقل بكره تركد ابد ما فايد
والله جلست افكر اليوم انا مقصره عليها بشي عشان تسوي فيني كذا ؟؟؟؟؟
نواف طاح قلبه وخاف ان بنت خالته مسويه لها مصيبه مثل مصايب هالايام بس سكت وترك لخالته حرية الخيار
اما انها تسكت او انها تكمل كلامها
ام رواد : لمى كلمناها عن ولد عمها اصفر وجهها وانقلب
ورفضته رفض مريب ماله أي تفسير
ما عطت ابوها حتى فرصه يقول لها ايش دارس ايش مؤهلاته
هالرفض خلاني اشك في بنتي
خاصة انت تعرف عيال عمامها مين يكونو
الف من يتمناهم
نواف : وبعدين ليه سويتو يوم ملكه وهي مو راضيه
ام رواد : لان لو ما تم هالزواج بتصير خلافات بين ابو رواد واخوه وانا مابي تصير مشاكل بين الاخوان
نواف : بس هو لو يحب بنت عمه بيحترم رغبتها وبيتمنى لها كل خير وبعدين ليه يختلفو الاخوان
الزواج قسمه ونصيب و ورد مش اول ولا اخر بنت
ترفض ولد عمها
ام رواد : هي ما رفضته عشانه ماتبيه
رفضته عشانها تعرف واحد ثاني يا نواف
"قالت ام رواد هالكلام و عيونها بدت تغرق في بحر الدموع"
نواف سفط السياره على جنب لانه خاف ما يقدر يركز ع الطريق بنفس الوقت السالفه خطيره ويبغالها اهتمام وتركيز
نواف تكلم باستغراب : تعرف واااااااحد ؟!!
ام رواد طلعت الرقم الي اخذته
وقالت : ايه ولمى اخذت جوالها وفتشته
شفت مسجات حب وغرام من نفس الرقم وهذا هو
و لو تشوف جوالها مافيه طاري غير طاريه والله اعلم وش بينها وبينه انا تعبت يا نواف تعبت من هالبنت
وبدت تبكي ام رواد
حز بخاطره الكلام الي سمعه وكلام خالته
طلع منديل ونشف دموع خالته
نواف : طيب خالتي تسمحي لي احل الموضوع بنفسي ؟
ام رواد : وش بتسوي يعني ؟؟
نواف : عندك ثقه فيني ؟
ام رواد : لو ماني واثقه فيك ما بقولك من الاساس
نواف : خلاص خليها علي وانا اوعدك انك بتكوني مرتاحه
بس ممكن تعطيني الرقم
عطته رقم الجوال
وطلع لها ماي
نواف : خالتي اشربي هالماي وصلي ع النبي وما بيصير
الا كل الي تبيه ان شاء الله
ام رواد : الله يخليك يا حبيبي
،،،،،،،،،،،