:.|[ღ]|. حبيبي صعب نسيانك .|[ღ]|.:

[farooo7a]

" الجزء الثامن "



بعد ما خلصوا الفطور قام عبد الرحمن وطلب من تريزا تركب أغراضه وراح لغرفته عشان يرتاااااااااح وينااااااام ،،


اما عبير ومخاوي الليل اتجهو للصالة الداخليه وابتدوا يخططوا لهذا العرس


الي الله واعلم متى بيصير !!


ومحمد كان فرحان مره في نوره وكان وده يجلس اكثر معاها ..


محمد : نوره احكيلي عن لبنان


نوره : خخخخخخخخ ضحكتني ما صارت هذي كم يوم ياخي تصدق يا جالسه بغرفتي


يا جالسه بالكوفي نت يمكن مره او مرتين طلعنا بس


محمد : يؤؤؤ ليش كنت تقولي انك اذا رحتي ما راح تجلسي ابد وش الي غير الحال


تغير لون نوره وحاولت ترقع الي قالته : ههههههههههه يعني انت ما حفظت اختك ما يملي عينها الا التراب


محمد : ههههه الله عان عبد الرحمن عليك


قامت تخز نوره محمد بعيونها وهي قايمه : والله عسل على قلبه


اتجهت لغرفتها اول ما فتحت الباب حست بالفرحه مع ان الايام الي غابتها قليله الا ان غرفتها وحشتها والشي الي ضايقها ان الخدامه في غيابها رتبت غرفتها ومع هذا طنشت وما وسوت مشاكل كـ العاده


نوره : امممممممم وش البس اليوم


ضروري البس شي مرتب وكشخه بنفس الوقت


فتحت باب غرفة الملابس ودخلت تتفرج على ملابسها ولاحظت ان في كذا لبسه ما قد لبستها من قبل قررت انها تطلعهم وتفرشهم ع السرير وتختار أي وحده تناسب اكثر


" طبعا انتو تسالو ليش ؟؟ "


لا تستعجلو عن قريب بتعرفو ليش


كانت اول بدله عباره عن بنطلون اخضر فاتح مخملي مخطط وكان مره خفيف وراقي


والتي شيرت الي فوق كان لونها عنابي ملكي ومكتوب عليها single 4 ever


حست انها سبورتيه ورمتها ع الارض >> لانها صارت مستبعده يا حرام هههههه


اما البدلة الثانيه كانت عباره عن تنوره بيج قصيره لين بداية الركب ومعاها حركه من فوق كت ومخصره جهة الصدر وشوي شوي توسع وكانت فيها الوان كثيره..


دخلت البدلة مزاج نوره وقررت انها تلبسها لمشوارها الخطير الي ناويه عليه اليوم.. بعد كذا دخلت تختار لها الجزمه


"وانتو بكرامه" الي راح تلبسها عليها


ولقت بوت طويل كان اسود ومرسوم عليه من جنب زخارف بالبيج واختارته عشان تلبسه


بعد كذا فتحت جوالها السعودي وقررت تتصل على كوافيرتها المفضله . . .


نوره : الو


الكوافير : السلام عليكم كوافير هيا معك تفضلي


نوره : لو سمحتي ممكن اكلم سوزان ؟


الكوافير : لحظه لو ستمحتي


سوزان : hi


نوره : hi sweety how r u ??


سوزان : oh no0o0o0ora .. hello baby I miss you so much . . . I'm fine what about you ??


نوره : I'm fine.. soso plz r u busy 2day ??


سوزان : no habebty come 2 me if you want


نوره : ok sweety see ya soon


سوزان : God with you


نوره : salam


.. بعد ما خلصت محادثه مع سوزان حست انه هم وانزاح وان ما بقى الا تختار باقة ورد أنيقة وهدية بسيطه وراقيه بنفس الوقت


قررت انها تاخذ غفوه عشان ترتاح وبعد ما تصحى تسوي كل الي في بالها ،، بعد ما صحت من النوم اخذت شاور سريع عشان يمديها تروح السوق وتشتري الهديه والورد وعشان بعد يمديها تروح الكوافير وتخلص شغلها


بعد ما خلصت شاور اتصلت ع السايق وجهزت ونزلت للطابق الارضي


نوره : ماما ماما ام عبدالرحمن وينك ؟؟؟


عبير : نوره ازعجتينا شتبي ؟؟؟؟


نوره : خير اخت عبير البيت بيت ابونا.. وما يحتاج اكمل الباقي


عبير : اوف منك ومن طوالة لسانك


نوره : اوفيين منك .. اقول انا طالعه الكوافير اذا شفتي امي قولي لها اني طالعه ويمكن اتاخر


عبير : وليه طالعه الكوافير لا يكون جايينك خطاب اليوم


نوره : هي هي هي هي بايخه حدك يالله وخري عن وجهي ماني فاضيه لك


عبير قامت تناظر ختها على حركاتها البايخه الي ما تدري متى راح تبطلها؟؟!!؟


وطلعت نوره بعجله وطلبت من السايق يوصلها مجمع واول ما دخلت من حسن حظها كان في محل عطور كبير


دخلت نوره واشترت منه عطر كوكو شانيل النسائي وكان توه نازل النسخه الجديده


بعد ما حاسبت وخلصت لمى قربت من الباب


رجعت وقررت تشتري معاه كوكو شانيل الرجالي وطلعت بعد كذا واتجهت لمحل تغليف هدايا كان جدا راقي


طلبت منه يغلف العطرين بنفس لون التغليف ونفس الشرايط بحيث يكون مظهرهم الخارجي واحد كان لون تغليف الهديه عنابي والشرايط الي فوقهم كان لونها ذهبي لماع وكان فوق كل شرايط مجموعة ورود طبيعيه لونها بيج يتخللها الزري اللماع بعد كذا اختارت لكل هديه كيس


الكيس الاول كان لونه بيج ومشكوك بالعنابي المحروق ويتخلله ترتر لونه بيجي ولماع بنفس الوقت وهذا كان للعطر النسائي


اما الكيس الثاني كان لونه عنابي محروق


وكان ملزوق فيه اشكال ورد بيجي فوقها زري ذهبي لماع


بعد ما استلمت الهدايا


اختارت باقة ورد جدا فخمه وكانت من تنسيق نوره بمساعدة العامل بعد ما خلصت


طلعت على طول ع الكوافير وبعد ما استقبلتها سوزان الاستقبال الحار ابتدت تشتغل بشعر نوره


بعد ما خلصت من شعرها ابتدت تطلي اظافرها بنفس لون تنورتها " بيج "


وبعدها ابتدت تحط مكياج خفيف لوجهها الناعم وكان الشادو عباره عن لون واحد وهو البيجي الي معاه لمعه ورسمت عيونها بالكحل السائل زليب ستيك لونه زهري فاتح .. هذا المكياج البسيط عطاها جمال ماهو طبيعي


بعد ما خلصت والساعه قربت على 9:10 الليل حست انها طولت وضروري تتجه للمكان الي تبي تروح له قبل ما تتاخر اكثر وتصير دخلتها فشله !!؟؟!!!


اتجهت للبيت الي تبي تروح له واول ما وصلت عن الباب تفاجئت بزحمة السيارات الي قدام البيت وبالانوار الي منوره كل الحي طلبت من السايق انه يحتفظ بالكيس الي فيه العطر الرجالي وطلبت منه يمشي ويرجع لها الساعه 11:30


،،،،،،،،،،،،،،،


في هالاثناء اتفقو عبير وعلي انهم يعملوا زواجهم خاص وعائلي


بحيث ما احد يحضر العرس غير الاهل والاصدقاء وحجوه بالمريديان بعد ما خلصو حجوزات قررو انهم يطلعو ويبتدو يختارو اثاث حق عش الزوجية J


وفي هالوقت عبدالرحمن كان جالس بالمجلس واصحابه كلهم معاه وكانت الجلسه مرررررره حلوووه وضحكهم كان واصل كل مكان " الله يديم الضحكه عليهم "


ومحمد مسكين كـ العاده قاعد يلعب بلايستيشن


وام عبدالرحمن قاعده تجهز قائمة المعازيم حق عرس بنتها عبير والفرحه مو سايعتها


اما ابو عبدالرحمن كان غرقان في سابع نومه


،،،،،،،،،،،،،،


بعد ما نزلت نوره من السياره وعلامات التعجب مليانه في وجهها بدت تخاف من الي في بالها يصير قررت انها تقوي قلبها


وتدخل وقلبها قوي اول ما دخلت البيت تفاجئت من عدد الرجال الي كانو كلهم جالسين تحت مخيم منصوب بالحديقة


وتفاجئت بالانوار الي مشغله وبريحة بخور العود الملكي الي كانت منتشره في كل مكان والي تدل على ان اكيد في مناسبه قاعدة تصير


في هاللحظه كانت في عين قاعده تناظر نوره من بعيد


معقول هذي هي او خيالها قاعد يلاحقني وين ما اروح


مو مصدق هي قدامي ولالا


اروح اتقرب ولالا


لا شكلي راح يطلع غلط


رواد : هيييييي ياخو الشباب سارح في شنو


نواف : رواد تشوف الي انا قاعد اشوفه ؟


رواد : شتشوووووف ؟؟


نواف : في بنت واقفه عند البوابه الكبيره ولا انا يتهيئ لي ؟؟؟


رواد : اوووووووووه هذي نوير صديقة الطفوله


ليش واقفه هنا هالهبله


نواف كلمه بعصبيه : شنو نوير وشنو صديقة الطفوله انت تعرفها ؟؟


رواد : خير خير وراك معصب هذي خوية اختي ورد شكلها الهبله مضيعة بقوم بدلها الطريق

[farooo7a]

نواف حس بقهر بس مع هذا سكت لانه ما يقدر يقول شي ولان رواد ما يدري ان نواف شاف نوره في لبنان

طبعا اكيد تسألو وش جاب نواف في النص ؟؟

" نواف يصير ولد خالة ورد و رواد "

>> يا محاسن الصدف هههههه

رواد : هلا والله نوره وش هالحلا

نوره : روادوووووووو انت هنا وانا ملطعوه هنا صار لي الف سنه

رواد : وانتي وش جايبك من هالبوابه كان دخلتي الثانيه

نوره : وليش كل هالزحمه الي مسويينها

لايكون نويت تعرس من وراي ؟؟

رواد : هي هي هي لا تسوي فيها خفيفة دم

هذي خويتك الي ما تستحي ما ادري كيف لها قلب تملك قبل ما انا املك

في هاللحظه حست نوره في سكاكين قاعده تطعن في قلبها وحست بدوخه حست رواد الي مستمر في كلامه مو رواد واحد حست انه الف رواد قاعد يتكلم قدامها

رواد : نوره..نوره..

ورا اكلمك وماتردي

نوره : هههههه ها ما انتبهت لك يالله دخلني داخل

تعالي امشي معي بدخل من البوابه الي يدخلوها الحريم

نوره : مشت بدون ما تعلق وابتدى سيل الدموع ينزل منها لا اراديا

كانت دموعها قاعده تنزل على باقة الورد الي ما عاد حاسه

انها حاملتها

لمى انتبهت على حالها مسحت دموعها قبل ما توصل

واول ما دخلت قامت ام رواد ترحب فيها

ام رواد : هلا والله هلا بنورة واخيرا جيتي

نوره ترد ومالها نفس : هلا خالتي الف مبروك وعقبال ما تفرحي في رواد

ام رواد اخذت نوره على جنب ما تبي احد يسمع كلامهم

ام رواد : حبيبتي نوره انا عارفه ان لو ما ورد عزيزه عليك ما جيتي بدليل انتي الوحيده من صاحباتها الي جات

نوره : كانت تهز راسها بإيجاب ومو عارفه ايش تقول

ام رواد : ورد فوق ومو راضيه تنزل ومو راضيه تكلم احد الله يخليك اركبي وتفاهمي معاها

نوره : هزت راسها وقالت ان شاء الله

كانت تكلم نفسها وتقول

" اكرهك يا ام رواد اكرهكم كلكم اذا صار في اخوي شي ما راح اسامحك لا انتي ولا بنتك ....... ياربي شسوي ماني قادره اصدق هذا وانا معشمه روحي وجايه بفاتحها الموضوع ليييييييش ياربي قاعد يصير كذا L "

كان هذا الكلام الي يدور في بالها وهي قاعده تركب الدرج خطوه خطوه لمى وصلت غرفت ورد

فتحت الباب لا اراديا بدون ما تستاذن واول ما دخلت سكتت وما سوت ولا شي غير انها تطالع ورد بعيونها المليانه دموع

ورد اول ما شافتها قامت ورمت حاليه في حظن نوره وصارت تبكي بدون شعور

ونوره صارت تبكي معاها

كان منظرهم مثل الناس الي فاقدين لهم غالي او اكثر من كذا

نوره وهي تبكي ووجها مليان دموع وورد في حضنها : ليش يا ورد ليش خنتي العهود

ورد كانت تسمع هالكلام والجرح الي بقلبها كل ما جاه يزيد كان الرد الي تقدر عليها انها تبكي وتبكي وتبكي

نوره : انا كنت جايه اخطبك لأخوي ما هقيت اجي واشوفك مخطوبه ، عبدالرحمن كان بيصير له شي واحنا في لبنان

عبدالرحمن ما يقدر يعيش بدونك يا ورد

كانت ورد تسمع هالكلام وهي تبكي وتبكي

ونوره ابتدت تبكي بصمت ماتبي تبين المها اكثر من كذا وفجأه اختفى صوت نوره وما عادت تحس بالي حولها

فقدت وعيها ما قدرت تتحمل الصدمه

كانت فاقده وعيها وتحس بنفس الوقت ان في ناس كثير قاعدين حولها

ورد : نوووووووووووره نورررررررره

قومي والله ما اقدر اتحمل كل هذا

[farooo7a]

طلعت ورد من غرفتها وهي تصارخ تنادي لامها

ام رواد : ورد شفيك ليه تبكي ؟؟

ورد : نوره خويتي طاحت ما ادري شفيها

ام رواد انصدمت وراحت تحاول تصحي في نوره بس ما كانت تستجيب لها اثناء ما هي تحاول تذكرت ان نواف ولد اختها دكتور وهو موجود هما طلعت من غرفة ورد ونزلت تنادي على اختها ام نواف

ام رواد : ام نواف ام نواف تعالي بغيتك

ام نواف : هلا امري

ام راود : ولدك نواف هنا مو ؟

ام نواف : ايه برى جالس مع رواد

ام رواد : روحي نادي عليه خوية ورد طاحت علينا

ام نواف قامت تطالع باستغراب : لا حول لله وش هاليوم الي مو راضي يعدي على خير

.. لحظه بكلمه

ام نواف : الو هلا نواف

نواف : هلا يمه

ام نواف : تعال داخل بغيتك.. تعال من مدخل المطبخ بسرعه

نواف : ان شاء الله

دخل نواف من مدخل المطبخ واول ما شاف صواني الكيك استجن وتمنى انه ياكل كل هالصواني هههههههه >> مع ان الي يشوفه يقول هذا ما ياكل ،، ما شاء الله عليه

راح بياخذ له قطعه كان قاعد يطالع ومحتار ايش يختار لحد ما قرر ياخذ كيكه كان فوقها كريمه ورديه وعليها حبتين فراوله

مالحق يمسكها عشان يا كلها الا وامه وصلت المطبخ

ام نواف : ايش هالبرود الي فيك وبعد تبي تاكل

نواف : ليش شنو صاير ؟؟

ام نواف : خوية ورد طايحه ما ندري شفيها

ابيك تركب تشوفها

نواف : طاح قلبه وخاف ان امه تقصد نوره

ترك الكيكه وكانت يديه مليانه من كريمة الكيكه وطلب من امه تاخذ له طريق عشان يطلع ع الدرج لان الحريم كانو منتشرين في كل البيت بعد ما اخذت له طريق راح يسرع

كان ورد لابسه عباتها ولأول مره تتغطى عن ولد خالتها نواف لانها ما كانت تبيه يشوف اثار الدموع بوجهها

دخل نواف الغرفه واول ما شافها ع السرير ووجها ذابل وكله دموع وكحلتها سايله

طاح قلبه وخاف لا يكون صحيح صاير لها شي

قرب منها عشان يشوف اذا فيها نبض ولالا

والحمدلله كان فيها نبض..

طلب من خالته تعطيه قطن وعطر

اخذ القطن ورش فيه عطر كثير

وقربه من خشمها واول ما قربه على طول تغيرت ملامح وجهها الى عبوس من كثر ما كانت الريحه مركزه اول ما فتحت شافت نواف في وجهها

استحى نواف ونزل نظراته بالارض وطلع برى الغرفه

راحت ورد وحظنت خويتها بقوه كانت نوره مو مستوعبه الموضوع ليه نواف كان جنبها وليه انا على سرير ورد ؟؟

وبعد ما حظنتها قامت وقالت لامها

ورد : تختاري حياتي ولا تتم هالملكه

نوره كانت تطالع بالموقف باستغراب

" ليش ما اخذت من امها هالموقف قبل ما يجي يوم الملكه ؟؟ "

ام رواد ردت عليها بنفاذ صبر : شنو على كيفك انتي بعد ما جو الناس تبي تطلعيني انا وابوك بنظر الناس صغار

ورد : انا من البدايه قلت لك مابي انتو الي جبرتوني

ام راود : صحيح دلعنا لك خربك والله وصرتي قليلة ادب وتراددي

ورد ردت ودموعها بدت تنزل من خدها :

صرت قليلة ادب عشان مابي اتزوج زواج مصلحه ؟؟

ام رواد كانت تطالع بنتها باستغراب

ورد : أي زواج مصلحه وما احد يقدر ينفي هالشي ليش اصريتي على ولد عمي وما اصريتي على ولد خويتك قولي لي ردي علي لهدرجة الفلوس عندك صارت اهم مني

اذا بتخلوني انزل عند الشيخ ترى بقوله ان اهلي جابريني عليه وهالزواج بيكون باطل

ام راود طالعت بنتها بنظرات كلها حقد وكأن بركان بيطلع من عينها وبينفجر

ام رواد : هين يا ورد اذا ما خليتك تندمي على هالموقف طول عمرك

طلعت ام رواد وقفلت الباب بقوووه من غضبها

نوره : ورد ليه سويتي كذا . . ليه زعلتي امك

ردت ورد وعيونها كلها دموع : خلاص يا نوره تعبت من الصمت تعبت خلاص ماني قادره اتحمل اكثر من كذا

ورد اعملي كذا ورد روحي يمين ورد لا تلبسي اسود وردي لا تروحي هنا ورد اكلي هذا ورد لا تاكلي هذا

تعبت من الاوامر نفسي احس ان لي شخصيه نفسي احس اني قاعده اسوي شي عشان انا ابي اسويه

تدري يمكن الشي الوحيد الي سويته بحياتي لاني ابي اسويه هو حبي لأخوك

وبعد كل هذا يبغو يحرموني من هالشي الوحيد خلاص انا ما اقدر اتحمل اكثر من كذا قامت نوره وحضنت ورد وبعد ما حضنتها

راحت هي وورد ومسحو المكياج الي من زمان اخترب وصار خريطه على وجوههم

اما ام رواد نزلت واعتذرت من بيت عم ورد

وقالت لهم ان ورد تعبانه اليوم وخلينا نحتفل بدون ملكه ونخلي الملكه وقت ثاني

والحمدلله طلعو بيت عمها ناس متفهمين

نوره عطت ورد باقة الورد مع الهديه

نوره : يالله حبيبتي الساعة صارت 11:30 انا بطلع توصيني على شي

[farooo7a]

ورد : تتركيني وانا بعز حاجتي لك


نوره حست باحراج وقالت لها : بس انا ما عطيت امي خبر اني بجيك ولا عطيتها خبر اني بتاخر


ورد بدون تفاهم اخذت جوالها واتصلت على جوال ام عبدالرحمن : الو السلام عليكم


ام عبدالرحمن : هلا والله وعليكم السلام


ورد : خالتي ترى نوره معي وانا باقي ما شبعت منها ممكن تجلس معي اكثر ؟؟؟


ام عبدالرحمن : ههههه أي مافي مشكله


بس قولي لها ما تاخذ راحتها


ورد ولا يهمك انا بنفسي بوصلها عند بيتكم


ام عبدالرحمن : يالله الله يحفظك سلمي على امك


ورد حست ان قلبها عورها لمى جابت طاري امها


ورد : الله يسلمك مع السلامه


ام عبدالرحمن : الله معك


اول ما قفلت السماعاه ورد قامت تنط على سريرها من الفرحه


كان شكلها خيالي


نوره : ورد مين الي جا وقام يشممني عطر " مسويه غبيه وما تدري ان اسمه نواف خخخ "


ورد : وي يا حليله ولد خالتي >> هذا ولد خالتي


وهو دكتور اول ما شافتك امي كذا نادت عليه على طول


نوره ما تدري ليش حست ان قلبها قام يدق


وقامت تتذكر اول لحظه جات عينها في عينه لمى طاحت عليه بالطياره .. مع هذا سكتت وما قالت حق ورد بالي صار


نوره : اهااااااا بس ما يشبه امه ؟؟


ورد : أي هو طالع يشبه ابوه ما شاء الله عليه وسيم ولا وش راييييييك ؟؟


نوره : امممممم عادي احس انه عادي


ورد : اوووووه نسيت ان نوره المغروره مو أي احد يعجبها


نوره مسكت المخذه الصغيره ورمتها على ورد : صحيح انك ما تستحي ،، اوووووووه نسيت ما اكلم السايق المسكين عشان اقوله يروووووووووح


ورد : كلميه الحين ..


وبعد ما كلمت نوره السايق عشان يروح رجعت ورد تكلمها وقالت


ورد : تعالي احكيلي كيف عرفتي بسالفتنا انا ودحومي ؟


نوره : بعد دحومي بكل قلة حيا


ورد استحت وحمرت خدودها ونزلت راسها وقامت تطالع بلحاف السرير


نوره اول ما شافت هالمنظر ماتت من الضحك


ههههههههههههههههههههههههههه


هههههههههههههههههههههههههههه


ههههههههههههههههههههههههههههه


لا ماني قادره على الي يستحوووو


امزح معاك يا قلبي


اوعدك بإذن الله انك ما راح تكون غير لـ عبدالرحمن


وعبدالرحمن ما راح يكون غير لك


فرحت ورد ولا اراديا قامت وضمت نوره بقووووه


ورد : نوره ما تدري قد ايش انا احببببببببك


نوره : وانا بعد احبك وبحبك اكثر لمى تصيري زوجة اخوي


ورد + نوره : ههههههههههههههههههههه


وبعد السوالف والزحمه


تاخر الوقت وصارت الساعه 2 بالليل


نوره : ووووووردووووووووو ووجع تاخرت ع البيت


شكلي باخذ لي تهزيئه محترمه بسبتك


ورد : لا عادي بنزل معاك وما بتهزأك


نوره ردت بفرح : بتنزلي تنامي معاااااااااااي ؟؟


ورد : لا يا هبله بنزل عشان ما تهزأك وبرجع البيت


نوره بعد ما اختفت ابتسامتها : اهاااااااا


اجل يالله قومي كلمي روادو خليه يوصلنا قبل ما ينخمد


طلعت ورد من غرفتها وهي خايفه انها تشوف امها


والحمدلله بيتهم كان كله هادي دليل ان الكل كان نايم


خافت يطلع اخوها سواها ونام بعد اتجهت لغرفة نومه وما لقته


نزلت تحت المجلس وكان نواف ورواد جالسين جلسة مصارحه


نواف : آآه ما اقولك عاد يا رواد شلون اخذت قلبي


مع اني دكتور وشايف قبلها حلوات كثير


بس ما ادري ليش هي بالذات اخذت عقلي


رواد : لا هي ما شاء الله عليها الف من يتمناها


وانا اقولك اذا انت جد تقدم لها ودق الحديد وهو حامي


ترى البنات الحلوات ينخطبو بسرعه


في هالوقت ورد سمعت هالكلام بس الي ما تعرفوه عن ورد


" انها انسانه تاركه القافه والتدخل في شؤن الاخرين عشان كذا ما عطت الموضوع اهتمام وطقت الباب عشان تلفت نظرهم"


ورد : رواد ممكن شوي


رواد : هلا والله هلا باختي التعبانه عسى بس صرتي زينه


ورد تضايقت من اسلوب اخوها : اقول ترى نوره معي وابي اوصلها البيت الحين


" كان صوت ورد ورواد عالي >> نواف كان يسمعهم و اول ما سمع ان نوره باقي موجوده استانس وحس ان الدنيا مو سايعته "


رواد : والله يا اختي انا اسف ما اقدر اخدمك سيارتي في الوكاله وانا ما احب اسوق سيارة السايق


ورد : يعني شنوووو انا واعده امها انها ما تتاخر والساعه الحين 2 الليل شنو تبي تفشلني مع امها ؟؟


في هالوقت تدخل نواف بالنص


نواف : ما عاش من يفشلك يا بنت الخاله انا سيارتي موجوده اذا تبي اوصلكم


استانست ورد وقالت حق اخوها : شوف ولد خالتك طلع ذوق اكثر منك مالت عليك ،، المهم انا بركب البس عبايتي وبنزل وخلك مع نواف تدري اني استحي اركب معاه بروحي


رواد : زييييييين يالله فارقي

[farooo7a]

ورد قامت تخزه بنظرات ومشت عنه

ركبت فوق وطلبت من نورها تجهز مع العلم ان نوره ما تدري ان نواف هو الي بيوصلهم
جهزت ورد ونوره ونزلو سوا وهم طالعين شافت السياره غير
نوره : وردوووو من متى روادو غير سيارته ؟؟
ورد : هههههههه لا ما غيرها بس عشان سيارته بالوكاله،، هذي سيارة نواف ولد خالتي الي قلت لك عنه من شوي وقامت تغمز لنوره
نوره حست ان قلبها طااااااااااح وحست انها ماتبي تركب السياره بس فشله لو قالت ماتبي تركبها وهي ما قدامها خيار ثاني ؟؟ّ!؟!؟!
ركبو ورد ونوره ورا وكانت نوره ورا نواف وورد ورا رواد
كانت عيون نواف معلقه بالمرايا
كان جالس يتامل عيون نوره العسليه " الله يا نواف لو يصير الي في بالك ؟؟ "
كان الكل ساكت والمشوار كان طويل بسبب الاشارات الي كانو كل شو يضطروا انهم يوقفوا عندها
لمى وصلوا بيتهم نواف كان جالس يطالع فيه بدقه وكان جالس يركز في لون الباب وفي لون السور الي حول البيت
وبأسم الحي الي ساكنه فيه نوره
وفي هالوقت نوره مسكت يد ورد وقامت تهمس في اذنها
نوره : مو قلتي اذا وصلنا بتنزلي معي
عشان امي ما تهزاني ؟؟
قامت تضحك ورد على هبالة نوره : ايه الا قلت يالله ننزل
رواد : خير خير اخت ورد مو يكفي ما ملكتي اليوم بعد بتنزلي بيت خويتك ؟؟
ورد حست بوخزه في قلبها بسبب كلام اخوها
ورد : ما راح انام عندهم بس بسلم على امها وبرجع
رواد : مو تطولي زين
ردت ورد بدون نفس : زين
في هالوقت كان عبدالرحمن سهران مع امه بالصاله والسوالف ماخذتهم فجاه دخلت نوره واول ما دخلت بان على وجه
ام عبدالرحمن العصبيه وكانها مستعده حق هوشه كبيره
نوره : اسفه ع التاخير
كانت ام عبدالرحمن و عبدالرحمن على وشك انهم يهاوشو نوره بس ورد الي كانت واقفه ورا نوره ومو مبينه لانها اقصر منها تدخلت في الوقت المناسب
ورد بابتسامها كلها خجل : كيف حالك خالتي
ام عبد الرحمن حسن ان احد حاط على قلبها ماي بارد عشان يخمد البركان الي فيها : هلا هلا والله بشخية النسوان
في هالوقت عبدالرحمن كان يطالع ورد وشوي وياكلها بعيونه
قام قلبه يدق يدق ويقول في قلبه يسعد لي هالصباااااح الي ابتدى بشوفة الحبايب انتبه لنفسه ونزل راسه وقام طلع من الصاله
ورد : اعذريني خاله انا السبب في تاخير رجعة نوره
ام عبدالرحمن : لا حصل خير
ورد : يالله مع السلامه
ام عبدالرحمن : خلك معانا ما شبعنا منك
ابتسمت ورد ابتسامة خجل : وقت ثاني ان شاء الله
يالله مع السلامه
الكل : الله معك
اول ما طلعت ورد من البيت راحت نوره تسرع لغرفتها لانها مو ناقصه تهزيئ وعوار راس
اول ما وصلت خلعت عباتها والبوت الي كانت لابسته وراحت تدور لها على بجامه مريحه تلبسها بعد ما بدلت ملابسها تسطحت على سريرها تفكر بالي صار في هاليوم وايش ممكن تسوي عشان تحل هالمشكله وفي هاللحظه جا عبدالرحمن . .
عبدالرحمن : نوره ممكن ادخل
نوره : شتبي انا نعسانه وابي انام
عبدالرحمن : والي يعافيك ما بطول بس بقول شي صغيرررررر وبطلع
نوره : طيب ادخل
عدلت جلستها نوره ودخل عبدالرحمن
عبدالرحمن : هلا والله هلا باختي الغاليه
نوره : اوووف منك ما كانك الي كنت من شوي بتهاوشني
عبدالرحمن : انااااا اناااااا اهاوش اختي الغاليه نوره ؟؟
نوره : لا مو انت خيالك
عبدالرحمن : خلك من هالكلام وقولي لي الكلام الي يسر الخاطر
نوره طالعت فيه باستغراب : وشنو الكلام الي
يسر الخاطر ؟؟
عبدالرحمن : يالله عاااااد طلبتك وش كنتي تسوي عن ورد
نوره : ابد خويتي وتولهت عليها رحت وجلست معاها
تحطم دحوم وقال لها : بسسس.. بس هذا الي سويتيه ؟؟
نوره : لا تخاف ورد لك ان شاء الله بس انت قوم اطلع وخليني اناااااااااااااااام لاني نعسانه حيل
طالعها عبدالرحمن بحنان وقال لها : تصبحي على خير واحلام سعيده
طلع وقفل الانوار معاه تلحفت نوره ونامت على يدها اليمين
استعداد لنووووم عمييييييييييييق
وفي هاللحظه رن جوال نووووره >> يا حزركم مين متصل فيها ؟؟

،،،،،

وبكذا انتهى الجزء الثامن
اتمنى انه يحوز على اعجاب الجميع

تحياااااااااااااااتي

فروحه

[كبرياء]

يسلموووووووووووووووووووووووووووووووووو فروحه على الجزء مره مره روووعه

لا تتأخـــــــــــري علينااا


تحيـــــــــــــــااااتي