:.|[ღ]|. حبيبي صعب نسيانك .|[ღ]|.:

[farooo7a]

عيد سعيد يا جماعه

وينكم ما سمعنا رأيكم بالجزء السادس؟؟؟؟؟

جبتولي احباط L

[دنيا الأحلام]

لا حبيبتي فروحة لاإحباط ولا شي تلاقينهم مشغولين شوي
وراح يردوا لا تستعجلي غناتي
بالنسبة للجزء بصراحة ماينوصف روعة وحلووووووو
تسلمي ويالله نبي الجزء السابع بسرعة حبوبة
يسلموووووووووووووووووووووو

[farooo7a]

إضراااااااااااااااااااب

ما راح اكمل القصة الا لمى اشوف تفاعل

اما بالنسبه لك حبوبه " دنيا الاحلام "

تسلمي يا عمري على تشجيعي ولكن

معقوله كل هذا شغل!!!!

تحياتي للجميع

فروحه الزعلانه

[كبرياء]

تنتظـــــــــر جزء وطلع من جدهاا اضراب

فروووحه حررررراااام عليكي تعلقينااا كذااا

كبريـــــــــااء من المتابعين رغم ان ورااهاا امتحانات

ولووو أكفي ووفي أنا <<< خخخخ يالواثقه



<<<رااح تــــــــزعل اذا مااتكمل الجــــزء لعيونهااا

ســـــــــلاااام

[farooo7a]

السلام عليكم

عشان المثل الي يقول

" لجل عين تكرم الف عين "

ان شاء الله راح ابتدي بكتابة الجزء " السابع "

لجل عيونك يا شمعتي " كبرياء "

مع العلم اني زعلانه.. يمكن عشان توقعت تفاعل اكثر وما لقيت !!!

الله يوفقك باختباراتك ويعطيك على قد نيتك

تحياتي لك يا شمعتي الغالية

فروحه

[farooo7a]

" الجزء السابع "

&& في لبنان &&

نوره كانت متخرعه من منظر الرجال الي بالجناح حقهم

دخلت وهي خايفه وملامح القلق والخوف مرسومه على وجهها

اول ما دخلت شافت عبدالرحمن قاعد يتكلم بشكل حاد مع الرجال الموجودين

عبدالرحمن : كيف كذا وش هالمهزله الروم سيرفز ما كان المفروض يدخلو في غيابنا

ولو فقدنا أي شي انتو المسؤلين

نوره لمى شافت اخوها " صحيح انه كان معصب والود وده يهاوش الذبان الي يمر قدام عيونه "

مع هذا ارتاحت وقالت : الحمدلله ان اخوي بخير وما صابه شي

الحمدلله يا رب

الموظف : نحنا اسفين وانا بكرر اسفي بالنيابه عني وعن الروم سيرفز بس انا باكد لك

ان هالشي ما عاد يتكرر ان شاء الله

عبدالرحمن : انا الحين بسكت لاني تاخرت على اختي بس خليني ارجع واشيك على حاجاتنا

والقى شي مفقود ما راح تلومو الا انفسكم

" يا حرام ما انتبه للنوره مع انها طويله لووووول "

نوره : في نفسها " اطلع قبل ما ينتبه لي وتجيني تهزيأه انا بعد

بعد ما خلص عبدالرحمن كلامه التفت وشاف اخته

راح ومسكها بكل حنان من يدها وقال لها : اسف ع التاخير خلينا نروح البوفيا

عاد ان شاء الله نلحق عليه

نوره ترد بخوف : ان شاء الله

نزلو تحت واول ما جاو يدخلو البوفيا

جا له واحد من الموظفين

الموظف : لو سمحت خلص ممنوع تدخل البوفيا خلص وئت الدخول

قبل ما يرد عليه عبدالرحمن الموظف الي كان متهاوش معاه عبدالرحمن رد

وقال : دخلهن معليش هن اتخرو لان كان في مشكله عندن بالجناح

واخيرا دخلو البوفيا والي هو اخر بوفيا راح يدخلو في هالفندق

عبدالرحمن : يالله نونو انا بروح اشوف لنا مكان نجلس فيه وانتي اختاري الاكل الي تبيه اوكي ؟؟

نوره : اوكي

اخذت لها نوره صحن وابتدت تختار لها من المقبلات لحد ما وصلت للأصناف الرئيسيه

وصلت لطبق " اللازانيا " وهذا طبقها المفضل >> وقفت عنده كثير وهي تحط تحط << قاعده تتودع منه يا حرام هههههههه

ولمى قررت تمشي اكتشفت ان في شخص وراها كان ينتظرها تمشي عشان يقدر يمشي

لان كان زحمه ع البوفيا

وكان مع الاسف حاط رجله على تنورتها بالغلط

بس الحمدلله جات سليمه والتفتت نوره وهي معصبه وتقول في نفسها

( ياربي من هالسخيف الي حاط رجله على عباتي ) ومجرد ما شافت الوجه حست ان كل الغضب الي فيها تبخير

الغضب الي كان فيها كان وجه طفله صغيررره وشكلها كان جدا بريئ

الطفله : معليش انا كتير اسفه

نوره تركت الصحن حقها عند اطباق الاكل وانزلت لها : لا عادي يا قلبي حصل خير

الطفله : انتي من الخليج ؟؟

نوره : ههههه ايه انا من الخليج

الطفله : عمو بيشتغيل هونيك وانا دايما بئلو ياخدني معو للخليج

نوره : والله ووين يشتغل عمو ؟؟؟

الطفله : ما بعرف وئت بسالو ديما بيئلي انو انا بالخليج

في هالوقت جات ام الطفله واعتذرت من نوره واخذت بنتها

كملت نوره لحد ما اشر لها عبدالرحمن وراحت الطاوله الي حجزها

عبدالرحمن : يالله يا قلبي اجلسي اكلي وانا بروح احط لي شي اكله ع السريع اوكي ؟؟

نوره : طيب

راح عبدالرحمن وبقت نوره بروحها تاكل

واول شي ابتدت تاكله " التبوله "

نوره تقول في نفسها : الله يا طعم هالتبوله والله من ذاقها كره التبوله الي عندنا بالمطاعم

وهي داخله جو رفعت راسها وقامت تطالع حواليها وشافت نفس المجهول " نواف " جالس على طاوله ومعاه بنفس الطاوله بنت

نوره : ما شاء الله عليه طلع مغازلجي بعد " قوي عيون يعني ههه "

وصل عبد الرحمن وجلس قدامها وابتدى ياكل

نوره : ما قلت لي ليش التجمع الي كان بالغرفه

عبدالرحمن : سلمك الله لمى ركبت عشان احط الايس كريم

ما ادخل إلا اثنين من الروم سيرفز داخل الغرفه وقاعدين ينظفو

عصبت وطلبت الي بالرسبشن يركب عندي وهاوشتهم

نوره : بجد وقحين زين سويت فيهم كان المفروض يستاذنو قبل يدخلو

عبد الرحمن : قام يغمز لاخته ويقول

" يالله طنشي واستمتعي بأخر لحظاتك بلبنان "

نوره : ههههههههه على قولتك

وكملو عشاهم على خير واتجهوا للجناح حقهم عشان يرتبوا

حاجاتهم

بعد ما رتبوا حاجاتهم

نوره : هاهاها دحوم جا وقت الايس كريم

عبدالرحمن : هاهاها نوير يالله قومي جيبي الايس كريم

نوره + عبدالرحمن : هههههههههههههههه

وهم ياكلو الايس كريم

نوره : الله هذا احلى ايس كريم اكلته بحياتي

آآآه حتطم حتى على باسكن روبنز

عبدالرحمن : هههههههههههه عليك بالعافيه

نوره : الله يعافيك

بعد ما خلصو اكل اتجه كل واحد لغرفته استعدادا للنوم

ومن بعد العوده للمملكه الغاليه

^^^^^^^^^^^^^^^^^^^^^

وبكذا انتهى اخر يوم لهم في لبنان J

[دنيا الأحلام]

فرووووحة حياتي
من بعد طول إنتظار ياحبي لش
جزء ولا اروع يجنن يهبل
<<< اعذريني فرحانة
هههههههههههههههههه
يالله عجلي مو تنسينا ترى والله من كثر الي نقراهم ننسى الأحداث
يسلمووووووووووووووووووووووو

[farooo7a]

فرووووحة حياتي

يا قلبي عليش يا دنيا

من بعد طول إنتظار ياحبي لش

جزء ولا اروع يجنن يهبل

تسملي يا قلبي اثلجتي صدري بكلامك العسل

<<< اعذريني فرحانة
هههههههههههههههههه

الله يديم عليك الفرحه قولي " امين "

يالله عجلي مو تنسينا ترى والله من كثر الي نقراهم ننسى الأحداث

ما راح انساكم ان شاء الله > > انتو بس شجعوني ولكم مني طيبة الخاطر

يسلمووووووووووووووووووووووو

يسلم غاليك ومغليك يا قلبي

تحياتي لك

فروحه

[كبرياء]

كـــــــــــــــــذااا إنتي اوووكي

جزززء مرررررررررررررررررررررره روووووووعه

بس مو كأنه قصيــــــــر << طمااعه

يسلموووووووووووووووو حبابه فروحه على الجزء الي مره روعه

وعـــــااد لاتتغلي وتطولي علينا في الجزء اللي بعده

كبريـــــــــــــااء تسألكم الدعــــــــاء

[farooo7a]

كـــــــــــــــــذااا إنتي اوووكي

تسلمي يا قلبي


جزززء مرررررررررررررررررررررره روووووووعه





بس مو كأنه قصيــــــــر << طمااعه

امممممم يمكن


يسلموووووووووووووووو حبابه فروحه على الجزء الي مره روعه

يسلم غاليك ومغليك يا قلبي


وعـــــااد لاتتغلي وتطولي علينا في الجزء اللي بعده

ان شاء الله


كبريـــــــــــــااء تسألكم الدعــــــــاء


الله يوفقك ويوفق جميع المؤمنين والمؤمنات اجمعين " دنيا واخره "

تحياتي لك

فروحه

[حكاية حب]

واااااااااااااو
قصة تهبل تهبل
إني تووني اشووفهاا الباارح
قريت منه كم جزء
ومن قعدت تذكرتهاا وقعت اكملهاا
يالله بليز حبووبتي كمليهاا
ابي اشووف رح تجمعهم الصدفه نوره ونوااف ولالا
لاتتإخري اووك

[farooo7a]

واااااااااااااوقصة تهبل تهبل

تسلمي يا قلبي من ذوقك

إني تووني اشووفهاا الباارحقريت منه كم جزء

ومن قعدت تذكرتهاا وقعت اكملهاا

يا حياتي كلك ذوق

يالله بليز حبووبتي كمليهاا

ولا يهمك يا قلبي

ابي اشووف رح تجمعهم الصدفه نورهونوااف ولالالاتتإخرياووك

ان شاء الله الحين راح ينزل الجزء " الثامن " لعيونكم

تحياااااااااتي للجميع

فروحه

[farooo7a]

" الجزء الثامن "



بعد ما خلصوا الفطور قام عبد الرحمن وطلب من تريزا تركب أغراضه وراح لغرفته عشان يرتاااااااااح وينااااااام ،،


اما عبير ومخاوي الليل اتجهو للصالة الداخليه وابتدوا يخططوا لهذا العرس


الي الله واعلم متى بيصير !!


ومحمد كان فرحان مره في نوره وكان وده يجلس اكثر معاها ..


محمد : نوره احكيلي عن لبنان


نوره : خخخخخخخخ ضحكتني ما صارت هذي كم يوم ياخي تصدق يا جالسه بغرفتي


يا جالسه بالكوفي نت يمكن مره او مرتين طلعنا بس


محمد : يؤؤؤ ليش كنت تقولي انك اذا رحتي ما راح تجلسي ابد وش الي غير الحال


تغير لون نوره وحاولت ترقع الي قالته : ههههههههههه يعني انت ما حفظت اختك ما يملي عينها الا التراب


محمد : ههههه الله عان عبد الرحمن عليك


قامت تخز نوره محمد بعيونها وهي قايمه : والله عسل على قلبه


اتجهت لغرفتها اول ما فتحت الباب حست بالفرحه مع ان الايام الي غابتها قليله الا ان غرفتها وحشتها والشي الي ضايقها ان الخدامه في غيابها رتبت غرفتها ومع هذا طنشت وما وسوت مشاكل كـ العاده


نوره : امممممممم وش البس اليوم


ضروري البس شي مرتب وكشخه بنفس الوقت


فتحت باب غرفة الملابس ودخلت تتفرج على ملابسها ولاحظت ان في كذا لبسه ما قد لبستها من قبل قررت انها تطلعهم وتفرشهم ع السرير وتختار أي وحده تناسب اكثر


" طبعا انتو تسالو ليش ؟؟ "


لا تستعجلو عن قريب بتعرفو ليش


كانت اول بدله عباره عن بنطلون اخضر فاتح مخملي مخطط وكان مره خفيف وراقي


والتي شيرت الي فوق كان لونها عنابي ملكي ومكتوب عليها single 4 ever


حست انها سبورتيه ورمتها ع الارض >> لانها صارت مستبعده يا حرام هههههه


اما البدلة الثانيه كانت عباره عن تنوره بيج قصيره لين بداية الركب ومعاها حركه من فوق كت ومخصره جهة الصدر وشوي شوي توسع وكانت فيها الوان كثيره..


دخلت البدلة مزاج نوره وقررت انها تلبسها لمشوارها الخطير الي ناويه عليه اليوم.. بعد كذا دخلت تختار لها الجزمه


"وانتو بكرامه" الي راح تلبسها عليها


ولقت بوت طويل كان اسود ومرسوم عليه من جنب زخارف بالبيج واختارته عشان تلبسه


بعد كذا فتحت جوالها السعودي وقررت تتصل على كوافيرتها المفضله . . .


نوره : الو


الكوافير : السلام عليكم كوافير هيا معك تفضلي


نوره : لو سمحتي ممكن اكلم سوزان ؟


الكوافير : لحظه لو ستمحتي


سوزان : hi


نوره : hi sweety how r u ??


سوزان : oh no0o0o0ora .. hello baby I miss you so much . . . I'm fine what about you ??


نوره : I'm fine.. soso plz r u busy 2day ??


سوزان : no habebty come 2 me if you want


نوره : ok sweety see ya soon


سوزان : God with you


نوره : salam


.. بعد ما خلصت محادثه مع سوزان حست انه هم وانزاح وان ما بقى الا تختار باقة ورد أنيقة وهدية بسيطه وراقيه بنفس الوقت


قررت انها تاخذ غفوه عشان ترتاح وبعد ما تصحى تسوي كل الي في بالها ،، بعد ما صحت من النوم اخذت شاور سريع عشان يمديها تروح السوق وتشتري الهديه والورد وعشان بعد يمديها تروح الكوافير وتخلص شغلها


بعد ما خلصت شاور اتصلت ع السايق وجهزت ونزلت للطابق الارضي


نوره : ماما ماما ام عبدالرحمن وينك ؟؟؟


عبير : نوره ازعجتينا شتبي ؟؟؟؟


نوره : خير اخت عبير البيت بيت ابونا.. وما يحتاج اكمل الباقي


عبير : اوف منك ومن طوالة لسانك


نوره : اوفيين منك .. اقول انا طالعه الكوافير اذا شفتي امي قولي لها اني طالعه ويمكن اتاخر


عبير : وليه طالعه الكوافير لا يكون جايينك خطاب اليوم


نوره : هي هي هي هي بايخه حدك يالله وخري عن وجهي ماني فاضيه لك


عبير قامت تناظر ختها على حركاتها البايخه الي ما تدري متى راح تبطلها؟؟!!؟


وطلعت نوره بعجله وطلبت من السايق يوصلها مجمع واول ما دخلت من حسن حظها كان في محل عطور كبير


دخلت نوره واشترت منه عطر كوكو شانيل النسائي وكان توه نازل النسخه الجديده


بعد ما حاسبت وخلصت لمى قربت من الباب


رجعت وقررت تشتري معاه كوكو شانيل الرجالي وطلعت بعد كذا واتجهت لمحل تغليف هدايا كان جدا راقي


طلبت منه يغلف العطرين بنفس لون التغليف ونفس الشرايط بحيث يكون مظهرهم الخارجي واحد كان لون تغليف الهديه عنابي والشرايط الي فوقهم كان لونها ذهبي لماع وكان فوق كل شرايط مجموعة ورود طبيعيه لونها بيج يتخللها الزري اللماع بعد كذا اختارت لكل هديه كيس


الكيس الاول كان لونه بيج ومشكوك بالعنابي المحروق ويتخلله ترتر لونه بيجي ولماع بنفس الوقت وهذا كان للعطر النسائي


اما الكيس الثاني كان لونه عنابي محروق


وكان ملزوق فيه اشكال ورد بيجي فوقها زري ذهبي لماع


بعد ما استلمت الهدايا


اختارت باقة ورد جدا فخمه وكانت من تنسيق نوره بمساعدة العامل بعد ما خلصت


طلعت على طول ع الكوافير وبعد ما استقبلتها سوزان الاستقبال الحار ابتدت تشتغل بشعر نوره


بعد ما خلصت من شعرها ابتدت تطلي اظافرها بنفس لون تنورتها " بيج "


وبعدها ابتدت تحط مكياج خفيف لوجهها الناعم وكان الشادو عباره عن لون واحد وهو البيجي الي معاه لمعه ورسمت عيونها بالكحل السائل زليب ستيك لونه زهري فاتح .. هذا المكياج البسيط عطاها جمال ماهو طبيعي


بعد ما خلصت والساعه قربت على 9:10 الليل حست انها طولت وضروري تتجه للمكان الي تبي تروح له قبل ما تتاخر اكثر وتصير دخلتها فشله !!؟؟!!!


اتجهت للبيت الي تبي تروح له واول ما وصلت عن الباب تفاجئت بزحمة السيارات الي قدام البيت وبالانوار الي منوره كل الحي طلبت من السايق انه يحتفظ بالكيس الي فيه العطر الرجالي وطلبت منه يمشي ويرجع لها الساعه 11:30


،،،،،،،،،،،،،،،


في هالاثناء اتفقو عبير وعلي انهم يعملوا زواجهم خاص وعائلي


بحيث ما احد يحضر العرس غير الاهل والاصدقاء وحجوه بالمريديان بعد ما خلصو حجوزات قررو انهم يطلعو ويبتدو يختارو اثاث حق عش الزوجية J


وفي هالوقت عبدالرحمن كان جالس بالمجلس واصحابه كلهم معاه وكانت الجلسه مرررررره حلوووه وضحكهم كان واصل كل مكان " الله يديم الضحكه عليهم "


ومحمد مسكين كـ العاده قاعد يلعب بلايستيشن


وام عبدالرحمن قاعده تجهز قائمة المعازيم حق عرس بنتها عبير والفرحه مو سايعتها


اما ابو عبدالرحمن كان غرقان في سابع نومه


،،،،،،،،،،،،،،


بعد ما نزلت نوره من السياره وعلامات التعجب مليانه في وجهها بدت تخاف من الي في بالها يصير قررت انها تقوي قلبها


وتدخل وقلبها قوي اول ما دخلت البيت تفاجئت من عدد الرجال الي كانو كلهم جالسين تحت مخيم منصوب بالحديقة


وتفاجئت بالانوار الي مشغله وبريحة بخور العود الملكي الي كانت منتشره في كل مكان والي تدل على ان اكيد في مناسبه قاعدة تصير


في هاللحظه كانت في عين قاعده تناظر نوره من بعيد


معقول هذي هي او خيالها قاعد يلاحقني وين ما اروح


مو مصدق هي قدامي ولالا


اروح اتقرب ولالا


لا شكلي راح يطلع غلط


رواد : هيييييي ياخو الشباب سارح في شنو


نواف : رواد تشوف الي انا قاعد اشوفه ؟


رواد : شتشوووووف ؟؟


نواف : في بنت واقفه عند البوابه الكبيره ولا انا يتهيئ لي ؟؟؟


رواد : اوووووووووه هذي نوير صديقة الطفوله


ليش واقفه هنا هالهبله


نواف كلمه بعصبيه : شنو نوير وشنو صديقة الطفوله انت تعرفها ؟؟


رواد : خير خير وراك معصب هذي خوية اختي ورد شكلها الهبله مضيعة بقوم بدلها الطريق

[farooo7a]

نواف حس بقهر بس مع هذا سكت لانه ما يقدر يقول شي ولان رواد ما يدري ان نواف شاف نوره في لبنان

طبعا اكيد تسألو وش جاب نواف في النص ؟؟

" نواف يصير ولد خالة ورد و رواد "

>> يا محاسن الصدف هههههه

رواد : هلا والله نوره وش هالحلا

نوره : روادوووووووو انت هنا وانا ملطعوه هنا صار لي الف سنه

رواد : وانتي وش جايبك من هالبوابه كان دخلتي الثانيه

نوره : وليش كل هالزحمه الي مسويينها

لايكون نويت تعرس من وراي ؟؟

رواد : هي هي هي لا تسوي فيها خفيفة دم

هذي خويتك الي ما تستحي ما ادري كيف لها قلب تملك قبل ما انا املك

في هاللحظه حست نوره في سكاكين قاعده تطعن في قلبها وحست بدوخه حست رواد الي مستمر في كلامه مو رواد واحد حست انه الف رواد قاعد يتكلم قدامها

رواد : نوره..نوره..

ورا اكلمك وماتردي

نوره : هههههه ها ما انتبهت لك يالله دخلني داخل

تعالي امشي معي بدخل من البوابه الي يدخلوها الحريم

نوره : مشت بدون ما تعلق وابتدى سيل الدموع ينزل منها لا اراديا

كانت دموعها قاعده تنزل على باقة الورد الي ما عاد حاسه

انها حاملتها

لمى انتبهت على حالها مسحت دموعها قبل ما توصل

واول ما دخلت قامت ام رواد ترحب فيها

ام رواد : هلا والله هلا بنورة واخيرا جيتي

نوره ترد ومالها نفس : هلا خالتي الف مبروك وعقبال ما تفرحي في رواد

ام رواد اخذت نوره على جنب ما تبي احد يسمع كلامهم

ام رواد : حبيبتي نوره انا عارفه ان لو ما ورد عزيزه عليك ما جيتي بدليل انتي الوحيده من صاحباتها الي جات

نوره : كانت تهز راسها بإيجاب ومو عارفه ايش تقول

ام رواد : ورد فوق ومو راضيه تنزل ومو راضيه تكلم احد الله يخليك اركبي وتفاهمي معاها

نوره : هزت راسها وقالت ان شاء الله

كانت تكلم نفسها وتقول

" اكرهك يا ام رواد اكرهكم كلكم اذا صار في اخوي شي ما راح اسامحك لا انتي ولا بنتك ....... ياربي شسوي ماني قادره اصدق هذا وانا معشمه روحي وجايه بفاتحها الموضوع ليييييييش ياربي قاعد يصير كذا L "

كان هذا الكلام الي يدور في بالها وهي قاعده تركب الدرج خطوه خطوه لمى وصلت غرفت ورد

فتحت الباب لا اراديا بدون ما تستاذن واول ما دخلت سكتت وما سوت ولا شي غير انها تطالع ورد بعيونها المليانه دموع

ورد اول ما شافتها قامت ورمت حاليه في حظن نوره وصارت تبكي بدون شعور

ونوره صارت تبكي معاها

كان منظرهم مثل الناس الي فاقدين لهم غالي او اكثر من كذا

نوره وهي تبكي ووجها مليان دموع وورد في حضنها : ليش يا ورد ليش خنتي العهود

ورد كانت تسمع هالكلام والجرح الي بقلبها كل ما جاه يزيد كان الرد الي تقدر عليها انها تبكي وتبكي وتبكي

نوره : انا كنت جايه اخطبك لأخوي ما هقيت اجي واشوفك مخطوبه ، عبدالرحمن كان بيصير له شي واحنا في لبنان

عبدالرحمن ما يقدر يعيش بدونك يا ورد

كانت ورد تسمع هالكلام وهي تبكي وتبكي

ونوره ابتدت تبكي بصمت ماتبي تبين المها اكثر من كذا وفجأه اختفى صوت نوره وما عادت تحس بالي حولها

فقدت وعيها ما قدرت تتحمل الصدمه

كانت فاقده وعيها وتحس بنفس الوقت ان في ناس كثير قاعدين حولها

ورد : نوووووووووووره نورررررررره

قومي والله ما اقدر اتحمل كل هذا

[farooo7a]

طلعت ورد من غرفتها وهي تصارخ تنادي لامها

ام رواد : ورد شفيك ليه تبكي ؟؟

ورد : نوره خويتي طاحت ما ادري شفيها

ام رواد انصدمت وراحت تحاول تصحي في نوره بس ما كانت تستجيب لها اثناء ما هي تحاول تذكرت ان نواف ولد اختها دكتور وهو موجود هما طلعت من غرفة ورد ونزلت تنادي على اختها ام نواف

ام رواد : ام نواف ام نواف تعالي بغيتك

ام نواف : هلا امري

ام راود : ولدك نواف هنا مو ؟

ام نواف : ايه برى جالس مع رواد

ام رواد : روحي نادي عليه خوية ورد طاحت علينا

ام نواف قامت تطالع باستغراب : لا حول لله وش هاليوم الي مو راضي يعدي على خير

.. لحظه بكلمه

ام نواف : الو هلا نواف

نواف : هلا يمه

ام نواف : تعال داخل بغيتك.. تعال من مدخل المطبخ بسرعه

نواف : ان شاء الله

دخل نواف من مدخل المطبخ واول ما شاف صواني الكيك استجن وتمنى انه ياكل كل هالصواني هههههههه >> مع ان الي يشوفه يقول هذا ما ياكل ،، ما شاء الله عليه

راح بياخذ له قطعه كان قاعد يطالع ومحتار ايش يختار لحد ما قرر ياخذ كيكه كان فوقها كريمه ورديه وعليها حبتين فراوله

مالحق يمسكها عشان يا كلها الا وامه وصلت المطبخ

ام نواف : ايش هالبرود الي فيك وبعد تبي تاكل

نواف : ليش شنو صاير ؟؟

ام نواف : خوية ورد طايحه ما ندري شفيها

ابيك تركب تشوفها

نواف : طاح قلبه وخاف ان امه تقصد نوره

ترك الكيكه وكانت يديه مليانه من كريمة الكيكه وطلب من امه تاخذ له طريق عشان يطلع ع الدرج لان الحريم كانو منتشرين في كل البيت بعد ما اخذت له طريق راح يسرع

كان ورد لابسه عباتها ولأول مره تتغطى عن ولد خالتها نواف لانها ما كانت تبيه يشوف اثار الدموع بوجهها

دخل نواف الغرفه واول ما شافها ع السرير ووجها ذابل وكله دموع وكحلتها سايله

طاح قلبه وخاف لا يكون صحيح صاير لها شي

قرب منها عشان يشوف اذا فيها نبض ولالا

والحمدلله كان فيها نبض..

طلب من خالته تعطيه قطن وعطر

اخذ القطن ورش فيه عطر كثير

وقربه من خشمها واول ما قربه على طول تغيرت ملامح وجهها الى عبوس من كثر ما كانت الريحه مركزه اول ما فتحت شافت نواف في وجهها

استحى نواف ونزل نظراته بالارض وطلع برى الغرفه

راحت ورد وحظنت خويتها بقوه كانت نوره مو مستوعبه الموضوع ليه نواف كان جنبها وليه انا على سرير ورد ؟؟

وبعد ما حظنتها قامت وقالت لامها

ورد : تختاري حياتي ولا تتم هالملكه

نوره كانت تطالع بالموقف باستغراب

" ليش ما اخذت من امها هالموقف قبل ما يجي يوم الملكه ؟؟ "

ام رواد ردت عليها بنفاذ صبر : شنو على كيفك انتي بعد ما جو الناس تبي تطلعيني انا وابوك بنظر الناس صغار

ورد : انا من البدايه قلت لك مابي انتو الي جبرتوني

ام راود : صحيح دلعنا لك خربك والله وصرتي قليلة ادب وتراددي

ورد ردت ودموعها بدت تنزل من خدها :

صرت قليلة ادب عشان مابي اتزوج زواج مصلحه ؟؟

ام رواد كانت تطالع بنتها باستغراب

ورد : أي زواج مصلحه وما احد يقدر ينفي هالشي ليش اصريتي على ولد عمي وما اصريتي على ولد خويتك قولي لي ردي علي لهدرجة الفلوس عندك صارت اهم مني

اذا بتخلوني انزل عند الشيخ ترى بقوله ان اهلي جابريني عليه وهالزواج بيكون باطل

ام راود طالعت بنتها بنظرات كلها حقد وكأن بركان بيطلع من عينها وبينفجر

ام رواد : هين يا ورد اذا ما خليتك تندمي على هالموقف طول عمرك

طلعت ام رواد وقفلت الباب بقوووه من غضبها

نوره : ورد ليه سويتي كذا . . ليه زعلتي امك

ردت ورد وعيونها كلها دموع : خلاص يا نوره تعبت من الصمت تعبت خلاص ماني قادره اتحمل اكثر من كذا

ورد اعملي كذا ورد روحي يمين ورد لا تلبسي اسود وردي لا تروحي هنا ورد اكلي هذا ورد لا تاكلي هذا

تعبت من الاوامر نفسي احس ان لي شخصيه نفسي احس اني قاعده اسوي شي عشان انا ابي اسويه

تدري يمكن الشي الوحيد الي سويته بحياتي لاني ابي اسويه هو حبي لأخوك

وبعد كل هذا يبغو يحرموني من هالشي الوحيد خلاص انا ما اقدر اتحمل اكثر من كذا قامت نوره وحضنت ورد وبعد ما حضنتها

راحت هي وورد ومسحو المكياج الي من زمان اخترب وصار خريطه على وجوههم

اما ام رواد نزلت واعتذرت من بيت عم ورد

وقالت لهم ان ورد تعبانه اليوم وخلينا نحتفل بدون ملكه ونخلي الملكه وقت ثاني

والحمدلله طلعو بيت عمها ناس متفهمين

نوره عطت ورد باقة الورد مع الهديه

نوره : يالله حبيبتي الساعة صارت 11:30 انا بطلع توصيني على شي