:.|[ღ]|. حبيبي صعب نسيانك .|[ღ]|.:

[farooo7a]

بعد ما انتهى الحوار الحاد الي صار بين ام رواد وورد نزلت ام رواد
الطابق الاول وشافت ابو رواد جالس يقرأ الجرايد
ام راود : ابو رواد
ابو رواد : هلا
ام رواد : ورد تقولك تقدروا تحددوا موعد الملكه من جديد
ابو رواد : خلع نظارته وعدل من جلسته
شوفي يا ام رواد بنتي وانا اعرفها ماتبي الولد خلاص ماهي مجبوره عليه.. وبالنسبه للولد الف من يتمناه
ام رواد حست باحراج : من قالك ماتبيه الا تبيه بدليل اني اول ما رحت اكلمها قالت لي اقولك تحددو موعد الملكه
ابو رواد : انا ما راح اكلم اخوي وما راح يصير أي شي قبل ما اسال البنت بنفسها
في هالوقت وبالتحديد في غرفة ورد الي كانت اضائتها مطفيه
وماغير اشعة الشمس الي منورة المكان
مسكت ورد جوالها وقامت تطالع فيه بعيونها الي انتفخت من كثر البكا.. تطالع فيه وهي تشوف صورة عبد الرحمن
تطالع فيه وهي تحس بصوته
ضغطت على الحبه الي تشغل فيها الجوال وابتدى يشتغل الجوال
بعد ما خلص تشغيل وصلتها مسجات من خدمة موجود
وكان كلها من عبد الرحمن ونوره وبعدها
كانت مسجات من عبد الرحمن فتحت المسجات وابتدت تقراها
ملكت قلبي : ورد هديتي حيلي طلبتك فتحي جوالك
بس ابي افهم وش صاير
ملكت قلبي : ورد حياتي ما تسوى بدونك
افتحي جوالك ولهت على صوتك
ملكت قلبي : ورد حياتي فتحي جوالك واخيرا توظفت
وعن قريب بجي اخطبك
ملكت قلبي : ورد عمري فتحي جوالك عندي لك مفاجئه
ملكت قلبي : حياتي وحشتيني موت موت
ادري انك نايمه اذا صحيتي من النوم كلميني اوكي ؟
اموااااااااااااااح احبك موت
ملكتي قلبي .

الرسالة الثانية
ملكت قلبي : قلبي أنا الحين مع أصحابي بالشاليه
شوي بصرفهم وبقوم عشان اكلم يا بعد راسي
احبببببببببببببببببك موووووووت موووووووت
ملكتي قلبي 
ملكت قلبي : قلبي وحشتيني وحشني صوتك
كل هذا نوم قومي اصحي من النوم ما اقدر على فراقك
ملكتي قـــلـــــبـــــــــي .
ابتدت تسيل دموع ورد
وابتدت تبكي بهستيريا وتكلم حالها بصراخ
ورد : عبد الرحمن وييييينك وينك تعال شوف شصار فيني
تعال ما اقدر أعيش بدون
وربي احبك وربيييييييي
ابتدت تتعب لين سكتت ودموعها باقي تسيل على خدها
حطت راسها على المخدة وقامت تتذكر أول مره شافته فيها
واشتغل شريط الذكريات معاها لين غفت عيونها من التعب والارهاق
،،،،،
في بيت ام عبد الرحمن
خلصت نوره وراحت عشان تمر على أخوها
عبد الرحمن وينزلوا مع بعض
نوره : ها عبد الرحمن خلصت ؟؟
عبد الرحمن : أي يالله مشينا.. طلع وهو مبتسم بس التعب باقي مرسوم في ملامحه
....
اثناء ما كانو بالسياره سفط عبد الرحمن عند محل حلويات
عبد الرحمن : يالله نوره خلينا ننزل نختار لها شوكلاته
نوره نزلت وهي مبسوطة : يالله 
بعد ما اختاروا الشوكلاته كان في محل ورد جنب محل الحلويات
نوره قالت بغمزه : ما يصير نروح لورد بدون ورد
عبد الرحمن + نوره : هههههههههههههههههههههههههههههههه
دخلوا مع بعض وكان الورد من اختيار نوره
بعد كذا راحوا على بيت ام رواد
،،،،،،،،،

[farooo7a]

في هالوقت في بيت ابو خالد >>> عم ورد
خالد كان جالس وهو ضايق خلقه من الي صار له
ام خالد : انت شفيك على طول جالس متضايق بكره اخطب لك الي احسن منها
خالد رد بعصبيه : ومن قالك اني ابي الي احسن منها ،، ومن قالك اصلا انها ماتبيني اصلا ورد تبيني وادري انها تحبني من يوم احنا صغار
ام خالد : ما ادري وش عاجبك في هالمغروره
خالد : يا يمى يا عمري يا روحي انتي تقولي كذا لانك ما تعرفيها زين
ام خالد تطالعه بنظرات حاده : يعني انت الي تعرفها زين
خالد رد وهو مرتبك : لا بس احساسي يقولي كذا
وفي هالوقت دخل ابو خالد البيت
خالد : هلا بتاج راسي
ابو خالد : قول شتبي اخلص
خالد : افااااا
ابو خالد : مو الي في هالبيت ما يكلموني الا اذا عندهم مصلحه
اخلص اخلص شتبي
خالد يتكلم بحيا : ممكن لو سمحت تكلم بيت عمي ابو رواد
وتسالهم متى وقت الملكه
ام خالد : خالد شفيك البنت ما بتطير
ابو خالد : وانتي شالي قاهرك الولد صادق يعني ليمتى التأجيل
خالد اتصل على بيت عمك وعطيني التلفون
خالد يرد بفرح : ان شاء الله
..تفضل
ابو خالد يمسك التلفون : السلام عليكم
ام رواد : وعليكم السلام هلا والله بـ ابو خالد
ابو خالد : هلا بك زود هلا بمرت اخوي
بشريني اخباركم علومكم
ام رواد : نسال عنك والله انت اخبارك واخبار ام خالد والعيال
ابو خالد : والله خالد صاج راسي كل يوم يقولي اسالكم متى موعد الملكه..
ام رواد حست باحراج : والله ما ادري شقولك يابو خالد
ابو خالد يتغير وجهه : ليش وش صاير ؟؟
،،،،،،،،،،،،
وصلو عبد الرحمن ونوره بيت ام رواد
واستقبلتهم الخدامه وراحت تنادي على ام رواد
الخدامه : مدام نوره و اخوها هنا
ام رواد تلبس حجابها وتمشي : طيب روحي جهزي عصير وشوكلاته وروحي قدميه
راحت ام رواد وسلمت على نوره
ام رواد : هلا والله بشيخة البنات نوره
نوره ترد بحيا : هلا خالتي الحمدلله على سلامة ورد
وتقدم الورد لأم رواد
ام رواد : تسلمي حبيبتي الله يسلمك .. تلتفت لعبد الرحمن الي من دخل وهو موطي راسه بالارض
هلا بولدي عبد الرحمن شخبارك
عبدالرحمن يرد والعرق يزخه : هلا خالتي الحمدلله نسال عنكم
نوره تدخل عرض : خالتي مو ناويه تجي ورد وتجلس معانا
ام رواد : الحين اناديها انتظري شوي حبيبتي
وفي هالوقت يرن جرس بيتهم
تفتح الخدامه ويطلع الي جاي ابو خالد وخالد
يدخل ابو خالد وخالد
نوره في هالوقت حست انهم في موقف لا يحسدو عليه
وعبد الرحمن ابتدآ ينبهت لونه
ابو خالد + خالد : السلام عليكم
عبد الرحمن + نوره : وعليكم السلام
ابو خالد : باين عليج خوية ورد صح
نوره ترد بخجل : ايه انا صاحبتها
في هالوقت تجي ام رواد واول ما شافت خالد وابو خالد
طارت من الفرحه
هلا هلا بو خالد تو ما نور البيت
في هالحظه حس عبدالرحمن بقهر لان خالد كان موجود
ورد كانت نازله ع الدرج وهي فرحانه واخيرا بتشوف نوره
ريحه من ريحة عبد الرحمن
ما كان لا ع البال ولا الخاطر المنظر الي شافته
،،،،،،،،،،

[حكاية حب]

الجزء حلووو
عالفكره
أول مااشفت اسمك استغربت حدي فققت عووايني ههه
عالعمووووووووووووم شوووكرن عالجزء القصير
طلب
ممكن مره ثاانيه تنزلي ليناا جزء طووووووووووووووووووووووويل على الاقل جزئين أو 3
ووولك أجمل تحيااتي
وعيدك مبااارك

[farooo7a]

يسلمك ربي عمري " حكاية حب "

والله اسعدتني متابعتك لي

وانا بجد اسفه ع التقصيررررررررر

وما لكم الا طيبة الخاطري :)

تحياتي

فروحه

[farooo7a]

الجزء الـ 14

ورد
اول ما شافت منظر خالد وعبد الرحمن جالسين بمكان واحد حست بضيق

بس فرحتها بشوفة عبد الرحمن خلتها تنسى وجود خالد

سلمت على عمها وبعدها تجاهلت وجود خالد وسلمت على نوره بكل حراره

نوره : الحمدلله على سلامتك ورد

ورد : الله يسلمك حبيبتي

نوره : شوفيي هذا الورد حسيت انه ياخذ من حلاك ولا وش رايك

ورد طالعت بالورد وابتسمت ابتسامه كلها حيا

كانت تطالع فيه وهي تشم ريحة عبد الرحمن الي طاغيه ع المكان

ابو خالد : ورد حبيبتي لازم تنتبهي على نفسك انتي عروس ما يصير تهملي حالك

ابو خالد قال الكلام وكانه جالس يطعن عبد الرحمن الف طعنه

عبد الرحمن تغيرت الوانه : يالله الله يجعلها اكبر المصائب ،، يالله نوره نمشي ؟؟

نوره حست ان الجو مكهرب وردت وهي تحس باحراج : اي يالله

ورد ردت وعيونها بدت تلمع دموع : نوره بدري ما شبعت منك

نوره ردت ووجها مصفر : معليش حبيبتي لاحقين على بعض يالله اشوفكم على خير

قامت نوره وعبد الرحمن

وورد كانت تطالع عبد الرحمن بحزن وياس وكانها اخر مره تشوفه

ما قدرت تتحمل وقامت وراهم على اساس تودعهم

طلع وراهم برى البيت

ورد : نوووووووره انتظري

التفتت نوره وعبد الرحمن

ورد كانت تمشي بسرعه واحساسها يقول لها ترى هذي اخر مره تشوفي فيها عبدالرحمن

نوره كانت تطالع في اخوها والحسره بتذبحها عليه

وعبدالرحمن كان يطالع بالارض ويتمنى الارض تنشق وتبلعه ولا يشوف ويسمع الي شافه اليوم

نوره : ورد فيك شي ؟؟

ورد وقفت مكانها محتاره وش تقول

" عبد الرحمن ودي اصرخ واسمع هالعالم واقول اني احبك

عبد الرحمن ارجوك لا تطلع من حياتي .. حياتي بدونك ولا شي "

ورد : لا بس ليش مستعجلين

نوره : لا بس اخوي وراه دوام والسواق ينام بدري

وما حبينا نثقل عليكم يمكن عمك يبيكم في موضوع عائلي

ورد : انتي تدري ان عمرك بحياتي ما بتكوني انسانه تثقل علي

نوره : لحظه نسيت ما اعطيك شي بروح اجيبه من السياره وبجي

ظل عبد الرحمن واقف مع ورد

ورد : عبد الرحمن

عبد الرحمن : رفع عينه وقام يطالع بورد الي دموعها على طرف رموشها

ورد : وحشتني

عبد الرحمن : ورد ليش سويتي كذا ليش شغلتي بالي عليك

ورد قامت تبكي : سويت كذا لاني ما تخيلت حياتي بدونك

عبدالرحمن : قصدك ان اهلك جابرينك على خالد .. طيب فهمت

نوره وهي جايه يوم شافت الوضع ما يناسب رجعت وجلست بالسياره عشان ياخذو راحتهم

ورد : امي شافت مسجاتك بجوالي وسحبت جوالي مني

امي صارت عارفه اني على علاقه مع شخص بس للحين ما تعرف ان هذا انت

وعشان كذا هي مصره انها تزوجني من خالد

انا بنظر امي بنت قليلة ادب وما استاهل الثقه. . .

عبد الرحمن انا ما اقدر اعيش بدونك

بس ابيك تفهم هالشي ..

سالت دموعها على خدها ومشت وهي مكسورة الخاطر

وعبدالرحمن راح لسيارته والعبره خانقته ومو عارف شيسوي في نفسه

نوره : هونها وتهون ياخوي

عبد الرحمن ابتسم ابتسامه صفره وراحو البيت

،،،،،

[farooo7a]

دخلت ورد البيت بعد ما مسحت دموعها

وكانت متجهه للدرجه وفي هالوقت نادتها امها

ام رواد : حبيبتي ورد تعالي عمك يبيك في كلمتين

ورد ياربي ساعدني : ان شاء الله

راحت ورد وهي مالها خلق تسمع او تقول اي شي

ابو خالد : ها حبيبتي يناسبك تكون الملكه يوم الخميس الجاي

ورد انصدمت من هالكلام وما عرفت وش تقول

ام رواد : هههههه يناسبها ونص ولا وش رايك يا بنتي

ورد ردت بابتسامه باهته : بس يما مو كان المفروض ناخذ راي ابوي

ابو خالد : طول عمرك سنعه يا ورد ، البنت صادقه

خالد حس بقهر لانه حس ان ورد تبي تاجل باي شكل من الاشكال

" هين يا ورد ان ما كنتي لي اليوم بتكوني لي بكره "

،،،،،

اول ما دخلو البيت عبد الرحمن ونوره شافتهم امهم

ام عبدالرحمن : وانتو ابد ما تنشافو يا طالعين لبرى يا داخلين لغرفكم

الحين الحين تفهموني وش صاير

نوره حاولت تتصنع المرح : يعني مافي اسرار بين الاخت واخوها

عبد الرحمن : انا رايح انام وراي دوام بكره ،،تصبحو على خير

ام عبد الرحمن : متهاوشين كـ العاده

نوره حاولت ترقع : اي شسوي يا ماما ولدك يقهر

قامت وباست امها على راسها : يالله تصبحي على خير يا احلى ماما بالدنيا

،،،،،

اول ما دخل عبد الرحمن غرفته لقى جواله ع السرير >> كان ناسيه

وكان فيه 17 مكالمه لم يرد عليها و 3 رسائل

كانو كلهم من ورد قعد يطالع فيهم عبد الرحمن وهو محتار شلون يتصرف

وكيف له عين يكلمها وهي خلاص شبه مخطوبه لولد عمها

سكر كل شي وفضل انه يقفل جواله على انه يكلمها ويعور قلبه اكثر

،،،،،

في اليوم الجديد وبالتحديد في المدرسه وقت الفطور

كل البنات كانو متجمعين حول ورد ويتحمدو لها السلامه >> وكان التعب واضح على ملامحها

بعد كذا اخذتها نوره على جنب

نوره : ها وش صار امس ؟؟

ورد : عمي كان يبي الملكه تصير يوم الخميس وامي كانت موافقه احترت شلون اوقف الموضوع واضطريت اقولهم ان المفروض ناخذ راي ابوي

نوره : ورد لو تقدم لك عبدالحمن الحين بتقدري توقفي في وجه اهلك وتوافقي عليه ؟؟

،،،،،

[farooo7a]

بعد ما رجعو من دوامتهم

وبالتحديد في بيت نوف

اول ما خلصت غذا راحت طيران ع النت وشبكت مسنجرها

كان مساعد موجود اون لاين

مساعد : اهلين سارونا يا هلا والله باهل المدارس

سارونه الاموره : وانت 24 ساعه اون لاين وش هالفضاوه

مساعد : شسوي بعد انتظر الوظيفه كان عندك واسطه تشغليني فيها

في هالوقت دخلت ام مساعد عليه

وانت طول الوقت على هالكمبيوار ابي افهم متى بتصير انسان مسؤل وتشيل حمل عن ابوك واخوك شوي

ابي افهم ناقصك ايد ولا رجل عشان ما تساعدهم

اذا ما انتبهت على حلالك من ينتبه عليه ؟؟

مساعد : دراسه وخليتوني ادرس على كيفكم

خلص خلوني اكمل حياتي مثل ما احب

هذا انت وبتم مثل ما انت مافي منك خير .. طلعت امه وهي زعلانه عليه

سارونه الاموره : هاهاها لو عندي واسطه كان طلعت من المدرسه واشتغلت فيعا
سارونه الاموره : الوووووووووووووو وينك ؟؟
سارونه الاموره : ياربي ويييييييييين رحت

مساعد رد وهو متضايق من كلام امه : معليش سارونه واحد من الشباب مسوي حادث بروح له المستشفى اعذريني يالغاليه ,, مع السلامه

قفل المسنجر في وجهها وطلع

نوف : اووووووووووووووف الحين اسولف مع مين

اقوم احل واجباتي اصرف لي

،،،،

انتهى الجزء الـ 14

ادري قصير شوي بس نزلته عشان ما نزعلكم

ان شاء الله عن قريب بنزل الجزء الـ 15

تحياتي للجميع

Faro7a

[وحيده بدنيتي]

واااااااو قصه في منتهى الروعه
مشكوره خيتو يسلمووو على هيك قصه
يعطيك ربي الف عافيه
في انتظار الجزء الخامس عشر
موفقه لكل خير

[farooo7a]

الجزء الـ " 15 "

في بـدايـة اليوم الجديد

بالتحديد في بيت آبو عـبـدالـرحـمـن عـالفطور...

محمد : بابا

ابو عبد الرحمن : نعم

محمد : ودي تشتري لي خيل

ابو عبدالرحمن : ههههههههههههه خيل مره وحده ... وعلى هالسالفه تعرف تركب الخيل ؟؟

محمد : اي لمى رحنا مزرعة ماجد صديقي ركبنا خيول.... في هالوقت كان عبدالرحمن سارح

في عالم ثاني.. عالم يتخيل حياته فيه بدون ورد.. ونوره كانت تفكر في زهره وويش سالفتها

وليش مهتمه فيها هالكثر والي قطع تفكيرهم السارح صوت

ام عبد الرحمن : نوره يالله قوووووومي تاخرتي ع المدرسه ،، عبد الرحمن شفيك يا ولدي ما اكلت شي

نوره : ان شاء الله ... وتقوم وتجهز وتطلع هي ومحمد

عبدالرحمن : ها... الحين الحين بكل.. قام يسوي نفسه ياكل اي شي وحمل نفسه وطلع على

اساس بيروح الدوم

،،،

في بيت نوف

ام نووف : ما ادري وش فيها هالبنت للحين ما نزلت

راحت لغرفتها ولقتها باقي نايمه وفي سابع نومه

ام نوف تتكلم بعصبيه : نوف ووجع قومي الساع الحين 7 وانتي للحين ما صحيتي

نوف : مامااااااااااااااا انا تعبانه ما بروح المدرسه اليوم

ام نوف : تعبانه من شنو امس مافيك شي

نوف : يماااااااا والي يرحم والديك اتركيني انا

واستمر النقاش والهواش بينهم لحد ما طلعت امها وهي منقهره فيها

وفي هالاثناء وفي المدرسه بالضبط >>

نوره كانت جالسة تتكلم مع مروى

ومروى كانت تتكلم عن احداث خطوبتها وكيف كانت ملكتها

والمواقف المضحكه والمحرجه الي صارت لها

في هالوقت جات لهم ورد ووجها فيه تعابير سعاده وفرح وراحة نفسيه

سلمت عليهم وجلست معاهم

" كان مرسوم على وجه نور استفهام.. وتقول في خاطرها .. خير اللهم اجعله خير "

،،،

آما عبد الرحمن طنش الدوآم وقرر انه يروح ويجلس بالبحر في نفس المكان الي تجلس فيه ورد

كآن جالس بسيارته وكآن جالس يسمع الراديو وكان فيه اغنية لـ عبد الله رويشد

" آصعب اللحظات.. لحظآت يخدعك فيها حبـيـبـك

واللـي اهـديـتـه حـيـاتـك .. قسوته تصبح نصيبك

لـمـى يـتـغـيـر ويـنـسـاكـ .. لـمـى يـتـكـبر عليـك

من بعد عشره طويله.. يسحب ايدينه من ايديك

تـصـغـر الـدنـيـا فـي عـيـنـك.. الهنا يـصـبـح امـل

واللي عيشته في غرامك .. عيشك باكبر وهم "

كان يطالع في التعليقه الي حاطها في المرايه حقت سيارته.. هدية من ورد

تعبت يا ورد تعبت من التفكير انا الغلطان كان المفروض اخطبك من يوم تخرجت انا الغلطان

،،،،،

[farooo7a]

في بيت نوف

صحت نوف من النوم وطبعا كـ العاده على طول ع النت

ولقت مساعد وجلسو سوالف من الصباح سالفه تروح وسالفه تجي

،،،،

اما بالمدرسه ووقت لبريك

ورد اخذت نوره على جنب

نوره : خير ؟؟

ورد : عندي لك خبر مرررررره يفرج

نوره ردت وهي تحس باحباط وتحس ان الخبر ما يفرح ولا شي : شنو ؟؟

ورد امس ابوي جا وكلمني في موضوع خالد ولد عمي واحنا بروحنا

نوره : اي ؟؟

ورد : وسالني قولي الصراحه يا بنتي وانا بوقف معاش في كل الاحوال

نوره : اي ؟؟؟

ورد : شنو ايييييي

نوره : قصدي وبعدين وش صار ؟؟

ورد قالت بفرح : قلت له اني مابيه وان امي هي قامت تضغط علي

وقالي كنت حاس بهالشي عموما اعتبري الموضوع منتهي

نوره فتحت عيونها ع الاخر وهي مو مصدقه : قولي والله

ورد : والله

نوره وورد قامو لا اراديا وحضنو بعض من الفرحه

نوره : ياربي ماني قادره انتظر متى اروح البيت واقول لعبدالرحمن

ورد حست بخجل : نوره كيف حاله ؟؟

نوره : يعني شتتوقعي.. عموما هاااااانت كلها فتره بسيطه وتصيرو مع بعض يارب

استحت ورد واحمر وجهها وسكتت :)

،،،،

بعد ما تعب عبد الرحمن من الفر في الشوارع الفاضيه رجع البيت

وهو داخل شافته امه

ام عبد الرحمن : خير ولدي ليش راجع بدري ؟؟؟

عبدر الرحمن : مافيني شي بس حسيت بتعب واستاذنت من الدوام

ام عبد الرحمن : ما تشوف شر يا بعد جبدي انت تبغاني اقوم اسوي لك اكل عشان تاخذ حبوب ؟؟

عبدالرحمن : لا ما يحتاج بروح انام وان شاء الله بصير احسن

ركب عبدالرحمن غرفته واخذ له بندول نايت ونام

،،،،

بعد ما خلص دوام المدرسة

رجعت نوره البيت واول شي راحت مسكت جوالها عشان تكلم عبدالرحمن

لقت فيه مكالمتين لم يرد عليها من زهره

نوره : اووووووف هذا وقتها .. بس ودي افهم شتبي هذي ؟؟

طنشت المكالمات ولا كانها شافتهم واتصلت على جوال عبد الرحمن بس لللاسف كان مقفل

نوره : اوووووف يعني هذا وقته

نزلت تحت وهي تسرع

نوره : ماماااااا ... ام عبد الرحمن .. يمااااااااااا

ام عبد الرحمن : خلالالالالاص بسك سمعت شتبي ؟؟؟؟؟؟؟

نوره : تعرفي رقم الشركة الي يشتغل فيها عبد الرحمن ؟؟

ام عبد الرحمن : وانتي شتبي فيها ؟؟

نوره : لا بس ابي اوصي عبدالرحمن على كم شغله يجيبهم لي بطريقه وجواله مقفل

ام عبد الرحمن : من زمان رجع يقول تعبانه وركب ينام

نوره حست بضيقه لمى سمعت هالكلام وقامت تقول في خاطرها

" ما توقعت ان الحب يهد كيان الواحد بهالشكل "

نوره : طيب

،،،،

[farooo7a]

آما ورد لمى رجعت البيت

راحت على طول غرفتها ونفس الشي قررت انها تكلمه وتقوله عن كل شي صار

وبعد نفس الشي شافت ان الجوال مقفل

ورد " امممممم شسوي الحين ؟؟.. احسن شي اكتب له مسج واذا فتح جواله يشوفه "

عبدالرحمن

ما زِلتُ أُحِبُك..

فَـهـَل لِـي نَـصِـيـبٌـ فِـي .. فُؤآدِكَ ثَآبِتٌ ؟؟

كَمآ لَكَ عِندي فِي .. الفُؤآدَ نَصِيبُ .

،،،،

نوف في هالوقت كانت تفكر في مساعد وفي شخصيته

وكانت تقول في نفسها

" اول مره اشوف ولد في ظروف صعبه وفقر ومع هذا مفرفش وضحوك.. الله يعينه بجد مسكين واحسه مره يكسر الخاطر !! "

،،،،

لمى رجعت نوره غرفتها كان جوالها يرن والي متصله زهره

نوره " اللهم صبرك ياروح " : الو

.... : انا اسف

نوره : هاااا... من معي

.... : انا اسف لاني كذبت عليك بس لو ما كذبت كان ما رضيتي تكلميني ؟؟

نوره : ما فهمت.. من معي ؟؟

.... : انا شخص ما قدرت انساك من يوم شفتك.. شوقي واعجابي فيك خلاني اتصرف بجنون.. سامحيني

نوره : ااذا بتظل تتكلم بالغاز انا مضطره اقفلها.. فـ احسن تقولي انت منو ومن وين جايب رقمي

.... : لك حق لو قفلتي بوجهي ادري اني غلطان

نوره : .... " لا تعليق "

.... : انا نواف.. نوره ارجوك لا تسكري عطيني فرصه اتكلم

انا من اول لحظه شفتك فيها بالمطار دخلتي قلبي ولمى جينا نرجع من لبنان حسيت بضيق بصدري

وتمنيت الايام توقف هناك عشان ما نرجع واظل اشوفك كل يوم

لمى عرفت انك تصيري صاحبة ورد واجد فرحت وحسيت واجد امور صارت سهله

لا تفكريني من الشباب الي يلعبو ع البنات ترى نيتي صافيه وصدقيني كل الي ابيه هو الحلال

نوره منصدمه من الي جالسه تسمعه لدرجة انها ما عرفت ترد

وظل يتكلم ويعبر لها عن اعجابه فيها وانه مو ناوي يلعب ونوره ظلت ساكته مو عارفه تتكلم من الصدمه

،،،،

جلس عبد الرحمن من النوم وفتح جواله عشان يشوف الساعه كم

كانت الساعه 7 المغرب

لقى عنده مسجات موجود من نوره وورد

بس شاف رقم ورد قام وجلس وقلبه قام يدق

فتح مسج ورد

ملكتي قلبي :

ما زِلتُ أُحِبُك..

فَـهـَل لِـي نَـصِـيـبٌـ فِـي .. فُؤآدِكَ ثَآبِتٌ ؟؟

كَمآ لَكَ عِندي فِي .. الفُؤآدَ نَصِيبُ .

قرر انه يقوم ويغسل وبعد ما يصلي يكلمها

نوره في هالوقت حست انها لو بقت في غرفتها بتجن من التفكير فــ قررت انها تطلع وتجلس مع عبير او امها

و اول ما طلعت من بالممر شافت عبد الرحمن طالع للحمام

نوره : عبد الرحمن عندي لك خبر بمليووووووووون

عبدالرحمن : خبر لي انا ؟؟ متاكده ؟؟

نوره : اي اي بس ما ينفع اقوله لك هنا بالممر

عبدالرحمن : انا الحين بصلي لاخلصت صلاة بجيك وقولي الي تبي تقوليه

نوره : اوكي .. غفر الله لك مقدما

،،،،

ما قدرت نوره تنتظر اخوها يجيها راحت وراه غرفته ودخلت عشان بس يخلص صلاة تقوله على طول

اول ما خلص

نوره قامت تتكلم بسرعه وكانها بالعه راديو هههه

عبد الرحمن اليوم جات ورد وقالت لي انها قالت لابوها انها ماتبي خالد وابوها قالت لها

لا تحاتي ما احد يقدر يجبرك على شي واذا ماتبي صار الي تبي

عبدالرحمن مصدوم : لحظه لحظه تكلمي بشويش عشان افهم شتقولي

نوره : باختصار كابوس خالد خلاص راااااح ورد لك ان شاء الله

عبد الرحمن : احلفيييييييييي

نوره : والله ورد بنفسها جات وقالت لي

والحين بروح اكلم صاحبتي بشوفها ليش غايبه اليوم يالله باي

،،،،

انتهى الجزء الـ " 15 "

آتمنى ينال على اعجاب الجميع

تحياتي

Faro7a

[حكاية حب]

شووكرن شووكرن عالجزئيه
مع إني للأسف بااقوووم من النت فـ بااخلي الجزء إلى يووم الاربعااء اقراه
بس ع العموم تسلمي جداً جداً
ويااريت مااطوولي عليناا كثير
! حكاية حب ] !

[جنون الذكريات]

اعجبتني القصة جداً جداً

ننتظر جديدك حبيبتي

[أموآج]

ننتظر التكملة

ولا تتأخري علينا خيتو

[حكاية حب]

التكمله جداً جداً رووعه
ووو مع حمااسي إن شااء الله ورد لـ عبد الرحمن هههه
ننتظر التكمله !!
حكاية حب ]!