ابتدى اليوم الجديد
راحت ام عبدالرحمن تصحي نور من النوم
ام عبد الرحمن : نور حبيبتي قومي اصحي
نوره : ماما انا تعبانه وما نمت زين مابي اروح
حست ام عبد الرحمن بقهر من بنتها وطلعت بصمت وبدون تعليق
وفي هالوقت بعد ما طلعت نتائج باقي فحوصاتها وعدت هالحادثه على خير عطوا ورد ترخيص من المستشفى عشان تطلع
قامت ام رواد وجهزت اغراض بنتها عشان يطلعو
وفي هالوقت كانت ورد ذابلة ووجها شاحب
والسكوت كان سيد الموقف
خلصوا إجراءات الخروج وطلعوا من المستشفى
وكان معاهم نواف وكان مصر انه هو بنفسه يوصلهم ع البيت
اول ما وصلو البيت كان ابو رواد ورواد موجودين عشان استقبالهم
اول ما شافت ورد ابوها حضنته وقامت تبكي
ابو رواد : خلاص حبيبتي خطاك الشر لا تبكي ترى عورتي قلبي
رواد حب يلطف الجو شوي : الحمد لله على السلامة يا وردة البيت
ورد ردت وهي تمسح دموعها : الله يسلمك
بعد ما جلست شوي مع اهلها راحت غرفتها وظلت تفكر بصمت
وفي هالوقت نواف طلب يكلم خالته على جنب
ام رواد : خير حبيبي وش بغيت ؟
نواف : ابي اطلب منك طلب اتمنى ما ترديني فيه
وصدقيني ما طلبت منش هالطلب الا بعد تفكير طويل
ام راود : قولي حبيبي لا يردك الا لسانك
نواف : ممكن ترجعي الجوال لـ ورد ؟؟
ام رواد : بس..
قاطعها نواف : طلبتك يا خاله
صدقيني سحب الجوال منها ما يحل المشكله
في تلفون في البيت في الف طريقه وطريقه فهمتي علي يا خاله؟
ام رواد قالت بتنهيده : اااه الي تشوفه
نواف : انا الحين استاذن بروح الدوام وبعد ما يخلص دوامي بجي اتطمن عليها
ام رواد : الله يحفظك من كل سوء
بعد ما طلع و راح
راحت ام رواد عشان تعطي الجوال ورد
ودخلت وهي مالها نفس تكلم بنتها
وبدون ما تطالع فيها
ام رواد : خذي جوالك وياليت تتعلمي كيف تستخدميه صح
ورد ردت والدموع بعينها
ورد : ماما انا موافقه على ولد عمي
،،،،،
انتهى الجزء الـ 12
تحياتي للجميع
فروحه
رد مع اقتباس
المفضلات