ركبت نوره وبدت تطق الباب على ورد
نوره : ورررررد
وردوووووو فتحي الباب
كانت تطق ع الباب بهدوء لين عجزت
وحاولت تفتح الباب وطلع الباب مقفل
طلعت جوالها واتصلت من جديد على جوال ورد
ولكن ما تغير شي !! الجوال باقي مقفل
قامت تتكلم نوره بصوت عالي
نوره : ووووووووورد فتحي الباب انا نوره
ورد قوووومي عندي لك كلام مهم ابي اقوله لككك
عجزت نوره وطلعت لخوها بكل خيبة امل
عبدالرحمن : مو انا قايلك اذا شفتيها كلميني ؟
نوره : بس انا ما شفتها
طاح قلب عبدالرحمن : يعني شنو ؟
نوره : ابد الاخت نايمه ومقفله على حالها الباب ومقفله جوالها ما ادري وش صاير
عبدالرحمن : طيب كان سالتي امها عنها
نوره : خالتي مش موجوده بالبيت والخدامه ما تدري عن شي
عبدالرحمن : قومي ارجعي الحين واسئلي الخدم متى ترجع امها واذا قالو ما يدرو خذي رقم جوال امها
نوره : عبدالرحمن ما يصير توني طالعه من بيتهم اقوم راجع
عبدالرحمن : نوره والي يرحم والديك قومي مو قادر اتحمل اكثر من كذا
سكتت نوره وفتحت باب السياره ونزلت
وهي تمشي لباب البيت في هالوقت
وصلت ام رواد مع نواف والتقو سوا عند الباب
نوره قامت سلمت على ام رواد وتباوست معاها
نوره : هلا خالتي شخبارك
نواف في هالوقت كان قلبه يدق يدق والفرحه مو سايعته ان نوره قدامه
في نفس الوقت نوره كانت تحس باحساس غريب لمى شافت نواف ولا اراديا شريط الذكريات قام يعيد لها كل المواقف الي صارت بينها وبينه
طيحتها بالطياره كلامهم مع بعض لمى نست شنطتها
كلامهم مع بعض باللوبي نظرات الوداع الحزينه الي كانت بعيون نواف بالمطارر ويوم تفقد الوعي في بيت ورد
نوره " يالله ليش لمى اشوفك قلبي يدق واحس باحساس ما ادري وش تفسيره ؟؟
اوووووووه خلني من هالكلام الفاضي وخلني اركز في الي انا جايه عشانه"
رجعت نوره للواقع
ام راود : تفضلي حبيبتي لا توقفي ع الباب
دخلت نوره وهي مستحيه ومو عارف شتقول
ام رواد وهي ماشيه مع نوره متجهه لغرفة الاستقبال
ام رواد : حبيبي نواف لا تستحي البيت بيتك خذ راحتك
نواف : تسلمي يا احلى خاله بالدنيا
طالعت فيه ام نواف بنظرات حب وحنان
بعد ما دخلو الغرفه
ام رواد : ها شخبارك نوره واخبار ام عبدالرحمن ؟؟
نوره : الحمدلله بخير " كانت نوره مستحيه ومو عارفه شتقول"
ام رواد : ها متى نوت تتزوج عبير ولا مطوله اكثر ؟؟
نوره : لا ان شاء الله بتتزوج بالصيف
ام رواد : الله يوفقها ويتمم لها على خير عقبالك حبيبتي
استحت نوره واكتفت بابتسامه هادئه J
نوره : خالتي وين ورد ؟
ام رواد تقلبت الوانها وقالت : لحظه حبيبتي
الحين اناديها لك
نوره : تسلمي خالتي
طلعت ام رواد ولونها متغير راحت حق نواف
ام رواد : نواف..
نواف : هلا خالتي
ام راود : نوره تبي تشوف ورد شسوي ؟؟
نواف طالع فيها باستغراب : بعد شتسوي ؟؟ خليها تشوفها
ام رواد : بس انا معاقبه ورد ومقفله عليها باب الغرفه
نواف : خالتي تتكلم من جد ؟؟
ام رواد : أي عن جد بنت قليلة ادب وما تسمع كلام امها شتبيني اسوي فيها
نواف استغرب من كلام خالته بس ما حب يزيد الطين بله واكتفى بكلمتين : خليها تشوف خويتها
ام رواد طيب
تااااااااااااااامي
تااااااااااااامي
تامي : نئم مدام
ام رواد طلعت مفتاح غرفة ورد : روحي افتحي الباب وقولي حق ورد ان نوره تحت تنتظرها
تامي : حاضر مدام
راحت ام رواد حق نوره : حبيبتي الحين بتجي ورد
خذي راحتك البيت بيتك
نوره : تسلمي خالتي
ردت عليها ام رواد وهي ماشيه من الغرفه
الله يسلمك ويخليك