رد: :.|[ღ]|. حبيبي صعب نسيانك .|[ღ]|.:
بعد ما خلصت نزلت تحت والعائلة الكريمه كلهم مجتمعين في قاعة الطعام حق الفطور
راحت لقاعة الطعام ودخلت
نوره:صباح الخير
الجميع يرد ويقول صباح النور يا نور هههههههه
تجلس مكانها نور وتبتدي بالفطور في هالوقت عم السكوت في المكان
فجأه قطع هالصمت الوالد الله يحفظه ابو عبدالرحمن ويتكلم ويقول
انتو عارفين ان انتو اغلى ناس عندي في هالدنيا ولانكم اغلى ناس اتمنى انكم تكونو احسن ناس
محمد بينه وبين نفسه: بدينا فلسفه يا ابو عبد الرحمن اللهم صبرك يا روح
يعني مثلا الدرجات الي جبتها يا محمد العام الماضي ما ابي اشوفها هالعام
ينتفض محمد ويفتح عينه يوم انه سمع اسمه
ويقول بصوت واطي : ان شاء الله
ابو عبدالرحمن:الرجال افعال يا محمد انا ما ابي كلام انا ابي ارفع راسي فيك مثل ما رفع راسي أخوك العام الماضي
بتخرجه بأمتياز من جامعة البترول والمعادن
محمد:ان شاء الله
يكمل الوالد كلام وفي هالوقت نوره تقول بقلبها
جايك الدور يا نوره الله يستررررررررر!!
ابو عبدالرحمن: وانتي يا نوره درجاتك كانت حلوه العام الماضي واتمنى تبقى مثل ما هي واحسن ان الله راد
تاخذ نوره نفس وتحمد ربها في قلبها انو ما جاها كلام يغث من الصبح وترد على ابوها وتقول
ان شاء الله
يمر الوقت ويمشي وتصير الساعه 6:45
وتقول الوالده يالله حبايبي تأخر الوقت لازم تروحو المدرسه الحين
نوره+محمد:ان شاء الله
تقوم نوره وتلبس عبايتها وتتحجب وتطلع مع محمد الى السايق
ويروح كل واحد فيهم مدرسته
.............................................
وصلت نوره المدرسه وهي بكامل اناقتها وتروح الصف الجديد حقها
شافت صاحباتها
وسلمت عليهم بكل حراره
نوف:وش هالكشخه يا نوره وانتي دوم كذا محطمه علينا
نوره:شدعوه ههههههههههههههه احرجتيني
صارت جلسة بنات وكل وحده فيهم تحكي وش عملت بالاجازه
الي سافرت والي..........الخ
فجأه دخلت الصف وحده من صاحبات نوره اسمها مروى
قامت وسلمت عليها نوره بكل حراره
نوره: من جد وحشتيني يا مروى وش اخبارك؟؟
مروى:والله تمام انتي وش اخبارك يا نوره
نوره:والله بخير ،، انتي وش مسويه في حالك وربي انك حليانه
مروى: بتفكير اممممممممم اقول ولا ما اقول
نوره:يالله عاد بلا سخافه تعرفيني فضوليه يالله قولي
مروى:انخطبت على الانسان الي طول عمري احبه ويوم الخميس الجاي راح نملك
نوره بصوت عالي: من جد الف الف الف مبرووووووووووووووووك
وتقوم نوره وتحضنها
مروى:اسكتي فضحتيني لسى ما ملكت ما ابي اقول حق احد
نوره:انزين اسفه بس من جد فرحت لك
مروى:تصوري بابا كان يبي يزوجني من ولد عمي كنت حاسه الدنيا ضيقه علي
بس انا اصريت على موقفي وقلت ما ابيه الا هو
نوره:وانتي من وين تعرفيه يا قوية العيون
مروى:ههههههههههههههههههه ماني قوية عيون هو يصير ولد بنت خال امي عاد انتي افهميها
نوره:يووووووووووه هذي يبي لها تفكير ع العموم الله يوفقكم منك المال ومنه العيال
نوره + مروى : هههههههههههههههههههههههههه
رد مع اقتباس
المفضلات