وبالسعوديه الحبيبه
علي : حمووووووود ساااااااااره يالله قومو بنمشي
ساره ترد بحزن : اوووووف يعني بنرجع البيت ؟؟؟؟؟؟
علي : ههههه لا بنروح مطعم
محمد : " يا ويلي كل هذا زعلانه على فراقي ؟؟ "
ساره ردت بفرح : يالله نروووووح انا جوعانه
الكل قام يضحك على تلقائية ساره >> مع العلم انها مغروره
يعني هي في مكان والتلقائيه في مكان ثاني
بعد ما ركبو السياره
علي : عبير قلبي وين تبينا نروح؟؟
عبير : وش رايك نروح المطعم الياباني الي رحناه الشهر الي فات
اكيد راح يعجب محمد وساره
علي : تامري امر يا قلبي
عبير : ما يامر عليك ظالم
محمد : " يالله الله يعطينا مثل ما عطاكم >> يقصد عبير وعلي
،، يلعن ام المراهقه هههههههه ،، "
وصلوا المطعم بالسلامه هههههه
وكانو عصافير الحب كالعاده يمشوا وكل واحد ماسك يد الثاني
ومحمد وساره يسولفوا عن هواياتهم المتواضعه كالعاده
وعاد المطعم كااااان شي خيال
كان الديكور ياباني حتى الموظفين كانو يابانيين >> شي خيال
ساره : ياربي حاسه اني بجد باليابان
محمد : أي والله بس يا خوفي هالخشبه الي بالسقف تطيح فوق روسنا
الكل : هههههههههههههههههههههههههههههههههههههه
محمد : وانا الصادق اصلا انا استغرب ليش اليابانيين يحطو كذا بالسقف مع انها مش ثابته زين
علي : كل ناس لهم شي ذووقهم الخاص
وصل الموظف وسلم لكل واحد فيهم المنيو وكان المنيو مكتوب بالياباني والانجليزي
محمد : يعني عاد الحين انا فهمت شي
عبير & علي : ههههههههههههههههههههههههههههههه
اما ساره فـ غرورها ما يسمح لها تقول انها مو فاهمه وش مكتوب بالمنيو
علي قام يترجم لاخته وعبير صارت تترجم حق حمود
وفي بيت ابو عبدالرحمن...
ام عبدالرحمن : ابو عبدالرحمن مو كانهم تاخروا
ابو عبدالرحمن : يا شيخه خلهم يستانسو كلها اسبوع وتخلص الاجازه
ام عبدالرحمن : بس انا ما ادري ليش قلبي يعورني
احس ان في احد من عيالي صاير له شي
ابو عبدالرحمن : خلش من هالهلوسه وخلينا نروح ننام
ام عبدالرحمن : مو قبل ما اتصل على عبير واشوفها متى ترجع
ابو عبدالرحمن : يالله انا بروح انام بنتظرم 5 دقايق لو ما جيتي
بنزل وبفصل الخط وبخليك تركبي تنامي غصب
ام عبدالرحمن : ان شاء الله دقايق وبصير عندك
ابو عبدالرحمن : فمان الله
ام عبدالرحمن : الله يحفظك
بعد ما ركب زوجها اتصلت على عبير ..
ام عبدالرحمن : هلا عبير ليش ما جيتو للحين الساعه 12:30 الليل
عبير : الحين علي راح يحاسب وراح نجي
ام عبدالرحمن : يالله لا تطولوا واذا جيتو قولي حق حمود مافي سهر
المدارس بعد اسبوع
عبير : ان شاء الله
ام عبدالرحمن : في امان الله
عبير: مع السلامه
سكرت الخط ام عبدالرحمن وصعدت غرفتها
ابو عبدالرحمن : ها تطمنتي عليهم
ترد ووجها لا يخلو من تعابير الخوف والقلق : ايه
ابو عبدالرحمن : ومدام تطمنتي عليهم ليه مبرطمه
(( حلوه مبرطمه هههههه))
ام عبدالرحمن : ما ادري ليش قلبي يعورني واحس بضيقه
ابو عبدالرحمن : تعودي من الشيطان وتعالي نامي
ام عبدالرحمن : اعوذ بالله من الشيطان الرجيم
،،،،،،،،
رد: :.|[ღ]|. حبيبي صعب نسيانك .|[ღ]|.:
رد مع اقتباس
المفضلات