:.|[ღ]|. حبيبي صعب نسيانك .|[ღ]|.:

[farooo7a]

هلا والله

يا قلبي عن قريب راح ينزل واشكرك ع المتابعه الرائعه

وصدقيني يا " كبرياء " راح احاول اخلصه عن قريب

لجل عيوووووونك وعيون كل الي ينتظروه

تحياتي لك

فروحه

[دنيا الأحلام]

خيتوووو فروحة وين الجزء
تعبتوانا انتظر باصيح..
بسرررررررررعة..

[farooo7a]

ما عاش من يخليك تبكي يا قلبي

اول شي متباركين بالمولد وكل عام وانتو بالف خير

وينعاد عليكم بالصحه والعافيه

ثاني شي انا راح انزل هالجزء لعيونك يا قلبي

جعلي ما ابكيها وعيون كل الي ينتظروها وتحياتي لك

فروحه

[farooo7a]

الجزء الرابع

^^^^^^^^^

في اليوم الجديد وفي بيت ابو عبد الرحمن..

محمد : يما ترى نوره اتصلت وتسلم عليكم كلكم


وتقولك انهم وصلوا بالسلامه

ام عبدالرحمن : الله يسلمك ويسلمها.. والله ما توقعت البيت


يصير فاضي بدونها كذا !!

محمد : أي والله الحين انا اذا اشتهيت اهاوش احد اهاوش منو؟؟


الحيطان!!

ام عبدالرحمن : والله انك فاضي.. الا صحيح من وين اتصلت هي؟؟

محمد : اتصلت من الفندق

ام عبد الرحمن : يالله الله يجيبهم بالسلامه

................................

وفي ربوع لبنان

عبدالرحمن يطق الباب على نوره

نوره يالله قومي كفايه نوم ورانا طلعه

نوره : انزييييييييييين خلاص الحين بقوم يعني لازم تسوي هالزلزال


ولا ما اقوم اوووووووووف

عبدالرحمن : أي عشان تحسي لمى تجي تصحيني بازعاج لازم تفهمي


انو الدنيا سلف ودين

ههههههههههههههههههههههههههههههههههههه

نوره : والله باااااااااايخ

قامت نوره واخذت شاور سريع

ونزلو سوا عشان يفطروا بالبوفيا بس مع الاسف وقت البوفيا انتهى


لانهم نزلو متاخرين

عبدالرحمن : شفتي مع وجهك راح علينا وقت الفطور

نوره : ههههههههههههههههه عادي في كوفي شوب قريب من


الكوفي نت الي دخلته امس

عبدالرحمن اجل خلينا نروح نفطر فيه

نوره : يالله J

الموظف : يا اهلين وسهلين

عبدالرحمن : اهلا فيك لو سمحت نبي 2 كوروسان و 1 موكا


و 1 عصير برتقال طبيعي

نوره : ما شاء الله والله حفظت وش ابي على طول

عبدالرحمن : ههههههههه ما يبي لها ذكاء ادري انك ما تحبي


الهوت درينك يعني شتبيني اطلب لك من صباح الله خير


سوفت درينك مثلا؟؟

نوره : ههههههههههههههههههههه


صحيح عبد الرحمن قبل ما نسافر كنت تبي تكلمني بموضوع


بس انا كنت نعسانه وقلت لك لمى نكون في لبنان نتكلم فيه


تذكر ولا نسيت ؟؟

عبدالرحمن : هههههههههه ما شاء الله ذاكرتك قويه


الا اذكر

في هالوقت وصل الطلب حقهم

الموظف : ما شاء الله انتو عرسان جدد هون بالفندق؟؟

نوره : ( طاح وجهها ) شهالغباء بالله مو واضح الشبه الي بيني وبين اخوي

عبدالرحمن رد بابتسامه وهو يقول بقلبه ياليت لو كنت مع حبيبة القلب :


لا والله احنا اخوان مش عرسان

الموظف : ما شاء الله حولكم يالله الله يبعت لهي العروسه عريس


ولئلك عروسه

عبدالرحمن يرد من قلب : آمــــــــــــيـــــــــــــن

بعد ما راح الموظف

عبدالرحمن : ايوى نوره وش كنا نقول؟؟

نوره : كنا نقول انك تبي تكلمني في موضوع وانو ماعندك مانع تقوله الحين تقدر تتحفني فيه تفضل..

عبدالرحمن : ايه تذكرت بس صحيح نوره كم عمرك الحين؟؟

نوره : بالهجري ولا الميلادي

نوره + عبدالرحمن : هههههههههههههههههههههههههههه

عبدالرحمن : الي يريحك

نوره : عمري 16 ونص ولمى اخلص ثاني ثانوي


يصير عندي 17 سنه

عبدالرحمن : ما شاء الله العمر كله .. تدري نوره عمرك صغير


بس احس عقلك اكبر من كذا بكثير

نوره : احم احم . . . اخجلت تواضعي هههههههه

عبدالرحمن : تذكري لمى طلعنا البر بعيد الاضحى؟؟

نوره : اووووووه اكيد اذكر طلعه ما تنسى والدبابات كانت جناااااااان


ليت نعيدها مره ثانيه

عبدالرحمن : J ايام الله كثيره والحي مرزوق

المهم نوره الموضوع الي بكلمك فيه جد ومافيه مزح بتاتا

نوره ترد باهتمام : تفضل كلي اذان صاغيه

عبدالرحمن : حبيبتي نوره الموضوع الي بقوله ما احد يدري فيه غيري


وانتي اول وحده تعرفه

نوره : لا تعليق J

عبدالرحمن : لمى كنا بالبر شفت اصحابي صدفه وسملت عليهم وتعشيت معاهم مره

ما ادري وين ابتدي بصراحه ...

نوره حبيبتي مساعد خويي شافك واعجب فيك والولد موظف بشركه كبيره وهو خويي صارله اكثر من سبع سنين

وما حب يلف ويدور وبصراحه هو يبي يتقدم لك

بس قال يبي يعرف اذا انتي عندك قبول مبداي عشان يخلي اهله يتقدموا


لك رسمي

نوره : مفتحه عيونه ع الاخر ومو مصدقه الي قاعده تسمعه


( الصمت سيد الموقف )

عبدالرحمن : حبيبتي نوره انتي اختي الغاليه ولو ما كان الرجال سنع ويستاهلك ما فتحت معك الموضوع

انا بقولك لمحة موجزه عنه طبعا انتي تعرفي منهم اهل مساعد


وتعرفي انه ولد عايله كبيره

مساعد عمره 24 سنه ومن خريجين البترول مثلي


وموظف في شركه كبيره وراتبه ما شاء الله جدا قوي


هذا غير البزنس الخاص فيه والعقارات الي عنده ملك

وترى ما احد يعرفه كثري ما نسافر الا سوا وما نسهر الا سوا


وبالحلوه والمره معي

خذي راحتك بالتفكير ولازم تعرفي ان ما احد يهمني بهالموضوع هذا كله


كثرك.. وفي النهايه الراي لك

ولو حبيتي انهي الموضوع كله انا ما عندي مشكله ويا دار ما دخلك شر J


نوره + عبدالرحمن : ههههههههههههههههههههههه

نوره : اقول دحوم ما خلصت فطور؟؟

[farooo7a]

عبدالرحمن : ( وربي حياله هالبنت ) الا خلصت يالله نقوم

نوره : ياليت ودي اروح بعلبك

عبدالرحمن : ما شاء الله تفكيرك مثل تفكيري انا بعد كنت ناوي اليوم

نروح بعلبك

نوره : اجل يالله شتنتظر حاسب وخلينا نروح J

بعد ما حاسبوا وهم طالعين

نوره : اووووووووووه دحوم نسيت كاميرة الفديو

عبدالرحمن : يعني ما تكمل الطلعه الا فيها .. يالله روحي جيبيها وانا بطلع بشوف لنا تاكسي اوكي؟؟

نوره : اوكي

راحت نوره للمصعد وركبة الطابق الخامس متجه للجناح حقهم

وهي تمشي بالممر

المجهول : لو سمحتي

التفتت نوره وهي منرفزه هذا وقته احد يناديها ؟؟

ومجرد شافته انصدمت وقالت في خاطرها هذا وين ما اروح اشوفه بوجهي وبعدين؟؟

نوره : خير؟

المجهول : انتي امس كنتي في كبينه رقم 6 ؟؟

نوره استغربت : ويعني؟؟

المجهول : امممممم لاني امس لمى رحت شفت شنطه وما شفتك الا انتي طالعه ويدك فاضيه فـ قلت يمكن لك؟؟

نوره ترد بصدمه : هاااا؟؟

" وانا اقول امس ليش فهيت وما حاسبت يعني طلعت بدون شنطه وانا مو حاسه ؟؟ يالله النعس شيييييين "

المجهول : طيب انا اسف شكلها مو لك

نوره : لالا الشطنه لي انا

المجهول طيب ممكن تنتظري اطلعها من غرفتي ؟؟

نوره : ما عليك امر لا تتاخر عشان ابي اطلع بسرعه

المجهول : ولا يهمك

في هالاثناء راحت نوره بسرعه وخذت الكاميرا وطلعت تنتظر بالممر

المجهول : احط لها ورقه بالشنطه ولالا.. ياربي عيب هالحركات هالتصرفات ما تطلع الا من الشباب الطايش

آآه ياربي شفيني من شفت هالبنت ما ترقعت

طلع وهو يتنهد

المجهول انتبه ان نوره جالسه تنتظر بملل : اسف اخرتك

تفضلي الامانه

نوره : لا عادي شكرا

مشت نوره على طول ولا عطته أي فرصه انه يتكلم

^^^^^

عبدالرحمن : نور حبيبتي ارجعي نامي مره ثانيه بالفندق

نوره : اسفه ادري تاخرت بس لو تدري وش صار ما ادري تعذرني ولا تضحك علي مثل كل مره

عبدالرحمن : اقول امشي ماهو عبد والدينا الي قاعد ينتظرنا على بالك سواق اهلك الي واقف ينتظرنا

نوره : مشت بدون أي تعليق.. غريبه

طول المشوار عبدالرحمن كان منرفز من تاخير اخته وهذا الشي خلاه يفضل انه يسكت على انه يدخل في نقاشات

نوره في هالوقت كانت تفكر بالكلام الي قاله لها اخوها بالكوفي شوب

الحين انا اصير مخطوبه ؟؟ وربي ما يناسبني

اصلا مساعد هذا وربي طايح حظه يوم يفكر فيني خخخخخخ

بعد طبخ ما اعرف اطبخ >> اممم بس ناويه اتعلم ان شاء الله

بس هااااااا مو تفكرو عشان العرس

عشان اذا صحيت نص الليل والكل نايم اعرف اصرف حالي

اوووووووف

وتنظيف ما اعرف انظف >> عادي يا قلبي الخدامات ما يقصروا

اممممم وحب ما اعرف احب

لالالالالا انا ارفض فكرة الزواج الحين

اصلا لسى بدري علي خلني اخلص مدرسه

واروح الجامعه والله يوفقني فيها

بعدين ا ا ا افكررررررررررررر بالزواج

أي صح والله كلامي صحيح وش ابي بالارتباط والمسؤليه من الحين؟؟

في هالوقت والحوار قاعد يهدئ بينها وبين حالها

وصول لـ بعلبك وناداها عبد الرحمن :

نوره يالله وصلنا ولا ناويه تنامي بالتاكسي بعد؟؟

نوره تطالع فيه بقهر : انزييييييييين

نزلت نوره وهي منقهره والود ودها ما تمشي معاه اصلا

لانه حاسه انه صاير ثقيييييييييييييييل دم بقوووووووووووووووووه

وهم يمشو شافو اعلانات حق حفلة بتكون بنفس اليوم للـ استاذ وديع

بس للأسف الحفله بتكون بالليل

كانت الدنيا زحمه وكلها عمال جالسين يعمل ترتيبا استعداد للحفله

نوره كانت عيونها على المسرح الي كانو عاملينه وعلى المايك الي كان بالنص

نوره وهي تكلم حالها : الـــــــــلــــــــــه وحليلي لو اروح الحين وامسك المايك واغني والله احطم علي أي وديع

شدعوه نوره بديتي تصدقي حالك بقوووووه لوووووووول

وفي هالوقت شافت نوره مره زيها مثل البدو ووجها مليان وشم اخضر

والناس طوابير طوابير عليها

طبعا الاخت نوره ما يحتاااااااااج اقولكم اممممممم الفضول

نوره : عبد الرحمن انا بروح اشوف وش صاير وسط الزحمه وبصور بعد

عبد الرحمن وهو يقول في نفسه " احسن فكه روحي ع الاقل نعرف نكلم حبيبة القلب شوي " : أي روح شوي واجيك

نوره " ان شاء الله عمرك ما جيت " وترد بابتسامه صفره

: أي طيب اوكي

راحت نوره وسالت وحده من البنات الي حولها

وش صاير؟

البنت : هي عرافه ومنجمه بنفس الوئت

نوره : يعني كيف عرافه

البنت : يعني بتئرا لألك فنجان ولا كف ولا كوتشينا امريكيه

او حتى عربيه وكمان عندا كوتشينا فرنسيه

نوره : اهااااااااااااااااااا يعني تقول وش راح يصير بالمستقبل؟؟

البنت : ايوى بالزبط

نوره : أي بس ليش كل هالناس الي حولها اصلا هذي بدع وحرام

وما احد يعلم بالغيب غير رب العالمين

البنت ترد بابتسامه : والله يا اختي كل واحد ومعتقداتو واذا انتي ما تؤمني فيها فيك تساويها بس للتسليه!!

وبعدين هي حدسها دائما بيصيب

نوره : كيف يعني؟؟

البنت : يعني اوئات ما بتئرا لألك ولا شي بس مجرد تشوفك

بتئلك انتي هيك وهيك وهيك عرفتي شلوووووون

نوره : اهااااااااااا

طيب وبكم تقرا الكف؟؟

البنت : ما بعرف لانو انا معوده اخود كوتشينا امريكيه

نوره : اها وبكم الكوتشينا الامريكيه؟؟

البنت : يعني هيييييييك شي 16 دولار

اثناء حوارهم دحوم كان يكلم حبيبة القلب المجهوله

دحوم : هلا قلبي وحشتـــــــيني وربي ما كانهم يومين كانهم سنتين

المجهول>> كانت ترد وهي شاحبه : هلا.. كيف حال

دحوم استغرب من طريقة لهجتها لان العاده تكون تهلي وترحب : انا بخير بس انتي شفيك

المجهول : مافيني شي

دحوم : الا فيك وما اطلع ولد امي وابوي اذا ما كان فيك شي

المجهول : مريضه شوي

دحوم : ماتشوفي شر شفيك؟؟

المجهول : شوية انفلونزا

دحوم : اخذتي حبوب؟؟

المجهول : ايه

دحوم : طيب وغير المرض وش فيك؟؟

المجهول : مافيني شي

دحوم : لا والله فيك شي شدعوه اول مره اكلمك و انتي مريضه؟؟

المجهول : حبيبي مابي اشغل بالك خلاص مافيني شي

دحوم : يعني انتي الحين ما شغلتي بالي ؟؟ يالله يا قلبي قولي عادي

المجهول : ولد عمي متقدم لي وابوي موافق عليه

[farooo7a]

وخايفه انه يجبرني اني اخذه

عبدالرحمن بعد ما تغيرت الوانه : شنو ؟؟ شنو يعني يجبرك عليه وين قاعدين احنا ؟؟ وش هالكلام؟؟؟؟؟

اسمعي انا مجرد انزل من لبنان بتقدم لك قدام الله وخلقه

وما احد بياخذك غير فهمتي؟؟

المجهول ترد وهي تبكي : أي بس ابوي موافق على ولد عمي

وانا ما اقدر اقول بوجهه لا

دحوم يرد بعصبيه : شنو يعني ما تقدري تقولي له لا سياره انتي؟؟

عشان يبيعك للي يعجبه ؟؟؟ هذا مصيرك مو مصيره ومافي شي اسمه ما تقدري وبعدين اختي نوره جات يالله مع السلامه وسكر السماعه في وجه بنت الناس مع العلم ان نوره ما جات ولا هم يحزنون

جلس عبدالرحمن قريب من الاعمده الي في بعلبك على الارض وكانه فاقد له شخص عزيز و غالي كان مذهول وشارد الفكر

وفي هالوقت كانت الفاضيه نوير تكمل كلامها..

نوره : بل اجل هذي بالساعه كم تدخل فلوس؟؟

استغفر الله يا ربي تقوم نوره واثناء ما هي تمشي

تقول بصوت مسموع كذب المنجمون ولو صدقوا

وتقول بطريقة سخريه اجل اخلص ثانويه واصير عرافه ابرك لي ههههه

اثناء ما كانت تمشي كانت تصور بشكل عشوائي ما خلت شي ما صورته

وبنفس الوقت كانت كل ما تشوف شي تقول تعليقاتها عشان تطلع بالكاميرا وهي تكمل مشي انتبهت لاخوها عبد الرحمن كان عاطيها ظهره

وجالس ع الارض وكافس رجله وعاط راسه على رجله

واياديه فوق راسه كان شكله جد يخررررررع وكانها مشاكل الدنيا فجئة نزلت فوق راسه

نوره طاح قلبها وقالت اكيد في مصيبه صارت بالبيت وتوه جاه الخبر راحت تركض حق اخوها..

نوره : عبدالرحمن شفيك؟؟؟؟؟؟؟؟؟؟؟؟؟؟؟

عبدالرحمن يرفع راسه بملل : مافيني شي انتظرك تخلصي جولتك لاني زهقت وابي ارجع البيت

نوره حط راسها بالارض وحست انها بدت تصير ثقيله على قلب اخوها

وبنفس الوقت ندمت انها جات معاه بروحهم وحست انها ما تسوى شي بدون امها وابوها ترد والدموع حايره بوسط عيونها:

خلصت اذا تحب نمشي يالله نروح وحطته ظهره وهي مستعده انها تمشي

مسك يدها عبدالرحمن عشان يوقفها

عبدالرحمن : نوره لا تزعلي مني بس انا متضايق بقوه

ادري انا جايبك عشان تغيري جو وانا بغبائي قاعد اعكر مزاجك

خويي سعود توه مكلمني وقالي انو خويي مشاري مسوي حادث وتضايقت عشانه بس هذي كل السالفه

نوره مع هذا ما دارت ولا عطته وجهها :

طيب يالله نرجع الفندق

عبدالرحمن يرد وهو حاس بتأنيب الضمير ويبي يفرفش اخته بنفس الوقت ماله خلق الدنيا كلها : بس لسى ما كملنا طلعتنا؟

نوره : مو لازم اصلا تعبت وابي ارجع الفندق وانام شوي احس نفسي باقي نعسانه

قام عبدالرحمن بس ما حس انو كل محاولاته فاشله

وفعلا رجعو الفندق وكل واحد راح غرفته

^^^^^^^^^^^^^^

اول ما دخلت نوره الغرف صكت الباب بقوه وتسندت عليه بقووووه

وكانه في شخص ورا الباب ويبي يفتحه غصب!!

ولا اراديا بدت تنزل لحد ما صارت جالسه على الارض ومستنده ع الباب

نزلت دموعها لا اراديا وحست انها تبي تكلم امها وابوها

قامت ومسحت دموعها واتصلت ع البيت

تريزا : الو

نوره ترد بساعده حست ان تريزا ريحة من بيتهم الي بجد وحشها

نوره : هلا تريزا كيف حالك؟؟

تريزا : الهمدلله انت كيف هالك؟؟

نوره : بخير وين امي؟؟

تريزا : ماما وبابا في يتغذى الحين

نوره : عطيها اللاسلكي وخليها تكلمني

تريزا : اوكي لهده بس

فعلا راحت تريزا وعطت اللاسلكي ام عبد الرحمن وقالت لها ان نوره ع الخط

ام عبد الرحمن : هلا والله في بنتي هلا في نور البيت هلا بعمري هلا بقلبي

شخبارك يا عيوني وش مسويه مع اخوك و....الخ

نوره : كانت ساكته وتسمع كلام امها الي كان مثل الشهد على قلبها

وتحمد ربها ان عندها ام مثل امها واب مثل ابوها

ام عبد الرحمن : نوره شفيك يا قلبي اكلمك وما تردي

نوره ترد بعد ما كان ذهنها شارد بعيد : هاا .. لا بس كنت اسمع كلامك الي وحشني حيل

يما شرايك تكلمي عبدالرحمن وتقولي له خلاص يرجعني

انا زهقت بدونكم ما كنت متوقعه انكم راح توحشوني كذا

ام عبد الرحمن : شهالتطوووووور زين والا هالسفره علمتك قيمتنا يعني

نوره : ههههههههههههه من زمان انا عارفه قيمتكم يا قلبي

ام عبد الرحمن : طيب عطيني دحوم خلني بسلم عليك

نوره ترد وهي متضايقه : هو بغرفته الحين يمكن نايم

ام عبد الرحمن : خلاص بكلمه على جواله يالله بغيتي شي؟

نوره : سلامتك سلمي على ابوي وعبير ومحمد وعلي

ام عبد الرحمن : يوصل حبيبتي يالله مع السلامه

نوره : مع السلامه

بعد ما سكرت نوره حست براحه وبدلت ملابسها ولبست البجامه

ونامت في سبات عميق >> طبعا بعد ما عملت جوالها سايلنت

^^^^^^^^^^^^^^^^

عبدالرحمن كان في هالوقت جالس ع الارض ومعالم التحطيك كلها مرسومه على وجهه L

والدموع حايره في عيونه وكان جالس يكلم حاله

معقول خلاص ؟؟ طارت من ايدي البنت؟؟

ليش كذا؟؟؟ بس انا احبها وهي تحبني.. ياربي اول مره اسمعها تبكي

فكر يا عبدالرحمن وش الحل؟؟؟؟؟؟

اصلا كيف اتقدم لها وماعندي وظيفه رسميه؟؟؟؟

يعني حتى لو قلت لهم اشتغل مع ابوي ما راح يبلعوها اووووووووف

طاعون طعن ولد عمها ويفكنا منه ومن شره

استغفر الله يا ربي هو ماله ذنب

الذنب ذنب ابوها الي ما يملك أي نوع من انواع الديمقراطيه

ياربي ليش باقي كذا ناااااااس في هالدنيا

قطع هالكلام صوت الجوال وهو يرن ويقول

امي يا اجمل حب عشته في دنياي

يا اول اسمن ينطق اشفاي طاريه

يطالع بالجوال وهو ماله خلق يكلم احد

دحوم : هلا يما

ام عبدالرحمن : هلا بولدي شخبارك؟

دحوم : هلا بك يالغاليه احنا بخير انتي شخبارك وشخبار ابوي والباقي؟؟

ام عبدالرحمن : كلهم بخير ويسألو عنك.. اقول عبدالرحمن بغيت اسالك

دحوم : سمي طال عمرك

ام عبدالرحمن : من شوي كلمتني نوره وشكلها متضايقه ما حبيت اضغط عليه وقلت بعرف السالفه منك

دحوم طبعا ما تصور ان نوره ممكن تقول لامه بكل شي عشان كذا حب يتاكد اول : كيف يعني متضايقه تبكي مثلا < قالها بلهجه ساخره

ام عبدالرحمن : شدعوه تبكي هي صحيح الدمعه الساكبه بس كانت هاديه وغير عن عوايدها.. شالسالفه

دحوم : بصراحه يما انا عصبت عليها من شوي و لا تتفاعلي وتعصبي خليني اكمل واقولك السالفه كامله

تخيل يما نزلت وطلبت تاكسي وانتظرها عشرين دقيقه بس عشان حضرتها تبي تجيب كاميرة الفديو والرجال عصب علي وانا تفشلت وكل هذا وما تبيني اعصب ولمى راحت اهناك قامت تمشي زي الهبله كانها رايحه مجمع حافظته من كثر ما تروحه واجلس ادور عليها الف سنه عشان اشوفها << ما شاء الله ابتدى التمثيل عن دحوم

وتخيلي....الخ >> ما قصر حط ملح وبهارات من عنده بس عشان الغاليه ماتزعل عليه

ام عبدالرحمن : يا ولدي انت ما قلت بتسفرها الا وانت عارف اختك كيف يعني مو تو تعرفها وتعرف طباعها وبعدين انا وش قايله لك قبل لا تسافرو؟؟ مو قلت لك تحمل فيها واهتم فيها

دحوم : اسف يما اخر مره ازعلها ان شاء الله

ام عبدالرحمن : برضاي عليك حبيبي قوم صالحها تراها في غربه وما لها غيرك وانت مالك غيرها

دحوم : ان شاء الله ما يصير خاطرك الا طيب

ام عبدالرحمن : يالله حبيبي في امان الله

دحوم : الله معك سلمي على الاهل

ام عبدالرحمن : الله يسلمك دير بالك على حالك

دحوم : ان شاء الله مع السلامه

ام عبدالرحمن : مع السلامه

[آخر شقآوهـ ..~]

ياهووو شنو هدي وين كنت اني غافله عنها
زين والله اني انتبهت ليها لو ما انتبهت كان رحت فيها
والله فروحه القصه كشخه تجنن
عاد تدري كيف انتبهت ليها
شفت العنوان عجبني بس قالت مابقراها بقوم انام نعسانه
خلاص قفلت كل شي وركبت بنام قلت لا ماني نايمه بروح اقرا القصه شكلها فلته عجبني العنوان
وطيااري ع النت وقريتها
صراحه شي القصه
ننتظر الحلقه الجديده
عطاكِ ربي العافيه
تحياتي
ضحكوه البطه

[كبرياء]

جززززء روووووووووووووووووووووعه بعد انتظااااااااار طوويل

وصارت القصه حمااااس مررررره

وماعادت كبريااء تعرررف تتوقع وش بيصير

اممم بس اتوقع ان المزيونه هذي هو نفسه الرجال المجهوول

يسلموووووووووووووو على الجززء الروعه

بس هاااااااااااا مو تطولي عليناا بالباقي

تقبلي مروري وتحيـــــــــــــــااتي

[farooo7a]

ياهووو شنو هدي وين كنت اني غافله عنها
اممممم يمكن كنتي في كوكب زحل لووول
زين والله اني انتبهت ليها لو ما انتبهت كان رحت فيها
اي والله زين انتبهتي
والله فروحه القصه كشخه تجنن
والله والله انتي الي تجنني ورفعتي معنوياتي يا قلبي
عاد تدري كيف انتبهت ليها
كيف؟؟
شفت العنوان عجبني بس قالت مابقراها بقوم انام نعسانه
اي ما تنلامي النوم سلطان و سلمان و ... الخ
خلاص قفلت كل شي وركبت بنام
شي طيب احلام سعيد وكوابيس بعيدة ان شاء الله
قلت لا ماني نايمه بروح اقرا القصه شكلها فلته عجبني العنوان
هههههههههه والله انتي الفلته ويسلمك ربي لانك بديتيها على النوم يا عمري
وطيااري ع النت وقريتها
يا قلبي طيب كان رحتي للنت بشويش اخاف عليك تطيحي
صراحه شي القصه
تسلمي يا قلبي
ننتظر الحلقه الجديده
ان شاء الله نلتقي على خير في الحلقه الجديده
عطاكِ ربي العافيه
الله يعافيك ويخليك لعيون ترعاك وتصونك
اتمنى الشات الي سويته يكون عجبك مثل ما عجبتك القصه
هههههههههههههههههههههه
تحياتي لك يا قلبي
فروحه

[farooo7a]

جززززء روووووووووووووووووووووعه بعد انتظااااااااار طوويل

انتي الروعه يا قلبي


وصارت القصه حمااااس مررررره

هذا المطلوب

وماعادت كبريااء تعرررف تتوقع وش بيصير

هههههههههه افا حيرناك يعني ؟؟


اممم بس اتوقع ان المزيونه هذي هو نفسه الرجال المجهوول

ممكن ليش لا... ها اشوفك باقي تعرفي تتوقعي ؟؟


يسلموووووووووووووو على الجززء الروعه

يسلم غاليك ومغليك يا قلبي

بس هاااااااااااا مو تطولي عليناا بالباقي

ان شاء الله متى تيسر الجزء الخامس نزلناه


تقبلي مروري وتحيـــــــــــــــااتي

حياك يا شمعتي الجميله

وانتي بعد تقبلي تحياتي الي من كل قلبي لك

فروحه

[ريح الجنه]

القصه مره حليوه ومشوقه


من زمـــــــــــــــــــــــــــــــــــــــان واني انتظر التكمله

رجاءً لاتبخلي علينا فروحه

[كبرياء]

ندااااااااااااااااااااااااااااااااء نداااااااااااااااااااااااااء الى فروووووحه وين القصه ؟؟؟؟

طووووووولتيييييييي

تحيـــــــااتيــ

[farooo7a]

القصه مره حليوه ومشوقه

ذوقك الحلو يا قلبي

من زمـــــــــــــــــــــــــــــــــــــــان واني انتظر التكمله

اعذريني يا قلبي الدراسه ابتدت واشغلتنا !!!!!

رجاءً لاتبخلي علينا فروحه

ان شاء الله ولا يهمك

اشكرك على مرورك وعلى متابعتك معانا

تحياتي لك

فروحه

[farooo7a]

ندااااااااااااااااااااااااااااااااء نداااااااااااااااااااااااااء الى فروووووحه وين القصه ؟؟؟؟

يا قلبي... القصه ان شاء الله.. ان شاء الله راح تنزل نهاية الاسبوع اذا ما خاني قلمي

طووووووولتيييييييي

شسوي يا قلبي الدراسه ابتدت واشغلتنا !!

تحيـــــــااتيــ

يسلمك ربي واشكرك ع المتابعه

تحياتي لك

فروحه

[دنيا الأحلام]

ياهوووووووووووووه ياعالم اتاري راح عليي وااجد
لكن قاريتنها ومخلصتنها الليله
اوووووه من الفرحة نسيت اسلم
كيفك فروحة عمري ماشاء الله حطيتي اجزاء حلوة وتطير العقل
عذريني ماقدرت ادخل إلا الليله تعرفي جيت من السفر الأحد ودقتنا مرضه
كسرتنا تكسر لكن الليله اقرا الي فاتني واعطيش رايي....
ســـــــلامي...