وصلو عبدالرحمن ونوره البيت وهم ضايقه فيهم الدنيا
عشان الي صار لـ ورد
خلعت نوره عباتها ورمتها ع الارض من القهر
وراحت غرفتها وهي تحس بضيقه
بعد ما دخلت قفلت الباب
وجلست عالارض وهي تفكر باكتئاب
وش صاير لك يا ورد ؟؟
ليش ما جيتي المدرسه ؟؟
ليش قفلتي على نفسك الباب وحاولتي تنتحري ؟؟
آآآه يااااربي سهلها على اخوي وعلى ورد
ياربي.... لمى جات تكمل كلامها ودعائها رن جوالها
وكانت المتصله " زهره " الي ما ندري بجد وش سالفتها؟؟
نوره قامت تطالع بالجوال وقالت في نفسها هذا وقتك
اووووف ما راح ارد
وتم الجوال يرن لين انقطعت الرنه
ومع هذا ما عجزت البنت ورجعت اتصلت مره ثانيه
لحد ما قررت نوره انها ترد وفعلا ردت
نوره : الو
زهره : مساء الخير
نوره : مساء الورد
زهره : عسا ما ازعجتك اختي ؟؟
نوره : لا عادي
زهره : شخبارك ؟؟
نوره : بخير انت شخبارك ؟؟
زهره : انا بخير بس انتي باين عليك تعبانه او زعلانه صح ؟
نوره ضحكت ضحكة مجامله : هههههه لا تعبانه ولا شي
زهره : كان ودي اكلمك العصر ادري الحين ليل ويمكن تبي تنامي
بس صارت عندي ظروف منعتني
نوره ردت بملل وهي تقول بنفسها شتبي هذي ؟؟ : اهاا
زهره : امم شكلي ازعجتك تحبي اقفلها
نوره حست باحراج : لا عااااااااادي
امممم بس ما ادري انا متضايقه شوي
زهره : سلامات طيب حابه تقولي لي ولا ؟
نوره : أمم ما ادري بصراحة المشكلة ما تخصني شخصيا
زهره : باين عليك طيبه وتحملي هم الناس بعد
نوره : ههههههههههههه لا مو هم الناس المشكلة تخص ناس قريبين لي حيل
زهره : ما بعد الضيق إلا الفرج والله يفرج عليهم إن شاء الله
نوره : تسلمي
.. ظلوا يكلموا بعض ساعة وفي هالوقت ابتدت نوره تروق
زهره : لو الود ودي ما اقفل من عندك بس بكره عندي دوام ولازم
أنام الحين
ردت وهي تحس بدوخة ونعس >> نوره : تسلمين يا زهره وشكرا على المكالمة الحلوة
بس بعد ما قلتي لي مين عطاج رقمي ؟؟
زهره : امممممم تفرق معك؟
نوره : أكيد
زهره : بصراحة السالفة طويلة عريضة وأنا الحين
اعذريني بجد نعسانة
ان شاء الله بكره بس ارجع من الدوام وأحس أن الوقت
مناسب لي و لك بكلمك وبقولك كل شي
نوره : طيب يالله الله معك
زهره : مع السلامة
،،،،
أما عبد الرحمن تم طول الليل يضرب أخماس في أسداس
عبد الرحمن : يعني لمى ربي فرجها علي ولقيت وظيفه
يصير فينا كذا يا ورد
ورد انتي روحي انتي حياتي لا تتركيني يا ورد أنا احبك
وما اقدر أعيش بدووووونك
وبدت دموعه تذرف على خذه غصب
ومع هالليل الموحش نامت عيونه بعد يوم كان جدا قاسي عليه
وعلى نوره
،،،
اما نوره من قفلت من زهره جلست تفكر وتحاتي اخوها
وقامت تتذكر الاحداث الي صارت في لبنان
لمى شافت اخوها وكانه جالس في جنازه
وكيف كان ضايق خلقه وهو بس سمع انها ممكن تنخطب لغيره
خافت نوره بقوه لو تتم خطبة ورد على ولد عمها
لان لو تم هالكلام ممكن يصير لـ عبد الرحمن أي شي
ياربي مالي خلق ادوام بكره
ماني طايقه اشوف الناس مو طايقه اكلـم... وهي تقول كلامها رن جوالها من جديد والمتصل زهره
مسكت نوره الجوال وطالعت بالمتصل وقالت
ههه والله انتي نكته
ردت عليها وهي تبتسم
نوره : الو
زهره : اسفه ادري ازعجتك بس بجد ما جاني نوم وانتي ؟
نوره : هههههه ولا انا ما جاني نوم
زهره : امممممم اقدر اعرف ليش ؟؟
نوره : امممم مافي سبب معين
زهره : نوره ممكن اسالك سؤال ؟
نوره : اكيد زهره تفضلي
فجأه سمعت نور شي ما كان لا على البال ولا الخاطر
سمعت شي خلاها تقوم من سريرها وتوقف بذهول
^^^^^
رد: :.|[ღ]|. حبيبي صعب نسيانك .|[ღ]|.:
رد مع اقتباس
رد: :.|[ღ]|. حبيبي صعب نسيانك .|[ღ]|.:
رد: :.|[ღ]|. حبيبي صعب نسيانك .|[ღ]|.:
رد: :.|[ღ]|. حبيبي صعب نسيانك .|[ღ]|.:
المفضلات