معجم دعاوي الضبعان

**أحلى بنوته..,** · 07-31-2007, 07:03 AM

بسم الله الرحمن الرحيم
اللهم صلي على محمد وآل محمد وعجل فرجهم [/COLOR]

السلام عليكم ورحمة الله وبركاته

هذي دعاوي أهل القطيف أيام الاول ويمكن الى الآن تنقال يعني موجوده يالله كل واحد يقرأ الموضوع يقول ويش الدعوه الى حصلت ليه من أهله

-----
طريقة استخدام المعجم
:
لا يعتم على طريقة معينه
بل على حسب شنو هي الدهو بعضها تكون كردة فعل على كلمة قلتها وبعضها يقولو الاكلمة الاولة وتوصل بالباقي
-----

[color="#2e8b57"]اقعد
قعد رسك وانطفى حسك
قوم
قمقم الله عصبك
نام
نامت عليك طوفه
روح
راحت روحك
تعال
تعتعو بك
اتغده
عساك غدغده
اتعشى
عشيت من اسلوم
يالله صل
صل الله يوفك
ييب
يب يب الله بطنك
هدي بالعنشي:
وبالقطيفي
جيب
جب جب الله بطنك

سلم
عساك ماتسلم
فج
انفجت اضلوعك وليحان صدرك
لاتحب
حبتك القراده
يوز
حبتك العيوز
كل
كلتك حوته
ول
وليت من الدنيه
بل
اتبلبلت احنوجك
فكه
افتكت الزهره من عدو مثل اللي في خاطري
شيلها
شالوك فوق نعش
حطها
حطوك في نار جهنم

وإذا واحد قال جوعان يقولوا له : عساك الجوع أبو الحلوس

وإذا واحد قال عطشان يقولوا له : عساك الضما يضميك
جيب
جبجب الله بطنك ورغى الى يوم لربعا
نامي
نامت عليش أم الديفان
[/size]

جوعانه
عساش الجوع وضرب جموع

باروح
راحت منش الروح

ابغى سياره
تقوله سياره تهفتك في بطنك
قول
تقلقلت حنوشك
[size="3"] علي
لا علاك على ولا حبك نبي

------------------------------------
واتمنى من احد خبراء اللغة الهيروغليفية ان يقوم مشكورا بترجمتها الى اللغة العربية او القطيفية المحدثة -حقت هاليام-
ليكون هدا الموضوع مرجع الى جميع اهالي المنتدى في حال تعرض احدهم الى دعوة منهم لايصير زي الاطرش في الزفة على الاقل يفهم ويش قاعد يصير حوله

مع ملاحظة الاختلاف بين ثقافات الشعوب

احلى بنووته..,

**سيناريو** · 07-31-2007, 03:10 PM

أحلى بنوته تسلمي خووووش دعاوي ومرجع ههه استغفر الله
لكن في الترجمه مايطلعوا حليوين زي هالحلاوه خخخخ
بيني وبينش أخاف من هالدعاوي أموووت منها بمرة ملك ياخذها يمه يمه