قرب زواجي وابغى مساعدتكم العاجلة يا اخوات

[رافضية وللأبد]

اتمنى تساعدوني بالي تعرفونه حبيباتي
قرب زواجي وابغي تنصحوني بحجوزاتي واسألتي ........
اول شي
افكر احجز تعديلي عند رانيا
وفرقه مو عارفه وش تنصحوني ؟
وابغي تساعدوني بمحلات حق تجهيز شقتي وين تنصحوني اروح ؟وهلله هلله بالاسعار
وبابيخها شوي وباطول عليكم واسالكم وش رايكم في فاطمة زيمور حنايه واذا تعرفون غيرها لا تقصرون وياي؟



همتكم يابنات ساعدوني

[الزين يفرض نفسه]

ألف ألف مبرووك خيتووو
وكان ودي اساااعدج
لكني ما اعرف شي عن الي
قلتي عنهم ،، وان شاء الله
الاخوات الي من السعودية يساعدونج
توته

[رافضية وللأبد]

ماتوقعت هذا الصد منكم
ساعدوني الله يسعدكم يابنات محتاجة لردكم العاجل والمفيد
الله يخليكم وينولكم مرادكم حبيباتي.

[رافضية وللأبد]

حبيبتي توته بحرانيه تسلمي عيوني يكفي انش حسستيني ان ودش تساعديني وهدا من طيبك .

[آخر شقآوهـ ..~]

السلام عليكم
اختي رافضيه للأبد الف برووك
بالنسبه اللي قلتي عنهم
رانيا انصحش تروحين لها بس يبغى لش من بدري تحجزي عندها
وبالنسبه للحنايه اني هدي عفر ماشفت حناها
بس اني اعرف ثنتين حناهم حلو عندهم محل اسمه حنه يكون في وجه رانيا
وبالنسبه للطقاقه اعذريني ماعرف
يعطيكِ ربي العافيه
تحياتي
ضحكوه البطه

[رافضية وللأبد]

يسللللمو حياتي ضحوكة( الله لايحرمني منش )
عاااد ابغي فزعت الباقيين من بنات المنتدى ادا يقدروا يساعدوني.

[واحد فاضي]

بس البنات يعني

بصراحه حق تجهيز الشقه

في ه محلات حلوه ورخيصه وأنا بالصراحه آخذ منها أشياء ما تخطر على البال

وهي المحلات اللي جنب ابهاريه للسجاد عند سوق التلفزيون والمحلات اللي في سوق التلفزيون
بعد فيها حاجات زينه بس انتبهي خيتي الى الاثاث لا يكون مخلوع ومزبط مره ثانيه
وخصوصاً الأبواب
وانا بصراحه اتعامل في أشياء المطبخ مع ايكيا --ما فيه الا في الرياض الحين ويقولوا قريباً بيفتحوا في الشرقيه--

اغراضهم مررررررررره رووووووووعه صحيح (شوي) غاليه بس فيها جوده مرررررررررره حلوه

وبالنسبه للتصوير وان كنت ما أحب اسوي دعايه --بعدين يزعلوا علينا بس عند المدام استيديوا --صبايا -- في تاروت

إذا بغيتي تشوفي تصويره في منتدى سنابس موجود اله صور

والله يتمم الش بخير ويسعدش يااااااااااااارب

تحياتي

[غرورالورد]

الف مبروك خيتو
بالنسبه للفرقه فرقه بني عساف (ام حسن عساف)
وبالنسبة لتعديلك
فتحية الصباغ روعه
كوافير رزان الي يالقطيف
وبالنسبة للتصوير
عندك ام شادي
واهي غنية عن التعريف
او استديو بنت القطيف
وبالنسبة للأثاث
عندك المحلات الي تحت الكبري الي في الدمام _الخبر
هناك محلات الاثاث شي طبي واختاري
واذا بغيتي اي استفسار انا حاضرة وبالخدمة

[رافضية وللأبد]

مششكووورين بعد قلبي على الرد الحلو (واحد فاضي -غروور الورد)
واحد فاضي كل واحد بنت او ولد الي يقدر يساعدني بس مادري والله ليش قلت بنات ........ فهاووه
وبالنسبه لتصوير المدام الله يخليها اللك ماتقدر تعرضهم لي هنا بهدا المنتدا
وبالنسبه لحراج التلفزيونات رحته واختلعت من الاسعار اتصدق غرفة النوم ب4000 اش دعوه اخاف يحركوها من المحل وتتفكك
اخاف الخشب مغشوش بعدين يعني انا حاطه في بالي يعني غرفه ب 9000 (ادا تعرفون محلات بهالحدوودسعرها)
واختي غروور الورد الله يسعدش ابغي رايش في رانيا ابو السعود ومين احلى هي ولا فتحيه
وي شكلي عورت راسكم بهدرتي بس والله محتاره
وابغاكي تقولي لي العساف كم وحده وكم سعرهم في الليلة .وادا عندش رقمهم دزيه الي عيني.
والي يقدر يفيدني لايبخل علي.
عسا ايامكم كلها افراح.

[رافضية وللأبد]

وين تفاعلكم الله يخليكم شااااااااااااااااااااااااااااااااااااااااااااااارك وني

[ملاك الناصره]

السلام عليكم أختي رافضيه ..عندي لش محلات انما ايه في التعديل ومجربين ووعد مني اذا ماطلعوش ملكه في يوم عرسش ماكون ملاك وهم صالون ال عصيده في سنابس وصالون اللمسه في الدمام بس بيت عصيده لايعلا عليه يعني ويش اقول يخلوا الجنيه ملكه والله تعديلهم روعه واسعارهم بعد حليوه..بس اذا تبغيهم لازم تحجزي بدري لان كله عندهم زحمه..وبالنسبه الى رانيا ابو السعود ما اقول لش تعديلها مو حليو الا حليو بس الصراحه تعاملهم زي الزفت يعني مايقدروا انش عروس ومرتبكه وحالتش حاله لا يلطعوش ولا يهتموا فيش بس مكياجهم حليو ولكن الشعر عندهم مايزبطوه يعني يسوه اي كلام وحتى الي شعرها حليو من اصله اول ماتوصل الصاله يكش بعكس بيت عصيد لو تقعدي الى يوم ثاني بالمكياج وتعديل شعرش مايتغير ولا حاجه..وبالنسبه الى المصورات عندش وحده اسمها فتحيه المشاره تصويرها روعه ووحده اسمها قصدي اسم محلها ماريا ديجيتل بعد هدي مره فضيع تصويره بس فتحيه احلى في وجهة نظري ..والفرق اذا تبغي فرقه اسلاميه حليوه عندش وحده اسمها ناديه(ام محمد) وال عساف بعد حليوين بس ناديه احلى ..اما اذا كنتي عادي فرقه فيها اغاني عندش فرقة الشواي مرررررررررررررره روعه وبيت عساف بعد حلوين بالاسلامي والاغاني ..امممم ويش باقي بعد ..الحنايه وحده مررررررررره حليو حناها اسمها معصومه مرررررررررره مررررررررره حليو حناها ..ومحلات كوشات عندش كلاسيكيات الي في شارع احد حلوين كوشاتهم والبيت الاخضر في القطيف حلو بعد كوشاتهم ومسكاتهم..الحين محلات الاثاث بالنسبه الى غرف النوم الصراحه اختي بتسعة آلاف مافيه حليوين يعني اذا تبغي غرف عدله بالقليل حطي ليها 12000وهذولين في الشماسي صحيح اسعارهم غاليه بس على مستوى يعني مره حلوين وتقعد اياش بالقليل بالقليل 15 سنه لانها على مستوى وراقيين ومحلات الاثاث الي في القطيف الصراحه مايسووا روحي الدمام او الخبر احلى ..ايه صح على طاري فاطمه زيمور اذا الي اعرفها هذي حناها يجنن مره حليو بس اني عندي معصومه احلى ..واستحمليني على كثرة هدرتي ..واذا احتجتي اي مساعده او اسأله مو تستحي ترى اني زيش يعني اعرف ناس واااجد تعودت لاني ..وسلامو

[رافضية وللأبد]

واخيرا تحركوا اصحاب النخوه وردوا تسلميلي يا ملاك الناصرة
ابسألش وتحملي ثقالتيييي خخخخخخخ
بيت عصيدة لغير العروس يعني خواتي مثلا حلو ولا لا واي وحده بالمحل توصيني عليهاوابغي رقمهم عيوني ادا ممكن
فتحية المصورة هدي من وين وابغي رقمها بعد وكيف اسعارها
وبالنسبه للطقاقات مو مشكله ادا مو اسلامي بس عندش رقم بيت عساف وهل تنصحيني بغيرهم بعد
بالنسبه لغرف النوم مو مشكله السعر لين وصل 12000 عل الاكثر بس توصفيلي المحلات الي بالدمام والخبر وين تصير
وادري طولت عليش بس تعطيني رقم معصومه الحنايه حبيبتي الله لايحرمني منش
وانشالله اخدمش بالفراح يالغاليه بس لاتطنشيني غناتي.

[واحد فاضي]

هلا بخيتي رافضيه للأبد
صحيح خيتي في سوق التلفزيون فيه محلات ........الله بالخير .....بس فيه محلات زي السريع زينين
عموماً عندش في الدمام .....محلات الأنصاري <<مو كله غالي فيه سعر متوسط وأنا ماخذ الغرفه
من عنده وصار اليها الحين أربع سنين ولا شي تغير منها أبد
--وفيه محلات قبل كورنيش الخبر - بعد الشرطه على اليمين .......فيه هناك محلات زينه بعد

وبالنسبة للتصوير ....معليش خيتي ...إذا تعرفي أحد من تاروت أو سنابس أو الربيعيه
فإسأليه عن ستيديوا صبايا -- أم زين العابدين - وان شاء الله يعجبش

والله يتمم الش بخير يااااااااااارب

[رافضية وللأبد]

مشكوررر اخوي واحد فاضي
بس وين صايره هدي محلات الانصاري عشان اني روحاتي للدمام قليله وكيف اسعاره
او لايهمك ابسال عن محل صبايا
الله لايحرمني من مشاركاتكم

[ملاك الناصره]

هلا والله أختي رافضيه ..غناتي من عيوني اخدمش بس اعذريني ما اقدر احط ارقامهم في المنتدى لأني ما اخذت الاذن منهم ..وللأسف المنتدى ممنوع نحط فيه ايميلات والله كان عطيتش ايميلي ورسلتهم إلش ..مو تزعلي مني غناتي بس آسفه مو بإيدي..وبالنسبه الى بيت عصيده حلووو في العروسات وغير العروسات يعني اني في كل المناسبات اتعدل عندهم وتعديلهم مررررررررره روعه..واذا تبغي بيت عصيده ترى ابا مايضيع بس تروحي سنابس اسالي اي احد وين صالون ال عصيده والكل بيدليش مشهورين هم..اما بالنسبه الى فتحيه هذي اتوقع من سيهات ..اما الفرقه دام انش عادي مو اسلامي فا انصحش ببيت الشواي يعني ماعمري شفت فرقه احسن منهم وبيت عساف بعد حلوين بس الصراحه مايطلعوا شي قدام بيت الشواي..والمحلات الي في الدمام في واااااجد حلوين بس اني ما اعرف اشرح خخخخ بس فيه محل في الدمام روعه مره اسمه الرميح وفيه واااجد حلوين واذا تبغي اجهزه كهربائيه روحي اكسترا حلوين واسعارهم حلوه..ومعصومه الحنايه هذي من الجش بس للأسف ما اقدر احط رقمها في المنتدى..تقبلي مروري اختش ملاكوو