اول طبخه في حياااااتي !!!

[فرح]

السلام عليكم ..اول شي مشكوره اختي فروحه على الفكره الروعه ..وثاني شي مشكوره لأنش خليتيني اضحك شوي ويا ذكريات الطفوله..

1)ماذا طبخت ؟
والله ياطويلت العمر سويت كيكة بيت كروكر الجاهزه يعني..
2)كم كان عمرك عند دخولك المطبخ اول مره؟
كنت في أول ابتدائي يعني تقريبا ست او سبع سنوات..
3)هل كانت الطبخه ناجحه ؟ام فاشله ؟وما اسم الطبخه ؟
احم احم والله الصراحه من ناحية ناجحه مو ناجحه مره ولا فاشله مره يعني تقريبا عدله بس منسمه يعني ما انتفخت تدري لويش لأني كل شوي اروح افتح الفرن واطل عليها هههههههههه مسكينه مستانسه بعمري والله اول مره اطبخ يحق ليي
4)ماهو رد كلا من الوالدين عليك ؟بالرضا او الغضب؟
لا عاد اقول اول مره اطبخ يعني اكيد بيمدحوا فيني صحيح انها صارت منسمه بس جاملوني قالوا ليي مره حلوه حتى المخابز مايعرفوا يسووا زيها وابوي قاعد يسخر عليي ويقول ليي والله رفعتي راس العايله بطبختش العالميه حتى سعد الدين مايعرف يسوي زيها يقول ليي سوي مره ثانيه صينيات واجد خلينا نوزع على الفريق وهو فاطس من الضحك..
5)هل انت كنت راضي على ما عملته ؟
الصراحه بالنسبه الى سني الي سويتها فيه اكيد راضيه وكل الرضا بعد اما لو اسويها الحين اكيد مابرضى ههههههههه..
6)هل كررت الطبخه ذاتها مره ثانيه؟
ايه اكيد سويتها احبها اني كل ما اكون جوهعانه وزهقانه اروح اسويها خصوصا ايام الدراسه اذا رجعت واني هلكانه وشوي واموت من الجوع ومافي شي اكله اقوم اسويها بسرعه هي ماتطول ولا تحتاج عنتره خخخخخخخخ..
7)ما هو شعورك عند اول تجربه لك بالمطبخ؟
بصراحه كنت مستاسه واجد تقولي كأني شايفه الجنه قدامي وكل شوي افتح الفرن اقول ما استوت هههههههه ...
امانه لااحد يقوول مافيه كل واحد اكيد دخل واله تجربه حتى لو بيض محروووق هههههه
ايه ولو.. اكيد كل البنوتات دخلوا المطبخ بس الشباب ما اظن كلهم ..اخوي عمره 23 سنه والى الحين لما يبغى شاي اني اسويه اليه مع العلم اني اصغر منه بس ويش نسوي لازم ندلعه ونحترمه يظل اخوي الكبير..
اتمنى الاقي تفاعل معااااي ..
حاضر يا استاذة الكيمياء وعلى العين والراس ياقمر انتي...
تقبلي مروري اختي واتمنى اني ماطولت في كلامي ومنت ظيفه لطيفه ظريفه خفيفه نظيفه على صفحتش هههههههه تحياتي ملاكوو

هلا بالطباخه الصغنووونه لاوبعد كيكه ياحلاتك
بس حلوووه وفي سنك انك تسوين وتدخلين مطبخ
بس ياني بموووت ضحك عليك وعلى تعلايقااات الوالد الله يحفظه لك
كيك وسعد الدين حلوو توزعين فيه مجانا ههههه
ليش حبيبتي لولاد مايدخلون المطبخ اكتير اولاد يعرفون يسون الاالبنوتات
مايعرفون يسووونه ..
يسلمووو حبيبتي مــــــلاك
ع حظووورك وطلتك نورتي صفحتي
يعطيك العاافيه ولاحرمنا نور تواجدك الطيف
دمت بخير