ياكبر فرحتك يافيصل ...
فيصل: مها تعالي شوي ابيك
الام: ومن مها ذي ؟؟؟؟؟؟؟؟
فيصل: من مها انا قلت مها؟ انا قلت فاطمه
الام: وشتبغا في فاطمه عندك شي قوله قدامي
فيصل ماحب تشك امه فيه: ابغى اقولها .....
الام: تكلم شعندك
فيصل: يايمه الله يهديك لازم يعني تخربين المفاجآت
الام: يافاطمه الخبل هذا وشيقول
فاطمه: علمي علمك يمه
فيصل: والله انكن منتن بكفو اللي وده يوديكن يفسحكن
الام: أي والله ياوليدي ضايق صدري من البيت بس عقب بنروح اول نروح نسلم على الجيران
فيصل: طيب انا بروح اسلم على واحد من الربع وعقب امركم
وهو في السياره كتب لها مسج : "والله يامها ان صوتك رغم بعده انتشلني من احزاني وهمومي وعادت الحياة فيني من جديد بعد ماانطفت شمعة الامل بحياتي" وارسله لها وقلبه يطق : ياليتني رحت بدالك يالسكنيه اجل انتي كلام وتروحيلها بدقيقه انا وش اسوي وانا انسان لي مشاعر
نطر ربع ساعه وعيونه على الجوال معلقه : ياربي شفيها اكيد ان رصيدها خلص ؟؟؟؟؟ ترك تلفونه على الصامت ونزل يسلم عل صديقه
وبعد ماخلص من صديقه تذكر انه مواعد اهله يوديهم منتزه ترفيهي يغيرون جو..وقرر انه يتصل عليهم علشان يتجهزون...
...............الرسائل الوارده: 2.......
الرجال طار من الفرحه وهو يقول بداخله:الحمدلله ماطنشتني والله انك نشميه يامها
الرساله الاولى من عامر يقول فيها: "يارجال وينك الناس عيد يسلمون ويباركون وانت مايندرى عنك حي والا ميت مااقول غير:عيدك مبارك"
ضحك فيصل من قلبه وهويقول الله يقطع سوالفك ياعامر انا كيف نسيتك؟؟؟؟؟وهو بيرد على رسالته تذكر الرساله الثانيه وقراها ...
"اسم الله عليك من الموت عدوينك واللي يكرهونك انشالله ولاتعيد هالكلام ترى تضايقني يالغالي"
فيصل: انا غالي يعني هي تعزني الله علييييييييييك يافيصل من قدك انت غالي عندها انت يافيصل ياهنيي
ومارد عليها فيصل لانها صدمته بكلامها حس بالدنيا غير والناس اللي حواليه غير وصار يشوف الناس كلها بعين وحده وهي عين الحب وهو بالسياره الضحكه شاقه حلقه والابتسامه العريضه اللي مافارقته واللي يشوفه بالسياره بروحه يتبسم يقول عنه خبل .....
نسى الرجال اهله وانه مواعدهم ...وراح سيدا لعامر صديقه