الام: خلنا من الهرج اللي مايجيب ولا يودي ...وقلي متى تبغانا نملك على البنت ترى انا عطيتهم كلمه
فيصل بعصبيه: وانا؟ انا مالي كلمه ؟؟خلاص طبختيها
الام: وش اللي طبختها ما طبختها ؟؟؟
فيصل يحاول يتكلم بالعقل: يايمه ياحبيبتي انا اللي بتزوج مو انتي عشان تقرري على كيفك والدنيا ترى اخذ وعطا
الام: انت اصلا تبغا تعصاني مو صيدك شي ثانيّّّّّّّّّّّّّّ!!!!!!!!
فيصل: يايمه حرام عليك والله اني اغليك وانك شي ثاني بدنيتي
الام:طيب قولي شفيها موزه بنت حلوه ومؤدبه
فيصل: الله يهديك يمه وش الحلو فيها تجيب المرض
الام:عيب تقول كذا عن بنت خالتك
فيصل: يمه ممكن سؤال؟
الام: انت سائل سائل قول وشعندك
فيصل: انتي تحبيني؟؟؟؟؟؟؟؟؟
الام: لعنبو دارك عشيقتك انا ؟..عشان تقول تحبيني ماتحبيني وش هالخرابيط
فيصل:يعني انتي ماتحبيني؟؟؟؟؟؟؟
الام :يا فيصل انت ولدي الوحيد وماعندي اغلى منك واللي بقلبي لك اكثر من الحب
فيصل:وتدورين على راحتي؟