الفرق بين العروس قبل وبعد== ادخل ووسع صدرك

[غـــرام الــورد]

--------------------------------------------------------------------------------

اللي ما أعرس وتوه يبي يستانس

واللي أعرسوا كان الله في عونهم



الفرق بين المرأه في السنه الاولى من الزواج
والسنه العاشره



تشير

الساعه الى 6:30 صباحا

تودع زوجها وهو طالع للعمل وتقول له بالسلامه يا حبيبي



الساعه 11 صباحا

تتصل عليه في العمل وتقول له حبيت اسمع صوتك بس يا عمري

الساعه 3 العصر



تستقبله وهو متشيكه وتبوسه وهو داخل للبيت وتقول له
الغدا جاهز يا حياتي ..تحب احطه لك الحين ؟



الساعه 5 العصر


تصحيه من النوم ببوسه وتقول له اعمل لك شاي يا حبي ؟

الساعه 6 المغرب

تسبل عيونها وتقول بكل خجل يا ريت يا حبيبي .. يعني لو
ما عليك كلافه .. يعني اذا تقدر توديني شوي لبيت اهلي
اذا كنت تقدر يا عمري وقبل ما ينطق بكلمه ( اذا ما
تقدر خلاص مو لازم ) وطبعا يضيع هو في نظره من عيونها



ويوديها لاهلها ولو انهم ساكنين في الدمام وهو ساكن في
الخبر



الساعه 8 بالليل

تتصل على الجوال وتقول ( اشتقت لك يا عمري .. يا ريت
تمرني ونروح للبيت ) وطبعا هو عارف وش بيجيه في البيت
فيطمر ويقول للشباب اسف والله يا شباب راسي مصدع ولازم
امشي

الساعه 10 بالليل

تجلس جنبه وتقول ( الله يا حبي تتذكر ؟ تتذكر ايام
الخطوبه لما كنت تعمل المستحيل عشان تشوفني ..وانا يا ما
كذبت على ابوي وقلت له اني طالعه مع امي وانا اصلا متفقه
مع امي عشان اطلع معك (

الساعه 11 بالليل

الوصول الى هذه الصفحه غير مسموح


بعد مرور عشر سنوات

الساعه 6:30 صباحا

هي في سابع نومه



الساعه 11 صباحا
هي برضه في سابع نومه



الساعه 3 العصر

تستقبله وهي نافخه خشتها وتقول ( شف لي حل مع ولدك علي
هذا ..حتى الان ما حل الواجب .. وسوير الله ياخذ عمرها
انشاء الله شاقه مريولها في المدرسه …عطني فلوس لازم
اروح اشتري لها واحد غيره … وصويلح يبي علبة هندسه تو
انه يقول لي يوم ان الاختبار صار بكره … وترى موضي



تكرفست مع الدرج وهي كانت في المشايه … والظاهر انها
تعورت …كله من هالشغاله الله يا خذها ….اسمع يا انا يا
هالشغاله في هالبيت ….ابيك اليوم تسفرها ما ابي اشوفها



وابيك بسرعه تقدم على وحده ثانيه ….وما ابيها تصير
حلوه …..يا ويلك لو صارت حلوه …..وبعدين شغالتي ابيك
تشرط عليها اذا سفرتها ما عاد تشتغل عند احد ….عشان ما
تقول اسرار بيتنا للناس الي تشتغل عندهم ( ما تدري ان
اسرار بيتهم كلها عند الجيران من لسانها هاللي وش طوله (


و …و …..و


الساعة 5 العصر

هي تفك هوشه بين سوير واخوها ويصحى هو على صوتها وهي
تهاوش وتدعي عليهم بجميع الامراض الخطيره الحديث منها
والقديم ( جعلكم للطاعون …جعلكم للحمى …جعلكم للوادي
المتصدع …جعلكم للحمى القلاعيه …والايدز ..الخ (



الساعه 6 المغرب

هو جالس يشرب الشاهي وهي تقول ( نبي نروح لامي بتجيهم
بنت خالة جد ولد عم ابوي ..وبعدين نبي نروح نشتري للبنت
مريول ..وبعدين بنت عمي والده ولازم اروح اشتري لها هديه
من باتشي و ابي امر على المشغل ..وبعدين حطنا عند اختي
في الشفا من زمان ما شفناهم …………..



وفي هاللحظه فكر هو انه يشتغل ليموزين احسن له



الساعه 8 بالليل

تتصل على الجوال ( وينك فيه ؟ وبعدين وين بتروح ؟ ومنهو
الي معك هذا ؟ ووش بتسوون ؟ ومتى بتجي ؟ لا ما فيه الساعه



تعال الساعه 10


الساعه 10 بالليل

جالسين هي وياه عند التلفزيون ..اخيرا هدوء ..والعيال
نايمين ..والجو جميل ..وفجأه تطالعه وهي ماده بوزها
وتقول ( الحين امك وش عندها اليوم ما ترد يوم اني سلمت ؟


هاه ؟ ( والله ما ادري كان سالتيها ) ( واختك وش
هالحركات الي مالها سنع …ليش عازمه الجيران وكل حريم
اخوانك الا انا ؟؟؟ لكن هين والله لاسوي عزيمه وما
اناديها …اصلا هي ما زارتني في المستشفى يوم اني ولدت
وانا فاهمه قصدها ..لكن هين ..والله لو تحب السما مانيب
زايرتها اذا ولدت ……وبعدين بنات عمك وش عندهم نافخين
عمرهم ؟؟ على ايش ابي افهم ….على جمالهم الزايد اللهم لك
الحمد بس ) تسكت شوي بعدين تقول ( وبعدين اختك نوره يوم
انها تقول ان علي ولدي يشبهني ما يشبه ابوه وش قصدها
هاه
ملاحظه : علي هو اشين اخوانه


انا فاهمه قصدها

وتراها اذا ما بطلت هالحركات والغمز واللمز تراني
ابسمعها كلمتين واخليها تحترم نفسها …..لا وذاك اليوم
تقول اخوي محمد ( الي هو الزوج ) حلو مره و3 من حريم
الجيران قد خطبوه لبناتهم ….من زينك بس ما ادري وش لاقين
فيك ) . يسكت وما يرد , تسكت هي ثم تقول ( وبعدين اخوك
شاري لحرمته ساعه قيمتها عشرين الف ريال ) يرد ( طيب وش
المشكله ؟ ) ( وانا ليش ما تشتري لي ..والا انا ما
استاهل ..ولو هي يعني احسن مني … بلاك ما شفتها ..شينه
وطبايعها شينه وحتى طبخ ما تعرف تطبخ ) ( خلاص اشتري لك
ساعه ) تعصب وتقول ( ايه تسكتني بهالكلام ….والله لانت
شاري ولا شي ) ( وش تبيني اقول يا بنت الحلال ؟ ) تقوم
وهي تبكي خلاص ما ابي منك شي !

الساعه 11 بالليل

هي زعلانه ونايمه مع العيال

وهو يتحسف على اليوم الي تزوج فيه

Ranya

أرجوا من الجميع المشاركة.

[صدفة البحر]

غرام الورد ...
زين قلتِ لي قبل الدخله ..
عشااااااااااااااااااااااااان ننفذ بس عاااااااااااااااد مو كلشي ..
يسلموووووووووووووووووووا
صدوفـــــــــــــــــــــــــــــــــــه

[غـــرام الــورد]

هلا وغلا عزيزتي صدفة البحر vbmenu_register("postmenu_391295", true); ..

شاكرة لك كل الشكر

[شبكة الناصرة]

السلام عليكم ورحمة الله وبركاته ..

يعطيك العافيه على الطرح ..

كل المودة

[روائع القصص]

بصراحةكلا مش مو كلة عدل لان مو كل من تزوج صار هذا حالة
مع اني مو متزوجة ولامخطوبة بس اكيد با فكر حتى فية اذا كنا
نحب بعض وانا فاهمة وهو فاهم بنقدر بغض طول العمر وعلى فكرة
ياعمري ترا مثل هالموضوع ممكن يسبب مشاكل للي مخطوبين ومتزوجين بغد خصوصا للي توهم

[دنيا الأحلام]

يسلمو خيتو غرام الورد والله مشاركة جميلة منك..
خيتو روائع القصص وش فبك مسكتي البنت بشراع ومجداف
اهي ماقالت شي غلط الله يسلمك ويسلمها ..
عموما" خيتو غرام تسلم ايدك ولاعدمنا جديدك..

[غرورالورد]

تسلمين غرام

[بقايا روح2]

وربي إني اعرف وحدة الله يستر عليها ... ما صار لها سنتين من تزوجت وهي نفس مواصفات اللي متزوجة بعد 10سنوات .. الله لا يبلانا .. لأن هذا بلاء وإذا شفت البلاء قول يا دافع البلاء ..
تسلمين على النقل ...

[بيسان]

وال وال ياادافع البلا
ترى اصاابيعكم مو سواء
في الا كذا وفي الا ظل طول عمرها في سنه الاولى من الزواج
بس تدروا هذا يعتمد على الزوج
:)
وان شاء الله اظل ع النوع الاول طول العمر يارب
ومشكووووره ع الطرح
تحياااتي لك
بيساان

[دمـــعـــة ألـم]

ياسلااااااااام

عشر سنوات وهي الع فية
الحين دورة خلاص عاد

ههههههههههههه عادي هكذا الدنيا تسير


تسلم

[ام الحلوين]

اسمحوا لي اقول رايي وهذا بعد عشرين سنه زواج والحمد لله خبره ترى
اذا صاروا الزوجين متفاهمين ومقدرين الحياه الزوجيه ماراح يجيهم الا كل خير وسعاده

اذاتعاونوا في تربية اولادهم واتفقوا على راي واحد في تربيتهم مارح تجي مشاكل

اذا المرأة احترمة نفسها وما قرقرت ولاحنة على اتفه الاسباب ولاصارت مزعجه و أدت كل حقوقه الزوجيه بكل عقل وحكمه راح تعيش في سعاده طول عمرها مو بس السنه الاولى واخير شىء اتمنى الى الكل السعاده الزوجيه اللابديه الرائعه المبنيه على الحب والتفاهم

مشكوره اختي غرور الورد والله يعطيش الف عافيه وعساش السعاده انشاء الله

(ملاحظه ترى المرأة عندها مفتاح سعادتها مع القفل هيه الي تفتح وتقفل باردتها )

[اكلـ الورد ـيل]

السلام عليكم...
مشكوووووووووووووووورة اختي على النقل الجميل

[كبرياء]

يسلمووو خيتو غرام الورد على اموضوع الحلوو

ودمتم

[ريومه]

ههههههههههههههههه

ههههههههههههههههههههههههههههههههههههه

ههههههههههههههههههههه

هع هع هع

مودتي

[غـــرام الــورد]

السلام عليكم ورحمة الله وبركاته..

هلا وغلا فيكم حباايبي ..

..

الله يعطيكم العافيه يالغلا..