رجال مسوي له منتدى

[ملكة سبأ]

هــــلا والله بأعضائنا وزوارنا ومشرفيننا وكلكم باختصار معكم شروط المنتدى

لقد تغيرت شروط التسجيل في المنتدى ....وتم تغيير مسمى المنتدى لتواكب مرحلة ما بعد الحرب الباردة

اعرفوا الشروط زين....وافهموها....واللي ما يبي هالشروط جعل اصابعه اللي طقت على الكيبورد الكسر...ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا. بما ان هذا الموقع موقعي بروحي لابارك الله فيكم وفي الساعة اللي فتحت لكم هالموقع....فاللي يبي يسجل معنا يوافق على الشروط من فوق خشمه ....والشروط هي...



- اللي يسب اي واحد من الاعضاء بنجيه وبنربط حواجبه في صدامات الهايلكوس وبنروح ونطعس فيه باقرب طعس... قايلكم حنا ما نلعب

2- اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز....وابحجز له على اقرب رحله على طياره ترش الجراد و ابرميه من على ارتفاع 50000 الف قدم وبرضخ به على خوص نخله...علشان ما يعود لها. قايلكم حنا ما نلعب

3- انتم اعضاء لكم تكتبون بس....ولااحد فيكم يسوي لي فيها مراقب مانبي مراقبين.....فهمتوا ولا افهمكم...

4- مسموح الذب...والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا...صح ولا ماهو صح...قولوا صح لابارك الله بالساعه اللي جمعت هالخشش فيها...

واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش... ساحتنا وحنا حرين فيها


5- اللي بيسجل باسماء . خرابيط ..ولا مخله بالادب....هذا بنوديه لا اقرب شيخ وبنكويه وبعدين بناخذه لأقرب عين ماء او بحر ...وبنغطسه وبنطلعه...ونغطسه ونطلعه الين مايقول....خلاص توبه... قايلكم ما نلعب...

6- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه له....واذا فيه خير يقابلني وين ما يبي....

ملاحظه......
اللي بنكتشف انه رجال مشورب ويكتب باسماء بنات...ولا بنات تكتب باسماء رجاليه هذولي بنخلي خششهم كلمات متقاطعه يصعب حلها.....والله ما يضرب بعصا يا سرع طيحتهم


موافق .................

غير موافق ...............

واللي موافق يكتب انا موااافق

واللي مو موافق احسن علشان مايضايقنا هو ومشاركاته

هاااه موافقين يلا نشووف مين موافق

[مياس]

بسمك اللهم
هههههههههههههههه يادافع البلا يا الله

وش هالشروط حرب مو منتدى
يسلموووو أختي ملكة سبأ

[عنيده]

هههههههههههههههههههههههه


هذا شخص بس واحد شاركه اقص ايدي ..


هههههههه


يسلمووو

[الأمل البعيد]

هههههههههههـ

مو منتدى هذا خخخ .. شكلهـ رايـ.ـح فيها هـ الرجال

يعطيكِ الف عافيه خيه ملووك ..

الأمل البعيد ..

[دمعة على السطور]

هههههههههههههههههههه
ههههههههههههههههه
موافقة بشوف آخرتها مع منتداك الفاااااشل..
ياأني ياأنت
ههههههههههههههههههههه


يعطيك العافية حبيبتي ملكة القلوب...
نكتة ولا أحلى ...
دمتي بسعادة...

[سـلـوان]

هع هع..

عجبتني الشـروط،، بـسجل..<< طقي راسك بـ أقرب جدار..

<< حـافظة الدرس هع..

تشكرات خيتوو..

[اسير الهوى]

الظاهر محشش الاخ

انا موافق ولا بلتزم باي شرط وخلنا نشوفه هو وخشمه وش بيسوي ههههه


شووووكررررررن ملكة سبأ

وعوافي عليك

[ملكة سبأ]

مرحبا بالغوالي : مياس ـ عنيده ـ الأمل البعيد ـ دمعة على السطور ـ سلوان ـ اسير الهوى .
بس افتح لي منتدى راح احط نفس الشروط هاذه وإذا ماتسجلو فيه ياويلكم مني خخخخخخ .
سعيده بتواجدكم شكرا لكم