قصص مرعبه.. الرجاء من اصحاب القلوب الضعيفه عدم الدخول

[ملاك الناصره]

بسم الله الرحمن الرحيم
مشكوره اختي اسرار على القصص الرائعه
وأني راح اكتب ليكم قصه صارت معاي شخصيا بس القصه طويله شوي وراح اختصرها

أول ماسكرت المدرسه كنت أنام بدري<<لأن الحين نومي اخترب انام الصباح خخخ
المهم يوم من الأيام قبل مايسلمونا النتايج كنت قاعده احاتي مره النتيجه وفي داك اليوم مانمت بينما خواتي واهلي كلهم نايمين وراهم دوام مو مثلي ..المهم جلست بروحي في الصاله واهلي نايمين واني مشغله التلفزيون ومنزله الصوت بالمره يعني دوبه ينسمع .. وكنت مستمله حدي فاقمت اقرأ قرآآن بصوت هاااادي وبخشوع ..المهم شفت اختي قايمه من النوم ومعصبه حدها وتقول لي اففف منش ويش هالإزعاج ماتدري ان ورانا دوام .. استغربت حدي قلت غريبه اول مره اختي تقول لي انها مزعوجه من قرآت القرآن مع ان اهلي وخصوصا اختي كانوا كله يصروا انهم يسمعوني لما اقرا القران ويكونوا معاي يقولون لي صوتي مره مؤثر لما أقرأ القرآن ..قلت ليها طيب آسفه بس لأني كنت مستمله حدي وقلت اتسلى بالقراءه ..المهم عصبت فيني حدها لما قلت كذا ومسكتني بقوه وتقول لي اذا سمعتش مره ثانيه تقرأي ياويلش وقالت ليي ابجلس معاش طول الليل بشوفش تقرأي لو لا .. واني ماني مستوعبه الموضوع اقول في خاطري معقوله اختي تقول لي كذا .. المهم قلت ليها اوكي خلاص ماراح ازعجش روحي نامي قالت لي لا مافيه بجلس وياش قلت ليها طيب اني بروح انام قالت لي نامي اني ويش دخلني ..استغربت حدي اول مره اختي تكلمني بدا الأسلوب ..المهم دخلت غرفتي وقفلت الباب وجلست اقرأ قران بصوت مره نزيل يعني يادوب اني اسمعه..لاحظوا قفلت الباب .. ماسمعت الا صوت صراخ وضجيج يقول لي قومي افتحي الباب لا افتحه بالغصب وطبعا اني مره خايفه وقلت ماراح افتح الباب ماشفت الا اختي داخله وفاتحتنه بكل سهوله صرخت وقلت كيف فتحتيه واني مقفلتنه قالت ليي انتي ما تفهمي مو قلت لش مو تقرأي قرآآن .. قلت ليها صلي على محمد بكره نتايجنا وخايفه ما اجيب الأولى خليني أقرأ علشان يروح الخوف الي في قلبي قالت لي والله اذا تقرأي مره ثانيه راح انزلش الأرض تحت يعاقبوش صاحباتي الي تحت ..واني اصيح وعلى وجهي مليون علامة استفهام .. المهم في وصت هالمعركه ماسمعت الا صوت جوالي يرن الا هو خطيب اختي طبعا بعد السلام والهدره يقول لي ويش فيش لويش تصيحي وحكيت السالفه ليه واختي قدامي ماتتكلم ولا كلمه واني كلما قلت ليه حاجه يصلي على محمد وآل محمد يوم خلصت كلامي قال لي يافلانه اقول لش شي بس توعديني تتمالكي نفسش وتهدي روحش قلت ليه قول قال ليي داهي اختش من العصر ويايي وخايفه عليش كلما تتصل فيش ماترفعي الجوال وتبغى تكلمش اني طبعا ماصدقت الا لما كلمتها ... لأن اني كنت في بيت جدي ومارجعني عمي الا يوم خواتي ناموا ومافيه الا اخوي قاعد وبعدين قام نام فما ادري ان اختي مو في البيت .. المهم قالت لي اختي استمري في قرآت القرآن لين ما اوصل لش البيت مو تخافي ولا تبيني الى البنت انش خايفه زين .. المهم سكرت الجوال وقعدت اقرأ قرآن والبنت معصبه حدها بس ماتضربني وكلما قريت زادت عصبيه لين ما توجهت الى الحمام وسكرت عليها الباب واني اقرأ وبعدين جت اختي وتوجهنا اني وياها الى الحمام الا مافيه احد بس مسكوب فيه دم وااااااجد وما قدرنا نستوعب الموضوع اني ويا اختي ولا وحده فينا رضت تغسل الدم الي بالحمام المهم جا الصباح واني واختي مو نايمين وجلسوا اهل البيت وحكينا ليهم السالفه وماصدقوا الا لماشافوا الدم وقال ابوي الحين بخلي كل الجن الي في البيت يطلعوا بس لا احد يخاف قام ابوي شغل شريط قرآن سورة يس وسمعنا اصوات تموت من الخوف كأن احد يتشابق ربع ساعه بس ولا كلشي طبيعي الى حد اليوم ولافي جن ولا حاجه بس المهم ان بيتنا مانتركه يوم بدون قرآة قرآن علشان مايفرحوا ... وعلى فكره رحت جبت النتيجه وبفضل الله أخدت الأولى .. اتمنى انكم استفدتوا من قصتي وانكم اهم شي ماتخافون منهم لأن اذا خفتوا هم يستنسوا وصلوا على محمد وآل محمد ولابيقدروا يسوا ليكم ولا حاجه... والسلام عليكم..