يتبع>>>>>>المشاركة الأصلية كتبت بواسطة أمير العاشقين
1/ ما رأيك بالعباه ذات الالوان المتعدده ؟
بلوى ابتلى بها المجتمع
2/ لو أهديتك وردتان
الاولى حمرا والاخرى بيضاء
فأي ورده تعطيها أمير العاشقين
وأي ورده تهديها شبكة الناصرة ؟
اشتري وردتين ثانيين واهدي كل واحد وردتين
لأنكم تستحقون كل الخير
3/ كم مره أنهيت القران هذه السنه وكم مرة في رمضان ؟
الى الآن مره واقرأ في الثانيه
كل شهر عشرة أجزاء انهيها والحمد لله
وفي شهر رمضان ان شاء اله مره أو مرتين
4/ في رمضان البعض يفطر قبل الصلاه والبعض الاخر بعد أنت من أي نوع واذا كنت قبل الصلاه لماذا ؟
في شهر رمضان افطر بعد الصلاة
قبل الصلاة آكل شوية تمر وكاس ماي أو عصير بس
علشان لا اتثاقل عن الصلاة
5/ ماذا أعجبك في الشبكة العنكبوتيه ؟
توافر المعلومات بسرعه
6/ أذكر لي موقف محرج أبي أضحك طلبتك لاتقول مافي شي في بالي ؟
الله يغربل ابليسك
مره واحنا في العمره - اشتغل في حمله من الحملات
جات حرمه ( لكن قصيره مرررررره) ودقت باب المطبخ
طلعت اليها وطلبت سكر وعطتنا رقم الشقه
المهم حطيت شوية سكر في علبه ومعاها ملعقه ورحت الشقه اللي
عطتنا رقمها ودقيت الباب
وطلعت اليي حرمه ، قلت اليها فيه (جاهله ) جت وطلبت سكر
وهذا هو -- الله يغربل ابليسها هي ما صدقت خبر
وفتحت الباب -ولأن أكثر اللي في ذيك الشقه اعرفهم
قلت اليهم وين ( الجاهله اللي طلبت السكر )
وعيونك ما تشوف الا النور
وهات يا هذره
اني جاهله ياللي ما تستحي
والحريم ميتين من الضحك
--الله يغربل ابليسك خليتنا نطلع الفضايح -
7/ أخي وبصراحة متى خجلت من والدك ؟
لأن الوالد-الله يخليه - ما يتكلم
مره كان يأشر الي ورحت اياه الغرفه
قام طلع الي عشرين الف ريال
يبغاني اتزوج ، لأن صار الي ثلاث سنين اشتغل
وما جبت سيرة الزواج
قمت طلعت من الغرفه
وطلعت من البت ذيك اليوم
وما رجعت الا بعد ما نام الوالد
-لا طلعت الفضايح بجد خخخخخخخخ
8/ ما رايك بالبنت التي تمتلك جوال وهي لم تكمل ربيع عمرها ؟
حسب تربيتها وحسب الحاجه يا خوك
أنا اختي ما طلبت جوال الا بعد ما تأذت من السواقين اللي يوصلوها المدرسه
يوم يجي متأخر ويوم يجي بدري
بس كله على التربيه
9/ ما رأيك بتقنية البلوثوث الجديده ؟ وهل هي سلبيه أم أيجابيه ؟
حسب الإستعمال مثلها مثل باقي التقنيات الحديثه
10/ ماهو جهازك الجوال المفضل ولما أخترته بالذات ؟
جهازي نوكيا 6300
وجاني هديه بمناسبة عيد زواجي
اذكر موقف حصل لك بالدرسه خيوو ؟
يعني ناوي علي مرررره خيو بس ما يهمك
في الدراسه مره كنا نلعب في حصة الرياضه
وما شفنا الا المدرس جاي ويقول الينا يالله ما فيه كرة قدم
اليوم كورة سله ويد
اي سله ويد ، ومره وحده ما شافوني الى ماخذ الكوره واريح عند المدرس
وشايت الكوره على حد حدي ، لكن الحمد لله ما جت في وجهه
ولا والله كان في المستشفى -يمكن لليوم هههههههه
وكل ما تذكر ذاك الموقف احمد ربي الف مره على ان الكوره ما جت في وجه المدرس
وبسببها نقصني 5درجات
11/ موقف حصل مع والدك؟
- ناوي اخوك مررررره تجيب العيد
مره كان فيه واحد -والعياذ بالله - مرررره مو زين
متقدم الى اختي للزواج ويصير ولد صاحب ابوي
بس هو ما كان يعرف عن ولده شي
والحين كيف اقول الى الوالد ان هذا الولد مو زين
رغم ان ابوه من خيرة الناس
توكلت على الله وقعدت مع الوالد وأفهمه الحين ان الولد مو زين
وهات يا إشارات بس في النهايه الوالد عرف الشي
وطلب مني اني احجز اله الى المدينه علشان لا ينحرج
من ابوه اللي هوه صاحبه
هذولا أسئله أمانه عليك تجاوبهم بصراحه وبدون مجامله عادي ترا ما في شي قول
الصراحة
12/ لو طلب منك أمير العاشقين بيتين من خواطر ماذا ستهديه ؟
لا تقل ان الغرام هو لب للهيام
انما قولٌ تناثر فوق ارضٍ للسلام
كيف يغفو عاشقٌ يزداد عشقاً
كيف يغفو من به زاد الهيام
---------------
ان شاء الله تعجبك
لأنها جت على البال الحين
13/ ما رأيك بخواطر أمير العاشقين ؟
اشبهها بالإحاسيس المكتوبة على
صفحات الزمن لتعلن عن قلم رائع
وما هي أفضل خاطره أعجبتك ؟
بدون مجامله ، كل الخواطر وكل وحده أحلى من الثانيه
لأنها تعبير عما في النفس أخي أمير
14/ ما رايك بامير العاشقين ؟
راااااااااااااااااااااائع --وبدون مجامله صاحب اطلاله جميله
وما هي ملاحظاتك عليه ؟
كثير الغياب <<<<بننقصك درجات --أهم شي لا توصل للحرمان
15/ كلمة تود قولها إلى أمير العاشقين ؟
الله يوفقك أخي في حياتك العمليه وان شاء الله
تحصل على الوظيفه اللي تتمناها واذا حصلتها
ان شاء الله تتوفق فيها
وكلمة تود أن تنصح بها أمير العاشقين ؟
لا تتأثر بالظروف ، وخلي كل صعوبه تواجهك في حياتك
تكون زاد الك للمستقبل ، ولا تيأس من الحياة
ففي الحياة الحلو والمر ، ولولا الفشل ما وجد النجاح
ومشوار الميل يبدأ بخطوه يا خوك
16/ هل أزعجتك أسئلة أمير العاشقين ؟
يمكن شوي خخخخخخخخ
لا يا خوك تشرفت بتواجدك أخوي
ولو انزعجت منهم كان ما جاوبت عليهم
وستعملت الفيتو
اسئله خاصة بطبقة الحب
17/ ما رايك بالحب ؟
هو تعبير عما يختلج في النفس
وابداء للمشاعر التي تجتاح النفس
لكن في هذه الأيام عندما تتكلم عن الحب ينظر اليك بنظره مريبه
وهل يعلم هذا الناظر ان للحب انواع
18/ وهل رق قلبك واحببت يوماً ؟
أكييييييد أحببت <<الله يستر هههههه
لكنه حب من نوع آخر <<ولا تسأل ما هو النوع
اذا احببت فما هو شعورك ؟
هي اختلاجات في النفس تسيل فيها المشاعر طرباً للمحبوب
ولا يمكن وصفها لأنها تأتي كطيف في الليل
19/وقع ابنك في دوامة الحب ماذا تفعل ؟
حسب نوع الحب اللي وقع فيه
لكن عموماً لابد من مصارحته بالأمر
ومعرفة نوع حبه
والا...................؟؟؟؟
20/ ما رايك بمن فارق حبيب وغالي ؟
الله يعينه على هذا الأمر
ففيه كم من شخص تحطم
لكن القوي الذي يزيده هذا الأمر
قوة على الرغم من الألم الذي يجتاحه
المفضلات