المشاركة الأصلية كتبت بواسطة ســحرالقوافي
2-اوصف شعورك وانت تسمع بكاء زين اول مرة ؟( بتفصيل الممل )..... شدني كلامك عنه ابغاك توافيني بتفاصيل
ولا يهمش خيتي سحر القوافي ...........على العين والراس
هذا يا طويلة العمر ومحفوظة السلامه من أولها .................بالصلاة على محمد وآل محمد
يوم الأربعاء 11 ربيع الأول وبعد معاناة مع بعض المستشفيات وصلنا الى مستشفى تداوي بالدمام
ودخلنا قالوا الينا ولاده خلاص ، ودخلنا وانتظرنا شوي وجت الدكتوره وكشفت وقالت ان الجنين عكس اتجاهه
ولازم ننتظر شوي ، وبعد ربع الى نص ساعه رجعوا وكشفوا وقالوا انه خلاص رجع الجنين الى وضعه الطبيعي
ودخلنا الى غرفة الولاده ، وبعد خمس دقايق رجع ( الحجي ) وقلب نفسه ........ وانتظرنا شوي واثناء هذا
ابتدأت المشاكل في النبض ...مره النبض صفر ...ومره النبض مليون ....مره صفر ومره مليووون
وقالوا لي ان الجنين والأم في خطر الحين والله المعين ان شاء الله يصير خير
وطلعت برا وانا انتخي بأم البنين عليها السلام ورديت دخلت على طلبهم
شوي ال النبض توقف مره وحده وطلعت بعد ما وقعت على أوراق العمليه القيصريه
وأنا برا هومت عيوني شوي وفي هالـــ إشوي شفت ضوء ( والى الحين ما تذكر ويش شفت بعدين )
بس ما اوتعيت الا الممرضه طلعه تقول لي مبروك جاك ولد قمت زي الصاروخ وقلت اليها والمدام
قالت لي الحمد لله كويس مدام .....قلت اليها جيبي الولد الحين قالت لي أول غسل
بعدين جيب ...قلت اليها الحين جيبيه ...وبسرعه دخلت وجابت الولد وما شاء الله عليه
هادي الا شوي ويصيح وقمت أذنت في أذنه اليمين وأقمت في اليسار وعطيتهم وياه
وحطوه في الحضانه وكان شعور غريب صابني يوم اتطمنت على الأم والولد
ورجعت الى الكرسي وما دريت الا النوم هوم عليي مره ثانيه وأشوف ذاك الضوء مره ثانيه
وكأنه يغشيني مره وحده وقمت مره ثانيه الى الغرفه اللي فيها المدام
وأشوفها واتطمن عليها وجلست اتنقل بين الغرفتين -- الولد والمدام --
شوي الا الحجي زين رافع ايده ويأشر بأصابيعه يعني صرنا ثلاثه
ومن ذاك اليوم الى اليوم خيتي اتذكر الضوء ولا أنسى صوته في اذني أبد
وسلام
المفضلات