آه .. على كل من حب في هالدنيا جريح
ما ينتظر منك زود الجرح .. ولو قالها كذاب
آه .. وحسايف على اللي امسى بقلبي طريح
يبي كلمة ما قلتها من قبل....لأغراب
آه .. من عقدة في القلب تشبه الريح
تهب في بعده ..
وتختفي لاجا .. وتعاود الكرّة إذا غاب
آه .. منك اقولها على الملا دوم تصريح
ما عرفتي قدرك عندي ..
انتي اقرب من اقراب
ليتك تقولين كلمة تنبت بذور الحب الدفينة
صوتك مشجني ..
ويآسرني كل همس منك وعتاب
ليتك تعرفين غلاك كيف أصبح وكيف صار
إنتي شمس عمري ..
ونورها من نورك أبد ماغاب
ليتك تقدّرين إخلاصي وحبي ..ياليتك
منيتي والله ننشاف بعيون هالناس .. احباب
ليتك تقولين .. احبك من قلبك ..ياليتك
لو سمعتها أبنعصر دم أقتل به شوك الصعاب
تدرين إن العمر ينقصي..
وما ينقصي منك التجريح
كل الثواني أعدها أنتظر نكون ... أحباب
إنتي عارفه إن حبي ما هو نزوة ..
وإنه حب صادق صريح
وكل دمعة ذرفتها عيني تكفي لكسر انياب
وإني بي الرعشة ..
بي الخوف ..
بي الوسواس الفضيح
وإني بي العشق الدفين ..
الظامي لمياه السراب
واشتياقي صدقيني أبيه للناس يبين
أبيه يظهر ولو كان وراه ... حجاب
أبي اصدق مع نفسي ..
أبي اوفي .. ابي الترييح
أبي احزن عليها .... ولو كنت كذاب
أحبك اقولها ...
لو ادفنوني في ذاك الضريح ..
واحبك موت اقولها ...
من بين يدين اشر صلاب