بذمتكم كلكم للقيامه .. زين ...

[Princess]

بذمتك اذا ما عقبت على موضوعي ..ان طلعت بدون تعقيب وربي بذمتك.. ان شفت عدد المشاهدات مدري كم والردود صفر .. بذمته اللي دخل وما رد...

ماسكه جوالي .. " الهي بحق ام البنين .. وغربة الحسين ... ............... " اكتب مسج .. ممم دعاء .. ويش حلاته .. يشرح قلب اللي برسله لهم..هاا تبغى ارسل لك...
بس بشرررط ابختمه بحركه ...

انشر هذا المسج لعشرة اشخاص والا زوود حسب المزاج.. والا بذمتك ليوم القيامه,,,

ترررررررررن.... هااا وصل لك المسج....
تفتحه... ينشرح صدرك ويطيب خاطرك .. شوي توصل لسالفة الذمه...
ما عندي رصيد... حسبي الله عليش يا اميرووه..

" طيب كان بإمكانش تقولي .. ارسلها لعشرة اشخاص وفي ميزان اعمالك"

في امان الله جالس بالمنتدى والا عالمسن..
تنقز لك رساله بالإيميل من اميرووة ... << عاد هالأميروه جنيه
بسم الله كل مكان بتنقز ليكم ..
تفتح الرساله ::: شي حلو فيها .. وبعدين ..

انشر هذا الشي ... لـمدري كم ... والا برقبتك ليوم الدين...
طيب اذا اللي مضيوفين عندك اقل من الــ " مدري كم " ويش تسوي...

جيت بتمزح وياي .. والا تحاول تحرق اعصابي .. بدل قولة الله يهديك..
ما تسمعني الا طلعت صواريخ الذمم ومدافعها ويللا اطلاق .. نااار .
"بذمممممتك ليوم القيامه.. ما بنساها لك... بوقف على الصراط << خخ استغفر الله اسمع عااد... وباقول حقي اخذه اخذه. " .. اللهم تقبل دعااش بس ..

والا اوراق اطبعها واحط فيها دعاء والا قصه... معجزه عن اهل البيت سلام الله عليهم.. وبدل لا اقول انشرها واكسب فيها اجرا..

لااا اطبعها ووزعها وكلف كل من يأخذ نسخه انه يسوي زيك... لا قسما قسمات بذمتك...

اااااااه اميرووه ... زهقتي خلق الله .. بسسسسسسس.. كل كلمة والثانية بذمتكم... وبذمتكم ...

بذمتش... لو صار لش هالشي .. << زهقت من كثر ما يصير لي

ويش بتسوي ؟؟؟ << في البداية مرضت نفسيتي احس بثقل في ذمتي
بس بعدين... الله يعلم بنيتي ... واني اتمنى الخير والصلاح للجميع
فمال داعي احط في بالي ان ذمتي مقيدة بكلمة من شخص .. ايا كان..

ليــــــــــش الذمة.. ما يستحضروها الناس الا بالكيف وعالمزاج.. ؟؟؟

ليـــــــش ما يحاسب نفسه ويضيق ذمته الوسيعه شوي ويعاتبها ويلومها على التقصير...
؟؟؟
سؤال صعب .. سؤال صعب .. سؤال يراودني ...
كحح ..
المهم..
يا رواعي الذمم.. بذمتكم اذا ما عقبتوا على موضوعي ..

ودمتم بحفظ الرحمن

[نور الهدى]

هههههههههههههههههههههههههههه

اميرووووه الله يغربل ابليسش عليش سوالف الله هداش


صدقين عاد الموضوع عادي بس نكهتش فيه خلته حلو


الصراحة انا هالسوالف اذا تجيني اصلي على النبي واتركها على جنب

قريت عن هالموضوع مرة وفيه رد للشيخ بس من زمان بس مضمونه انه مو ملزومة بشي من المذكور في الرسالة

على حسب ذكري يمكن من 6 سنوات قاريه هالشي

هذا انا وحللت روحي ورديت لج على الموضوع

[.:روح وريحان:.]

ياهلا فيكمـــــ
حتى اني والله اسمعت الشيخ يقوول جديه
عاادي لو مارسلتيهم بس تصلي على محمد
واني الصراحة اذا شفت شي جدي اوديه لامي وهيه تصرف
ههههههههههههههههههه
تحياتي
رووح وريحان

[اسير الهوى]

انا بصراحة تجيني ملاين رسايل كذا وايميلات بس ما اعتني بهم..

قولو مو هذا بعد...... الا اول كانو يرموها اوراق عند الابواب ولازم تكتبها عشيرن مرة وتوزعها والابتموت.. او بتصيبك مصيبة..

وعاد شوفو يسور وذا الخط ذيك الايام هههه يفجع يادافع البلا وهو اصلا انا موجاي احل واجباتي

وعاطيني هذي اكتبها يمكن عشان يتحسن خطي الظاهر هذا استاذنا العربي هو الي يوزعهم الظاهر..

المهم

بيوم من الايام وبمناسبة من المناسبات كنت حاضر بمجلس حسيني للشيخ فوزي السيف الله يطول بعمره

ويعطيه الف عافي وجميع علمائنا الكرام وكانت محاضرته كامله عن هذي الاشياء ونفا صحتها اصلا

وماليها اي تأثير واصلا هذي الاشياء مبتدعة من عند ناس وبس..

صحيح ان ذكر المعاجز وكرامات اهل البيت ليها ثواب لكن مو بذي الطريقة الي بعض الاحيان تحط الناس باحراج

ولازم بديننا ان نحكم العقل في البداية ومانتبع اشياء زي هذي..

مشكورة خيتي اميرة والعذر على الهذرة الطويله..الظاهر وجعت راسكم...

تحياتي..

ياسر..

[ســحرالقوافي]

ههههههههههههههه


عن جد ورطه


بس صراحه هذا الرسايل

اذا جتني مو ضروري اقوم بالمطلوب وارسل


لانها اكثها من شبكة الجوال هم المستفيدين الوحيدين

وبعض الشيوخ لا يؤيدون القيام برد والذمة
ترجع الى صاحبها الحقيقي

لانها فيها استخفاف بعقل المسلمين

مثلها مثل الرسائل المكتوبها


إن كانت بآيات من القرآن الكريم او معجزة من معاجز المعصومين

كتابتها او طباعتها فيها إهانه الى ايات الله واسماء الائمه والمعصومين

كانو قبل فتره يوزعوها وخلوها تحت الباب تداس بالارجل

واني وعائلتي كلها ما عمرنا طبعنا من هذي الاشياء

والحمد لله ان ما صابنا شيء

لان كلها بدع


ولان نيتنا صافيه

غير ان لو فكرنا فيها بعقل

الائمه ما راح يؤذونا بعد ما قدمو لنا تضحيات عظيمة

عشان بس ما طبعنا او كتبنا كم حرف
( يموت الى يموت ويمرض الي يمرض )


على فكره ساعات إذا كنت فاضية
ارسلها بس احذف الجزء المختص بالذمة


ودمتـــــــــِ بحفظ المولى

[Princess]

هههههههههههه
هلااااا منورين جميع
هااا
رديتوا علي..
محللين ومبريين الذمه.. خخ

ام حموود.. يا قلبي.. عاد لو تدري قد ويش استانس اذا شفت ردش علي.. منوره يالغلا ياهلا ...

صدقين عاد الموضوع عادي بس نكهتش فيه خلته حلو

بهاار شي ..مووو ... خووش بزاار ..خخخ

يعطيش العافيه يالغلا وتسلمي ... واني من زمان مو داقه خبر لهالحركتات.. بس لأنها رجعت لي من فتره .. وذكرتني بمعاناتي لول ..
الله يهديهم.. خخ

--------------------------------------
بشوورة .. اللهم صلي على محمد وال محمد

واني الصراحة اذا شفت شي جدي اوديه لامي وهيه تصرف

عجبتيني .. ههههههه .. اسوي هالحركتات احيانا... منوره وياهلا ..

-------------------------------------
اخووي يااسر ...
اما فقعت راسي هدرتك بشكل .. خخ .. امزح

الا اول كانو يرموها اوراق عند الابواب ولازم تكتبها عشرين مرة وتوزعها والابتموت.. او بتصيبك مصيبة..

وعاد شوفو يسور وذا الخط ذيك الايام هههه يفجع يادافع البلا وهو اصلا انا موجاي احل واجباتي

وعاطيني هذي اكتبها يمكن عشان يتحسن خطي الظاهر هذا استاذنا العربي هو الي يوزعهم الظاهر..

هههههههه كثر الله خيره طلعك خطاط تنكر جمايله عليك لويش .. هههههههههه ضحكتني والله ... تسلم وياهلا ومن جد اشياء مبتدعه

ومالها داعي الله يهدي من ابتدعها واللي يتبع منهجها ..

-----------------------------------------

سحر القوافي
ههههههه اما ورطه ورطه... هذاك لول اقول ورطه .. الحين الله وكيلش بإيميلي وجوالي ..عدي واغلطي << الله يخلف
ههههههه ما احد يرسل لي الا بذمتش وبذمتش ..
رسايل من هالنوع اقراهم واحذفهم...

لانها اكثها من شبكة الجوال هم المستفيدين الوحيدين

هههههههههه من جد جبتيها صح.. ولااااااا ما دوروا يربحوا الا الإتصالاات .. يربحوا صناديق الصدقات دخيل الله..

منوره يالغلا وكلامش درر تسلمي ....

يعطيكم العافيه جميع

ودمتم بحفظ الرحمن

[الفارسه الحسناء]

اللهم صلي على محمد وعلى آل محمد

مشكورا أوخيتي موضوعش رائع
وصدق أنه في ورطه الي تجيه زي هالرسايل
بس الناس مو راضيه تعقل قاعدين في العصر الحجري

وأني أذا جتني رساله من هالنوع أقراها وأصلي على محمد
ولا أرسلها ولاشي ((ناقصين))

ها محللين ومبريين الذمه

تحياتي لكي

[أمل الظهور]

سلامو

هلا امروشه <<ادري امروشه في عينششششش

هاقد رجعت لنا بهذرتها العسل على قلوبنا امور

رأيي مثل البقيه صحيح اول ماانتشرت الاوراق كنا نصدقها

ولا بعضهم يقولوا لازم بخط ايدك انت ويلا عاد تعب وبس عاد تعدي ثلاثة ايام ننتظر الخبر

ولو نسينا اصلا مانتذكر الا بعد كم يوم ولا كم اسبوع اووه نسينا

بس الحمد لله مايصير النا شيء

مستحيل اهل البيت عليهم السلام بيضرونا علشان بس ورقه او مسج بالجوال او بالايميل

وسمعنا اكثر من محاضره تكذب هذه الخزعبلات والبدع

بالنسبه الي اول ماتوصلني بالجوال ديليت على طول

وبالايميل كمان ديليت واقرأ الصلوات انا لانه صعبه يمكن اللي ارسلها لها ماعندها رصيد

واوهقها واخليها تحاتي او تسلف وهو مافيه شيء من الصحه

عاد خليها تجيك عاديه بس لايكتبون بالذمه وربي يتعور قلبي (بذمتك ليوم القيامه )

اتذكر اول ماجات موضة هالرسايل بالجوال ارسلت الي واحده 10 سنين ماجابت عيال

وكاتبه وصيه مني ولا تنسي وبذمتك ليوم القيامه انا وقتها نسيت حركات الاوراق لانها انقطعت فتره

واروح ارسل واصدق لعشر وانتظر الاربعاء لانها كاتبه بعد اسبوع تقريبا اول ماشفتها سألتها

ها ويش صاير على المسج ها بشري <<على نياتها حيييل

الا تقولي شنو بلاك نسيتي الاوراق اول الحين الناس تطوروا وصارت تتبادلها بمسجات

والحين ازيد وازيد بالايميلات

ربي يعين بعد ويش يخترعوا النا من خدع واكاذيب

مشكوره حبيبتي امور على موضوعك

ربي يوفقك

ماننحرم من مواضيعك الاكشناتيه

[فرح]

بمووووووت ضحك امــــــــوووره
بجد عطيتها نكهه خاصه ...
هذا اول ما اخذيت الجواااال كذى اسبوووع
الاوالرسااايل تهل ..واكثرها من هالنووع
انا امسحها واصلي على محمد وعلى آل محمد
بس في وحده تعاند معاااي تحب النحاسه مثلي
بين اسبووع وهات من الرسايل
انا اعود ارسلها ليها بعد يوم ؟
بس كنت عااارفه انها مبتدعه والشيوخ نفوو صحتها
بس بجد مثل ماقال اخوووي ياسر
ايام الدراسه في ابتدائي كانت تجي اوراق والامايكتبها يصير فيه شيء
طبعا فرووحه ما يحتاج الخوف هيه ورااءه ...
وع طووول في ذيك الاوراق وذاك الخط واليد الي تنكسر ..
والنوم المتاخر حتى اخلص كتابة الاوراق وحل الواجبااات
بس اياااام طفووووله راااائعه وبرااااءه ..
وووااااااي صرت اهدر خلاص كفااااااايه يابنت سكووووت ..؟
يعطيك العاافيه
دمت في حفظ المولى
تحيااااتي فـــــــــرووحه

[واحد فاضي]

خيتي اميروه

سيش بالخير

عالعافيه ..........عالسلامه ..............ووووووووووو حاجات وااااااااايد

عموماً هالحاجات كلها خرابيط

ومره خلينا واحد يقعد طول ليله يكتب في أوراق
من هالنمونه .....خخخخخخخخخخخخ
عندنا يمكن سبع أوراق من هالشكل وشفناه في عصريه وهو يدس ورقه تحت باب
بيت صديقي ، المهم هوه ما كمل مشواره الا تحت بابهم ورقتين

بعد حوالي الساعه ...........ورقه >>>>>>>وكل ساعه ورقه

بس في يوم ثاني من طلع الصبح الا إحنا في حلقه واخذنا
الاوراق من عنده وعلى طول رميناهم في البحر

تسلمي خيتي وتحملي هذرتي شوي ........زي ما نتحمل هذرتش ههههههههه>>>مزوحه

سلام

[الولاء الفاطمي]

هههههههههههههههههههههههههههههههههههههه
والله ضحكتيني امووووره عليش حركااااااات جنان
والله اني هالحركااااااات ما اصدقها أصلي ع النبي وخلاص
بلا ارسلها 10 و 20 >>>>> أحسن 30 بعد
واني بعد سألت الشيخ وقال لا تصدقون هالحركاااات
وأهل البيت عليهم السلام مايأدون احد
قالوا شنو بتشوفوا الخير لو بصير اليكم مكروه >>> بكيفكم هو يعني
والله حاله هالناس تلعب بعقول غيرها
ماعندها شي من الفضاووووه مساكين يقعدو يسون هالحركاااااات
يبون يربحون المكاتب
ماهم عارفين الا بهالطريقه خخخخخخخ
يسلمووو امووووره ع الموضوع الحلو
ربي يعطيكِ الف عافيه
أهم شي مبرية الذمه صرت
الولاء الفاطمي

[حميد]

ايه والله هالمسجات تكثر يكتبو ادعيه
وانشرها لتسعه وفي ذمتك وبتسمع خبر حلو
وان رسلتها خسرت رصيد ولاسمعت خبر عدل خخخ
بس هيه حلوة رسالة دعاء بس عاد مو يمصخوها وبالذمه و وشئ مايتصدق بتسمع خبر حلو
والله ان سمعنا اخبار حلوة ولا مو حلوة هذي اقدار من رب العالمين مو الانسان يحدد
ومن توصلني رساله مثل هالشدي على طول ديليت
واذكر الاول يوزعو اوراق فيها حلاوة اقراها ووزعها وكل الحلاوة وان اكلتها بدون ماتقرى ولاتوزعها مو زين لك ههه والله يضحكو
شكرا لك ع الموضوع
جزاك الله الف خير
مع خالص تحياتي للجميع بالتوفيق

[دمعه حزن]

السلام عليكم ..
حي الله اميرة ومواضيعها الحلوه ..
صحيح السالفه مالها اي مجال من الصحه
ولكنها زينه تنفع .. احيانا بمجرد ما ترسليها لشخص وهو يقرأها اهو بيكسب اجر وانتي بعد لانك بتكون السبب
بس طبعاً مو ملزومه وانه بذمتج اذا ما سويتيها
بس يعني ما فى اشكاليه من نشرها
بنقول المسجات بتكلف والاوراق بتكلف
بس عن طريق الايميل عادي كلها دقيقه وانتي باعثتها وخلاص ..
وربما انتي بنشرك الى هالرساله شخص يكون غافل تذكريه
"وذكر فإن الذكرى تنفع المؤمنين"
فممكن تكوني سبب فى هداية شخص ما ..
ع العموم الف شكر لك خيووه ع الطرح الحلو
يعطيك ربي الف عافيه
دمتي بخير

تحياتي
دمعه حزن

[ومضة امل]

اني بعد ردي مثل باقي الاعضاء
سمعت انه مو لازم تكتبينها وتوزعينها 000
ومثل ما قلتي كلمه وكلمتين قالوا ليش في ذمتش
جي الذمه لعب عيال
اللهم صلي على محمد وال محمد
صدق ان اهل البيت ليهم معاجز واجد واحنا لازم ننشرها
بس عاد ما قالوا للناس روحوا كلفوا الناس بطباعتها او كتابتها
ولا كلف الله نفسا الا وسعها
تشكري اختي على الموضوع
ولا تعوديها عاد تصيرين مثلهم كلمه كلمتين حلفوا او قالوا في ذمتك
لا تزعلين امزح وياش بس

[Princess]

منورين جميع يالغوالي ...
ههههههه ادري انها مالها اساس من الصحه .. << بعد ويش .. بعد تكسير ظهرو وايد وفلس في الرصيد خخخ..
بس جتني كيمات هائله منها على الإيميل والجوال..
بمناسبه الإختبارات ..خخ يعني الواحد اختبارات... ونفسه ضايقه يجي لي احد ويقرقر على ذمتش وذمتش.. طبعا اني كلهم مسحتهم ولا طقيت لهيم خبر .. اللهم صلي على محمد وال محمد..

تشكرووون جميعا تواجد مره حلو.. وتعاليق احلى رسمت البسمه على شفتي

دمتم بحفظ الرحمن