_يعني لو صار لك موقف وابتعد عنك احد أصدقائك فماذا سيكون ردة فعلك؟
طبيعي راح أسأل عن سبب البعد والتغير .. واذا كنت اني اللي غلطانه .. ممكن أعتذر وأصحح غلطي .. بس لو كانت هي اللي غلطانه .. راح اعاتبها وانتظر منها تتغير ..واذا ماتغيرت ممكن اكلمها مرة او مرتين او ثلاث .. واذا مالقيت اي نتيجه راح اسكت عن الموضوع واتركها على راحتها .. لأن الشي اذا مايصدر من الأنسان نفسه .. مو حلو يصير بالطلب .. اما اذا كانت سبب بعدها هي الظروف ومشاغل الحياه .. فهذا الشي مايكون بيدها وواجب علي أقدر ظروفها .. لأن اكيد راح تصادفني ظروف مثلها وهي المفروض تقدر هذا الشي بعد ..

_لو كان هذا الصديق صديق مصلحة فقط فماذا ستفعل؟
وماذا سيكون تعاملك معه؟
امم .. يمكن اني اسكت والبي لها حاجتها مرة او مرتين .. في النهاية .. اني بشر واذا اعطي بدون مقابل .. مستحيل استمر .. راح يظل بينا الأحترام بس الأستمرار في الصداقه .. مااعتقد هالشي ممكن يصير ..
لأن اي صداقة تنبني على مصلحة مصير هالعلاقة الأنتهاء والزوال ..
_وهذا الشخص دائما أسويك أنت الغلطان وهو في الأساس الغلطان بس مايعترف بغلطه ومستحيل أقولك هو الغلطان
فكيف ستفهمه هو الغلطان ؟وهو في الأساس مايعطيك فرصة تتكلم وتقول له انه غلطان ؟
_يعني أذا ماعطاك فرصة فمعناها قفل الخط في وجهك؟
وإذا أنت أتعاملت مثل تعامله وقفلت الخط في وجهه يزعل
ويقلب الدنيا وقومها؟
_بالمختصر المفيد كيف نتعامل مع هلئشخاص؟

أكثر شي يزعجني أتعامل مع أشخاص بهالأسلوب .. اللي يسمعوا صدى صوتهم وبس .. وكل الناس عندهم غلطانين وهم الصح وبس .. بصراحه أعجز عن التعامل معاهم .. ويمكن أبتعد .. بدون ماأتكلم .. لحد ماتصير عندهم القدرة على سماع غيرهم .. يمكن في ذاك الوقت .. اقدر اتفاهم معاهم ..


زهووور ..
موضوع حلو للنقاش ..
الف شكر على طرحكِ ..
وان شاء الله أضفت شيء بسيط للموضوع ..
يعطيكِ ربي الف عافية ..
تحياتي .. إختكِ .. إيلاف ..