والله موضوع كشخه اخوي ياسر .. ويستحق النقاش
واني اول الناس اللي اقول وبالفم المليان....
"ويش علي من كلام الناس ينطق بالجدار"
في كل شي .. ما عدا امور العرف.. والله لأن من راقب الناس مات هماً... ناس فاضيه هاليومين ما عندها الا هدره وحش بخلق الله .. حاطين دوبهم دوب الكل سواء
الأعوج منهم واللي عايش في امان الله.. الكل حاطين عليه العين.. وياحبهم للفضايح يتصيدوها بالماي العكر...
والكلمه الوحده يسووا منها مقال وقصه .. حق الوناسه بالمجالس.. ناس ما عندها سالفه الا القرقر .. ونشر غسيل غيرها.. والقرقر بأعراض الناس .. وبعدين
" استغفر الله ما لينا بهم.. يا الله الستر " .. خخ عقب ويش ؟؟
قسم قسمات ما يملى عينها الا التراب " طبعا مو الكل" في فئات من الناس وهم الأدرى بنفسهم...
الناس هالأيام ما تهمها الا المظاهر.. والكلام الزين.. ان جيت انتقدت واحد منهم.. قال : لا تجرح .. وانت ما عندك اسلوب ..وانت ما تفهم ..
مع انك جاي له باللتي هي احسن.. بس ياحبهم للكلام المعسول ...
ماعادوا يتقبلوا النصيحه.. " ناصحكم يابدو بالناار" يا ويل ويلاه...
سواء سويت الزين والا الشين.. بيتكلموا عليك...
الحسد ......مثل المبيد... يا ساتر منتشر ..
تمشي عند الجدار وتقول الهي الستر ثم الستر .. ولااا يفيد .. مثل ظلك وراك وراك
اهووو ويش لي بعوار الراس .. كلامكم يا ناس ينطق جدار..
يعني ذمية بالله .. ارضاء الناس غاية لا تدرك .. فخلهم لبكره يهدروا......
دام انا راضي وضميري راضي ومرضي ربي ان شاء الله ويش دخلك يا قاضي
<< مثل جديد خخ
والله هدرتي ما بتخلص ..لأن الناس ما عادت مثل الناس .. اختم هالقرقر بقولة
ياناااااااااااااااس يااهوووووووووووووو.......
" دعـــــــــــــــــــــــــــــــــوا الخلق ... للخالق ..!!!"
يعيطك العافيه اخوي
دمت بحفظ الرحمن....
رد مع اقتباس
المفضلات