اللي جرب الليزك يفيدني ؟

[تاج]

مساء الخير للجميع ,,

كيفكم واخباركم بعد طول غياب >> ادري ماحد فيكم افتقدني

المهم
اني اليوم محتاجة منكم خدمة ويا ليت تساعدوني

ابي من اللي جرب وسوا ليه عملية الليزك او يعرف احد سواها
يخبرني بنتائجها وسلبياتها ,, وفي اي مستشفى وكم السعر ؟
واذا احد سواها في المغربي يقول لي
عند اي دكتور, ومنو افضل دكتور في المغربي
؟؟
ياليت ما تحقروني وترودا عليي بسرعة
لاني ناوية اسويها هالشهر

ولكم الشكر مقدما ,,
اختكم : تاج

[.:روح وريحان:.]

ياهلا فيج
خيتو تااج
افا عليج
وحشتيني والله
بس لاني مادخل
خيتو
اختي راحت سوت ليزر في مغربي
العملية بـ7 الف
وماتاخذ وقت بالكثير الكثير ربع سااعة
وافضل دكتور
د. طارق ابو زيد
وسلامت خيتو ماتشوفي شر

[عيون لاتنام]

أهلا أختي تاج الحمد لله على رجعتش وبالعكس أختي أفتقدناش
روحي لدفتر الغياب والأستئذان في منتدى الترحيب وبتشوفي إني سألت عليش
بالنسبة لليزك أعرف كم واحد سواها بسألش وبرد
أختك
عيون لاتنام

[القلب المرح]

السلام عليكم
اعرف اشخاص عملو عملية الليزر في مستشفى السيف
اسم الدكتور د عبدالرزاق
وبمبلغ 8 آلاف تقريباً مع الادويه
في سيهات
ومدة العملية 15 ثانيه لكل عين وتتم في جلسة وحده
وسمعت ايضا بالمستشفى المغربي تمام والاخت روح وريحان جابت لك المعلومات ماقصرت
ونتمنى لك الشفاء العاجل
تحياتي للجميع بالتوفيق

[آهات عاشقه]

فيه فرق بين الليزر والليزك


اختي سوت ليزك في السيف الي جنب بحيرة سيهات


اتوقع تقريبا ب 8 آلاف


ومرره تمام وماتتأخري

بس اهم شيء اثناء العمليه ما تتحركي

والحمد لله اختي سوتها قبل كم سنه

ومرررررررره تمام

ان شاء الله اكون افدتش

[دمعة المقهور]

هلا وغلا أخوي تااااااااااااااااج -- أنا على علمي موبأنت اللي تشخص حالتك ولوكنت نظرك ضعيف الله يوقه بأذن الله ومحتاج تسوي عملية فالدكتور هو اللي يقرر انك تحتاج عملية الليزك أو الليزر وأنا ماجبت شيء من عندي لان صاحبي سوا العملية وتصدق أني مريت عليه وماعرفته وبنفس الوقت انبسطت له 00 نصيحتي لك روح للدكتور وهو يقرر وأنصحك بعيادة السيف اللي بالدمام لوالمغربي تراهم ينعتوهم -- ولك تحياتي وتشرف بمنتدانا 0000

[majdyhamdy]

السلام عليكم ورحمة الله وبركاته

الاخت تاج الله يعطيك الصحه

انا عملت العمليه بمستشفى المانع بالدمام من تقريبا 10 او 11 سنه

طبعا انا كان عندي بعد نظر

وهناك فرق بين بعد النظر وقصر النظر ( بعد النظر هو انك تستطيع ان ترى الاشياء البعيده بدون النظاره طبعا على حسب قوة النظر عند الشخص وقصر النظر هو ان الشخص يستطيع ان يرى الاشياء القريبه بدون النظاره لذلك نرى بعض الاشخاص ينزعون نظاراتهم اثناء القراءه وهم ذوي قصر النظر )
في البدايه ذهبت الى المانع بالخبر وكنت مرسل من قبل احد الاصدقاء الى دكتور هندي ( اعتقد اسمه د.عمران ) وبعد ما اجرى لي الفحوصات قال لي انا لم اجرب ان اعمل هذه العمليه ( بعد النظر ) ولكن سأرسلك الى طبيب مصري بفرع الدمام ( اسمه د . احمد او محمد ) وبعد الفحوصات سالني متى تريد ان تعمل العمليه قلت له الآن اذا ممكن قال لي غدا مساءاً ان شاء الله وبالفعل ذهبت باليوم التالي وضع لي نقط بالعين لمدة ربع ساعه وبعدها دخلت للغرفه المخصصه للعمليه وخلال ثواني ( لنقل دقيقه ) خرجت طبعا كنت مضمد العينين وكان معي احد الاصدقاء اصطحبني الى البيت

والحمد لله انا الى الآن مستغني عن النظاره

طبعا سيكون التخدير موضعي اي فقط للعين

كانت التكلفه للعين الواحده ( 3500 ) ريال

اما بالنسبه للمستشفيات الاخرى ليس لدي اي فكره عنها لكني سمعت ان مستشفى السيف ممتاز بشكل عام

الاخت العزيزه تاج اتكلي على الله واعملي العمليه

نصيحه لك اختي تاج ولكل من يفكر باجراء مثل هذه العمليه

الابتعاد لفتره كافيه عن شاشه الكمبيوتر حتى تستقر العمليه

طبعا الاقلال من التركيز وخاصه على الكمبيوتر شيء مطلوب للكل

تمنياتي لك بالتوفيق

[تاج]

مشكورين كلكم والله ما قصرتوا ,,
ونخدمكم في الافراح والمسرات ان شاء الله

واستفدت كثير من ارائكم ومشاركاتكم
وان شاء الله راح اسويها الاسبوع القادم في المغربي

دعواتكم لنا

[.:روح وريحان:.]

العفو خيتو ولوو..

بس على فكرة
7 الف هذول بس حق العملية
يعنو بدون المواعيد والفحص
بس ترى اوكيك مررة
روح وريحاان