رضاا هالسلمان داخل مزاجه .. وحاسب حساب الا يكلمه في موضوع الشغل .. بس قال خلنا نخلص سالفة فارس اول وان شالله خير ..

سلمان وحيدر راحو لفارس ..
فارس من شاف سلمان اقبل عليه حس بغصه قويه وحرارة قهر تسري في جسمه..
ــ الله يالدنيا الغريب اللي ماخذت شهر من عرفته.. وهو حنين علي و قريب ... والقريب اللي معاه عشرة عمر ابعد بعيد..
تحاضنو وصارو يسولفو وياه ويخفوو عليه..

دخل رضا على الضابط.. سلم ., سولف شوي زين.. الضابط يعرفه..
رضا : ــ الحين ويش قضية الولد..؟؟
الضابط : ــ والله ياخوي محاولة رشوة
ــ اهااا محاوله .. يعني لاهو راشي ولا انت مرتشي
الضابط سكت ..
رضا : ــ ايه ياخوي .. ما رديت علي .. عطاكم لو ريال واحد ..
الضابط : ــ لا .. بس تلفظ بكلام معناته رشوه..
ــ ويش قال ..؟؟
ــ قال هذي 20 الألف وجيب لي جواز ..
ــ طيب انتون مو مكتب الجوازات.. الحين عطاكم 20 الألف ؟!
قول طايش هذا.. بتحطو بالكم وباله.. قول مو فعل لو طلع ليكم ريال ساعتها اقول ليكم سوو في اللي تسووه ويستاهل ..
الضابط بإبتسامه: ــ ياخي لا تحرجني معاكم ,, كلامه يتحاسب عليه
رضا وهو يمسح لحيته : ــ ياخي سامحه ما يقصد وعديها له هالمره .. الولد جاي تعبان ومصدوم جوازه مسروق وما بغى يرجع بلده ينصدم فيها زود..
الضابط سكت شوي ..
ــ طيب انا افدى هاللحيه وعلى هالخشم << حط صبعه على خشمه..
بس اسمح لي ياخي ما بطلعه الا بعد يومين .. خله يتأدب وما يعيدها..
ــ ليش قضية الرشوه كم تاخذ ..؟؟
ــ شهر الله يسلمك..
ــ اجل خلاص اذا على يومين .. نجي بعد يومين وعساه خير ..
ــ خير ان شالله...
طلع رضا .. وبشرهم بعد يومين بيطلع فارس بإذن الله..
وطلعتهم من الحجز رضا ساسر فاضل ياخذ حيدر وياه وهو بيوصل سلمان ..
فاضل : ــ حيدر بروح وياك وصلني انا جيت ويا رضا.. ويبغى سلمان هو في موضوع..
سلمان مستغرب : ــ انا,,؟!
رضا : ــ ايه ياولدي .. تفضل اوصلك واعلمك السالفه..
سلمان بعفويه طالع في حيدر.. وحيدر بعفويه اعظم منه رفع كتوفه .. مادري !!؟
رضا : ــ هههههههه امش ياولدي وبتعرف كل شي .. تفضل حياك..
ركب سلمان ويا رضا . وكان باين عليه الفضول والإستغراب .. والإرتباك..
وحركو..
رضا : ــ ايه ياولدي .. اخبارك واخبار الأهل..
سلمان : ــ الحمدلله بخير .. الله يسلمك..
رضا: ــ مممم.. اخبار شغلك..؟؟
سلمان: ــ الحمدلله .. اجازه المدارس الحين.. ولو انا في البحرين اشتغلت مشاوير خاصه.. بس سافرنا وعطلنا..
رضا : ــ الباص اللي تشتغل عليه الك ؟!
ــ ايه ..
ــ دافع حقه كامل لو اقساط..؟؟
ــ لا الصراحه للحين اقسط فيه..
ــ باقي على قسطه واايد ؟!
ــ لااا ربع المبلغ تقريبا..
ــ اهااا..

سلمان مو داري لويش هالأسئله كلها..
رضا : ــ ياولدي السالفه ومافيها عندي فرع لمؤسستي بالبحرين .. وابغى احد يدير اعمالي فيها.. شفتك كفو .. وصراحه ارتحت لك.. وحابب تكون عيوني اللي في البحرين تراعي حلالي ولك نصيبك واتعابك.. والباص اقترح عليك ادفع باقي قسطه زين وتبيعه وتاخذ لك سياره بداله
سلمان وهو مندهش ومتفاجأ وبنفس الوقت مستانس : ــ تسلم والله ياعمي .. بس اللي بقايا القسط اللي بتدفعه بيرجع لك ان شالله
رضا بإبتسامه : ــ ان شالله يا ولدي ..ههههه خلاص ولا يهمك اعتبره مخصوم من راتبك..
سلمان : ــ على خير ..

وصار رضا يسولف ويا سلمان.. في الشغل والدنيا وخذهم الوقت لين وصل سلمان بيت امه .. ونزل وتواعدو على اللقاء بعد ما كل واحد خذ رقم الثاني..

سلمان دخل البيت وهو فرحان..
ــ امااااه.. امايي امااه اماااااه
حوريه طلعت له :
ــ بسم الله ويش صاااير ..؟؟
سلمان وهو يصفق :
ــ طلعت ليي شغله محترمه وراتبها قووي
ام سلمان طلعت من المطبخ وهي مختلعه :
ــ ويناا .؟؟. لا تقول هنا يااولدي..!!
ــ لااا هنا.. شيه شباب البلد قادرين يحصلو شغل حق احصل انا هنا.. في البحرين..
ام سلمان : ــ يوو في البحرين شلون و ويش دراك..؟
سلمان علم امه بالموضوع..
ام سلمان :
ــ اللهم صل على محمـــــــــد وال محمد .. مبروك يا غناتي تستاهل كل خير.. وعسااها فاتحه رزق عليك ياالله وعقبال ما افرح فيك معرس
سلمان :ــ الله يبارك فيش يالغاليه .. تسلمي فديتش..
ام سلمان : ــ بروح ابشر يدتك.. بتسااانس..
وراحت..
حوريه :
ــ الف مبروك ياخوي..
وبهمسه فيها مكر وشقاوه:
ــ فرصتك الحين تصير اقرب واقرب
سلمان:
ــ اقرب ويش .. !!
حوريه تحرك حواجبها شوي شوي:
ــ اظن فهمت علي .. احم
وطالعت في يمينه وكانت مافيها دبله..
حوريه:
ــ احم احم..
سلمان فهم عليها ومسك اذونها ..
ــ وانتين ما بتوبي .. مخاويه بليس اشوف
حوريه :
ــ أي اااااي التوبه خلااااص
تركها سلمان..
حوريه وهي تدلك اذونها..
ــ اييي بالأخير بتصير اذون فيل من كثر ما تسحبها ليي
ــ حق تتأدبي
ــ اتأدب .. مو هذا الواقع...
ورفعت ايدها للسما..
ــ الهي ياحبيبي حقق اللي في بااالي ياااارب
سلمان بيهجم عليها
حوريه..
ــ يمااااه
وتهرب الغرفه وتسكر الباب
سلمان يضحك عليها وعلى خبالتها.. ويرفع يمينه يطالعها بدون دبلته..
ابتسم بحزن.. وتنهد :
ــ يارب..

وفي اليوم الثاني .. حيدر في غرفته يحووس.. لفتت نظره شنطة فارس,, شالها بيحطها في الكبت .. الا جوال فارس يرن..
ــ بسم الله الرحمن الرحيم..
طنش الموضوع.. شوي سكت ورجع يرن... مره مرتين ثلاث..
حيدر خاف .. مين هذا اكيد ضروري خلني اشوف..
طلع الجوال من الشنطه..
ولقى المتصل زينه..
حيدر مختلع..
ــ زييينه .. منهي دي .. لا يكوون اا..
سكت الجوال..
حيدر مرتبك.. مو عارف ويش يسوي..
شوي ورجع دق.. وبعد كانت زينه..
حيدر بإارتباك..
ــ اعذرني يا فارس .. بس تعبت من ظنوني وشكوكي .. برد عليها .. ابغى ارتاح واعرف منهي ...
حيدر :
ــ الو...
والى اللقاء .. احتماال الليله مافي بكره علي اختبار ادعو لي