اجرائات التحقيق مع زينه حول الحادث بدت .. و الصحافه اشتغلت .. والخبر انكتب في الصحف .. من صحفي.. اخذ اقوال الطرفين زينه وفارس .. و الرجال اللي ضرب فارس ..
وكان احد عناوين المواضيع في الصحيفة..
(ضرب سائح سعودي بسكين بعد ان حاول الدفاع عن خطيبته المغربيه..)
وكان بين احداث الخبر ان الفاعل وضح اسبابه لهذا الإعتداء ان المجني عليه وهو فارس ابتدى الضرب اولا .. بحجة الدفاع عن خطيبته..
بينما نفت زينه كونها خطيبته.. واكد فارس النفي .. والعدل ينتظر ان يأخذ مجراه في هذه القضيه.. خصوصا ان المجني عليه سائح ..
وحطو صور لفارس وزينه اثناء الحوار الصحفي .. و للجاني ...
نايف .. ولد عم مشعل كان في المغرب .. وبين ما هو يتصفح الجريده لفت نظره الخبر .. قراه وصار يطالع الصوره مهي غريبه عليه.. والفضول ذابحنه متأكد شاف هالإنسان... صور الخبر وكانت الصوره تحته على طول بالجوال .. ودق على مشعل ..
ــ الوو هلا نايف .. هلا والله هلا .. اخبارك واخبار السياحه معك..
نايف : ــ بخير الله يسلمك علومك انت وش مسوي..
مشعل : ــ ابد .. زهقان ما عندي سالفة غير الشات والمسنجر ومطيح في هالبنات تطييح.. والليل طلعه ولعب بلوت مع الشباب .. وهذا حالي كل يوم.. يالتني رحت معك ابرك لي ..
نايف : ــ هههههه لا ما ابيك..
مشعل : ــ ايه حق يصفى لك الجو .. وش تسوي هااا يا دب
نايف : ــ اقسم بأيات ربي مسوي شي امزح معك كنك ما تعرفني ..
مشعل : ــ ههههههه أي بالله اعرفك زين لو ما اعرفك كان مااا خليتك تروح المغرب لحالك..
نايف : ــ اخس هههههههه ليش وش شايفني ..
مشعل : ــ هههههههه مخاوي الهيئه..
نايف : ــ هههههههه يلعن شكلك تسخر مع وجهك.. طيب اوريك خليني ارجع بس ..
مشعل : ــ هههههههه طيب بنطرك..
نايف : ــ الا اقول مشيعيل ,, برسل لك صورة وسائط شوفها ابي تعرف لي منو اللي فيها شايفه بس ماني بعارفه.. من الجريده صورتها ..
مشعل : ــ وش سالفتها..
نايف : ــ انت شوفها الحين.. برسلها وبروح مقهى انترنت وبشبك وبكلمك عالمسن ابيك تركز زين,, فضول ذابحني هالشخص شايفه من قبل بس وين مدري ...؟؟
مشعل : ــ طيب ارسلها نشوف..
ورسلها لمشعل .. مشعل شافها.. وعرفه تذكره .. فارس .. ايه نعم قريب لحسن خوينا.. ادق على حسن اسأله واتأكد..
دق على حسن .. رفع حسن..
ــ هلا مشعل ..
مشعل : ــ هلا فيك اخوي وش اخباار سوريا معك..
حسن :ــ الحمدلله..
مشعل حس فيه شي : ــ خير ان شالله وش بلاه صوتك..
حسن : ــ لا بس عندنا وحده متوفيه تعيش انت..
مشعل : ــ اووووه عظم الله اجوركم اخوي الله يجعلها اخر الأحزان..متى ووش تقرب لك ؟؟
حسن : ــ من امس الصباح عطتك عمرها.. وما تقرب لي تصير جدة خوينا فارس كان اذا تذكره
مشعل : ــ اهااا الله يرحمها.. فارس خويكم في المغرب .. صح ؟؟
حسن فتح عيونه ..: ــ صح.. وش دراك انت...
مشعل : ــ نايف ولد عمي شافه هناك بس مو شخصيا.. بالجريده..
حسن اختلع زياده : ــ الجريده.. ليش ويش فيه..
مشعل : ــ مدري بس رسل لي صورة .. والااقول لك... حسن افضل ارسلها لك تشوفها وتتأكد .. يمكن تشابه اسماء بعد.. بس انا متأكد انه هو .. شوفها بكلم نايف عالمسن دلحين وبعرف وش هي السالفه بالضبط..
حسن داير راسه ومو مستوعب شي ..
ــ زين ارسلها..
وتم الإرسال وفتحها حسن .. وانصدم من الخبر . (ضرب سائح سعودي بسكين بعد ان حاول الدفاع عن خطيبته المغربيه..)
. و الصور .. اللي تأكد الكلام..
حسن مهو قادر يستوعب الخبر .. مو عارف ويش يسوي .. بداخله مليون الف سؤال ...
نايف شبك وكلم مشعل عالمسن...
نايف .. نك نيمه كان اسمه نفسه .. :
NAYEEF Says:
هلا والله مشيعيل .. وش هالنك هذا مالت عليك
Says:معذب قلوب البنات
هههههههه هلا والله .. وش اسوي اتسلى .. عرفته هذا فارس خوي حسن خوينا اللي شفناه بالمزرعه هذاك اليوم تذكرته ؟؟
NAYEEF Says:
ــ اييييييييه صح صح .. وانا اقول وجهه ماهو بغريب علي ..
Says: معذب قلوب البنات
ــ بالله وش سالفته خطيبته هذي ..؟؟
NAYEEF Says:
ــ والله مدري بس اللي ضربه يقول انه فارس دافع عنها وقال له انها خطيبته.. وهي وفارس ينفون هالشي .. ما ندري الله العالم..؟؟
Says: معذب قلوب البنات
ــ هذا وجهي اذا هي خطيبته اذا ينفي انها مش كذا اجل وش تطلع.. اخ منكم من تحت لتحت..
NAYEEF Says:
ــ استغفر ربك بس ومالك شغل بالناس .. هذي اعراض ولا تتكلم عنها كذا..
شوي الا
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها... Says:
ــ هلا والله حبيبي ...
وسكتت شوي ورجعت وقالت :
ــ ويييييينك..
مشعل يكلم نايف,,
Says: معذب قلوب البنات
ــ اقووول يا قلبي قوم بس بلا قعدة النت وانت بسفر خليني اشوف هذي وش تبي ..
NAYEEF Says:
ــ منهي .. اختك ؟؟
Says: معذب قلوب البنات
ــ هههههههه لا اختي .. بنت الأصول .. تناديني وينك حبيبي سعد..
NAYEEF Says:
ــ حسبي الله على شرك . ولا سعد بعد... الله يهديك ويغير حالك.. طيب بفارق عنك..مع السلامه..
Says: معذب قلوب البنات
ــ الله يسلمك..
وراح يكمل محادثته بالطرف الثاني ..
Says: معذب قلوب البنات
ــ هلا والله وغلا .. هلا في حبيبتي مليوون الف هلا..
ايمان ساكته ما ترد ..
Says: معذب قلوب البنات
ــ وينك حياتي .. شفيكي سكتي ؟؟
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها... Says:
وش تسوي تكلم غيريييي ؟؟ مين كنت تكلم..؟؟
Says: معذب قلوب البنات
ــ اف اف شوي شوي ... تغارين حياتي علي
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها... Says:
ــ لاا بس محب احد يطنشني ..
Says: معذب قلوب البنات
ــ افااا ما كنت اطنشك بس كنت اكلم وحده من المغرب ..
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها... Says:
ــ لا والله.. بعد ويعترف طيب يا سعد اوريك..
Says: معذب قلوب البنات
ــ ههههههه تووك ما تغارين.. شبلاك الحين حمقتي وشبيتي ..
ايمان سكتت.. وما ردت.. وفي بالها .. تقلب الأفكار.. سعد هذا دخل مزاجها وحبته.. حسته يفهمها بكل شي .. وكنه يعرفها.. من كم محادثه معاه .. كان يسبقها في كلامها ويقول ويش ودها وويش تبغى تقول وويش تحب هي وتكره...
كان مالي عليها وقت فراغها وخصوصا العاطفي .. مشبعنها كلام حلو .. و يسليها بكل وقت.. حاسه نفسها ما تقدر تستغني عنه..
Says: معذب قلوب البنات
ــ وينك فديتك .. زعلتي .. اكذب مهي بوحده ولد عمي في المغرب وكلمته خلاص قام..
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها... Says:
ــ احلف
Says: معذب قلوب البنات
ــ ههههههه والله انه ولد عمي .. اخبارك حياتي ..
وبدأت المحادثه الى ما شاء الله وانتهت بعدها على امل محادثه جديده..
حسن يضرب فكر وفي باله مليون سؤال .. هل فعلا هذي خطيبته,,
دق على مشعل اللي كان نايم..
ــ الووو هلا مشعل ... نايم ؟؟
مشعل وهو دايخ : ــ ايه توني من ساعه بس .. وش فيك اقلقتني ..
ــ آآسف بس ضروري اعرف هالخبر ويش سالفته ... وويش مضمونه...
ــ آآخ .. ممم... كلمت نايف وقال انه اللي ضربه يقول ان فارس خطيبها وهي وفارس ينفون هالكلام..
ــ يعني ويه ؟؟
ــ فسرها انت عاد.. يعني ايش.. واحد يلاقونه ويا وحده و يرقعونها له ويقولون خطيبته ولا مضروب على شانها.. يقوم ينفي ويقول لآ مهي بخطيبتي .. المغرب يا اخي مليانه بلاوي وبنات مستعدات انهم ا..
حسن قاطعه وهو متنرفز : ــ خلاص خلاص .. مشكور ... كمل نومك..باي
مشعل : ــ طيب باي ..
حسن مره حاسس الأرض مهي شايلتنه.. مهو عارف ويش يسوي .. هذا وهو مهو مره ويا فارس و الخبر صدمه.. شلون رائد .. ويش بيكون حاله لو درى..
صار محتار مهو عارف .. ويلاقيهم محتارين وخايفين عليه جواله مقفل من امس .. حسن في حيره .. ولا هو داري ويش يسوي .. قرر يكلم سلمان..
وفعلا كلم سلمان.. سلمان انصدم ...
ــ لاحول ولا قوة الا بالله.. عساه بخير بس .. والله يهديه.. بس لازم يعرفون .. يعني ما يصير قول ليهم صابه حادث وانه بخير خلهم يتطمنوا ..
حسن راح لرائد .. وقال له ان فارس صابه حادث وهو بخير ..
رائد : ــ هااااااا حاادث ويه.. ويش دراك.. كلمك..؟؟؟
على طول رائد دق على فارس الا رقمه مقفل ..
رائد محمق : ــ حادث ويه وويش دراك انت .. وجواله اكو مقفل .. كيفا دريت ؟؟
حسن : ــ دريت من مصادر..
رائد وبلا وعي مره فيه قهر ولا هو مشتهي أي شي :
ــ مصادر اللي زي وجهك.. فاضي لك انا .. ويش هالمصادر دي .. ومين انت اصلا حق تدري به قبلي ..
حسن حمق ووصلت حده معاه:
ــ رائدوه احترم نفسك وعدل الفاظك وياي هااا .. الشرهه علي اللي جاي اطمنك..
رائد : ــ تطمني ويه.. جاي تقول لي مصادر .. مصادر ويه.. فارقني بس .. جاي تتبلى عليه حادث .. عسى ما مااات بعد.. قال ويه حادث وبخير ..
حسن خلاص ضرب عداد القهر فيه 180 وطلع جواله وفتح الصوره :
ــ هااا شوووف ..
رائد بمسخره انتبه انها صوره وبمسخره:
ــ هذا وقتك مع صورك اللي ما تخلص .. ولي عني..
حسن : ــ لسانك طويل وما تحترم احد .. شوف بس ..
ورمى عليه الجوال..
رفعه رائد وطالعه .. فتح عيونه.. صار يكبر الصوره.. ويركب فوق يقرى الخبر .. وينزل تحت ويطالع الصوره.. وهو يبلع ارياقه مهو فاهم يعني ويه..
ــ حسنووه.. يعني ويه ؟؟
حسن وهو مولع : ــ يعني ويه .. يعني انا اتبلى .. وانا مين حق ادري عنه.. وانا وانا.. ايه طول لسانك على كيفك ما تستحي على وجهك انت ولا بتستحي ..
رائد قام ومسك ذراع حسن .. ونبرة صوته مخنوقه :
ــ تكفى .. قول لي ويش السالفه .. بمووت.. انا اسف وربي مو قصدي بس متأثر على امي ام حسين وخايف عليه جواله مقفل من امس .. تكفى حسن ..
حسن عور بقلبه رائد وحالته.: ــ العنوان يقول انها خطيبته والخبر مكتوب فيه انه ينفي هالشي .. مع انه دافع عنها وكانت وياه.. وانضرب على شانها..
رائد : ــ يعني ويه ..
حسن سكت وطالع في الأرض ..
رائد حط الجوال في ايد حسن .. وبلا وعي صار يسب في فارس :
ــ الحقير الـ ... الــ... وصلت فييه يكذب علينا قال ويه على شان ابوه الا طالع على ابوه رايح للبلاوي هناك.. الحمدلله امي ام حسين ودعت قبل لا تعرفه على حقيقته.. يا حيف تعبها وتربيتها.. من شابه اباه ما ظلم ايه والله.. اسفي على ايام قضيتها وياك.. يا خاين ذاتك وضميرك.. حسبي الله عليك..
ولأول مره تسيل دمعه من عيون رائد وبحراره ومن قلب بقهر من فارس ...
بكمل الحين قد ما اقدر وبشوف ويش يطلع معاي وكل جزء اخلصه بنزله..
رد مع اقتباس
المفضلات