ماعرفتوني .. كثر .. ما عرفني ..

[Princess]

فارس حس من اولها ان احد قعد عليه.. استحى وارتبك..مو عارف كيف يتصرف .. وزاد الطين بلة صرخة رؤى مفكرتنه حنين..
رفع الغطى من على وجهه وهو مغمض عيوونه بالقوه.. يبغى رؤى تنتبه انها غلطانه..
رؤى من شافته وهو مغمض بعد... جتها خلعه عالميه ومعتبره بس ردة الفعل... انها طفرت وقامت تمشي بتنزل من الميكرو وهي تتعثر.. مسكينه ولا صرخت ولا شي وحست قلبها بيقبع من الموقف .. نزلت وحالتها حاله.. وشافها رائد وهي نازله ..
ــ ويش تسووي دااخل ..؟؟
ــ ادول حنينوه انتبهت ان في احد نايم داخل وطلعت الكض ..
ــ ايه هذا فارسوه.. نايم لو قاعد..
رؤى مختلعه.. مهي داريه .. يسويها فارس ويقول له بفعلتها.. وهي تهلوس في بالها ,, لا لالا ما ظني يسويها..
رائد يكرر سؤاله: ــ ناايم كان لو قاعد..
رؤى : ــ هاااا..
رائد : ــ اه... اقوول الماخذ عقلش بس .. وخري بعبر ..
دخل رائد لقى فارس مفتح وشابك راسه بكفينه وسرحاان بعييد,,
رائد : ــ اووواااااااااااااااااااه..
فارس نقز مختلع : ــ بسم الله..
رائد : ــ هههههه ويش فيكم.. وحده نزلت مفهيه ,, وواحد شابك راسه وسرحان.. لا يكون خلعتك اختي بس ..
فارس : ــ هااا..
رائد : ــ اه ..وثنينهم هاااا بعد.. اقول قوم بس بلا نوم .. خلنا نتمشى في البستان.. كفايه حيدروه وحسنوه نامو.. قوووم سلمان لحاله برى,,
سلمان كان واقف برى .. ولفت نظره حمزه يطالع فيه,, ابتسم سلمان.. حمزه غاور عنه..
سلمان في باله : ــ بل ويش هالأخلاق دي..
ويوم نزل رائد.. سأله عن حمزه مين يكوون ..؟؟
ــ افففففففف هذا ولد عمي .. كريه وما اطيقه..
سلمان : ــ افااا .. ليش عاد..
رائد : ــ غثيث وثقيل دم بشكل لا يطاق وملقوووف وفتان وكل شي ..
فارس : ــ خلاص رائد ولد عمك هذا,,
رائد : ــ اهووووووو.. ينقلع .. يعني عاجبتنك تصرفاته.. كريه نفس وخايس اخلاق مرره ..
سلمان : ــ اما من ناحية خايس اخلاق .. هههههههه فخايس اخلاق ومره على قولتك..
رائد : ــ ههههههه شيه ويش سوى لك..؟؟؟
سلمان : ــ ابتسم له يغاور عني ..
رائد : ــ ما عليك منه.. ما بنعطى وجه.. اجل احمد ربك ما بادلك الإبتسامه .. هيهي لو بادلك اياها ويش يفكك من لزقته وثقل طينته..
سلمان : ــ هههههههه حشااا يا سااااااتر..

صارو يتمشو.. لقو الرجال ابو كرار و ابو حسن و فاضل ورضا .. حاطين قوطي ببسي من بعيد.. وقاعدين كل واحد يحاول يطقها بحجر ويقلبها.. وكل مره يبعدوها اكثر .. لين صار بينهم وبينه حوالي 7 امتار..
ابو كرار : ــ يالله بعيد القوطي ما اشوفه عدل .. رحم الله ايام الشباب.. لو ويه ما بسدحه
فاضل : ــ ههههههههه ويش عمي بعدك شباب افا عليك..
ابو حسن يرمي الحجر ولا يصيب :
ــ الظاهر انا اللي شيبت و لا اشوف عدل..
رضا : ــ افاا عليك انت بعد.. جيب اشوف ..
اخذ رضا الحجر ورماه الا نفس حالة ...
رائد: ــ بااجرب وياكم..
اخذ الحجر ورماه صاب القوطي بس ما طيحه .. شوي كان ويطيحه...
فارس اخذ حجر وبرميه قويه تعدى القوطي وما صابه..
رضا : ــ سلمان..
سلمان : ــ هلااا..
رضا بإبتسامه: ــ ما بتجرب ..؟؟
سلمان ابتسم.. : ــ نجرب ليش لأ..
اخذ الحجر .. ورماه..
وطااااااخ طفر القوطي مترين ورى..
رائد بلا شعور صرخ : ــ صااااااااابه عاااااااااااااااش...
ماتو ضحك عليه..
ابو حسن : ــ ههههههه تلعب تيل .. رائد مندمج.. سلمان...عفيا عليك ..
ابو كرار : ــ ما شالله عليك يا ولدي .. يعطيك الصحه والعافيه..
فارس : ــ يا سلام عليك اللهم صل على محمد وال محمد..
صلو جميعا على النبي وال النبي...
رائد : ــ ابضااي سلمانوو فديتك.. يللا عطيني دروس في القنص ..
سلمان : ــ ول هههههههه سويتها قنص .. صايد غزال مو قوطي بيبسي ..
رضا بحكم انه تاجر وغني .. عنده فرع في البحرين لتجارته.. وتاعب فيه عدل لأنه يتابع بصعوبه الأخبار هناك.. وكل ما بين كم شهر جاب له احد ينتبه للشغل هناك ويكون ثقه وامين وقد المسؤوليه.. صار يتأمل في سلمان :
ــ لازم اعرف هالشخص اكثر واتقرب منه اكثر .. والله شكله رجال وينشد فيه الظهر .. واخلاق مره حلوه .. عساني انفعه وينفعني...
اما الحريم والبنات خذو صحن معدن وصارو يطقو عليه و بهداوه..
غااالي .. غااالي .. غالي يابو السجاد حبك غااالي .. انت الحبيب العايش بدلالي .. غيرك في هذا الكون ما يحلا لي .. غااالي .. غااالي .. غاالي يبو السجاد حبك غالي << هالمولد للملا باسم حفظه الله .. الكل يعرفه وحافظنه.. صغير وكبير .. ما يخفى عليهم...
شوي الا بنقزة سمر تصرخ.. ــ ووووزغه.. << شخطت وراها وحست بها في ظهرها..
قامو يتراكضو.. انتبهت ليها ام حسين : ــ يووو عاد هذي ام سليمون مسالمه ما تسوي شي .. خلوها ..
حنين مستغربه ومختلعه : ــ ام ويه؟؟؟ ام سليمان..؟؟؟؟
ام سلمان : ــ سليماان ويه بعد هههههههه سليمون.. تعالي غناتي الله لا يروعش..
راحت سمر وقعدت جنب ام سلمان..
مريم : ــ اختلعتي امي .. جيبو ليها ماي
ام حسين : ــ هذي عادي ,, ما تطلع الا في المزارع والبر . ايام لول اراقع بها واني احوس بالزراعه ويا ابوي... طيبه ما تسوي شي مهي كريهه مفلات الوزغه اللعينه..

رائد برى لفتت نظرهم شجرة ...
فارس : ــ برتقال .. الله حليو وهو معلق ..
سلمان : ــ مممممم نذوق طعمها...
قطع وحده.. وقشروها..اكلو ..
رائد غمض عيونه : ــ حح حاااامضه..
فارس : ــ ههههههه ما تنبلع..
سلمان : ــ أي والله ما على البرتقال المغربي ابو سرره.خطيييير ... ممم هذا البرتقال العدل ..
فارس من سمع طاري المغرب..
ــ تصدقو.. بعد كم يوم ناوي على روحة المغرب ..
سلمان وهو يمص العصير اللي في البرتقاله : ــ كخخخخ ممم.. حق ويه .. بترووح تجيب لك برتقال عدل من هناك ..
رائد فهى وحط البرتقال اللي في ايده على جنب وبهدووء :
ــ حق ويه.. يعني بتروح صدق .. هاا.. لمتى.. ؟؟ بتروح وياك بعد امي ام حسين ..؟؟؟
سلمان مو فاهم ويش صاير .. وفاجأته حالة رائد وارتباكه..
فارس مسك كتوف رائد : ــ لازم اروح.. ما يصير بعد.. بشوف ويش صاير .. وامي ام حسين بتظل هنا.. برجع انا بس بشوف ويش السالفه..
سلمان ساكت .. حس عليه فارس انه ضايع بينهم وخجلان يسأل لا يتلقف .. فعلمه بقصته..
فارس : ــ وهذي السالفه.. ويش رايك يا خووك..
سلمان : ــ رايي تروح وتشوف ويش صاير .. مهما كان هذا ابوك.. وله حق عليك..
رائد انفجر : ــ حق ويه..اللي اله عند فارس هااا.. متى عرفه هو.. تركه يوم هو صغير .. ابو خراط هذا.. الحين ويش يبغى.. اتحداه اذا راح له يعرفه.. ويش يعني ..
سلمان يهدي في رائد.. وفارس مرتبك مو عارف ويش يسوي .. مشى عنهم..
رائد يوم شافه مشى سكت.. وطلع في سلمان وقال وهو مندهش :
ــ طالع.. انا محمق وهو ابد ولا معبر .. ولا بعد راح..
سلمان : ــ لا تلومه ياخوك.. بس ما يقصد هوو.. مجبور والله..
رائد عفويه وبلا قصد من حمقه وزعله رفع صوته : ــ انت ويييييييش دراااك.. مافي شي غصبن عن الواااحد.. ما تفهم انت..
سلمان فتح عينه بوجه رائد و ابتسم..

تابع<<<

[Princess]

رائد حس انه مصخها وسلمان ماله ذنب حق يصرخ عليه :

ــ اسف وربي .. بس ...
وتغيرت نبرة صوتها وصارت متكسره..
ــ فارس خويي.. انا منه وهو مني .. من يوم كنا صغار ويا بعض .. احبه.. ولا اقدر استغني عنه.. ابوه طول عمره ما عرفه.. انا اكثر واحد حسيت بمعاناته ووحدته.. وعذابه وشقى عيشته.. ابووه غني ولا يفكر يرسل له حتى مصروووف.. ما كمل دراسه والسبه الفقر .. ويش الحين يبغى منه.. يوم كبر وصار رجال يبغاه... لييييش .. تخيل يروح المغرب ويقول له خلاص اقعد وياي ولا ترجع.. بموت.. ما استغني عنه..
سلمان صار يهدي فيه ويحاول انه يلهيه.. وبنبرة شجيه فيها بحه ..
ــ سيدي في القلب حاجه.. هل لها منك انفراجه.. ان مابي .. من عذابي .. سيدي ارجو علاجه.. انا ما جئتك الا .. بعد ان ارهقت ثقلا .. لك امري.. انت تدري.. عظم الخطب وجلا..
رائد ابتسم : ــ حفظك الله يا شيخنا الغالي .. حفظك الله يا لأكرف .. صوتك حليو يا خووك..
سلمان : ــ ههههه اما حليو.. تقول سياره خربانه مهي راضيه تشتغل..
رائد : ــ هههههه حرام عليك.. في صوتك بحه روعه.. واااو زي خالو بالضبط..
سلمان : ــ مين ..؟؟
رائد : ــ خالي حيدرووه.. صوته مره حليو.. ويقرا بحسينيات
سلمان : ــ ما شالله.. والله.. ابغى اسمع..
رائد : ــ ايه ان شالله اذا قعد ذكرني اخليه يسمعك مقطع..
هدأ رائد.. وشوي جاهم فارس .. رائد ساكت عنه.. وفارس بعد مهو حاب يناقشه بشي .. لا يرجع يفتح الموضوع من جد وجديد..

قعد حيدر من نومته.. دخل الحمام .. وبعد ان فرغ من قضاء حاجته.. انتبه ان بريق الماي فاااضي .. ولا في ماي بالحمام.... ويش يسوي كيف يدبرها..
طلع جواله ودق على حسن.. حسن نايم ولا انتبه للجوال..
حيدر.. ــ افففففففف لم يتم الرد.. تلاقي حسنوه منقلب على الجوال ومخمد على انفاسه وين يسمعه.. فارس عفر استحي ويش اقوول.. راائدوه مالي الا هوو.. ولعنه هذا بيفضحنا.. امري لله..
دق جوال رائد.. طالع الإسم:ــ اه.. حيدرووه.. ويش فيه متصل غريبه... متغوي لو مضيع نظارته ومو شايفنها..
سلمان وفارس ماتو ضحك... رد رائد : ــ الووو..
حيدر بهمس: ــ الحق علييييييي...
رائد : ــ خخخ الحق عليك وينا .؟؟. بالحلم !!.. مين طقك.. ؟؟؟
حيدر : ــ بلا ظرافه علي .. تعال الحمام..
رائد : ــ والله مافيني حق ويه اروح الحمام..
فارس وسلمان فقعوها ضحكه..
حيدر سمع الضحك: ــ ولعنه يا فضيحه.. بلا مسخره .. تعال جيب لي غرشة مااااي,, مافي ماااي بالحمام..
رائد: ــ افااا يا خااال .. ههااااااي.. شلون ما تشيك على طهورك قبل لا تسويها..
سلمان وفارس فتحو عيونهم حد مااعندهم.. وخلاص ماتو ضحك..
حيدر صخن : ــ ولللللللللعنه انت ولد اخت انت.. انت مصيييييييبه.. حرررررررركني بطلع ظلمه هالحمام وقرف .. هين لكن.. خللص في فتحه فوق الباب ارمي منها الغرشه,, ونتفاهم بعدين..
رائد وهو ميت ضحك .. : ــ زين جاينك..
وصل رائد وزين ما فضحه عند الحريم.. اخذ الغرشه.. ووقف عن باب الحمام..:
ــ وواااااحد,, افنيييييين.. فلاااااافه وفلاااافين,, وهووووووب
ورماها الغرشه وتطب داخل الحمام وطراخ على راس حيدر ..
حيدر : ــ وصاااقعه.. هين يا رائدوه اراويك..
رائد ميت ضحك: ــ مااي وايد جبت لك.. تطهر عدل هههههههههه
حيدر : ــ حسبي الله عليك من ولد اخت ..
طلع حيدر من الحمام,, الا رائد حط رجوله وهرب ..و ما خلف وراه الا غبااار ..
حيدر ويش بيسوي .. هذا رئووده وما منه فايده لو بيتأدب تأدب من زمان.. ضحك على الموقف بعد ما كان مره معصب .. ومشى.. شوي الا جواله يرن...
طلع رائد اللي متصل ..
حيدر رد بقهر: ــ هاااااااويش تبغى...
رائد بهداوه وأدب : ــ خالوو.. سلمان يبغاك.. مو انا..
حيدر : ــ حسبي الله عليك.. هذانا جاي..
وصل .. سلمان بإبتسامه:
ــ يقولو صوتك حليو.. ما بتسمعنا شي ..؟؟؟
ابتسم حيدر:
ــ انت تسمع لمين,,؟؟
سلمان : ــ وايد.. للأكرف.. لباسم .. لجعفر ..
حيدر تمام.. انا حافظ للأكرف .. يللا بسمعك بس بشرط تسمعني .. والا اقول لك ويا بعض نصير .. كل واحد يكمل للثاني ..
سلمان : ــ اوووكي يللا ..
حيدر :ـــ ممممممم... أي عيش يطـــــــاق ,, بعد هذا الفـــــــــــــراق
رنت هالجمل في مسامع سلمان.. وبعفويه تذكر خطيبته.. تنهد في قلبه وهمست روحه..
سلام الله عليكي يا فاطمة .. سلام الله عليكي يا سيدتي ومولاتي..
وكمل ..
ــ فـــاطم لا تغمضي عينكي عنـــــاا... فاطم لا تغمضي عينيكي عنــــــــــا...
حيدر: ــ مثل طائر سليمـــــــان.. طرت اكشف امرها..
سلمان :ــ واهيم بعالم احــــزاان.. واسايل عن خبرهــــــــا..
ثنينهم : ــ في المأآآآآآسي .. في المأآآآسي اللي ما تطيب .. وعيني شافت اعاجيب .. بعالم الزهرا انظر الصار .. بالقلب جمره.. وبالجفن نااار..
فارس : ــ ما شالله.. رهيبين.. ثنائي عجيب..
رائد : ــ عيني عليكم بارده.. بالصلاة على محمد وال محمد..

قريب يجي المغرب .. قررو يرجعو البيت... وتواعدو .. يكون بينهم اتصال.. وما يقطعو بعض ..
حوريه وام سلمان استانسو وياهم.. وسلمان اكثر... الوحيد اللي تضايق وتنرفز من الرحله.. حمزه ما عجبه الوضع ابدا.. و رؤى متأثره بموقفها ويا فارس ومستحيه حدها..

حط راسه على المخده.. وجت صورتها قدامه ... تحسس الدبله بيده.. سالت دمعه على خده.. تنهد .. رحمة الله عليش يالغاليه.. قرى الفاتحه على روحها .. وروح ابوه المرحوم..
تذكر موقف حيدر بالحمام.. ضحك.. وتناسى همه.. مسك الجوال .. رسل مسج لرائد..

بالظلمه.. كان منسدح.. يفكر بحوريه.. مستغرب من روحه.. ليش لفتت نظره هالبنت.. كان على الجمال فهي عاديه وناعمه ,, كلام ما سمعها تكلمت.. شي شده ليها.. من نظرة عينها اللي طاحت في عينه بعفويه.. من خدودها اللي وردت خجل وحيا يوم غاورت بوجهها عنه..
ضوا يتبعه رنة مسج.. فتحه ..
ــ شكرا لكم من صميم قلبي .. ادخلتم بهجة لعائلتي نسيناها منذ سنين.. لا حرمنا الله جمعتكم.. دمتم بخير ,,
ابتسم .. رد له المسج..
ـــ ان لنا بالدنيا اخوانا واحبابا نرتاح للقياهم من اول مره .. نوثق بمودتهم ممن نراهم كل يوم..
ما بيينا شكر عزيزي .. تصبح على خير ..

وكل يفكر بقلبه .. الا هو.. كان مشغول البال والهم محتويه.. يفكر .. متى بيقرر يروح المغرب .. متى بيشبع فضوله البائس ان يعرف ويش سالفة هالمرسول المفاجئ..
التفت لأمه ام حسين.. تنهد وفي قلبه.. معاهم انتين في امان.. عين الله تحرسش يا يمه..
شوي انحرف الفكر واتجه للقلب .. ابتسم وصار قلبه يدق بسرعه.. تذكر قعدة رؤى فوقه وهدرتها وعفويتها.. صار يفكر فيها خايف عليها.. لا يكون تتعقد وتخاف منه وتتذكر كلما تشوفه..

يوم ثاني الصباح.. الساعه 9.. و بالتهويه .. ام حسين وهي تضرب على ابريق الشاي بملعقه..
بالعافية يا حلوة بالعافية يادرة البحرين يالوافية نذر عليه واشهدوا ياحضور لقسم الحلوى وانا الوافية
متـــــــــــــــــى بس الله يبلغني فيك يااا خلف ابووي..<<< امنيه تخرج عن نص الأنشوده..نذر عليه واشهدوا ياحضور لقسم الممروس وانا الوافية نذرعليه واشهدوا ياحضور لقسم الحنة وانا الوافية
والله لأتحنى طرق احمررررر بكل ايد.. << حديث جانبي نذر عليه واشهدوا ياحضور لقسم الماورد وانا الوافية نذر عليه واشهدوا ياحضور لقسم المشموم وانا الوافية
والله لسوي لي قلايد حزتها لركااابي << ايضا على جنب نذر عليه واشهدوا ياحضور لاسوي هلاهل وانا الوافية نذر عليه واشهدوا ياحضور لارقص واصفق واناالوافية

تهاني زوجها ما نام طويل الليل .. البيت فيه حاس " بعوض صغار" وقرص فيهم تقرص .. غير الأمس بالزبداني قرصهم شوي .. وطول الليل حكه..
فتحت تهاني النافذه من فوق ..
ــ خاااله.. خااااله ام حســــــيــــــــن.. قصري صوتش .. ابو حسن ما نام..
ام حسين :
ــ يؤ .. اسمحو لي.. بقصر حسي .. نامو نومة العوافي ..
سكتت شوي .. الساعه 10 بعفويه رجعت تطق ..
وقفت فوق الجبل وشفت خاشوقة وشفت بنت العرب حلوة ومعشوقة
الا بدخلة رؤى عليها..
ــ صباح الخيلات اماه.ههههههه. ويش فيش تطقي العالم نايمه ..
ام حسين وهي تطق على الإبريق..
ــ صباحش صباحين..صباح الكحل بالعين
صباح يطرد الفقر..صباح يوفي الدين
صباحك الصباحي...والورد والتفاحي
رؤى صارت تضحك,, وقعدت ويا ام حسين.. وهي تحك..
ــ اففف بعووض من هالغنم مليان البيت قلصني تقليص..
ام حسين : ــ لا تحكيه داهو فيني وما فيني الا العافيه .. احقريه..
رؤى : ــ ما اقدل يحل..
ام حسين .. وهي تضحك.. وتغمز لرؤى..
ــ كل من هالخرفان اراويش فيهم الحين...
وتسندت على الجدار اللي يفصل بين التهويه و حوطة الغنم.. وتطالع في الفتحات..
وتدخل الملعقه من اتجاه المسكه بسرعه.. ولا يسمعو الا :
ــ امباااااااااااع..
وتمووت رؤى من الضحك..
ــ ههههههههههههههههه طفلتيهااا بعيد.. هههههههههه مسكينه اختلعت..
ام حسين : ـــ هههههههههههه تستاهل دبحتنا بريحتها...
شوي ما سمعوا الا فارس ينادي امه ام حسين برى..
ــ يالله يالله.. امااه تعالي ابغاش..
ام حسين استغربت اول مره فارس يناديها.. متعود يستأذن ويدخل اذا فيه احد..
ــ تعال امي ويش فيك..
ــ مافيني شي بس ابغاش بسالفه..
ــ مافي الا رؤى امي تعال دش ..
فارس منحرج يبغى امه بسالفه وفوق هذا رؤى معاها حاسس بيسبب ليها احراج..
فارس : ــ خلاص تالي بقول لش ..
رؤى قامت.. ــ اماه بلوح الغلفه اني اذا بغيتي شي ناديني..
فارس حس بإحراج اكثر.. تنحى عن باب التهويه.. طلعت رؤى وبسرعه.. كانت من داخلها خايفه موت.. تذكرت موقفها .. وحالتها حاله من الفشيله..
وهو قلبه صار يدق بسرعه.. وده يقول ليها لا تخافي .. وده يحسسها بالأمان.. وده ووده.. بس ويش بيده..
دخل لأمه.. باس راسها .. وقعد جنبها.. حط ايده على فخذها.. وعينه بعينها.. وقال..
ــ امااه.. بعد يومين على خير .. بروح المغرب..
والى اللقاء غدا..