ماعرفتوني .. كثر .. ما عرفني ..

[Princess]

بعد اسبوووع...

الساعه 3 الفجر.. رؤى تحت دش السباحه... صار ليها نص ساعه في الحمام...
رائد يشلخ الباب عليها..
ــ اطلللعي.. خلصينا.. اه..
ــ دقيـــــــــــــــقه...
وفي بالها وهي تحت الماي..
ــ اوووف يخلب علي .. اللواق ؛؛<< الرواق خخخ
وبعد عشر دقايق .. طفش رائد ويشوت باب الحمام شووته...
طرااااخ..
رؤى..
ــ يماااه.. وصاقعه.. قعدت امي وطلعت الجنانوه اللي في الحمام.. بسم الله على عملي... ويش فيك لووح اسبح في حمام ثااني...
ــ مانى رايح خلصي .. امواس حلاقتي وعفستي كلها بهالحمام خلللصي..
ــ الله اللي يسمع وين بتلوح بيحلق ومدلي ويش..
ــ سكتي هاا توش البارحه عند المرايا بالملقط مع هالحواجب ... طخ طخ طخ << يشدخ الباب..
اطلللعي...
ــ زيييين.. اوووف.. يالله صباح خيل..
طلعت من الحمام وطلعتها مد رائد رجوله يعرقل ليها.. تعرقلت.. وصارت تتوازن لين صدمت بالطوفه اللي قدامها ..
ــ الله يغلبلك يادب.. زين ما صدمت باب غرفة امي وابوي كان فزعت امي..
ــ خخخخ عدال ويش هالسبووحه .. هذا وكل يوم كنتي تتسبحي .. لو ما ادري بش بقول سبوحة تعويض خيسة اسبوع..
رؤى تبحلس عليه..
ــ مالت عليك.. ويش علفك انت.. يقول لك ايام الإختبالات.. تسبح عدل وحس بالماي وانت تحته مو سبوحه عالطايل .. خل الدم يتحلك..والدوله الدمويه تتنشط ..
ــ أي اختبالاات.. حق الخوبال واي دوله واي مدينه.. يالله على دقيقه الواحد يراجع بها مين مخرف عليش هالكلام..
ــ صدقني ..خخخ ابلة الأحياء قالت لينا. ولا تسخل علي...
رائد وهو يسكر باب الحمام ..
ــ تت .. بس تت..
ــ ههههههههه وجهك قطووه قالوا لك...

راحت رؤى غرفتها.. فتحت القران تقرى شوي.. لين اذن الفجر .. صلت.. وقامت تراجع... لين الساعه 6:15... وتالي لبست وخلصت.. وطلعت لرائد لأنه هو اللي يوصلها الصباح ايام ألإختبارات...
وصارت وياه بالسياره تسمع له القوانين.. وتراجع بصوت عالي وهو يسوق.. الا بجوال رائد يرن..
طالعه رقم غريب.. رد عليه ..
ــ الوو نعم..
ــ اهلييين هلا والله صباح الخير,,
ــ اهليييييييييييييييين.. وسهلييييييين.. ويش جوال مين هذاا..
ــ جوالي توني ماخذنه البارحه.. سجله عندك..
ــ ليش الأولي ما رجعته..
ـ ما ابغاه خلاص قفلته يولي.. هذا خلاص جديد احسن.. اخبارك واخبار النفسيه اليوم..
ــ الحمدلله.. تمام... هذانا بالسياره بوصل اختي وبروح المدرسه..
ــ الحمدلله. وموفقين يارب... الا صدق شلوون جوالك وياك.. انا فكرتك بعدك في البيت .. ليش مو ممنوع بالمدرسه..
ــ خخخ الا ممنوع بس اخليه بصندوق السياره..
ــ انتبه اجل لا يسووا لك مثل سيارتي..
ــ ان شالله..
ــ يللا حبيبي بالتوفيق وانتبه لروحك والله الله بالقران.. وخصوصا اية الكرسي .. واستهدي بالله وصلي على محمد واله .. وبتتوفق ان شالله..
ــ الله يخليك يالغالي لا توصي حريص..
ــ يللا مع السلامه واشوفك على خير..
ــ على خير حياك الله..

رؤى من المكالمه عرفت ان فارس المتصل .. ابتسمت .. وسرحت...
رائد .. أي ويش قانون هذا ذكريني به... << هدوووء كنه يكلم طرمه..
ــ رؤوووه.. هيييه ..
ــ هاااه...
ــ انا لله.. احنا وهالهاااه.. قولي نعم ووجع..
ــ ههههههه زين .. نعم.. ويش ..
ــ خلاص تذكرته خخخ..
ــ مالت عليك..
ــ اقول وصلتي يللا .. انزلي.. وبالتوفيق..
ــ جميعا.. يللا مع السلامه..
ــ الله يسلمش..

دخلت رؤى المدرسه.. وراحت للمكان اللي تقعد فيه هي ويا خوياتها.. وصلت لقت روان وفي حضنها مثل ما توقعوا.. ايمان.. وشكل روان معصبه.. وايمان مفهيه وشكلها ما كنها جايه مدرسه ولا كنها ايام اختبارات.. شعرها مسويتنه حركات ومتكحله وحاطه لمعه بشفايفها.. واكسسوار.. مره حاله وروقان مو طبيعي..
ويوم وصلت رؤى وسلمت عليهم.. نطت ايمان..
ــ هلاااا.. وغلاااا.. جت المنقذه .. اكيد بتعرفها ... جننتيني روانوه..
روان وهي محمقه وابدا مهي مروقه..
ــ خذ لك النكوووره صار لش ساعه مسويه لي ازعاج وتوتر واني اشرحها لش والحين طلعت ما اعرف .. فارقي بس..
ــ امواااه فديتش لا تزعلي امزح..
ــ مالت عليش .. هلا رؤى غناتي اخبارش..
ــ الحمدلله تمام وانتين..
ــ الحمدلله بقوم عنكم مناك كان اراجع كم كلمه..

ايمان خذت رؤى على جنب..
ــ هلااا.. اخبارش غناتي..
رؤى تذكرت كلام اخوها وحاسه بضيقه وهي مشتهيه القعده ويا ايمان..
ــ هلا الحمدلله..
ــ خخخ لا تخافي ما ابغاش تشرحي لي شي.. بس ابسألش..
ــ هلا..
ــ والا اقول لش.. لبعد الإختبار .. باي باي..
ــ حياش..
راحت رؤى جنب روان..وصاروا يراجعوا.. الا روان تسأل رؤى عن نفس المسأله اللي شرحها ليها فارس..
رؤى زي اخوها ما تعرف تشرح ولا توصل المعلومه.. فطلبت منها روان حل المسأله اذا عندها وهي بطالع الخطوات وبتفهمها ان شالله لحالها.. عطتها رؤى الحل.. صارت روان تقرى فيه.. وصلت للسطر اللي شخط فارس تحته بالقلم الحبر .. وسألت رؤى..
ــ هذا ليش حاطه تحته خط.. مهم..؟؟ فيه فكره.. والا ويش ماني فاهمه..؟؟
رؤى ببتسامه ..
ــ لا بس كذا واني الاجعها شخطتها.. وفي قلبها تقول.. فديته من شخطها خخخ..

وجا وقت الإختبار.. دخلوا البنات اللجنه وقلبهم يصفق.. وصل مظروف الوزاره.. وقاموا يوزعوا الورق ودفاتر الحل.... وتوهم يوزعوا,, الا بنيه صفقت ايدها بعفويه على خفيف على الطاوله.. وقامت تصيح..
ــ مـــــــــاااايكفيني الوقت.. تهي تهي.. مااا يكفي..
المراقبات انصرعوا منها..
رؤى من الخلعه.. قلمها الرصاص تعبئه.. انكسرت حربة القلم.. ورجعت تضغط وتطالع في البنيه.. وفي بالها..
ــ بسم الله هاداوووويش بعدنا ما حلينا.. حلي وتالي صيحي تهي تهي.. جبتي لي قلق..
وصاروا المراقبات يهدوا في البنيه.. ويجيبوا ليها ماي...
وبنص الإختبار... الا وحده ثانيه قامت ترجع.. رؤى قدام.. بس تسمع الصوت...ومتنرفزه حددهااا.. وفي بالها..
ــ لاااحوول الله تهي .. ويش هاللجنه هاااذي.. لاعت جبدي.. تهي .. كل هذا خووف...

رائد في اللجنه.. معاه.حيدر خاله..
شوي الا استاذ ضارب بالمسطره على طاولة واحد قريب لحيدر.. كانت عيونه طايره لدفتر حيدر يبغى يلقط منه كم حاجه...
حيدر من الخلعه بعفويه طار القلم من ايده.. وراح الإستاذ وهو يضحك جابه له.. وصار يمسح على ظهره ..يبغاه يهدي..
رائدحاط قلمه الحبر في اذونه اليمين وقلمه الرصاص بيده وقاعد يفكر بسؤال..
ويوم جت في باله فكره...صار له ساعه يبري قلم رصاص كلما براه انكسر .. ما شافوه الا بعفويه يصفق القلم والبرايه..
ــ اوووه ويش هالصاقعه..
الكل قام يطالع فيه..
الإستاذ ضحك عليه..
ــ ااششش يا ولد هذي لجنه...
رائد وهو مبتسم ورافع حواجبه. ورافع قلمه الرصاص المنكسر بإيد والبرايه بإيد..
ــ ابغى قلم رصاص لو سمحت...

جابوا له قلم.. وصار يحل...

في قاعة رؤى..شويات الا وحده رافعه ايدها وتسأل عن سؤال واضح وحله مباشر..
رؤى فرت ورقتها تشوف السؤال شافته سهل مافي شي.. المراقبات يشوفوا البنيه ويش عندها.. وهي تهدر .. وتتفلسف.. ومهي عارفه.. مسويه السؤال شي عظيم وعالمي.. رؤى شكت في عمرها ..
ــ ويلي.. والله بسيط ومباشل.. ويش فيها هاذي.. يوه.. لا يكون بس في فكله واني خبله..
وصارت تطالع فيه ضيعت عشر دقايق وهي تحله على جنب مره ثانيه .. وطلعت نفس النتيجه..

وفي قاعة رائد... ما سمعوا الا صرخه الإستاذ..وهو ماسك واحد .. ويوقفه.. ويمسك مسطرته ويرفعها جهة الضوا..
ــ الله الله.. ناحت قوانين الكتاب على المسطره.. ولا شفافه بعد.. مشمخنها تشميخ.. بويش يا شاطر بإبره... قوم قدامي للإداره... ويطلعوه برى..
ورائد يطالع ومفهي.. ويرجع يحل..

تابع>>>

[Princess]

شوي الا الإستاذ .. ينبه الوقت قريب يخلص..
ونفس الشي المراقبات بعد ....
ــ باقي ربع ساعه يا بنات.. اللي كاتبه برصاص تحبر..
الا البنيه اللي في بداية الإختبار.. تصيح.. رجعت تشاهق وزادت صياح.. وصاروا يهدوها لا توتر البنات باللجنه... وشوي اغمى عليها..
قامت رؤى تركض تحبر وهي تتنافض ومتوتره..
ــ حشاا مو امتحاان هااذاا هذا ويش هالبنات.. جابو لي خوف مو طبيعي الله يغلبلهم.. مفتكه لوانوه ويا ايمانوه في اللجنه الثانيه اووووف..

انتهى الوقت... وقاموا يجمعوا دفاتر الإمتحان.. رؤى تقرى ايات وتنفخ على دفترها وهي تدعي يارب تتوفق .. وفي بالها اخوها ياارب يتوفق..

وطلعوا من القاعه.. الأولاد على طول كل واحد سيارته وبيته.. البنات.. يراجعوا الحلول.. روان اكلت الكتاب اكال وهي تراجع.. رؤى مهي مشتهيه اكره ما عليها هالحركه.. الا بجية ايمان المروقه..
ــ هااي .. ويش سويتوا..
رؤى ..
ــ الحمدلله.. وانتين
ايمان..
ــ خخ ما ادري.. وانتين روانوه..
روان ..
ــ هاا الحمدلله .. بس وين هالقانون الزفت هذاا..
ايمان..
ــ خخخ.... رؤى دقيقه تعالي بسألش..
ــ هلا..
وبهمس..
ــ الا اخوش وصل لش السلام لو لا..
رؤى انصرعت.. يعني كلام رائد صدق .. وطلعت بعد لطلعة السوق ليها لبس وحركات خاصه.. لا حوول...
ــ ايه... وصل..
ــ ززييين اشوى.. أي بعد. ابسألش... مين هذا اللي وياه..
رؤى حمقت .. ويش فيههااا هذي تسال عن فارس << دقتها الغيره..
ــ خويه... لويش..تسألي؟؟
ــ اهاا.. ادري خويه.. اجل خويته خخخ.. ويش اسمه..
رؤى شبت حريقه..
ــ وانــــــــــي ويش دلاااني..
ــ زين شوي شوي .. ويش فيش عصبتي.. خلاص باي باي وموفقين..
ــ باي..
روان..
ــ اووف ويش فيها هذي ..
ــ ويش دلااني..
ــ بيني وبينش كلما جا ليها تخترب.. ما عادت ايمان الأوليه..
ــ أي والله افاا بس افاا...الله يستل عليها بس تعبنا ننصح فيها و لا يفيد..
ــ اييييييه خلها على الله... ويييين هالقاانووون
ــ اهوووو فالقي بسسس

وانتهى اول يوم .. بتوتر وخوف وقلق..
وبعد اسبووع ويومين..... وما باقي الا يومين اضافه لهاليوم وتخلص الإختبارات..
ــ الصلااااة خير من النووم... << مسجد قريب بيت فاضل..
رؤى .. وجنبها دلة شاي وعيونها متفقعه وما كان عليها صلاه وتعبانه حددها.. قامت تصيح..
ــ والله ما نمت.. تهي .. والله صعب الفيزيا ليش خلوا الكيميا اللي ذاكرته يوم سبت .. تهي تهي.. يالله ساعدني..

رائد اخوها كان مذاكر الفيزيا من قبل وما ذاكر الكيميا.. بس سوى زين...

بعد نص ساعه ..قعد رائد من النوم للصلاة وبيراجع .. مر على رؤى.. لقاها قاعده على الأرض.. وحاطه راسها بين ركبها.. وكفوفها على راسها وتحت ارجولها فارشه جريده فيها اسئله للفيزيا واجوبه.. وقاعده تقرا..
ــ رؤى.. ما نمتيي؟؟؟
رؤى بصوت تعبان ومبحوح
ــ لااا..
ـــ حراام عليش ارتاحي شووي ويش فايده مذاكر بدون راحه.. قومي نامي لش ساعه.. تالي بقعدش..
رؤى ساكته.. ما شاف رائد الا عالجريده دموع تطيح..
راح لخته.. رفع راسها لقى عيونها منتهيه .. ومبين على وجهها تعب مو طبيعي..
ــ قووومي يلعن ابو النسب والإختبارات.. ما تسوى عليش بتموتي.. ما يصلح لش .. كفايه عليش فيش جي سكس بي دي << فقر دم فولي.. ,, وحامله سكلسل وسهر وقلة اكل ولا شرب بهالشاي.. قومي عااد.. على شاني..
قومها ... وسدحها على سريرها.. وغطاها...
ــ ماني ناايمه ما خلصت...
قام يطبطب عليها..
ــ نامي ساعه بس صدقيني بقعدش تالي وبراجع وياش عالسريع اللي ما خلصتيه..
ــ احللف بس ساعه..
ــ والله العظيم.. يللا ريحي..

ريحت رؤى ساعه.. وجلسها رائد بعدها.. على طول قامت..
وصار يراجع وياها بسرعه.. وعطاها ملخص قوانين كاتبنهم هو للجزئيه اللي ما خلصتها .. واستانست به .. وصارت تصيح.. وهو يهدي فيها .. ويضحك عليها..

وعدوا هالإختبار.. مع بعض الثغرات من رؤى بسبب التعب... وكان رائد يوديها الصباح وترجع الظهر مع باص..
وفي الباص .. ما قصر السواق دار برؤى ذاك اليوم من طياحة الحظ .. الفريق كله.. واخر وحده وصلها.. نزلت وهي تترنح.. وراسها داير.. لا اكل ولا نوم... دخلت بيتهم... وفي الحووش...طاحت مغمى عليها..

الى اللقاء بالحلقه القادمه..