ماعرفتوني .. كثر .. ما عرفني ..

[Princess]

رائد دخل قبلها الحمام .. هي على بال ما طلعت ثياب ليها ونزلت ودخلت... فسبقها وخلص وطلع..
لبس ونزل بيشرب له ماي.. وهو مار على غرفة اخته.. سمع جوالها يصيح..
دخل غرفتها.. وهو مستغرب.. مين اللي يدق عليها هالحزه .. الوقت كان متأخر الساعه 2 الليل...
رفع الجوال يطالع الأسم.. واختلع.....
فــارس.. يتصل بك..
رائد حمق.. ويش متصل فيهاااا.. يبغاني انا يدق علي.... ويرد عليه وهو مولع..
ــ الووووووو
طوووووط طووووووط طووووووط
رائد قام يدق عليه .. الا هو حاط الرنه ابيات شعر من قصيدة التمثال لحامد زيد .. مع خلفيه موسيقيه..
علامك كل ما جيك متواضع جيتني تختال؟
معاك اليا متي بصبر وصبري معك يحلالك؟
مثل ما اقبلت لعيونك لزوم تلد لي باقبال
ومثل ما قد حشمتك حس واحشم قلبي اشوى لك
أنا محدن بجابرني أساير معك هالمنوال
ترى لاني تبيع لك.. ولا ني باصغر عيالك
أنا جيت اعشقك نبض ومشاعر مااعشقك تمثال
أنا جيت اسكنك واحياك وابقى فيك وابقى لك...
لم يتم الرد ...!!!
رااائد عصب حده.. وزادته بعد هالنغمه اللي حاطنها..... راح غرفته اخذ جواله وقام يدق عليه.. ووخر اذونه ماهو طايق يسمع النغمه اللي حاطنها فارس اله...
وبعد ابيات من قصيدة الثريا لحامد زيد <<< شاعر فارس المفضل ...
مع خلفية موسيقيه..
اتهيـا ويـن مـا اشوفـه تهيـا
وارسي بمرساه وشراعي شراعـه
مـن عرفتـه والمحيـا بالمحيـا
ومايروح الا ذراعي فـي ذراعـه
ان رضيت ارضيه وان عييت عيا
وان طلبني قلت له سمـع وطاعـه

لم يتم الرد ... رائد صار يعض في شفايفه مقهوور... وقام يهلوس..
ــ ذراااعك بذرااعي هاا.. ووجهك بوجهي .. هين بس انا اوريك؟؟؟ صدق ما تسحتي لكن هين..
وصار يتذكر له مواقفه وهدرته.. اللي كان يظنها عفويه.. وتمشي عنده عاديه...
تذكر بالبحر .. موقفه يوم يقول يبغى جزره.. تذكر الشوكلاته.. تذكر قووولته احسااااسي عرفتها. لزقة الجروح اللي شراها......
ــ اااااااه واااايد حركااات يا فااارس كنت تسويها وانا خبل على نياااتي...
.. صارت المواقف تجي واحد ورى واحد..
ــ والله ما توقعتهاا منك يا فارس .. والله ما توقعتها.. ما توقعتها...
لين بح صوته... من القهر..
رمى الجوال على سريره ورمى روحه جالس.. وصار يحوس بشعره الرطب.. ويمرر كفه الرطبه على وجهه.. موو مصدق..
ــ فااارس .. يطلع منك كذا.. تدق على اختي .. واخر الليل...

رؤى خلصت .. ولابسه روب الحمام ولافه شعرها بالفوطه.. وراكبه وهي داييخه تبغى بس متى توصل لمخدتها....
زهرا .. من زمان خلصت وراحت بسابع نومه...
وطبعا فاضل مو معاهم بالشمال للعمل..
دخلت رؤى غرفتها.. الا قبل لا تسكر الباب رائد طالع من غرفته.. وبحمق وبدون نفس..
ــ خلصي البسي وابغاش..
رؤى..
ــ ويش تبغى فيني نعسااانه حدددي..
رائد يعطيها نظره بسم الله وبنبرة غضب وامر..
ــ خللللللصي وبلا هدره زايده فاهمه..
رؤى اختلعت..
ــ زين..
سكرت الباب شوي شوي.. قفلته.. وتسندت عليه تفكر..
ــ ويييش صايل.. يا ساتل.. لا يكون اني في البحل قلت شي غلط لو سويت حلكه مهي عدله.. لالا.. ويي اووف من لائدوه ونحاسته..
لبست .. وطلعت له.. طقت باب غرفته ودخلت..
رائد..
ــ سكري الباب..
رؤى..سكرته..
رائد ..
ــ اقعدي على كرسي التسريحه..
رؤى تستظرف عليه..
ــ لويش بتمشط شعلي خخخ
رائد..
ــ اصصصصص ولا كلمه بسرعه انثبري
رؤى وهي مختلعه وفي بالها..
ــ يمه ويش صايل ياعلي .. شكلها سالفه عظيمه.. والله كل شي في بالي في البحل ما اتذكر طلعت كلااام...

رائد يشيل جوالها من على سريره.. وفتحه وصار يحوس ..
رؤى..
ــ وييش جابه عندك؟؟؟ ووويش تحوووووووس؟؟؟
رائد يطلع رقم فارس ويدق...
وحط السبيكر ... وابتدت النغمات .. وحامد زيد ابتدى يلقي ابياته..
رؤى مسكينه وعلى النيات.. ما تدري..
ــ الله ابياااااات لحامد زيد.. في جوالي.. ويش هذي لسالة وسائط جايه لي والا ويش..
وبحمق عن مزح...
ــ جيييبه مين قال لك تفتحها..
رائد خلاص طفحت جبده ووصل حده..
ــ لاااااااا والله وتنكري بعد.. سوووي روووحش اول مره تسمعييييييها..
رؤى مستغربه..
ــ أي سمعتها من قبل .. مو هادي قصيدة التمثال لحامد زيد...
رائد خلاص شوي ويسطرها..ويمسكها من ثيابها جهة كتفها ويسحبها حد ما عنده يوقفها على طولها..
رؤى خافت..
ــ هدني.. ويش فيييييك...
ــ لحامد زيد.. هااا.. التمثال هاااا.. سوووي روحش غشيمه.. لا اسطرش الحين ادوس فبطنش بالقاع..
رؤى دمعتها شوي وتطيح وبعفويتها وبرائتها المعتادين..
ــ وييييش فيك علي .. ويش دلاني يمكن مو لحامد زيد.. بس اني متأكده انها لحامد والتمثال بعد ولويش تصالخ علي على حسابها ويش فيها ؟؟؟..

رائد قام يمسح وجهه بكفه اليمين .. كان يهدي عصبيته... وبكفه اليسار ماسك الجوال وضاغط عليه حدده شوي ويشلخه...
ــ رؤى.. رؤوووى... رؤوووووووه.. ووجع.. رؤى باطيح فيش دست والله... لحامد زيـــــــــــــــــــــد والا ...للحبيـــــــــــب الغالي..
رؤى مختلعه..
ــ أي حبيب غااالي..
رائد يمد الجوال عليها وهو داق على فارس.. وحاط السبيكر يسمعها النغمه..

وبيد ترتجف خذت رؤى الجوال .. طالعت الشاشه الا اسم فارس...
رؤى مهي مستوعبه الموضوع.. مهي فاهمه ويش صاير..
رائد..
ــ وااايد حركات استعباط.. من متى تكلميه ويكلمش هاا.. وانا الحمار نايم على اذوني ولا ادري واثق فيه ..
رؤى عورها قلبها على فارس قبل لا تخاف على نفسها من رائد << الحب والحنيه الحركتات..
ــ لالا... لائد لا تظلمه.. لا تفهمه غلط .. حلام عليك.. والله ما عملي كلمته .. ولا كلمني...ولا دقيت عليه ولا دق علي..
ويوصل حامد زيد لهالمقطع
أنا جيت اعشقك نبض ومشاعر مااعشقك تمثال
أنا جيت اسكنك واحياك وابقى فيك وابقى لك...
تابع>>>