سكر الجوال .. وصار يطق فيه على فخذه...
ــ افففففففففففف
فارس ..
ــ أي والله افففففففففففف << قالها من قلب مقهووور ومتحسر...

وشوووي .......
الا جوال رائد يرن.. ووجهه تهلل ونور..
ــ ابوي ابوي..
وعلى طول رد..
ــ هلااا يبه ..
ــ هلا فيك..
ــ من متى وانا ادق عليك وابد مافي ابراج كل مقفل..
ــ والله هههههه انا صدفه داق عليك بسألك عن خالك وولد خالتك وولد عمك ما بشرتني عنهم.. ونسيت اسألك الظهر ..
ــ هههههه الحمدلله حيدر اخذ الأول.. وحسن بعد .. وحمزه الثالث..
ــ الحمدلله والله كفو ترفعوا الراس.. ويش كنت تبغى متصل..
فارس فاتح عيونه ويترقب ويدعي يارب يارب..
رائد وهو فارد البوز شبرين من الفرحه..
ــ لا بس بنستأذنك بطلع ويا امي واختي.. وام حسين وفارس ,, وحيدر ويمكن جدي ومرته.. بنروح البحر.. اذا ما عندك مانع.. واذا ما عندك مانع بعد بنروح بسيارتك.,..
ــ ااه يالخونه بتروحوا عني.. احح .. روحوا عليكم بالعافيه..
رائد كسر خاطره ابوه بس يبغى يطلللع..
ــ مشكوور يا اغلى ابو في الدنيا ونعوضها لك ان شالله قريبا
ــ هههههههه اصغر يهالك تراشيني.. عليكم بالعافيه روحوا واستانسوا وانتبه بالسواقه.. واي مكان في وناسه لأمك واختك وديهم لا تتردد اذا ما لقيتني ارد.. رجال انت وانتبه ليهم...
ــ ان شالله يللا يبه تسلم.. في امان الله
ــ في امان الكريم..
رائد قفل الجوال..
ــ يسسسسسسسس بنروووووووح..
فارس يصفق رائد كفك..
ــ ياهوووو ....
حيدر يطالعهم ..
ــ هههههههههههه الحمدلله العقل زينه يمدحوه ترى..
رائد..
ــ ماالت عليك ويش عرفك انت.. روح بس اسأل جدي وامك بيروحوا..

دخل حيدر البيت لقى امه تلبس دلاغها" جواربها" يعني استعداد لطلعه..
ــ احم.. كحح... اا.. بتطلعي اماه..
ام حيدر وهي تدخل رجولها بالدلاغ تطالع في حيدر..
ــ أي لويش تبغي شي..
ــ لا بس ما تقدري تأجلي طلعتش..
ــ لا لويش..
ــ قلت جان تروحي معانا البحر انتين ويا ابوي..
ــ ما تأجلوها لمره فانيه..
ــ لا ما اظن انتين اماه اجلي طلعتش,,
ــ لاااا.. اني ما اقدر ما خططتوا الا توكم.. جان قلتوا قبل.. الحين من متى المره ولدانه.. وكل يوم يكلموني الجيران بيروحوا ليها واقول ليهم غير هاليوم .. يالله لقيت فرصه اليوم بعد ارجع اتفشل لالا.. روح انت واستانس... شوف ابوك اذا بيروح بعد روحوا.. اني باروح لأختي..
ــ على راحتش..
راح حيدر يدور ابوه فوين..
لقاه بالمجلس ونايم..
ــ اففف نايم ابوي.. شكله نعسان مره واحنا فزعناه خخ.. شكلي اطلع لحالي عادي مهم غريبين.. الا اختي وبنتها.. يللا خيرها في غيرها يبه.. راحت عليك.. << قالها لأبوه بهمس وهو يدق ايده تحيه...

طلع حيدر..
رائد يتعيلف فيه..
ــ حشاا حشاا.. انحلت قضية فلسطين وداروا للعراق.. ماااا صاااارت ..كل هذي مشاورات..
حيدر يسوي بيده حركة مالت.. ويوجه كفه على وجهه..
ــ هه.. مالت علي وعلى وجهي.. امي بتطلع وابوي نايم..
فارس مات من الضحك..
رائد يهز برقبته يمين وشمال..
ــ توتوتوتوتوتوتو... لا حوووول.. افااا... يللا امي مثل امك عادي عادي..
حيدر..
ــ استناك تقول يعني.. ادري .. يللا بتروحوا متى..
رائد
ــ الحين اوووه نسيت من الفرحه ما دقيت على امي .. الحين يللا ويش ورانا...
حيدر ..
ــ زين دخيل الله ابدل هالدراعه بتضايقني في البحر.. زين..
رائد وهو يدق على امه ما مداه يرن رنه قفله..
ــ هييييييه تعااال لا تقول بتتسبح.. سبوحتك سنين اهل الكهف بتعطلنا..
حيدر مكشر حواجبه مو طايق ..
ــ لااا بسبح بس ما بطول.. والله والله صدقني..
رائد..
ــ باشوف انا والله لك عشر الا خمس دقايق.. الا انت طالع ..لا بنروح عنك..
ــ حشاا.. ويش هذا.. لا ربع ساعه على الأقل..
ــ زين ربع..
فارس..
ــ لويش تعجل الصبي.. وديني انا بيتنا بعد ابغى اتسبح...
رائد..
ــ اه جت المغرب.. في احد يتسبح ويروح البحر..
فارس يضحك..
ــ ايه انا <<< لغاية في نفس يعقوب خخخ
ــ انا لا انا متسبح ولا شي.. ببدل ثيابي بس.. يللا اجل حيدروه روح .. وانا بوصل فارسوه بيتهم.. وبروح بيتنا...
فارس..
ــ ما تدق على امك.. << ما ينسى ,,,
رائد..
ــ اووووه نسيت....
وكلم رائد امه.. اللي راحت على طول تقعد رؤى..
ــ رؤى رؤى امي قومي..
رؤى تغطي راسها بالبطانيه وصوتها كله نووم..
ــ مممممم... ويش صاايل توني نايمه ما مداني..
ــ علي ياعلي صار لش ساعتين ونص تووش..
ــ شوي بس شوي..
ــ قومي مافي وقت بنروح البحر
رؤى من سمعت طاري البحر رفعت ايدها بسرعه والبطانيه عن وجهها.. وفتحت عيونها..
ــ هاااا صدق...
ــ أي قومي بسرعه..
رؤى طايره من الفرحه..
ــ الله من زماااااااااان ما لحنا.. بس خسااله ابوي مو معانا
ــ قومي بسرعه بلا هدره وعاونيني..
ــ امي ام حسين وينهي ... لا تقولي لاحت..
ــ لا بيروحوا معانا امش ام حسين وفارس وحيدر..
ــ حلكات... << ابتسمت ابتسامه خفيفه,, فرحت يوم درت ان فارس بيروح وياهم.. بس دايما تتجاهل هالإحساس في قلبها..وتتجاهل وجود فارس معاهم,, وتحاول قد ما تقدر تكون طبيعيه..

قامت سبحت وجمعت الشكاليت" شكولاتات" اللي عندها في شنطتها.. فتحت جوالها الا ثلاث رسايل من حنين .. ثنتين خدمه من الجوال لأنها ما ردت .. ووحده من عند حنين كاتبه فيها..
ــ وحشتيني مالت عليش ياللي يا اسأل عنش والا ما تسألي.. تعالي بيتنا اليوم الليله ابغااش تتعشي وياااي... باااي..
رؤى..
ــ خخخ يؤ بتذبحني...
دقت رؤى على حنين ..
ــ اهلييييييييين صح النووووم..
ــ صح الله بدنش ههههههه ويش فيش ...
ــ ولا شي واحشتني يللا تعالي ..
ـــ خخخ باالوووح البحللل
حنين انصرعت..
ــ وييييييييش لالاااااا.. مااافي ماني ماااني ابغاااش الليله تتعشي وياااي..
ــ وي على عملي ليلة الجايه..
ــ ليلة الجايه جمعه واحنا وانتون كل واحد في بيت جده..
ــ أي والله صدق خلاص خيلها بغيلها...
ــ ماني ماااني انتين لا تروحي .. وحشتيني حرام عليش..
رؤى في بالها وسواس عفوي.. .. مجنوونه اني بيلوح فالس ويانا وما الوح..
حنين تصرخ..
ــ الوووووووووووووه ردي وين طرتي..
ــ هاااااااا .. ولا مكان اسمحي لي غناتي غيل هالمله بالوح اعاون امي بنجهز الأغلاض للطلعه باي يا غناتي..
ــ اوووووووف مننش باااي..
ــ اموواه لا تزعلي والله باجي لش بس غيل هاليوم..
ــ هههههههه دبه تعرف تراضي.. زين باشوف متى هاليوم فارقي.. عليكم بالعافيه..
ــ الله يعافيش باي..
ــ باي..
رؤى تررركض طياري لأمها.. وشاده الهمه وحوسه وتشيل وتحط.. الا بدخلة رائد..
ام حسين بالصاله منبطحه.. سمعت الباب انفتح..
ــ امي.. وصلتوا..
ــ أي هلا اماه..
ــ يؤ اجل وينا فارس..
ــ وصلته البيت بيسبح وتالي طلعتنا بنمر عليه...
ــ عطاك الله العافيه والله يخليكم لبعض يارب وما يحرمكم قادر يا كريم..
ــ الله يعافيش ولا يحرمنا منش يالغاليه..

رائد..
ــ اماااه.. اماااه..
ــ هلا...
ــ انا باروح ابدل خمس دقايق وبنزل .. يللا تجهزوا...
ــ يللا على خير...

خمس دقايق بالضبط نزل رائد لابس بنطلون برمودا بيج وقميص كاروهات نص كم الوانه حليوه.. وطالع كششخه
رؤى ..
ــ اف اف.. ويش هذا.. بتلوح نادي مو بحل.. ويش هالكشخه..
رائد وهو يضحك..
ــ كشخه على جرفلي ما تسبحت..
ــ ههههههه وعووه لويش..
ــ لويش ورانا شوي وحوسه.. رجعتي اتسبح..
ــ تسبح الحين ولجعتك..
ــ بـــــــل سااالفه..
ــ الا قطو..
ــ قطو وجهش خخخ.. خلصوا خلصتوا..
زهرا تطلع السلات والأكياس ..
ــ ايه ها حملهم السياره..
ــ تعالوا سيارتي ما تكفي بنروح بسياره ابوي قلت اله .. << سياره ابو رائد كيا كرنفال,,
ــ أي زين ما عليه.,...

تابع >>>