قربت منها ..
ــ يووه رؤووه ويش فيش..
رؤى ما صدقت على الله حطت ايدها على وجهها وقامت تصيح..
حنين خافت..
ــ يووه روؤى ويش فيش ضربش اخووش..
ــ لااا ... هئ هئ..
ــ اجل ويش فيش..
ــ شافني...
ــ شافش ؟؟ منهوو؟؟
ــ فالس.. كان المشمل قصيل ..هئ هئ.. وتالي لائد يبغى يغطي سيقاني وطاح مشملي على كتفي وشاف شعلي..
ــ من قدام والا من ورى..
ــ مالت عليش هئ هئ.. تفلق هي المهم شافني.. من ولا يا خبله .. هئ هئ..
حنين..
ــ زين زين خلاص لا تصيحي ..
الا بطلعة ام حسين من الحمام..
ــ يؤ رؤى امي ويش فيش تصيحي..
رؤى ما ترد بس دموع اربع اربع ..
حنين :
ــ شافها فارس بالغلط وقامت تصيح..
ام حسين :
ــ يؤ .. ما شاف ولدي ما يطالع << حجة الحريم في هالموقف ولدها ما يطالع كنها عيونه هي خخ..
ــ هئ .. هئ ..
حنين :
ــ خلاص ما صارت .. قومي بس نصلي..
وقاموا يصلوا...
وبعد الصلاه..
رؤى وحنين وام حسين نامو على طوول..
وبغرفة رائد..
فارس منسدح على المنام على الأرض... ورائد فوق على السرير...
رائد..
ــ اففف انا ما ابغى كذا...
ويقوم ويشيل قش سريره كله .. ويشدخ به على الأرض جنب فارس..
فارس :
ــ هههههههه وراي وراي .. حتى في النومه..
ــ أي وقاعد على قلبك...
ــ تربع بس فيه اوسع كنبه لك ومريحه بعد ويش تبغى اكثر من كذا..
ــ تسللم بتمغط عليها تمغط...
ــ هههههه يقطع بليسك..
انسدحوا والليتات مولعه.. بيسولفوا شوي وتالي بينامو...
هدوووء ... فارس التفت لرائد.. لقاه يحوس بجواله .. وصار يتأمل وجهه وابليس يوسوس له..
ــ هو توأم اخته.. يعني يشبهها بس على انوثه ونعومه.. .. ويتخيل شكله بالشعر اللي شافه.. والله حليوه.. اذا رائدوه فلقة قمر ويش تطلع اخته...
الا رائد بسررعه داير على فارس ...
ــ وووووواااااه..
فارس ..
ــ وصاااقعه بسم الله الرحمن..
ــ ويش فيك مبقق عواينك فيني مفكرني ما اشوفك..
ــ هههههههه عمى .. معجب عندك مانع..
ــ احم .. لاماعندي .. ادري والله..
ــ بويييش تدري..
ــ بمدى اعجابك...
فارس يشيل المخده ويصفق بها وجه رائد..
ــ اسككت بس ..
صاروا يسولفوا شوي زين... ومن سالفه لسالفه ويحشو في حيدر ويتذكروا المقلب وضحك قايم...
في بيت ابو كرار.. حيدر بسابع نومه...
ــ ااه.. اااه.. لا تخنقني.. بسم الله.. بسم الله... ويلي... ابو رقبه.. لااا.. لااا.. كحححح.. ااه .. اااه..
وينقز حيدر من نومه..
ــ اعووذ بالله.. بسم الله.. اللهم صلي على محمد وال محمد...
ويرفع غرشة الماي ويشرب وحالته حاله..
ــ يلعن يووم هادي حاله.. من حاجه لحاجه.. ام حمار دعيدع والحين ابو رقبه.. هئ هئ...
الا برنة جواله في الظلمه مسد كوول..
ــ اااااااااه .. وصااقعه ..
وصار ينافخ من الخلعه..
فارس..
ــ ويش تحووس بهالجوال..
ــ خخخ معور قلبي خالي عطيته مسد كول باشوف اذا نايم والا قاعد.. بطمن عليه بعد الخلعه وويش سوت امه عسى ما كدرت عليه زياده..
ــ اهاا .. يعني مسد كول وهو اذا صاحي يدق..
ــ ايه..
ــ يلعن ابو البخل..
يصفق رائد فارس بالمخده..
ــ بخل وجهك.. فرضا نايم افزعه..
ــ لااا لويش تفزعه..
الا بحيدر يتصل ..
رائد :
ـــ ايوه .. دق دق.. الووو
وحط السبيكر ...
حيدر وصوته كله نوم وينافخ ...
ــ هااا ويش عندك داق مسد كوول..
ــ لااا بس اطمن عليك..
ــ تطمن علي قصرتوا فيني مع وجهكم..
ــ لويش ويش فيك مو جاينك نووم.. وويش سوت امك؟؟
ــ لاااا امي ... لا تعليق ... ونمت شوي بعد الصلاه الا بجية ابو رقبه بغى يفطسني..
فارس ما قدر ..
ــ هههههههههههههههههههههههههه
ورائد وراه..
ــ هههههههههههه ابو ويش رقبه بعد.. لاااا كملت هههههههههههه
حيدر ..
ــ حاط سبيكر يالصاقعه انت ويا اللي وياك.. فارقوني بس بانام..
ــ خاالووو ما تشووف شر ... اسم الله عليك .. واسمح لينا .. احلام سعيده..
فارس..
ــ ابوو حسيين.. تصبح على خير حبيبي .. نوم العوافي..
حيدر ..
ــ مالت عليكم.. خخ تصبحوا على نوور ..ويعافيك ابو جراح.. تصبحوون.. بااي..
اثنينهم بنفس واحد..
ــ باااي..
سكر رائد الجوال وقام الضحك هو ويا فارس ضحك لين تعبوا.. طفوا الليتات ..
وما مداهم بينامو.. الا فارس يقول لرائد..
ــ تتذكر رائد....
والى اللقاء بالحلقه القادمه 
رد مع اقتباس
المفضلات