ونزلته فارس.. ابتسم في وجه عبدالله وشكره.. ودار بيدخل الزرنوق..
الا عبدالله فاتح النافذه اللي جهة رائد " رائد كان قاعد قدام "
ونادى على فارس..
ــ نعم ..
ــ الله ينعم عليك.. الأسبوع الجاي بتبسط؟؟؟
فارس انرسم الحزن على وجهه ..
ــ ما ادري عقب هالهوشه .. ما يندرى ويش ناوي ابو مصيبة من نية..؟؟
ــ ما عليك منه .. كل اسبوع بسط وانا بكون موجود .. يولي .. ليش السوق سوق ابوه وحنا ما ندري..
ــ ههههههه .. شكرا.. تسلم
ــ عفوا.. ما سوينا الا الواجب

رائد ساااكت... ومقهور ويغلي غلي .. خاطره يسكر النافذه على فارس اللي متكي عليها وهو يكلم عبدالله. ويخنقه ...
وده يصررررخ .. هييييييييه ويش عندك .. فارق ..
بس مو عارف لأنه عبدالله هو اللي يكلمه.. و هو اللي في البدايه ناداه..
<<< صاير من القهر مثل صفرية حاميه وفيها ذرة " فوشار" وعروقة من القهر تطق طق ..

ومشا عبدالله عن فارس ... بطريقهم لبيت عبدالله بيمروا على ابوه .. عشان العزومه .. ورائد طول الوقت ساكت.. عبدالله حس عليه انه في شي مضايقنه ..

ـــ كح.. احم .. اا.. في ناس طول الطريق ساكتين .. ما دريتوا ويش فيهم..
رائد تكتف ونظر لعبدالله على جنب .. وما رد ..
عبدالله ما عجبته الحركه ..
ــ بعــــــــــــــــــــــد... عاطني طنااش... عدال يا مطنش.. لويش ... خير ويش فيك..؟؟
رائد ولع .. حمق ... خلاص شبت في قلبه حراايق .. ويلتفت على عبدالله بسرعه ويصرخ..
ــ انا .. انا .. المطنش .. والا انت ؟؟
ــ هاا.. انا ؟؟؟
ــ ايه انت .. اسأل روحك.. من شفت هالفارس .. الله بالخير... ما كني وياك بالدنيا .. مره عاد انا المهتم ..
ــ ؟؟!!|||!!؟؟؟؟؟ <<< نظراات عبدالله تشرح هذا الواقع ...
ــ لا تطالعني كذا ..
ــ ما دامك منت مهتم .. لويش تصارخ الحين .. وتعاتب؟؟
ــ هاا ... <<< انربط لسان رائد... ولا شي .. كذا ابغى اتشابق فيها شي ..
ــ ههههههههه يا حليلك بس... ويش فيك بلا نحاسه .. ..
رائد ساكتت
ــ زعيمووه ... زعيموووه .. لك بطل دلع ولااا...
رائد صمت .. لا تعليق...
عبدالله حمق .. وسكت عنه ... ووصلوا بيت عبدالله.. وطلع ابو عبدالله .. رائد نزل وركب ورا.. عشان ابو عبدالله يركب قدام...

ثواني وصلوا بيت فاضل.. نزلوا... رائد عناااد في عبدالله نزل وما سكر الباب ...
عبدالله جته الضحكه على حركه المجاكر هذي تبع رائد... وفي باله:
ــ بطووول بالي عليك يا سيد رائد باشووف ويش اخرتها معاك...
دخلوا المجلس... وقعدوا شوي زين.. وحطوا الغدا,,, عبدالله توقع رائد يجي يجلس جنبه على السفرة.. بس رائد عناد جلس جنب ابوه..
رائد مره مقهووور وده يصيد فارس ويطيح فيه بدست خرب عليه هالمفاجأه..
عبدالله يضرب فكر..
ــ ويش فيه هذا زعلان... مو معقولة عشان فارس..؟؟
فاضل مستغرب ردة الفعل من رائد.. قال يمكن قدامي عادي ...يسوي حاله مو مهتم بعبدالله... الكل ياكل وحاط في باله احد ويضرب فكر عليه ...مستغرب منه..
لين قطع الصمت سؤال من فاضل لعبدالله:
ــ هاا ابو عابد .. تدرس .. تشتغل .. والا ويش؟؟؟
ــ لا والله متخرج من الثانوية .. والنسبة طايحه ياخووك.. وصار لي 3 سنين اهايت واداور بملفي من محل لمحل...
ــ اهاا.. الله يعينك...
ــ الله المعين..
فاضل .. دخل قلبه هالعبدالله.. وحاب يساعده .. صار يضرب فكر .. وجا على باله خوية رضا.. ليش ما يسأله يمكن يلاقي عنده وظيفه لعبدالله...

خلص رائد غدى بسرعه..
ــ الحمدلله...
ــ وين يا ولدي .. ما اكلت شي...
ــ شبعت الحمدلله..
عبدالله وبإبتسامه..
ــ يسوي رجيم
رائد ما رد على عبدالله .. عطاه طناش كالمعتاد وراح يغسل ايده...
عبدالله لااا وصلت معااه حدها... اول مره احد يسوي له هالحركات ولا يرد عليه ولا يتصرف هو معاه. صارت كلمة _ لويش _ تلعب في راسه :.
لويش. ما عرفت اتصرف .؟؟؟. لويش ما رديت عليه بقساوة يوم يطنشني .؟؟؟.لويش لو احد غير رائد كان لاقى له اقل شي زجره والا خزره مني ... عجيب يا رائد امرك... قاعد تلعب بأعصابي ؟؟

خلصوا غدى .. جلسوا يسولفوا.. عبدالله قعد جنب رائد اللي عاطنه طناااش عنيييف .. شوي قام رائد..
عبدالله :
ــ على وين ؟؟ وين رايح؟؟
رائد ما حب يطنش هالمره ...
ــ بطلع الحووش ... لويش ويش عندك...
ــ لااا.. بس سلامتك..
فاضل مو مستغرب سوالف ولده وطولة لسانه... قام يقول لعبدالله
ــ ههههه طول بالك يا خوي اقشر هالولد ما ادري على مين طالع
ــ ههههه لا عادي انا قيل له يطيح وياي الميانه..
ــ ايه الله لا يحرمكم من بعض ..ويخليكم ..
ــ تسلم,,

طلع رائد الحووش .. يحس وده يصرخ .. يتشااابق ...
ــ اااااااه يلعن يومك يا فاارس خربت علي يومي ...
عبدالله استأذن من فاضل وابوه.. ولحق رائد بدون ما يحس عليه ...
لقاه قاعد على درجه في الحوش .. جنب زراعه ..شجرة ليمون صغيرونه ونخلتين.. وريحان ريحته معبيه المكان... وقاعد رائد يحوس بالرمل بعصايه ويحفر فيه شوي... الا بسم الله.. صرصور صغير طلع. من بعد الحفر والنبش ..

ومفاجأه لعبدالله خلت حواجبة من الدهشه يرتعشوا ويرقصوا ... يوم شاف ردة فعل رائد...
ــ اااااااه .. ويع ويع ..
والصرصور يطير ويقعد على البلاط برى الرمل
وراائد مره .. مرعووب .. ولايعه كبده ...وموخر بعيد..

عبدالله مبتسم ابتسامه جانبيه .. وحواجبه بعدها على حالها .. مستغرررب ...
ــ لاااا.. رائد اللي يخوف بلد .. ونحاسته ما تنوصف .. يخااف .. ومن ويش .. صرصوووور...
لا شعوري كذا مسك عبدالله نعاله وطااااخ .. ويترصع الصرصوور على الأرض وراائد يسوي صوت اكشن خلفيه لعملية الإعدااام
ــ اااااااااااااااااه .. وييييييييع .. وويع .. وع وع وعععععع...
وتصير اجنحة الصرصوور المسكين وقرون استشعاره ترتعش .. بشوي شوي لين قضى نحبة...
ويتبع رائد هاللوعه بضحكه من قلب ... تتقطع فيها جملة ..:
ــ كيف اشتهيت ...كيف قدرت....
عبدالله مهو قادر على شكل رائد المرعوب واللي فجأه قام يهستر ضحك
وقام يضحك ويضحك معاه ... ويوم درى برعب رائد .. حب يزودها شوي .. طلع من مخباه "نشافه""منديل" ومسك الصرصور من قرن استشعاره .. وقربه من رائد.. وهو يخوف فيه ..
ــ وعععع .. اوووووووووه ... احطه على راسك
ــ لاااا.. ويع .. ااه..
ويصير رائد يراكض بالحوش .. وعبدالله وراه بذاك الصرصور المنتهي ..
بالنهاية وقف عبدالله ركيض تعب ,, وصار ينافخ وهو يضحك .. رمى الصرصوور على جنب في الرمل :
ــ هااا .. هدية للنملات ... خووش ذبيحه ... تعال خلاص رميته...
رائد مو قادر .. فيه ضحكه على رعب على مفتشل ... عبدالله اكتشف نقطة ضعفه ..
عبدالله :
ــ صرصووووووووور .. يــــــــــارااااائد .. افا بس افا ...
ــ خخ .. يللا عاد ... ويييع ما احبهم
ــ يعني انا اللي اموت فيهم ... بس رجال ما يخاف من صرصور .. اجل الوزغه ويش تسوي ..
ــ لااا .. الورغه اذبحها .. عادي ...
ــ ههههههههه عجيب .. شمعنى صرصور ...
ــ لااا ما ادري بس اداينه تخوفني ..
ــ اداينه ؟؟!!
ــ ايه .. خخ الخيوط اللي براسه وهم يتحركوا ,,, واذا يطير يخوف بعد ازيد
ــ هههههههههههههههههههه قصدك قرون استشعاره ,,,
ــ ههههههههههه ما ادري اللي مثل رقم سبعه على راسه ..
ـــ ههههههههههههههه رائدوووه خلاص خلاص تكفى متت ضحك... مانى قادر
ــ هههههههه ويش اسوي لك بعد .. لا تتمسخر علي هاا..
ــ هههههههه .. كح كح .. صرصووور ..هههههههههه
ــ لااااا .. مانا مانا ...
ــ خلاص .. هههههه بس ان طنشني والا زعلت علي لوريك .. باجمع شلة صراصير .. للضروره ..
ــ ههههههه ...

وشوي هدئوا... تنهد عبدالله ..
ــ ااه ضحكتني ...
والتفت لرائد اللي شكله مره فيه شي مضايقنه...
ــ رائد .. ويش فيك...؟؟
ــ مافيني شي ...
ــ الا فيك .. من بعد الشبقة بسوق الخميس وانت منت على بعضك..
لايكون بس ايدك عورتك.. والا الجبيرة صابها شي...
ــ لاااا
ــ متأكد ..اشوفك طحت بيدك اليسار شدخ في ابو مصيبة بالمغطس ههههههههه
عسى ما صابتك ضربة بس ...
ــ لاااا
ــ ويش فيك انت .. كله لاااا .. ولاااا.. جاوبني عدل ..
ـــ لااااا
عبدالله ولع ناار ..
ــ راائدووه ووجع ...
رائد عيوونه صارت حمرا و فجر كل اللي بقلبه...
ــ اسأل عمرك .. من شفت هالفارس وانت منت وياي .. ولا كنك تشوفني .. وطول الوقت مهتم فيه .. ومطنشني ... ولا داق لي خبر...كني مو معاكم بالسياره ,,, ايه شفته كبير .. وشكله شاطر..ويسولف سوالف تعجبك...و صرت انا ما اهمك...

عبدالله مو مستوعب الكلام... يبغى يدخله في راسه.. وصار يهلوس في باله :
ــ رائد ابو 9 سنين ... يتكلم كذا ... ولا يغار ما يبغاني اهتم بأحد غيره .. ياترى ويش انا بالنسبة لك يا رائد.. يالله .. لهذي الدرجه...!!!!
وقطع حبل الهلوسه رائد وهو يقول بتعنيف...
ــ اذا كاسر خاطرك مره .. روح بيع وياه بالسوق .. وخله اخوك بدالي ...

عبدالله انقهر من كلام رائد.. بس حب ياخذه على قد عقله رغم فصاحة لسانه..

ــ شوف يا رائد.. الدنيا عندك .. غير عندي... وغير عند فارس... انت عمرك 9 سنوات.. والحمدلله عايش بخير ونعمه يارب تحفظها من الزوال وفي حضن امك وابوك الله يخليك ليهم ويخليهم لك .. انا عمري 22 سنه.. عايش والحمدلله عيشة مستوره بس عطالي بطالي اراكض ورا الرزق... صحيح امي ماتت يوم كنت صغير .. بس الله عوضني بأبوي كان حنون علي وما قصر...
تعال لفارس... عمره 12 سنه... لسا صغير .. ام ما عنده .. ابو مهو حوله ... حالته حالة... شفته ويش يبيع .. خبز تاوة في السوق... الله رحم حالة بجدته... بذمتك يا رائد..؟؟؟. منهو اكثر واحد شقيان .؟؟؟. منهو يستاهل اهتمام من اللي حولة وعطف عليه ..؟؟؟

رائد هدت اعصابه ,,, وانكسر خاطره على فارس مره.. صار كلام عبدالله يتردد في مسامعه ... " منهو اكثر واحد شقيان .. منهو يستاهل اهتمام من اللي حولة وعطف عليه .."

والى الملتقى غدا ..





واعذروني على تقصيري بس صداع ذابحني شوي .. الله يعطيني الصحه واصدعكم من كثر القرايه