ماعرفتوني .. كثر .. ما عرفني ..

[Princess]

ويدق رائد على رؤى... وبما ان رؤى اساسا كانت تحوس في الجوال..
على طول ردت عليه..
ــ هلا ..
ــ هلا ابسألش ما جا ليكم حيدر..
ــ ما ادلي به..
ــ لويش ما تدري شيه فوين انتين..
ــ اني على الساحل..
ــ أي ساحل..
ــ الساحل اللي بحوش بيتنا .. أي ساحل بعد..
ــ ظريفه ... زين شوفي ما جا حيدر للسياره..
ــ اني بعيده عن السياله..
ــ والله.. فوين..
رؤى وهي تتلفت تبغى تشوف شي مميز تقول اني عنده.. الا عيونها تطيح على ثلاثه رجال بعيدين..
رؤى وهي مختلعه..
ــ يمه.. هئ هئ.. الحقني..
ــ وي شفيش..
ــ اني بعيده عن السياله.. وفي ثلاثه لجال قليبين مني..
رائد وهو مختلع..
ــ ثلاثه رجال قريبين منش .. قوومي..
فارس..
ــ ويلااه.. ويش فيها..
رائد..
ــ تقول هي بعيده عن السياره وثلاثه رجال قريبين منها..
فارس.. وهو منقهر..
ــ خلهاا تقوووم بسرررعه...
رائد..
ــ رؤى.. رؤى...
رؤى ساكته ومختلعه.. سمعت صوت فارس بالجوال وهو يصرخ..
رؤى..
ــ ما اعلف.. تهي.. ما اقدل.. شلوون اقووم.. ثلاثه اخاااف..
رائد..
ــ وينش اوصفي المكان..
وصاروا يتقربوا وهو يكلمها..
رؤى..
ـ تهي تهي .. قلبوا .. ويلي...
رائد..
ــ قربوا..؟؟؟
حيدر فقعها ضحكه..
ــ هههههههههههههههههههه ياااحظي هذااا احنااا الثلاثه هههههههههههههه
فارس مختلع..
ــ اه.. شكلنا والله.. يعني صدق هذي رؤى..
رائد..
ــ ارفعي الجوال فوق وهو مضوي باشوفش..
رؤى حطت السبيكر " الميكرفون" و رفعته..
حيدر ميت ضحك..
ــ الخبابه مولعه .. وضواها وصل لفوووق ههههههههههههه
فارس مات من الضحك .. ورائد مستغررب...
و يصارخ عليها..
ــ ياااخبله هذا احنا الرجال الثلاثه..
رؤى ..فقعتها ضحكه على صيحه من الخلعه .. وقامت اتجاههم
فارس..
ــ ههههههههه يا نحيس انت الخبل .. اللي ما عرفت اختك.. ويش دراها هي ..

رائد وهو يسأل فارس.. رؤى صارت قريبه شوي وتسمعهم..
رائد..
ــ خخخ والله انك عبقري.. ويش دراك انها هي..
فارس بعفويه..
ــ احساسي..
رائد..
ــ هاا.. ويش؟؟؟
فارس اختلع انتبه لروحه .. كنه غلط... وقام يرقعها..
ــ خخخخ مالت عليك,, يعني مبين انها بنيه.. وثاني شي.. اقرب سياره ليها سيارتنا.. ويش يعني يبغى ليها مخ.. <<< رقع بس رقع
رائد..
ــ خخخ أي والله.. يللا خسرت التحدي...
رؤى سمعت قولة فارس .. احساسي.. وصارت تهلوس في بالها..
ــ ويش يقصد يعني.. يؤ.. كيفا علفني صدق من احساسه لو من تخمينه..
رجعوا للسياره وقعدوا..رؤى فتحت شنطتها وطلعت الشكاليت.. اخذت وحده وعطت الباقي رائد..
ــ هااك....
رائد ..
ــ ويش هذا ؟؟
رؤى..
ــ شكلاته..
فارس في باله..
ــ جعلش حلا دنياي..
رائد..
ــ ما ابغى..
فارس..
ــ يا اخي احنا نبغى جيب..
رائد..
ــ بل .. زين .. هاا.. تبغى ويش
فارس ..
ــ اكثر شي احبها الباونتي.. في والا لا..
رؤى اختلعت..
ــ يؤ يحبها زيي... << كانت تاكل باونتي
رائد..
ــ فيه.. هااك.. وانت حيدر..
حيدر..
ــ انا نفسي ببسكوت ريكو الصراحه.,
رائد..
ــ بففففف هههههههههههه بللل قدييييم ولو انه لسا بالسووق بس قديييييييم ويش جابه على بالك..
حيدر..
ــ ما ادري بس افادي فيه..
رائد..
ــ مافي ريكو.. ويش تبغى..
حيدر..
ــ ابغى زي رؤى ..رؤى ويييش تاكلي..
رؤى..
ــ باونتي..
حيدر ..
ـ ابغى زيها..
فارس في باله..
ــ حركاات.. يبغى زيها .. احححح.. وحركات زياده انا اكل زيها ..
رائد..
ــ مافي باونتي..
حيدر
ــ اجل ما ابغى شي..
رؤى خلصت قطعه.. وقرضت شوي من الثانيه..
ــ يؤ على عملي خالي.. تبغى من عندي بس قلضتها..
فارس اكل قطعه وبقت وحده..
ــ خلاص هاك اكلها..
حيدر..
ــ لالا.. خلاص اكلها انت..
فارس...
ــ ياولد الحلال .. خذها بس .. جتني الحومه..
حيدر..
ــ لالا خلاص باخذ من عند رؤى.. ما ابغى كامله بس باحلي ريقي
رائد..
ــ تعازموا وتشابقوا على قطعة باونتي..
حيدر..
ــ رائدووه طاولني قطة اختك
ناولها اياه.. واكلها حيدر..فارس في باله..
ــ اححححح كان اخذت قطعتي وعطيتني هالقطعه,, وشوي انتبه لعمره..
ههههه استتح على وجهك...


ورجعوا للسياره وقرروا يقوموا ويعودوا البيت.. لموا العفسه والدنيا
وقبل لا يركبوا السياره.. رؤى تحوس على الرمل برجولها..
حيدر..
ــ ويش تدوري..
ــ طبقة نعالي الثانيه ..
ــ ليش من متى فاصختنه..
ــ من اول ما وصلنا ما احب امشي على الساحل الا واني حافيه..
صار حيدر يدور وياها..
فارس سمعهم وصار يدور.. وحصلها شالها بيده.. وصار يهلوس..
ــ حلاوتها صغيرونه رجولها..
الا يسمع حيدر..
ــ اوووه.. والله ظلمه..
وولع الجوال يدور به..
فارس ..
ــ احم .. يالله..
رؤى تباعدت..
فارس..
ــ هذا هو ..
وحطه على الرض,,
حيدر..
ــ مشكووور وما تقصر...
فارس..
ــ العفوو..
وركبوا السياره .. وانطلقوا راجعين بيوتهم..

وصلوا حيدر بيتهم.. وبعده فارس ويا ام حسين.. ورجعوا بيتهم..
دخل رائد مهلووك وتعباان حده.. وقال..
ــ الحمااام محجووز هاا..
رؤى..
ــ لا والله اخذ فوطتك وعفستك وانزل أي حمام تحت..
رائد يحط ايده على خصره ويتمسخر على رؤى..
ــ أي والله.. اقول بلا قرقر.. انا اول تالي انتين..
رؤى..
ــ ماني ماني .. اماااه شوفييييه..
زهرا..
ــ بلا حركات يهال علي.. خلاص.. خليه فوق هو سبقش وقال.. وانزلي انتين للي تحت...
رائد يبحلس على رؤى..
رؤى انقهرت..
ــ فالق مع وجهك.. وخل عني..
وركبت .. رمت جوالها على سريرها وخلت باب غرفتها مفتوح..

رائد دخل قبلها الحمام .. هي على بال ما طلعت ثياب ليها ونزلت ودخلت... فسبقها وخلص وطلع..
لبس ونزل بيشرب له ماي.. وهو مار على غرفة اخته.. سمع جوالها يصيح..
دخل غرفتها.. وهو مستغرب.. مين اللي يدق عليها هالحزه .. الوقت كان متأخر الساعه 2 الليل...
رفع الجوال يطالع الأسم..
واختلع.....


والى اللقاء غدا..