ماعرفتوني .. كثر .. ما عرفني ..

[Princess]

وفي صباح يوم الجمعه.
... في بيت فارس... كان فارس يحوس بالحوش.. عنده سيكل يحاول يصلحه.. كان يصير اريح له لروحة سوق الخميس كل اسبوع..
جدته قاعده تسف بالخوص .. حصر.. وسفر ... وغيرها من الخرابيط الخوصيه خخ.. عشان يبيعهم مع التاوه في الخميس الجاي...
فارس زهق من الحوسه في هالسيكل المتشخشخ... قعد عليه ..
ــ اماه..
ــ امي ..
ــ قولي لي لغز,,
<<< جدة فارس .. تحب الألغاز .. والغازها لطيفه وخفيفه ..
ــ لغز,, لغز,, تمبى لغز,,
ــ ايه .. مخي مصدي شوي..
ــ ههههههههه غربل الله بليسك.. زين ... يللا حل الي هذا ..
... بنتنا بنت الدلال راكبه فوق لجبال.. إتحارس مركب أبوها.. لا يجروه بلحبال....
ــ امااه.. قلتيه لي من قبل وعجزت ما عرفته.. طلع تالي سطل البير " الدلو"
ــ هههههههه .. صدق.. نسيت .. زين اجيب لك واحد فاني ...
جيته ولا جاني في السوق لاقاني.. واعمامته خضرة وثوبه اسوداخرساني...
ــ ممممممم اكل هو..
ــ والله ما ادري .. انت شوف ويش يطلع وحله..
ــ مممم.. دام اسود.. وعمامه خضرا.. الباذنجاان موو..
ــ عفيا عليك .. عدل .. هههههه ..
ــ هههههههه.. حليو اللغز عجبني .. يللا ابغى غيره...
ــ غيره.. يؤه.. خش شوي لبكره لا اعيدهم..
ــ هههههههه لا زهقان يللا ابغى اتسلى..
ــ وي .. اني افدى هالضحكه بعد امي.. لسليك ولا يهمك .. زين .. مممممم...
طوله فلافين وعرضه فلافين و تخضع له السلاطين...
صار فارس يفكر ويفكر.. وعجز وهو يفكر....
ــ مممممم شهر اكيد شهر .. دام انه ثلاثين...
ــ ما ادري بك.. حله..
بعد شي ربع ساعه تفكير ..
ــ ههههههه شهر .. ورمضان بعد .. هااا..
ــ هههههههههه .. عفيا عليك ... ولدي فطين مو مصدي مخه ..
ــ هههههههه.. الله يخليش ولا يحرمني منش..
ــ وي ويخليك لي ويحرس شبابك يا كريم..
ــ هاا بعد واحد..
ــ يؤه .. خليهم لغير هاليوم..
ــ ههههههه زين انا الحين بطلع ... بتمشى بالفريق .. توصيني شي ..
ــ سلامتك امي .. انتبه لروحك.. ولا تمشي بريحاتك في زرانيق ..
ــ يؤ.. لويش..
ــ الله يا كافي .. صبيان مشلخين بدن ضبيعة مسكينه.. داك الأسبوع في زرنوق
ــ الله يا ساتر .. ولويش..
ــ سمعوها تخرخش بمعاضض دهب... طاحوا فيها دست وخدوهم..
ــ هههههههه هدا انتين قلتيها .. ذهب.. انا ويش ليهم فيني ... مخباي ما فيه الا ريالين .. بيكسروا عافيتي عشانهم..
ــ وي على عمري ولدي ...
وتفتح ربطة شيلتها وتطلع منها خمسه ريال.. فارس ما رضى ياخذهم .. وبالموت وهي تحلف عليه.. الا ياخذهم... اخذهم.. وفي باله يشتري ليها قناطي ..
<<< قناطي= نخج يابس مغلف بحلاوة سكر .. الوان.. وردي .. ازرق ... ابيض ... خخ.. لول وايد متواجده الحين ما عدت اشوفها ...

وطلع فارس يتمشى... ويدخل هذاك الزرنوق... ولا ينتبه الا طااااخ....

الى اللقاء في الحلقه القادمه ..

[آخر شقآوهـ ..~]

كده يعني كان كملتي توني كلحينات اقول لش حبابه
بس الحين بعد حبابه بس شان شملتي مايصير بد هدا مو شلام
ان ابغى ها قناطي مو تنسي ابغى ازرق احم
بس تدري خيوه عندي احساس شبير واجد ان ها رائد بعرس على هدي حنينوه تحسي ويايي
في بعد وحده في بالي بتعرس على واحد بس مابقول الحين ننننييهههههههههههههههااااي
يالله حبوبتي استنى الجزئين ها مو جزء شاطره طالعه عليي
يعطيكِ ربي العافيه
تحياتي
ضحكوه البطه

[زهرة القلوب]

مشكوره خيتو على القصه الحلوه
لاعدمنا ذلك
الله يعطيش العافيه
وتسلم هاليدين الحلوه
وننتظر تكملة القصة باحر من الجمر
الله لايحرمنا منك
تحياتي زهرة القلوب

[ام الحلوين]

صغيـــــــــــــــــــــــــــــــــــــــــــــــ ــــــــــــــــــــــــــــرتي يعجز لساني عن تعبير مشاعــــــــــــــــــــــــري

[..انين الروح..]

مشكوره حبيبتي قصه رائعه وكاتبه اروع
تسلمين والله وطولي الاجزاء عاااد لا تشوقينه كثير

بنتظار الجزء الجديد

تحياتي
رهوفه التوفه

[أسيرة الأحلام]

أميره المرح <<<< أحم احم على الأدب
خخخخخخخخخخخخـ
أميرووه القصه روووعه وتهبل بعد
ومشكووره على الحلقه الطويله والحليوه بعد
يلا حبيبتي نستنى الباقي

تحياتي

[Princess]

ضحوك .. زهوور.. اسوور.. رهووف.. تسلموا لا عدمت هالتواجد الجميل
امي الحب.. منوره يالغاليه الله لا يحرمني منش ..

الحين ما بحط جزء لا تفرحوا... اجزائي في الفجريه كالعاده..
با حط عتب ...
اني ملاحظه وجود اعضاء متابعين القصه.. بس بدون تعقيب.. ما ادري ويش ينتظروا...
ترى اميرة تحب التعقيب يكون اول بأول.. ويتوضح ليها ويش اللي عجبكم وويش اللي قهركم .. بالمختصر شعوركم مع قصتي كيف كان,,, اما كذا .. لااا.. تراني ادخل زائر احيانا
وصدت ناس... اتمنى الاقي تعقيب ...


دمتم بحفظ الرحمن

[.:روح وريحان:.]

ياهلا فيكمــ
هلا خيتوو
تكمله حلوووة الصرااحة
بس اقووول خيتووو
صار افادي اشدخ ام كراار
هاه متى تروحي وياي؟
ههههههههه
مشكوورة حبيبتي

[آهات عاشقه]

يسلمو ا يالغاليه ويالحبوبه

علا هالقصه الروووعه

ربي يعطيش الف عافيه

وصرت احبش لانش حطيتي اجزاء شويه واجد

ههههههههههه

تسلمي يالغلا

[ســحرالقوافي]

اميروووه

ههههههههه

عجل تدخلي زايره

خخخخخخخخ

عجبتيني


والله انك حركات


نرجع الى القصه

ههههههههه

بصراحه ذكرتني جدة فارس بجدتي الله يرحمها دايماً كانت تقول لينا الغاز

ومنهم هذول


اميراٍ فوق قصرة يحرس الناس في عصرة سلاسل مرتخية ولسانه فوق صدره .....


ويش الجواب حزري فزري




بس الهوشه والشبقه شي

خخخخخخخخ

دمتـــ بود

[الحال2007مه]

الله القصه بدت تولع وصار فيها اكشن بس تبغي الصراحه رائد مصخها وي مرت جده
وهي المفروض متحط عقلها وي جاهل بس عجبتني وحده من حركاته دكرتني بايام لول
يوم ياخد النشاف ويبللبلها ويرميه بالسقف كنا نسويها يوم احنا يهال<<<إرهابيه اني خخخخ
يالله ننتظر الجزء الجديد
موتتاخري واجد

[شمعه تحترق]

مرحباااااااااااااااااااااااااااااااااا
واصله متأخره لكن يقولون (أن تأتي متأخر خير من ألا تأتي أبدا ً)
والعذر والسموحه من القلوب الطيبه عالتقصير
مبدعه دوووم يا أموره
امنياتي لك بمزيد من التألق
موفقه بعون الله

[نور الهدى]

اللهم صلي وسلم وزد وبارك على محمد وال محمد

الله يعطيك العافية

وتسلم يدينك


قصة روووووعه ومن غير مجامله

الله يوفقك يا رب استمري وان شاء الله يتحقق حلمك وتصير ي مشهورة

بيكون لك بأذن الله مستقبل ان في هذا المجال

قاعدة على القصة من الظهر وتوني مخلصة تدرين حوسة الجهال كل شوي اقوم

وطول ما انا اقرء اضحك بروحي

يالله بلا لعانه وخلي النحاسة في صوب وكملي القصة لو تحطين ثلاث حلقات بعد كل يوم لك كل الشكر

طماعه صح
بس جد القصة مشوقه نبي نكملها

الله يوفقك يا رب ويسلمك لاهلك واحبابك

[دمعة الاحزان]

هلااااااااااااا امور
قلت خلني اسلم على عمري واحط الك رد
يمكن الحين زايرة وتشوفيني وبالليل تشبي فيني نار وحرايق
و نجيب المطافي الفوله
بس انا دخلت اشوف حطيتي اجزاء ولا لا شفتي اجزاء موب جزء
لان العروق تنط من مكانها اذا دخلت وشفت حاطه جزء
لايغني ولا يسد من جوع وحماس وبعدين وينه بح طار
لي عوده عشان اقراء الاجزاء الي فاتنتي الحين بقوم انصلي
سي يووووو تو نايت
موفقه يالدبه

[كبرياء]

عااااااااااااااااااد اني من النوع اللي تجيني حرقه اذا ما عرفت ويش بيصير

عشان كذا اجلت قرائت قصتش لين تتكتمل شوي بس مااا قدرت

اميرووووووه القصه حركات والله >>>>حركتات على قولتش لا تطولي علينا لا اكفخش خخخخ

بسررررررررررررعه
كي يوم كي يوم <<< على قولت شقي بيتنا
ودمتم