ماعرفتوني .. كثر .. ما عرفني ..

[آهات عاشقه]

تسلمي يالغاليه اميرووووووووووه الحلوه

والله انش قمرررررررررر وحليوووووووووووه

الله يعطيش الف عافيه

وان شاء الله راسش خف

ونااااسه القصه

مرررررره تماااااااااااام

خليتيني اضحك من قلب

تسلمي يالغاليه

دمتي لنا

[دمعة الاحزان]

هااااااااااي اموور
ها عسى الالم راح
اقول كفي حلقاتكتراي اتابعا من خلف الستار
والله قصتك روعه وتسلمين عليها
وربي يكملك بعقلك وتصضير زي ماتبين
ويشار الك بالبنان
موفقه يالدبه

[أسيرة الأحلام]

أميرووووووه يالدبه كملي القصه لابانتفش

خخخخخخخخخخخخخخخخخخـ

يلا ترى أني أستناش على ناااااااااااااااااااااااااااااااااااااار

وعلى فكره القصه رووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووووووووووووووعه وأكثر من كذا كمان

يلا أني بالإنتظار

تحياتي

[أمير العاشقين]

هههههههههه خيتووو أميره

عشان تعرفي ان امير العاشقين يقرا القصه بحواسه الخمس

شوفي ملاحضاتي عليش

وملاحظاتي بخصوص رؤى

زين مو تزعلي ولا تقولي اتصيد عليش

بس عشان مره ثانيه تزبطي الكلام خيتووو

صدق .. هيــــــه.. يللا خليها بسرعه تجي ,, استناها..

ــ يارب .. انتين عندش خوات .. اني مين بيعلس عندي..

ــ قلت خلني اشوف تعرفني واني متغطيه .. بس افا ما عرفتني..

ظلمة ويش درانا بك قريب والا بعيد...

التعديل خيتووو أميره

صدق .. هيــــــه.. يللا خليها بسلعه تجي ,, استناها..

ــ يالب .. انتين عندش خوات .. اني مين بيعلس عندي..

ــ قلت خلني اشوف تعلفني واني متغطيه .. بس افا ما علفتني..

ظلمة ويش دلانا بك قليب والا بعيد...

******

مجنون أنا صح

هههههههه بس تعرفي متحمس ومندمج مع القصه خيتوو

وتعودت من يجي دور رؤى اقلب اغلط

ترا يعجبوني الغلطان والله كلامهم حليووو

يالله بس خيتووو عجلي بالكتابه

انتظر جديدش

وعلى قولة رؤى

انتظل جديدش أميله الملح

ههههههههه

ولكم خيتووو

سيوو ليتر

[Princess]

هلاااا بأهات الغلا .. منوره .. اخجلتيني والله .. تسلمي .. والحمدلله الراس خف صار اشوى..

اسوووووووووووووووووووووووووووووووووووووووووووووووو وووووووووووووووووووووووووووووووووور ..
منوره غناتوه.. ولا تنتفيني .. ولا شي خخ.. تالي ما اكملها اذا نتفتيني يسلموو حبابه ومن ذوقش والله .. ودو يارب هالضحكه...

هلا .. حيا الله اللي ما شفت تعقيبهم ورايهم على كل حلقه .. الا حزة التصيد هلا خيي امير .. والله وجبتها .ههههههههههه موتتني ضحك.. عاد اني البارحه كتبتها في الورد بالأسود وكوبي بيست بالمنتدى وصرت الون.. وما انتبهت لحرف الراء الجهنمي .. مشيت على رائي .. خخ بس حلو منك نبهتني .. عشان اصحح النسخه الأصل تسلم اخووي ومنور.. وابدا ما ازعل بالعكس... وخلينا نشوف تعقيبك ما بين فتره وفتره ...


واليكم الجديد..

[Princess]

وطلع رائد من غرفة رؤى وكفخ وراه الباب ...
رؤى ودموعها اربع اربع :
ــ نحيس لائدوه.. خلب علي اني ويا حنين.. يعني مو كفايه طلع واستانس .. لويش يسوي فيني كدا.. تهي تهي ...
رائد نزل وقعد بالصاله.. شغل التلفزيون.. وفكره في مكان اخر...
ــ انا لويش كله اصارخ واحمق .. ولويش كله ازعل اختي.. ياعلي.. لويش ضربتها هالحنينوه.. افف.. والله مو قصدي..
ويضرب فكر على فعايله... شوي الا يقطع حبل افكاره امه... جايه الصاله..
ــ هااا.. خلصت الحفله... اشوف حنين مرت علي بالمطبخ بسرعه و يللا مع السلامه,, .. لا تقول تشابقوا..
ــ لااا.. بس انا كفخت حنينوه
زهراء شهقت..
ــ يؤووه . احلف ... ولويش؟؟
ــ ما ادري كذا.. نلعب .. كفختني وهي ما تدري .. كفختها ..
ــ ويلي .. ويلي .. عاد كفختك والقبر.. صدق رائدوه.. وفوين كفختها..
ــ خخ .. ايه صدق وعلى وجهها..
ــ ياعلي .. وظلت تصيح.. والا سكتت قبل لا تطلع..
ــ قالت خلاص .. وطلعت..
ــ الله يستر .. هم بيت عمك رضا طيبين.. ويحبوك.. بس ... ان شالله ما يزعلوا..
شوي الا تلفون البيت يرن.. زهراء:
ــ علي ياساتر.. لا يكون بس مريم... حنين اشتكت ليها ..
رائد وهو محمق :
ــ اهوووووووووو...
ردت زهراء:
ــ الوو..
ــ هلا خيه.. قووة..
ــ هلا ام حسن .. هلا خيه يقويش..
ــ ويش حالكم ..
ــ حياش الله .. عاش من سمع هالصوت..
ــ عاشت ايامش .. ويش اخبار الأولاد ,,
ــ الحمدلله بخير وانتين اخبارش واخبار حسن وزينب .. والله ما تنشافي..
ــ ويش نسوي .. حوسة الدنيا ومشاغل.. وتدري زينب قريب عرسها.. باقي شهرين .. فمره زحمه..
ــ الله يعين .. ويتمم ويبارك على خير
ــ تسلمي عقبال رؤى ورائد يارب
ــ يسمع منش ... هاا نشوفش الليله اذا تجمعنا في بيت ابوي..
ــ ايه على خير.. ان شالله . واصلا باجيب وياي الحلاوة والمكسرات والعصير حق عرس زينب عشان تعاونوني نكيسهم.. ما بيمديني تالي ... عااد الله يستر ..هداك الأسبوع زهقتني مرت ابوش.. حاطه دوبها ودوب حسن .. لا تروح لا تجي.. ما تسوى عليه يوم يغسل ايده طلعته من الحمام .. ويمسك عرواي البيبان... قامت تمسح وراه.. كنه الا ياهل ابو 3 سنوات مو ابو 9.. اخاف الليله تحمق عشان المكسرات والحلاوة وتخاف نوصخ البيت .
ــ ههههههه يا دافع البلا مو لهادي الدرجه.. هي ما تشتهي الرطوبه.. الله يكافينا الشر.. والوصاخه.. اما حلاوه ومكسرات .. عادي نواشف.. .. عاد يا تهاني .. تدري بها مريضه اعذريها .. وتحملي انتين عصبتي وشبيتي فيها ., وقام الشباق..
ــ ويلي ما اتحملها .. هذي بتقضي علينا واحد واحد... الحمدلله ابوي ملتهي بالبقاله . والا كان قضت عليه بعيد الشر..
ـــ هههههههه استغفر الله ياربي.. المهم غناتي الليله ما اوصيش الله الله بالأعصاب ...
ــ ههههههه ان شالله .. الا متى بتروحي ...
ــ كذا بعد تقريبا ساعه ونص باقي ربع ساعه على اذان المغرب .. اصلي واعشي رائد ورؤى .. واروح..
ــ خخ اجل اني بعد ساعتين ..
ــ هههههههههه .. احسن .. لا تتشابقي وياهاا ..
ــ ههههه أي والله .. يللا اخليش .. واشوفش على خير
ــ حياش الله...

<<< حنين اصلا راحت البيت ونامت ولا اشتكت المسكينه نست السالفه ..

سكرت زهراء السماعه .. ودرات لقت رائد متسطح على الجلسه ورايح فيها نوم .. << كان يوما متعبا وشااقاا..
قالت خله شوي نص ساعه يريح.. وراحت لرؤى...
فتحت عليها الباب.. لقتها نايمه وبيدها ورقة .. وقفت على راسها تشوف ويش فيها ..
الا هي تقرا..:
ــ اخوي الحبيب رائد.. ليش تطقني .. وتكفخني.. وكل تصرخ علي.. اني احبك.. اذا ما تحبني قول لي ما احبش.. بس لا تضرب وتصارخ.. واني عادي ما بكلمك .. بس ببقى احبك.. لأنك اخوي .. وتوأمي ..
رائد احبك.. اختك الصيوحه .. رؤى..
زهراء عورها قلبها على بنتها .. وصارت تتأمل وجهها الملائكي البرئ وهي نايمه واثر الدموع على خدودها .. مسحت على شعرها .. وخلت الرساله بيدها ..
قالت يمكن اذا عطتها رائد الله يهديه على خيته .. مع انها متأكده ان رائد يحب خيته .. وما يسوي هالفعايل الا نحاسه.. بس ويش تسوي فيه ما يفيد وياه الكلام...
طلعت من الغرفه .. ولا كنها شافت شي..
ان الله وملائكتة يصلون على النبي .. يا ايها اللذين امنوا صلوا عليه وسلموا تسليما..

فتح رائد عيونه.. ما اخذ ربع ساعه.. لقى امه تتمسح,,, وقام يركض..
ــ لويش ما قعدتيني...
ـــ هههههه لويش... شفتك تعبان..
ــ مانى ابوي وينهو..
ــ طلع من خمس دقايق للمسجد..
ــ اوهوووووو.. حق ويش خليتني نايم.. الحين ويش اصلي في البيت
ــ يا بعد عمري ولدي .. جعلك الله من المصلين... صلي في البيت اليوم عادي.. وعهد علي مره ثانيه اذا اذن ولقيتك نايم اقعدك... الله يهديك ويكملك بعقلك يارب..
تمسح رائد... وراح ركب لرؤى بيشوفها ويش تسوي..
وصل لغرفتها لقاها ظلمه من برى.. فتح الباب ... وولع الليتات..
الا يشوف رؤى نايمه.. قرب منها بيقعدها للصلاة... شاف الورقه...
شالها قعد على سرير رؤى.. وصار يقراها..
عوره قلبه.. وانبه ضميره..
ــ ياربي انا نحيس في كل مكان حتى على اختي.. ان زين على الأقل اختي .. لا اصير نحيس وياها... افف.. ويش اسوي..
صار يقرى الورقه مره ومرتين وعشر... شوي طاحت عيونه على القلم اللي كتبت فيه رؤى الرساله.. كان طايح على الأرض.. اخذه رائد .. وكتب في نفس الورقه .. بيده اليسار لأن ايده اليمين لسا مجبسه والخط كان مره حالته يالله ينقرأ .. حتى يوم يدف السياره بالعصريه مع عبدالله .. دف معاهم بيد وحده وركز القوه على رجوله فلذلك انقص النعال ,. مع انه عبدالله نهاه لا يدف .. بس هو ما رضى.. وعبد الله عرف ان رائد من النوع اللي ما يحب انه يكسر الخاطر والا يتعامل معامله خاصه... واللي كتبه سطرين ...
ــ رؤووه... انا اسف... وانا احبش... وان كنت وياش نحيس... بس قلبي يحبش... تحمليني .. انتين اختي وما الي غيرش.. اخوش الدفش: رائد..
وطلع من غرفتها .. وراح يصلي... وبعد نص ساعه .. راحت زهراء تقعد رؤى.. قبل لا تقعدها ا .. شافت رد رائد.. ابتسمت,, .. الله يهديك يا ولدي ...
وراحا وقفت على الباب عشان رؤى تحس انها ما شاف شي .. ونادت وهي على الباب واقفه..
ــ رؤى... رؤى... امي .. حبيبتي... قومي . صلي ... وايد عليش عشان تنامي الليله.. وبنروح بعد شوي بيت جدش .. قومي اماه..
رؤى تنقلب الجهه الثانيه..
ــ ااا.. الحين باقوم ...
ــ لااا دام انش انقلبتي معناتها ما بتقومي .. رؤى ان ما قمتي لحالش في البيت .. زين...
قامت رؤى وعواينها متورمه ..
ــ هااا .. لاااا .. داني قمت ..
وانتبهت للورقه على سريرها وفيها شي متغير ..
امها حست عليها انها انتبهت للورقه فما حبت تطول عندها وطلعت عنها ..
خذت رؤى الورقه تقرااها زي الملهوف ..
وصارت تصيح...
ــ يا غناتي لائد.. ادلي .. والله ادلي انك تحبني ...
وصلت بالصلاة على محمد ... ونادت عليهم امهم يتعشوا .. وقعدوا يتعشوا هدووء .. ولا صوت .. حتى فاضل استغرب منهم ..
ــ كح .. اللهم صلي على محمد وال محمد.. زهراء هدووء موو.. ياحلاة الهدووء على الأكل ...
ــ ههههههه ايه والله... عساه دوم مهو يوم... << زهراء دعاها هذا لسببين الهدوء .. وحالة الصلح الغير مباشر بين رؤى ورائد..
خلصوا اكل .. ولبسوا وتجهزوا .. وانطلقوا الى بيت الجد ابو كرار ...
وفي السياره زهراء توصي في رائد الوصايا الخمس المعتاده ..هي تقول وحده ورائد يقول اللي بعدها :
ــ مرت جدك لا تحط دوبك ودوبها
ــ واذا تعيلفت فيك لا تتعيلف انت بعد ولا تحمق
ــ وحيدر لا تسبه وتضربه قدامها ..
ــ واذا طلبت شي والا قالت ليكم قعدوا في مكان معين طاوعوها..
ــ ولا تعفس ولا تصير تداور في البيت من مكان لمكان
فاضل :
ــ وهذي اسطوانتكم كل اسبوع .. الوصايا الخمس .. يا علي ..حفظناهم..
زهراء:
ــ هههههه .. وربي ولا يفيد.. كل اسبوع نطلع بسالفه... الحمدلله داك الأسبوع طلعت انت ويا رائد.. بس خالتي ما تقدر الا تتعيلف .. فتعيلفت بحسن ولد اختي ..
ـــ هههههه ياربي .. الله يعين ابوش عليها بس .. اللهم ادفع البلا ..
ــ يارب .. والله انها طيبة بس.. لو ما هالهوس يخرب عليها ويخليها نحيسه ..
ــ الله يشافي كل مريض.. يارب..
ــ يارب... سمعت يارائد.. الله الله ها .. ما اوصي .. ولا تحمق زين...
ــ ان شالله .. <<< اسبوعيا .. ولا يفيد... خخ
وصلوا البيت.. دخلوا... سلموا .. رائد عيونه على مرت جده اللي ما شالت عيونها عن رجولهم خخ..
وفباله..
ــ وفباله.. ياعلي.. اللي يشوف قاعده تخمن مقاس رجولنا بتجيب لينا نعل.. ما ادري اطلع برى حافي واجيها عشان تستانس خخ..
قعدوا كذا ربع ساعه .. هدووء .. لين جا ابو كرار .. قفل البقاله .. ليلة الجمعه ما يطول حده لــ 8 ويروح البيت يسهر مع بناته..
دخل عليهم وفي ايده كالعاده كيس مليان شكاليت وحلاويات..
واول وحده استقبلته هي رؤى وتعلقت على رقبته واحشنها عدل ..
ــ قوووه يبه ابو كلال..
ــ يا عيون ابو كلال انتين .. يقويش يا غناتي...
والتفت لرائد...
ــ هااا .. ابو جراح << لقب لرائد ما يسميه كذا الا جده.... ما لينا بوسه وسلام .. خلاص اخذناهم العصريه
ــ هههههه .. لا ولو .. من عيوني .. هااا
وراح لجده .. وعلى خده ...
ــ اموااااااااااه.. اقوى بوسه لأحلى ابو في العالم..
ضم ابو كرار رؤى ورائد لصدره..
ــ الهي ما يحرمني منكم ويحفظكم ...
ورائد يطالع برؤى اللي عيونها بعيونه .. ويعطيها خوووش بحاليس خخ...
وراحت زهراء تسلم على ابوها .. سأل ابو كرار عن تهاني ..
ــ ايه يبه .. بتجي .. كلمتني المغرب قبل الصلاة ولو تشوفها على عمري مزحومه عدل ..على حساب عرس زينب قريب .. فشوي بتجي وبتجيب معاها يمكن المكسرات والحلاوة والعصير نعاونها على التكييس <<< تمهد لأختها .. لا تنصدم خالتها فجأه ...
الا ام حيدر ناطه بالكلام:
ــ يؤووو.. ولويش الله يهديها ما تاخذ شي جاهز ومكيس ... << احم احم .. يعني ما ابغى حوسه وعفسه عندي ..
ــ لا بس يا خالتي ما في شي مكيس الا نوع واحد يا حلاوة يا مكسرات.. والعصير ما يصير وياهم . والكل هالأيام ينوع ويحط خلط من كذا وكذا بأكياس ورق.. .. <<< خبركم الأكياس لول من زمان للمعاريس .. للحين يسووها في بعض المأتم.. " الكيس البني تبع البوفيات وداخله سبال وحلاوه ومكسرات .. خخ حليو يذكرني بالطفوله : نفتحه ونستانس اذا شفنا داخله حلاوة حلوه ونبرطم شبر اذا بس سبال وحب خخ : اميروة كنش طلعتي برى القصه خخ كح .. احم...

[Princess]

ابو كرار :
ــ والله احسن هالحركه واوفر .. من كل شي شوي.. وزين بعد عشان نعاونها..
ام حيدر داخلها غليان...
ـــ افففففف ويش هالحاله ..
شوي الا تهاني جايه مع زوجها واولادها .. حسن وزينب .. وحاملين اكياس مكسرات وحلاوة..
سلموا ... وراح فاضل ورائد يعاونوا ابو حسن في شيل الأكياس وكراتين العصير ...
وتفرقوا بالصاله على قسمين .. قسم للرجال وقسم للحريم.. وصاروا يكيسوا ..
ورائد ورؤى وحسن .. مستلمين الكيس اللي جابه ابو كرار وطايحين بلع..
شوي الا رائد موقف :
ــ الا وين حيدرووه..
ام حيدر نطقت وهي تكيس .. بحمق :
ــ ناايم .. ويش تبغى فيه..
ــ يؤه ويش منومنه هالحزه .. والليله جمعه .. دجاجه..
ــ دجاجه انت.. ليش قصرت عليه اليوم انت .. مخلينه ويا هذا خويك مدري ويش يطلع يدف سيارته كنه الا يشتغل صبي عندكم...
رائد حمق .. شلون هذي تتكلم عن عبدالله بهالطريقه .. مدري ويش يطلع :: ما عجبته هالجمله.. ولااا .. تكلمه كنه غلطان .. ما تدري ان ولدها ساس البلا ..
الا رائد ما ينتبه لكلامه ويرد عليها ..:
ــ والله ولدش لو ما بــ..... وتسبح بماي السيارة ما خليناه يدفها ..
كل اللي بالصاله فقعوا ضحك .. على جرأة رائد يوم يقط الجمله... زهراء وفي قلبها كاتمه الضحكه :
ــ عيب امي.. خلاص ويش قلت لك...
ــ انا داري .. هو ساس البلا وجايه تتبلى علي.. جزاتي مستفقدنه..
ام حيدر :
ــ الله يخلي وليدي وما ينفقد..
ــ لويش دعيت عليه انا الحين..
زهراء :
ــ اوهوو .. رائد خلاص..
ــ زين ..
لكن رائد فيه حره .. ما يصير .. يسكت .. الا يطلعها بطريقه او بأخرى...
غافلهم وهم يحوسوا ويكيسوا .. وصعد فوق لحيدر النايم... وطاااخ .. هجووووم...
ــ حيدروووووووووووووه قووووووووووم...
ويطير حيدر من مناامه.. ويقعد على ركبه من الخلعه ...
ــ اااااااااااااااااااااااااااه...
ام حيدر سمعت صرخة ولدها .. رمت الأكياس من حضنها .. وقامت تركض ..
ركبت شافت رائد بالغرفه .. كان حاضن حيدر بعد الخلعه .. بإيد وحده.. معورنه قلبه عليه .. << دايم رائد كذا يسوي البلوه وتالي يتندم...
وتجيه ام حيدر بلا وعي .. وتصطره داك الصطار اللي خلى راس رائد المسكين يفتر ...
رائد ما قال حتى ااه ... حيدر شهق ... ام حيدر تصرخ :
ــ اني قايله لك نايم.. تجي تقعده لويش
حيدر :
ــ عادي .. انتين لويش ما قعدتيني الليله جمعه .. شلون تخليني انام
ام حيدر تحط صبعها على خشمها :
ــ اصصصصصصصصصص انت ولا كلمه .. ما احد بيخربك وبيقويك علي ويعلمك طولة اللسان الا رائدوه هذا ..
رائد بعده متخشب من الصطار .. عمره ما احد صطره على وجهه كذا..
وصار يطالع مرت جده بنظرات .. اعوذ بالله .. شرار يطلع من عيونه...
وهي لا .. ما اكتفت لهالحد .. تمسكه من بلوزته وتسحبه برى الغرفه ...
رائد نفض ايدها .. وصرخ عليها بجمله هزت بدنها :
ــ لا تلمسيني يا مريضه.. اخاف تتوصخي.. والا تعديني ..
ام حيدر ما تحملت ..
وصارت تصرخ عليه ..:
ــ اني مريضه ياا.... ياا.... ياا.....
هو قام يصارخ :
ــ لا تسبيني هااا...
الكل قام .. وتركوا التكييس ... بيشوفوا ويش السالفه ...
الا رائد ينزل من على الدرج بسرعه .. ومرت جده وراه.. ويتعثر المسكين .. من فوق الدرج ويصير يتدحرج لتحت .. ترضرضت عظامه .. وطاح على الأرض...
وزهراء قامت تركض وهي تصرخ..
ــ ولـــــــــــــــــــــدي...

والى اللقاء في الحلقه القادمه..

[ســحرالقوافي]

الله الله يا اميره

ويــــــش ها الابداع


عاد كرتون النشاف خلص على سالفت الرساله

عن جد موقف محزن

وعاد القصه تهوس

ما شاء الله عليك

وهذي الهوسيه صراحه تطفش

ههههههه

إذا شفت احد من هذا النوع اقول يما ارحميني


عن جد يجيبو للواحد القرف من تقززهم



يسلمو ياقلبي

بنتظار باقي القصه



دمتـــ بود

[فرح]

امــــــــووورتنا
رووووووووووووووووووووووووووووووعه
وجـــــــــــاااااااااري الانتظااار بشوووووق
دمت بحفظ لله ورعايته
فــــــــــرووحه

[آهات عاشقه]

ووووووووووف من هالهوسيه

مسكين رائد حاطه دوبها ودوبه

تسلمي يالغاليه

الله يعطيش الف عافيه

دمتي لنا

[.:روح وريحان:.]

اييييييييييييييييي
اهئ اهئ اهئ
توني قااريه الحلقات الاخيرة
لو ادري كملت عليهم بالثالثه
مجمستني اقرء البقااايا
مشكوورة اموورة على التكمله

[أمير العاشقين]

وااااااااااااااااااااال أميرره عفيه يالله بسرعه

يالله وقسم بالله انقهرت ما شفت تكمله

يالله لاتتحججي عشان خاطري يالله

اوووووووووووه

بسررررررررررررررررررررررررعه

[آخر شقآوهـ ..~]

اميرروه تحمسيني وتخليني اندمج شفاريات وتقطعي عليي المسلسل لاحووول<<خرفت نيييييهاااي
احسه فلم لما تدحرج ع الدرج وعلى عمري تعور احسه اني يعور شفاريات
والله على الاخت ام الراء العدله طيبه قلبها طيب طالع عليي <<بل قفزت كانت تحت ركبت فوق الله يعديها
تسلمي حبيبتي ع القصه الوعيه
يعطيكِ ربي العافيه
تحياتي
ضحكوه البطه

[أسيرة الأحلام]

أميرووووووووووووووووووووووووووووووووووووووووووه

مااااااااااااني بسرررررررررررررعه تكمليها ماليي دخل فيش
تكمليها تكمليها
مااااااااااااااااااااااااااااااااااااااااااااااااا ااااااااااااني

يعني لازم تحرقي أعصابنا
يلا يالدبيه كمليها بسرررررررررررررعه


ويش فيش أميروووووه حطيها كلها وفكينا يعني لازم تسوي فينا كذا
أفففففففففففففففففففففففففففففففف

يلا أني أستناش

باعد للعشره <<<<<< نلعب الغميضه
خخخخخخخخخخخـ

أني أستنى ترى هيه

[Princess]

هلااااااااا بالمتفاعلين
هلاااااااااا
منورين
الجزء اليوم عقاب لي
طويل شويات
تعبت تكسر ظهري
لعيونكم
اعذروووني على التأخر
عند ظرووف شويات
وتفضلوا الجديد