صفحة 2 من 76 الأولىالأولى 1 2 3 4 12 52 ... الأخيرةالأخيرة
النتائج 16 إلى 30 من 1132

الموضوع: ماعرفتوني .. كثر .. ما عرفني ..

  1. #16
    عضو متميز الصورة الرمزية الحال2007مه
    تاريخ التسجيل
    Jun 2007
    الدولة
    مملكة الأحلام السعيده
    المشاركات
    267
    شكراً
    0
    تم شكره 0 مرة في 0 مشاركة
    معدل تقييم المستوى
    210

    056 رد: ماعرفتوني .. كثر .. ما عرفني ..

    واخيرا بدانا نستمتع في القصه
    هادا ومن بدايتها حركات الصراحه عجبتني هادي اللي تقول اللاء
    ومن بدايته طق ومطاقق بعد <<<< اموت على الأكشن <<<< كثري منه ماوصيش
    لو تفحيط بعد منداك الزمن حركتتات
    تسلم ايدش على هالمقدمه الروعه يامووووووووووووور
    ولاعدمناك
    يالله عاد لاتطولي علينا


  2. #17
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4147

    رد: ماعرفتوني .. كثر .. ما عرفني ..

    ياهلا منورين جميع تواجد اسعدني حبابات
    تسلمواا

    يللا تفضلوا الحلقه 1

  3. #18
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4147

    الحلـــــ 1ــــــــــــقة



    كان رائد بمثابة البودي جارد لخاله .. مع انه اصغر منه .. بس يللا حكم القدر والظروف صار كذا.. وكان يحامي دوم عن حيدر .. مسكين صاير زي الدبانه المرصوعه.. ماله كلمه ولا يعرف كيف يدافع عن حاله .. فبتأخيره عن الدراسه سنتين ارحم له ...

    وياكثر المواقف اللي اثبت فيها رائد بطولته ..

    مره في الصف الثالث ابتدائي .. طلعتهم من المدرسه مروا على البقاله .. قال رائد بيدخلها شوي .. حيدر يخاف من الهندي اللي في البقاله ... مسكين من يدخل يخزه عن مزح وحيدر ياخذها جد .. والهندي يستانس على هالخوف يضحكه .. فمن يطلعوا من المدرسه ويقرر رائد ان المحطه التاليه هناك.. حيدر .. وخر عنه .. واقعد على بابها ارحم لك...

    وبين ماهو قاعد على الباب .. مروا شله يهال من ابتدائي ومعاهم حسن .. وكم واحد من عدة مراحل .. وكانوا لاحقين سياره موستينج سبورت ما بقى تظليل ولا جنووط حركتات وكتابات وحاله ... سيارة اللي يشوفها يقول ..راعيها بجد دااشر اقشر .. ... وهم يصفقوا ويسبوا .. ويرموا حجر <<< ياعيني على الفدائيين..
    حيدر ياحلاته عجبه الوضع.. يفتكر لعب.. ولاااا.. حسن بعد هذا اعرفه ولد خالة رائد يللا ... حماس ... فقام وياهم << ومع الخيييل يا شقرا...

    ويللا عااشوا .. وشوي وقفت السياره .. وما شاف حيدر الا الغبره قامت.. وصار لحاله في ميدان المعركه ..و الكل ولى وهرب .. ويطلع له داك الصبي اللي طول بعرض وضربة بكس منه تطيره للأسكيمو.. ويمسكه من كلر قميصه ويلوحه في مكاااان مااا في ارض الله الواسعه ...

    طلع رائد من البقاله مابقى شي ما اخذه ..
    ــ حيدروووه ... هيييييييييه .. حيدروووه وينك ..؟؟؟
    ــ .....................
    ــ ما العب ويااك الخشه اطلع تأخرنا على البيت ..
    ــ ......................
    ــ حيدرووه يالصاقعه وين رحت .
    وصار رائد يدور عليه يمين شمال ... و يرفع الكراتين اللي عند البقاله يشووف حيدر الطشوونه وين منخش ... حتى كرتون البسكوت رفعه ...... يا دافع ...

    رائد شب حراايق ...
    ــ حيدررررررررررررررررروووووووووو ووووووووووووووووه
    شوي الا يسمع ونه مهي بعيده وايد ...
    ــ اااا..ااه...اا.هااا.. اااي .. اهي اهييييي....
    صار يدور وين هالصوت ...؟؟؟
    شوي وهو يمشي لقى طبقة نعال لحيدروه مرميه لحالها وحيده فريده ..و قريبه من الزباله..
    ــ الله ... دليل على انه قريب .. حيدرووه وينك ... وليش نعالك مقطوط هنا ..
    ــ اااي اهي اهيي .. انا...هنا اااا..
    ــ وينك ..؟؟؟

    رائد يسمع الصوت مخنوق وفيه نغمة صدا
    ويقرب من الزباله الكبيره عاد هالزباله من كبرها اطول من رائد ..
    ويطق رائد على الزباله
    طق طق طق ...
    ــ حيدرووه لا تقول هنا ...
    ــ ادخلللللل .. ايه هنا .. اهي اهيييييييي طلعني باامووت...
    ــ ههههههههههههههههههههههه .وييييع .. وعووووووه عليك... بالله ماحلا لك الخشه الا هنا ... كان رحت الزباله الصغيره..
    ــ اهي اهي مو منخش .. ضربني هاداك الرجال ورماني هنا

    رائد احترق دمه .. خاله ينضرب وهو ويااه يال الإهانه .. .. لكن هين ...×××
    وصار رائد يدف بالزباله ويطق فيها مهي راضيه تتحرك
    راح و..لايم .. له.. كم كرتون من جنب البقاله وما مداه يركب عليهم تخفسوااا
    ــ اوووه ويش هالحاله كيف اوصل لك انا.... رائد ما يحب يطلب مساعده من احد نفسه عزيزه من صغره ..
    قام يفكر ويفكر .. شوي طالع جنب الزباله لقى شجره ..
    ــ ايووه ..
    ركب عليها ورمى روحه في الزباله مع حيدروه ...طبعا الزباله مليانه شوي فحافتها قريبه لرائد نطه نطتين ويوصل ليها ..
    مسك رائد حيدر وهو محمق فيه .. ويلوحه برى الزباله ...,<<< مسكين حيدر صاير لعبه.. كوره ويشاوتوا فيها... ونطه نطتين لرائد وطال الحافه تسلق عليها ورمى بروحه في الشارع وهو ينافخ والريحه مسويه هواايل
    ... حيدر مطروح على الأرض يون ..<<< زي الكتوت المنتوف ريشه .. رائد يعدل في روحه وشعره ودنيته <<< مرتب وكشخه منذ نعومة اظفاره
    يشيل رائد حيدر .. ويسأله ... مين اللي كفخه .. ورماه بالزباله..
    حيدر ودمعته طايحه ومخاطته سايحه خخ :
    ــ ما ادري بس اعرف .. سيارته...
    ــ المهم خلنا نمشي البيت الحين تأخرنا وحسابه بعدين
    ــ حساب مين ..؟؟
    ــ اللي ضربك
    ــ مينوون انت .. رجال اطول من ابوي .. كبير مرره طول العماره يلطخك بكس يطيح ضروسك...و..
    ــ بسسسسسس ولا كلمه .. هذا انت اللي يلطخك بكس ينفر ضروسك مو انا <<< ياعيني على ابو عنتر ... ابو عنتر عمره 9 سنوات وقتها ...
    ــ مالي شغل فيك اذا نتفك
    ــ انت وعلى روحك ومالك شغل شلون علي... ولي بس ... مالك شغل خلاص..
    ووصل رائد حيدر البيت ...
    ام حيدر وهي قرفانه :
    ــ هااااااااااااااااادااااااااااا ويييييييييييييييييييييش .×××. ويش هالحاااااال؟؟؟
    ــ اهي اهي .. رمووني بالزباله <<< علّم امه بالواقعه اللي صارت..

    ــ هااااااا.. وي على عمري .. ووين رااائدووه عنك ... امحق من ولد اخت .. <<< الناس يقولوا امحق من خال بس يللا دنيتنا معكوسه هاليومين ..
    ــ كاان في البقاله..
    ــ وهذا رائدوه همي دبتي ... لكن هييييييين .. ما عليه ...×××

    وتدق طياري على ام رائد
    ام رائد :
    ــ الوو ..
    ــ هلا .. ويش حالكم..
    ــ هلا خالتي ام حيدر .. حياش الله..
    ــ وين رائدوه ولدش ؟؟
    ــ بعده ما يوصل .. خير خالتي ؟؟
    ــ ايه .. اكيد .. عقب بلوته ...وين يوصل ؟؟
    ام رائد اختلعت على ولدها...
    ــ هااا.. أي بلوه.. ويش صااير؟؟
    ام حيدر علمت ام رائد بالسالفه وهي محمقه على رائد
    ام رائد عصبت:
    ــ الحين تقطي اللوم على ولدي لويش ..هو ويش ذنبه ؟؟ زين منه قط روحه بالزباله وطلع ولدش .. مين الأكبر ومين المفروض اللي يحامي عن الثاني ...
    ام حيدر ولعت:
    ــ تلعبي على ولدي .. شفتيه طشونه ومغلوب على امره ... ماعليه.. هين يصير خير .. لكن ..اني لويش اخذ واعطي وياش .. اعلم ابوش .. وهو يتصرف .. اني ولدي ما اخرت عليه كم سنه عشان يتشلخ بدنه ويرموه بالزبايل ×××
    ــ وولدي ويش ذنبه...؟؟
    ــ ما حامى عن حيدر .. حيدر ولدي ما يقدر مو راعي نحاسه وطراقات
    ـ يعني ولدي الراعي ...
    ــ مو راعي .. بس ولدش متعود..
    ــ الله اكبر .. خالتي اخزي بليس مالي خلق مشاكل وعوار راس .. وولدي مو مسؤول عن ولدش زين .. ويللا مع السلامه ××
    ــ الا .. وماني ساكته .. و....
    طوووط طوووووووط طوووط
    ــ سكرتيه بوجهي ...هيــــــــــــــن يا زهرووه ××××××
    و تقوم ام حيدر وهي دخانها مفوح ومقهوره حدددها.. وتخلي ولدها يسبح ما بقى صابون ما خلته يفرك بدنه به ..
    وتسبح هي وراه وتنقع في الحمام شوي زين ,, وتالي تطلع ويدقها فكر على المكان اللي مر فيه حيدر بالبيت الحين مليان ميكروبات وتصير تفرك وتنظف وتغسل ثيابه وترجع وتنقع بالحمام تسبح كم ساعه .. لاحول ساعدها الله..
    اما رائد من وصل رائد البيت .. على طول دخل ..
    ــ هلا امااه ..
    وطياري بيروح الحمام ..
    امه صادته ...
    ــ ويش عندك..؟؟!!
    ـــ باروح اسبح لويش ويش صاير؟؟
    ــ عجييب.. توك سابح روحتك المدرسه والجو مهو حر ويش صاير ؟؟
    ــ لا بس اليوم مراكض بالطرقات فصايره ريحتي خايسه..
    رؤى تدخلت وبعفويه حسب ما فهمته من نقاش امها مع ام حيدر :
    ــ هههههه خايس من الزباله
    رائد ولع ناار .. هذي ويش دراها...
    ويصرخ:
    ــ انتين مااااااالش شغل...
    ــ يمااه.. خلاص ...
    ام رائد:
    ــ صدق اعترف وقول لي ويش السالفه؟؟
    رائد قال لأمه القصه بالتفصيل الممل...
    امه طلبت منه ينتبه لروحه ولا يتعنتر على حساب غيره ويروح فيها
    .<<< بس لا حياة لمن تنادي طبع خلاص برائد وما راح يتغلب عليه..

    وفي بيت ابو كرار ... ام حيدر اشتكت لأبو كرار بنته وولدها .. وخبرته بالسالفه..

    ابو كرار وصل حده ...في ام حيدر وولدها :
    ــ ولعنه ... وانتين ولدش لمتى هذا حاله ياهل اصغر منه ابو 9 سنوات يدافع عنه وهو اللي ابو 11 سنه .. انا ويش اسوي بحياتي ولدي الوحيد وهذا حاله .. ولااا بعد تبغي له محامي دفاع .. امحق ليش قاصرتنه ايد والا رجول .. رحمة الله عليك يا كرار كنت لي السند والعون من صغرك ... وهذا مو راضي يعتمد على روحه ويصير رجال.. و اصلاً ..زين من ولد بنتي طلعه من هالزباله انا مكانه اخليه يخيس عشان يحرم يتدخل في اللي ماله فيه .. ويبطل يعتمد على غيره في كل شؤونه .. ورائد مهو مسؤول عنه زين... وهوني حنه على هالرائد و شكايه .. اللي يبغى له يشكي هي بنتي .. مو انتين ... <<< عفيه ... ايووه .. عااش ابو كرار مع الحق
    ام حيدر بلعت الكلام وغصت شوي زين وسكتت .. وفبالها : بل بل بل ويش هالمحاضره.. كله ضدي لو دريت ما اشتكيت .. ويلي عليك يا ولدي ..

    كان ابو كرار شخصيه قويه .. وام حيدر كانت تخاف منه وتطيعه طاعه عميا ... كانت معنسه عند اهلها صكت 45 سنه يالله تقدم ليها ابو كرار بعد ما توفت زوجته وما جابت الا حيدر...

    وبالطرف الثاني ..

    ابو رائد رجع من شغله .. وعلمته ام رائد بسالفه رائد
    ابو رائد:
    ــ عفيه على ولدي البطل شاطر ويعرف يتصرف بس لا تسوي مشاكل..
    ام رائد:
    ــ ايه عاد لا تشجعه على هالبطولات.. .. هذاني قلت اله اليوم السالفه عدت على خير .. لا يسوي روحه عنتر زمانه ولا يسوي شي بكره وخليه ينتبه لروحه

    رائد يسمع كلام امه وابوه من اذون ويخره ومن اذونه الثانيه..
    كان نااوي على نيه قشرى للي طق خاله وحذفه بالزباله ... وياااسااتر...

  4. #19
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4147

    تابع

    وباليوم الثاني ...

    وكان يوم الأربعاء وحيدر بيروح ويا رائد بيتهم يغير جو ... وهم راجعين من المدرسه .... الا عركة قايمة بالطريق ... وحولها شلة صبيان يصفقوا ويشجعوا تقولوا صراع الديكه ,,,ويدخل رائد بينهم يشوف ويش صاير الا..حمزة ولد عمه هادي.. يتشابق ويا حسن ولد خالته تهاني...
    ويللا عاد ويش يسوي ويصير مع مين.؟؟

    قرب ليهم حاول يفككهم بس الطق قايم وحمزه من العصب طير نعاله بوجه حسن.. حسن حمق واستحضر ام اللعنات والسبايب وحمزه ولع ويش يسبني هذا ., وحمى الوطيييس ..

    الا رائد طفح كيله ويهجم عليهم ثنينهم ويصفق هذا كففه وذاك طراقات ويصرخ فيهم..

    ــ بــــــــــس.. صار لي ساعه افاكك بينكم وكل واحد مو راضي يتنازل صدق انكم .... ..... ..... ,, لكن هين بسرعه حمزوه.. انقلع بيتكم لا العن : خامسك.. وانت حسنوووه ويش جيبك هالطريق وبيتكم مناك.. سيداا شفت هاداك الشارع وتالي لفه ولا تتغوى مره ثانيه حبيبي يللا فارق..

    حمزه دمعت عيونه وحمق وولع احمر .. وطالع حسن بنظره وطبعا حسن بادله النظرات .. بس امرهم لله اذا الزعيم..
    << رائد قال شي ولا نفذوه يسلموا على وجوههم هم ابخص به ..فراح كل واحد لبيته ...وفي قلبه شايل الحره
    رائد دار لحيدر اللي واقف مجطل ومفهي عقب الشبقه ..
    رائد:
    ـ ويش فيك بعد انت مفهي .. ليش خاطرك بكم كف..؟؟
    ـ هاااه.. لالا.. ولا شي ...
    وفباله يهلوس: ......هادا ويش بسم الله ينخاف منك شراني اقشر ..
    وكملوا طريقهم للبيت.... وشووووي..

    وقف حيدر عند بيت قريب من بيت رائد .. في الشارع اللي وراهم...
    وفتح عيونه وهو يأشر :
    ــ هاااادااا هووو اللي طقني ..
    رائد فحط ووقف .. بعده فيه شبقه .. بطاريته لسا ما فضت..
    ــ وينهووو .. مين ...؟؟
    ــ اكووو ... <<<<نزل الصبي من سيارته ودخل بيتهم..راائد :
    ــ اهاااا هذا امينوه ولد ام امينوه ... اوريك فيه الحين..××
    ــ ويش بتسووي .. لالالا ... بيكفخنا .. وفباله: ويش فيني انا اهبل تونا خالصين من شبقه وندش فثانيه بس هاديك اهون يـــــــــاااا ويلي من رائدووه..
    رائد وهو محمق:
    ــ انت انثبر هنا ... ومالك شغل ...

    ـ مالي شغل .. مالي شغل..
    وراح رائد ينتقم

    .........................


    رائد متوجه للأنتقام .. استنى امين يدخل بيتهم .. وطياري ...
    طلع من شنطته مسطرته الحديد <<< عاد ابو رائد ما ياخذ لرائد الا حوايج قويه برايه حديد مسطره حديد.. لو يحصل كتب ودفاتر حديد اخذ له.. عنيف الولد والأجر على الله وهذا اللي يمشي وياه ..
    ويللا ابتدى المشوار مع هالمسطره ومن طرفها الحااد داار على السياااااره كلللللها ...
    حححححححححححححححححححححححححححححح ححححححححححححح
    وشمخ امهااا تشميييييخ ... ووقع بالنهايه على جامة السياره...و بقلم حبر ثابت .. الزعيم ..R
    <<< يااعيني على الولد ...
    وحيدر من بعيد يبلع ارياقه ..
    وخلص رائد المهمه...
    وراح يركض وانخش هو ويا حيدر بعيد .. وصاروا يستنوا امين يطلع يبغوا يشوفوا ردة الفعل..
    شوي .. ..
    طلع امين حامل في ايده عدته .. معسل وفحم وخرابيط .. حق سهرته مع شلته .. هو شاف السياره تقولوا كنه صاعقتنه كهربا وشادختنه على ورا ويحط المعسل على جنب ويركض ليها .. صبغها الأحمر تقشر من كثر الخطوط ومره عميقه .. ولا بعد على جنب خرابيش بالأسود... وويش الزعيم .. << ويلي عالموستنج يدق ليها سلام وتحيه .. بس .. خلاص امين صار يطالع يمين وشمال يبغى دخيل الله قطو يحط الحرقه فيه .. دار وراه لقى المعسل ويشيلها ويشدخ بها .. وتتكسر تكسير..
    حيدر من شاف هالحركه يبس ريقه ونشف دمه واستوى ازرق .. وصار يشاهق
    شوي تجيه سطره من رائد :
    ــ هييييه صدق .. صدق.. جباان.. اقعد وانثبر وانت ساكت لا يطلع صوتك لا يجيك ويكسرك زي حبيبة قلبه اللي كسرها من شوي ..
    ــ قووم بنروح البيت انا خايف منه لا يضربني .. لويش شمخت سيارته .. الحين اذا عرفك بيشدخك...
    ــ يفاارق ..مناك .. يسوي اللي يسويه... مو شغلي فيه.. زيك قالوا لك جبان انا
    ــ لكن ما علي منك انا << كنك كل مره عليك عااد

    ــ احسن.. واسكت..
    وشوي تمر سياره فيها 5 صبيان طول بعرض ... ووقفت بالنص على بعد 3 امتار تقريبا من امين وحيدر ورائد
    حيدر:
    ــ ميـــــــــن هاااديلا......؟؟؟؟؟؟؟؟؟؟

    ... والى الملتقى غدا..

  5. #20
    مشرفة سابقة تستحق التقدير الصورة الرمزية آخر شقآوهـ ..~
    تاريخ التسجيل
    Aug 2005
    الدولة
    بين جروحي وآلآمي
    المشاركات
    6,378
    شكراً
    1
    تم شكره مرة واحدة في مشاركة واحدة
    معدل تقييم المستوى
    354

    رد: ماعرفتوني .. كثر .. ما عرفني ..

    يالله عليش لازم تخلينا نستنى اني قايله
    بخليهم يجمعو خمس حلقات وبعدين بقراء
    بس ويش اسوي
    يالله نستنا الحلقه الثانيه
    يعطيكِ ربي العافيه
    تحياتي
    ضحكوه البطه
    ●•Ļǎv Mệ łйę•●

    ..الضحكة البريئه..
    في نفرهـ وآحدهـ
    آخر شقآوهـ ..~

  6. #21
    عضو محترف الصورة الرمزية آهات عاشقه
    تاريخ التسجيل
    May 2007
    الدولة
    في قلب من اعشق
    المشاركات
    581
    شكراً
    0
    تم شكره 0 مرة في 0 مشاركة
    معدل تقييم المستوى
    217

    رد: ماعرفتوني .. كثر .. ما عرفني ..

    الله اميررررررررره على القصه مرررررررررره جناااااااااااااان



    واستانست مررره واني اقراها


    لا ورائد مسوي حركات >> توه نتفه وكاتب الزعيم ويلي عليه


    تسلمي غناتي على القصه الحلووووووووووووه


    الله يعطيش الف عافيه

    دمتي لنا

  7. #22
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4147

    رد: ماعرفتوني .. كثر .. ما عرفني ..

    يسلموو على التواجد الجميل .. منورين

    ابغى تعليق مثل اهات عاشقه ويش عجبكم وويش ما عجبكم << تسلمي يالغلا اهات

    دمتم بحفظ الرحمن

  8. #23
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4147

    الحــــــــــــــلـــــــــ 2 ــــــــــــــقة




    حيدر:
    ــ مين هاااديلا.؟؟؟.

    رائد وبوزه مشقوق من الفرحه :
    ــ أيـــــــــــــــــووه .. هااديلااا ما يشتهيهم امينوه. هذا حبيبي الكاسر ابو عابد مع ربعه... الحين بتقوم شبقه.. اكشن <<< السيد رائد متابع اخبار الفريق "الحي" زين ما زين ...
    امين بصوت عالي:
    ـ عبدووووه اطلع وريني وجهك وموقف بعيد بعد.. يا .. يا... << مشفرين من الرقابه

    عبدالله. " الكاسر". روبن هود.. الفريق.. عمره 22 سنه يتيم الأم.. رائد يستانس عليه و يحبه ويعتبره القدوه له .. بالمختصر .. عبدالله شخصيه قياديه قويه وفيها نحاسه بس على الدشران امثال امين وربعه.. ورائد كان بالمره في خاطره وده يقعد معاه بس مو عارف شلون وهو اكبر منه بـ 13 سنه ..


    عبدالله فتح النافذه وطالع امين بنظره على جنب وبنفخه وهو داير على ربعه وبصووت عالي يسمعه امين:
    ـ اففف ويش عنده هذا ينعق .. لا حوول ؟؟؟؟ورمى علبة رد بول فاضيه كفخت سيارة امين ..
    ــ هاااك رد بول يديك جوااانح..

    امين دق له عرق براسه ...
    ــ ووجع انعق بعد .. هذا انت الحمار .. .. ولاااا بعد تنفخ علي... انا ما احد ينفخ علي هاااا... وويش مسمي حالك الزعيم.. بعد... امحق ويا وجهك..

    عبدالله ابتسم ابتسامه جانبيه ورفع حاجب وحاجب واشر على جامة سيارته وهو يكلم اصحابه..

    ـ ههههه انا.. انا.... قلت حمار.!!!. يا ربي حاشاي.. انا قلت يننننعععق وثاني شي الحمار ينهق مو ينعق .. خبري غراب الشؤم اللي ينعق ... افا بس بدون جوااانج..... اقول شباب ما تشوفوا اسمي انا الكااسر يا حلوين مش الزعيم ..

    - غراب اللي ينبش بقبرك ..لا تسوي حضرتك تمويه اكيد خايف على حالك
    الشله اللي مع عبدالله بالسياره قلعوا الدنيا ضحك
    ابو عابد يحط كفوفه ورا راسه ويسترخي عالآخر:
    -شبااب سمعتوه .. كخ .. شقال قال تمويه .. وليش اخاااف منه يعني لا وR ليش ما بحط عبدالله بكبره يعني .. كخ بس كخ..
    وزادوا الشباب ضحك ورائد وحيدر يطمشوا... منخشين ... يطالعوا ويضحكوا
    شوي حمق امين ..
    -اذا فيك خير انزل قدامي
    عبدالله طلع ايده من السياره .. هش هش..
    ـ وخر وخر بس.. اذا ما فيني خير نزلت نفسي لمستواك.. ونزلت اتشابق ويا غربان..
    ـ خايف حضرتك
    ـ اناااا .... كخ .. شبااب يقول انا خايف .. لا حوول .. حبيبي انا خايف عليك مو منك .. ان نزلت لك بدوس فبطنك
    ـ انزل يا ولد الـ...... يا ابن ........ << طوووووط...تشفير.. سبايب في ام عبدالله
    عبدالله فوور دمه في راسه
    ــ تسب امي يابن اللذين طيب ارااويك انا الحين ..
    وينزل من السياره وينزلوا وراه ربعه ..لكن عبدالله نهاهم وامرهم يرجعوا السياره .. هو لحاله بيوري امينوه شغله..

    وقامت العركه... يوم العركات العالمي...
    وبالنهايه مسك عبدالله وجه امين وصفقه بجامه سيارته المشموخه.. وظل عاصرنه بالزجاجه وهو يصرخ عليه:
    ـ مو ابو عابد اللي تنهان امه طيب .. وهالمره عديتها لك بكم طراق المره الجايه بتشوف شي ما شفته ... فااااهم..وتركه .. وما مداه بيرجع لسيارته .. الا امينوه يطلع من سيارته سلاح ويصوبه جهة عبدالله ..

    رائد بلا شعور ما شاف نفسه الا يركض ويصدم عبدالله ويطيحوا عالأرض وطــــــــــــــــــاااااااااا ااخ .. تطير الرصاصه بالهوا ..
    وينزلوا بسرعه ربع عبدالله .. واحد راح لعبدالله ورائد والثلاثه البقية لأمينوه اللي من سوء حظه فضى سلاحه كانت اخر طلقه اللي ضاعت ويتولوه شدخ فيه لين كسروا عافيته.. ورجعوا السياره ركبوها مع عبدالله اللي ما صابه شي .. وشالوا رائد اللي اغمى عليه من قوة الطيحه ... وخذوه معاهم بيودوه المستشفى..
    حيدر سمر مكانه ..
    ويش اسوي يماااااااااه...
    قام وهو مفزوع شوي يسويها على روحه خخخ.. ويشوفه امينوه ويصارخ عليه :
    ــ هييييه انت من وين طالع تعال تعال...
    ويقوم له بس لحسن الحظ كان مترضرض.. ومو قاوي يشيل عمره ..
    حيدروه خلاص طلعت روحه من الرعب وحد ما عنده ..يرررركض وما تنشاف الا غبرته ويوصل بيت اخته اللي مهو بعيد ... ويدخل وهو يصاارخ :
    ــ زهرااااااااااااااااااا.. اهي اهي الحقي
    ام رائد كانت تغسل مواعين حاسه انهم تأخروا بالرجعه بس قالت اربعاء واكيد معسعسين بالبقاله قبل لا يرجعوا.. سمعت طلقه الرصاص ونشف دمها ياساتر .. وجاها صريخ حيدر يزود نار خوفها حطب ...
    استخفت و رمت كل شي من ايدها وراحت تركض
    ــ وييييييش صاااير ؟؟؟؟
    حيدر مهو عارف يتكلم يشاهق وكلامه مهو مفهوم
    ـ امينوه... رصاص ... اهي اهي .. هناك .. شبااا.. اق.. رائدام رائد من سمعت حيدر يهلوس وجايب طاري الرصاص.. طاحت على ركبها
    ـ رائد وينهو ؟؟ويش صار؟؟ ويش فيه؟؟ حيدروه تكلم عدل
    ـ امينوه تشابق ويا صبيان... اهي اهي .. وضرب رصاص وصاب رائد وخذوه الصبيان ..ااا..اهي ..اه.. << حيدر اهبل ما شاف عدل يفتكر صاب رائد رصاص
    ام رائد من سمعت هالخبر .. شهقت وافترت بها الدنيا ...

    ولبست عباتها وطلعت تركض .. رايحه بيت امينوه .. وشافت ابو امين واقف عالباب يهاوش فيه.. و حالته حاله من بعد المعركه
    ــ ابو امين .. قواك الله << قالتها وهي مختلعه وتصيح
    ابو امين خاف ..:
    ـ الله يقويش خير اختي ويش صاير ؟؟
    ـ اني مرت فاضل الــ.... ,,, جيرانكم اللي وراكم ... اخوي يقول ولدك ضرب رصاص على ولدي رائد .. وينهو ويش صاير؟؟
    ابو امين طالع في امين وهو مره منهار ومحمق يعرف ولده وبلاويه ويصكه كف ويكمل عليه طق...
    امينووه يصرخ:
    ـ انا ما صوبت ولدش كنت با صوب عبدووه و ولدش اللي جا وتدخل .. بس ما صابته طارت بالهوا ...
    ابو امين يحمق زياده وبلا وعي يزيد الضرب
    ـ طارت بالهوا هاا بالهواا وتعترف من وين لك هالسلاح يالــ ... بتجلطني انت بتقضي علي الله لا يبارك فيك
    ام رائد صرخت :
    - ولدي وينهو الحين وين راح ..؟؟؟
    امينوه يصرخ :
    ــ ويش دراني عنه اخذه عبدووه وياه
    ــ ومين هالعبدووه وين الاقيه ؟؟؟
    ابو امين يسأل امين :
    ـ يالزفت .. هذا عبدالله الـ.......... اللي ساكنين في شارع الــ............ بأخر الفريق .. . والا غيره ..؟؟امينوه :
    ـ ايه هو

    ابو امين يعطي ام ارائد جواله ويطلب منها تدق على ابو رائد وتعلمه بالسالفه عشان يجيها ويدليه بيت عبدالله ويروحوا يشوفوا العلوم..
    وتدق ام رائد على ابو رائد .. اللي من سمع السالفه ترك كل شي و جاهم طياري ...

    -------------------------------------------------------------

    يتبع >>>>


  9. #24
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4147

    تابع..



    رائد معرق ومخنوق ويحس بحراره.. ودوخه واصوات.. فتح عيونه شوي شوي.. لقى فوقه رسوم واحد يعرفه .. دقق النظر وتأكد انه بحضن عبد الله .. صار يطالع في عبدالله وهو مستانس حده وطاير من الفرحه.. وفباله :
    ــ انا ويش جابني هنا..؟؟

    كان عبدالله يطالع في الشارع.. خلى واحد من اخوياه يسوق بداله وقعد بالكرسي اللي جنبه وبحكم ان السياره ورا مليانه شباب حط رائد معاه قدام بحضنه..

    التفت عبدالله لرائد.. رائد غمض عيونه بسرعه...
    ابتسم رائد .. وضرب خشم عبدالله زي التيله على خفيف :
    ــ هااا .. تسوي حالك نايم .. يابطل..
    رائد ابتسم وفتح عيونه .. والفرحه مهي سايعتنه... عبدالله يكلمه ويقول له بطل
    << متأثر واايد بعبدالله .. ومو مصدق عمره..وظل ساكت ما رد عليه...
    عبدالله .:
    ــ يعورك شي..؟؟
    ــ لاااء..
    ــ متأكد ...
    وصار يتفحص في رائد.. لين وصل لذراعه اليمين.. هنا رائد قال :
    ــ ايي..
    عبدالله رفع قميص رائد .. ما شاف شي.. شويه جروح من الطيحه ..
    لمس الذراع ..
    رجع رائد : ايي
    رجع دلكها على خفيف .. ورائد ما عنده نغمه الا : ايي..
    قصيره.. وبصوت واطي..
    عبدالله ابتسم..:
    ــ تعور هذي شكلها انكسرت.. انا مكانك باقول : ايييييي..
    هااا.. يا بطل لا تسوي حالك ..

    رائد ما رد اكتفى ببتسامه..
    رجع عبدالله :
    ــ ويش اسمك انت ؟؟
    هنا.. نور وجه رائد .. ابو العبد يسأل عن اسمه بيتعرف عليه ..
    ــ رائد فاضل الــ..... ,,, سبق هالتعريف ابتسامه عريضه..
    ــ ههههه ياحلاتك والله .. طالب مدرسه مجتهد الإسم الثلاثي بالكامل عفيه عليك..
    رائد حس عبدالله يتمسخر فتغيرت ملامح وجهه
    عبدالله حس عليه انه زعل..
    ــ ويش فيك يا فاضل..؟؟
    رد رائد:
    ــ مو فاضل انا رائد ..
    عبدالله ضرب راسه :
    ــ اوووه .. السموحه يابطلنا.. والله ما قصرت علي صكيتني اسمك كامل .. انا كسلان ما احفظ بسرعه <<< يبغى يلطف الجو فغلط في اسمه
    ضحك رائد..
    عبدالله ضحك وياه :
    ــ ايه يا حلاتك..
    وسكت عبدالله شوي وسرح بحزن وهو يطالع وجه رائد وقال له:
    ــ تصدق .. ذكرتني بأخوي .. كنت ما اسميه الا البطل .. بس هو اصغر منك بشوي..
    الشباب اللي معاهم بالسياره كانوا يسولفوا وازعاج.. يوم جا طاري اخو عبدالله
    سكتوا.. هدوووء..
    رائد استغرب .. سأل:
    ــ ويش اسمه اخوك.. يدرس بمدرستنا ؟؟ << رائد كان يعرف اغلب الطلاب بمختلف المراحل ..
    عبدالله ابتسم بحزن :
    ــ اسمه مهند ...لااا ويش يدرس الله يخلف ..اخذه الخبيث وعمره 6 سنوات..
    رائد تضايق من نبرة عبدالله وهو يجاوبه ..وسكت .. بس مهو فاهم ويش يعني الخبيث .. ( يا دافع البلا اجرنا يامجير)وصلوا المستشفى .. ونزلوا .. قام عبدالله بيحمل رائد .. رائد ما رضى..
    ــ لا تحملني اعرف امشي ايدي المكسور مو رجولي
    ابتسم عبدالله :
    ــ تعجبني انا قايل... بططططل...
    رائد ابتسم ومره مستاااااانس..
    دخل عبدالله ويا رائد المستشفى... كشفوا على ايد رائد .. وسألوا .. عبدالله ويش يصير له .. قال ليهم ولد خالته... قالوا لازم له جبيره لأنها انكسرت..
    وبين ما هم يجبروها له.. طلع عبدالله جواله من مخباه .. كان محطوط صامت وبدون هزاز ويلاقي 50 اتصال من البيت .. عبدالله خاف .. ابوه رجال كبير وعايش لحاله في البيت .. دق البيت على طول .. رفع ابوه :
    ــ الووووه..
    ــ قواك الله يبه .. ويش فيك..؟؟ << قالها وهو مختلع ..
    ــ لا ياولدي ما فيني الا العافيه لا تخاف .. بس هذا فاضل من فريقنا ابو الصبي اللي وياك.. جاني البيت يدور على ولده .. الا ويش صاير وويش سالفة هالصبي؟؟

    عبدالله تنهد من قلب .. كان خايف على ابوه.. ابوه رجال كبير ومعاه القلب ..
    ــ ايه اذا رجعت لك يبه اعلمك ورائد وياي الحين بمستشفى الــ.. .. انت طمنهم ما فيه شي بس ايده انكسرت يجبروها له وبرجعه البيت لا يختلعوا ..
    ــ زين يا ولدي .. يعطيك العافيه.. انتبه لروحك.. الله الله بالسواقه العدله..
    عبدالله ابتسم.:
    ــ ان شالله يبه .. تامرني امر..
    ــ يللا فمان الله
    ــ مع السلامه..
    دق ابو عبدالله على طول على رقم تركه فاضل عنده .. وبعدها طلع هو مع زهراء يدوروا في الشوارع ..
    ويرن جوال فاضل ... ويقول لزهراء :
    ــ هاا .. هذا رقم بيت يمكن ابو عبدالله .. ويرد :
    الو مرحبا ..
    ــ يا هلا فيك .. يا ولدي .. ولدك بخير لا تخاف .. بمستشفى الــ.... << وعلمه بالسالفه..
    فاضل تنهد من قلب.:
    ــ الحمدلله بشرك الله بالخير... تسلم ويعطيك العافيه ....... حياك الله..
    زهراء من سكرفاضل تولته اسئله ..
    ويش صاير ؟؟.. وولدي ويش فيه؟؟ .. ووينهو .؟؟؟. وويش الخير اللي حصل ..؟؟
    فاضل صار يهدي فيها :
    ــ استهدي بالرحمن .. ويش فيش .. مافيه الا الخير والعافيه بس ايده انكسرت
    زهراء دقت صدرها :
    ــ ويلي .. ويلي عليك يا ولدي ... وصارت تصيح..
    فاضل قام يضحك .. وهو يهدي فيها ..
    ــ ويش فيش الحين لويش الصياح.. الحمدلله جت سليمه .. كسر بيده ولا ضربة رصاص .. توش مختلعه واحنا ندور وفبالش رصاص الله يحفظ عليه .. يوم دريتي انه كسر صرتي تصيحي..
    ــ ما ادري من الخلعه .. وين بأي مستشفى..
    ــ بالــ .... هذا احنا رايحين..

    وصلوا المستشفى... وسألوا الريسبشن .. وخبرهم بمكان عبدالله ورائد..
    راحوا بسرعه وهم بالممر لاقوا رائد توهم مخلصين جبيرته .. بيده اليمين .. وعبدالله ماسك ايده اليسار .. وماشي وياه بيطلعوا من المستشفى.. زهراء من شافت رائد.. ركضت له وخذته بحضنها ..

    ــ ويلي .. ولدي .. ايدك .. على عمري .. تعورك .. اسم الله عليك..

    فاضل سلم على عبدالله وتشكره .. عبدالله كان مبتسم ومتأثر بموقف زهراء مع ولدها .. ذكرته بأمه المرحومه ..

    زهراء رفعت راسها بتشكر عبدالله .. و أول ما شافته ..انقبض قلبها قبضه قويه ومخيفه .. رجعت بها الأيام على ورا 15 سنه .. تذكرت اخوها كرار .. اخر مره شافته فيها قبل الحادث..

    ايه .. هذا هو واقف قدامها طوله.. رسومه... ابتسامته... يــــا الله..
    اللهم جسم عبدالله رياضي .. معضل شوي واعرض ..

    طغت الدمعه بعيونها .. وقالت بعبره مخنوقه :
    ــ تسلم .. يعطيك العافيه يا خوي...
    عبدالله :
    ــ الله يسلمش ما سويت الا الواجب,,,

    وطلعوا من المستشفى..
    عبدالله طلب من فاضل وزهراء طلب .. تمنى يلبوه له .. اذا عادي ياخذ رائد مشوار وبيرجعه هو تالي للبيت.. وصار يطمنهم ويوعدهم انه ما بيصيبه شر...

    زهراء كانت متردده .. بس ما تدري كيف ارتاحت لعبدالله .. لكن هالشبه مو كفيل يخليها تخلي ولدها يروح وياه... عقب اللي صار..

    فاضل مو عارف ويش يرد .. هو عادي عنده .. بس على امه بعد ... شوي طلع صوت رائد اللي لاحظ تردد امه وابوه...:

    ــ يباااه.. اماااه.. باروح ويا عبدالله .. عاااااااد..

    اول مره بالتاريخ .. تسمع زهراء من ولدها كلمة عاااد..

    فاضل ابتسم...ورد عليه :
    ــ روح بس لا تطولوا ...

    فاضل حس بالثقه في عبدالله على اللي سواه مع ولده وعلى هالعنايه والمداره فعطى ولده الحريه والفرصه دامه ترجى .. اول مره يسويها وما حب يخيب رجاه ... و عبدالله لزيادة الطمأنينه والثقه عطى فاضل رقم جواله حق يدق عليه كل شوي ويطمنه .. ومشى هو ويا رائد..

    شوي يوم ركبوا فاضل وزهراء السياره الا زهراء داقه صدرها ..
    ــ ويلي ... ويلي ...
    فاضل اختلع :
    ــ ويش فيش على هالدق والويلات اليوم..؟؟؟؟
    ــ رؤى .. بتي .. ويلي ... طلعت عنها من الخلعه .. وما وياها في البيت الا حيدرووه .. هو بكبره يبغى له من يداريه ولا قفلت بيبان ولا شي
    فاضل حمق عليها واول مره يصرخ من جد على زهراء ويهزأها :
    ــ وانـــــــــتــــــــــيــــــ ـــــن مو صاااحيه .. تخليها بنيه لحالها في البيت ووجع .. انا توقعت وديتيها بيت رضا جارنا..
    وصار يسرع بالسياره ..
    زهراء ما اهتمت لصريخ فاضل حاسه بالغلط .. وتاخذ جواله من عنده وتدق على البيت . مره ومرتين وثلاث وعشر... وكلهم..
    طووووووووووووط... طووووووووووووووط .. طوووووووووووط ...طوووووووووووووط .. طووووووووووووووط .. طوط طوط طوط طوط
    ــ اااه ما احد يرد .. ويلي .. حسبي الله علي.. ويلي وحيدروه ما منه فايده

    وتقعد تصيِّح .. وتنيِّح..



    والى اللقاء بالحلقه القادمه...



  10. #25
    مشرفة سابقة تستحق التقدير الصورة الرمزية آخر شقآوهـ ..~
    تاريخ التسجيل
    Aug 2005
    الدولة
    بين جروحي وآلآمي
    المشاركات
    6,378
    شكراً
    1
    تم شكره مرة واحدة في مشاركة واحدة
    معدل تقييم المستوى
    354

    رد: ماعرفتوني .. كثر .. ما عرفني ..

    الله الحلقه اكشنات كفاريات
    وكله كوم يوم يجي رائد ويطب على عبد الله جخه تخيلت الموقف وضحكت
    يالله خيوه نستنى الحلقه الثالثه بفارغ الصبر
    يعطيكِ ربي العافيه
    تحياتي
    ●•Ļǎv Mệ łйę•●

    ..الضحكة البريئه..
    في نفرهـ وآحدهـ
    آخر شقآوهـ ..~

  11. #26
    عضو متميز الصورة الرمزية الحال2007مه
    تاريخ التسجيل
    Jun 2007
    الدولة
    مملكة الأحلام السعيده
    المشاركات
    267
    شكراً
    0
    تم شكره 0 مرة في 0 مشاركة
    معدل تقييم المستوى
    210

    056 رد: ماعرفتوني .. كثر .. ما عرفني ..

    روووووووووعه القصه اتصدقين واني اقراءها احس قاعده اطالع مسلسل
    تسلم ايديش وهاماوصيش اموووووووووووووووووووور موتتاخري علينا بالحلقه الجديده
    ترى باخاصمش ادا تاخرتي واجد
    حركتات هالرائد تقولي عمره 19 مو 9 سنين
    يالله باي لاتتاخري

  12. #27
    مشرفة منتدى الانيمي الصورة الرمزية .:روح وريحان:.
    تاريخ التسجيل
    Mar 2006
    الدولة
    ..|[تحت رأفة الرحمن ..~
    المشاركات
    8,205
    مقالات المدونة
    3
    شكراً
    205
    تم شكره 236 مرة في 173 مشاركة
    معدل تقييم المستوى
    999

    رد: ماعرفتوني .. كثر .. ما عرفني ..

    خيتووو لااميرررررررروه
    ياااي القصة رووعة
    لا لا
    مو رووعة
    اكثر من روووعة
    رهييييييييييييييبه عجبتني واايد
    خلاص من اليوووم كل شوي فاتحة المنتدى
    مو تتاخري
    وعلى فكرة دفتري حديد
    هههههههههههههههههه
    باجيبه له
    يسلموووو خيتو
    انتظر التكمله


    ربآه / أنتَ المُنى وكُلّ المُنى ..
    .."روح وريحآن ..~

  13. #28
    عضو محترف الصورة الرمزية آهات عاشقه
    تاريخ التسجيل
    May 2007
    الدولة
    في قلب من اعشق
    المشاركات
    581
    شكراً
    0
    تم شكره 0 مرة في 0 مشاركة
    معدل تقييم المستوى
    217

    رد: ماعرفتوني .. كثر .. ما عرفني ..

    والله صراحه تعجبني شخصية رائد

    ماشاء الله

    تعجبني تعليقاتش

    انزل يا ولد الـ...... يا ابن ........ << طوووووط...تشفير.. سبايب في ام عبدالله

    وعجبني تصويرش الى الوضع يعني موقف زهراء وولدها ولما خافت عليه

    يعني صحيح مشاعرالام الحقيقيه



    وننتظر البقيه

    الله يعطيش الف عافيه

  14. #29
    مشرفة منتدى الصحة والسلامه الصورة الرمزية أمل الظهور
    تاريخ التسجيل
    Aug 2006
    الدولة
    مملكة المشاعر
    المشاركات
    8,306
    شكراً
    20
    تم شكره 48 مرة في 33 مشاركة
    معدل تقييم المستوى
    2190

    رد: ماعرفتوني .. كثر .. ما عرفني ..

    اموور القصه جناااااااااااااااان رهييبه مررره


    هذا من الحلقات الاولى سجلي اندماجي الكامل معاها ...


    موتني ضحك موقف الزباله تذكرت مفتاح دموع وجوالك


    ويد رائد المنكسره تهي تهي ذكرتني بيوم تنكسر يد عبود <<قلبتي المواجع


    وماشاء الله على رائد من صغره بطل وشجاع عجبتني فدائيته الى عبد الله واعجابه بشخصيته


    وامممـ يعني لو بعلق ببقى الى الصباح وانا اعلق واوصف ...

    سلمت اياديك حبيبتي

    موفقه

    <<<<<جاري الإنتظار >>>>>>






  15. #30
    مشرفة منتدى الانيمي الصورة الرمزية .:روح وريحان:.
    تاريخ التسجيل
    Mar 2006
    الدولة
    ..|[تحت رأفة الرحمن ..~
    المشاركات
    8,205
    مقالات المدونة
    3
    شكراً
    205
    تم شكره 236 مرة في 173 مشاركة
    معدل تقييم المستوى
    999

    رد: ماعرفتوني .. كثر .. ما عرفني ..

    ؟؟؟؟؟؟؟؟؟؟؟؟؟
    وينج
    اشتقنا لتكمله!!


    ربآه / أنتَ المُنى وكُلّ المُنى ..
    .."روح وريحآن ..~

صفحة 2 من 76 الأولىالأولى 1 2 3 4 12 52 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 3 (0 من الأعضاء و 3 زائر)

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •