ماعرفتوني .. كثر .. ما عرفني ..

[Princess]

طلعت روان مشط لرؤى.. وتفننت بشعرها .. سوت ليها ربع شعرها ظفيره هنديه والباقي مفلول.. ...
رؤى :
ــ الله حلكه حليوه تسلمي غناتي ..
ــ الله يسلمش لو عندش بعد شي زينه ورده لو كريستال ..
ــ أي عندي ولود ..
ــ اوه حركات لويش جايبه ..؟؟
ــ تالي بتشوفي ..
ــ زين عندش بيضا صغيره ..
ــ أي دقيقه ..
طلعت ورده بيضا صغيرونه .. وحطتها روان ليها بنهاية الظفيرة وجابت الظفيره على كتفها على جنب .. وطلعت رؤى شي .. بنوته كيوت ونعومه ..
ايمان:
ــ رؤووه ما حطيتي ميك اب ولا حاجه..
ــ الا حطيت جلوس " لمعة شفايف " وكحلة ومسكله.. ما ابغى زياده.. حلكات تتفننوا فيني ..
ــ هههههه غربلش الله .. اجل لويش هالعلبه وويش هالعلبه الحليوه اللي مع علبة المكياج..والورود..
ــ علبة المكياج قلت ما ادلي يمكن تحتاجوا شي والا اغيل لايي مع اني ما اعتقد اغيله والعلبه الحليوه تالي تعلفي ويش فيها ..
ــ اوكي بس بالعكس تعالي احط لش مكياج لبناني كشخه بظرف ربع ساعه << ايمان فنانه تحط ميك اب وايدها خفيفه...
رؤى :
ــ لا واللي يلحم والديش ما ابغى هي حفلة تخلج مو معاليس ..
ايمان تاشر على وجهها :
ــ يووه يعني هذا مو حليو << كانت حاطه سمووك اسود ..
رؤى :
ــ حليو بس كنه لمعاليس ..
ــ اهوو .. قالوا عادي عادي .. ويش ورانا خلنا نتفنن... على راحتش ..

وبين ما هم يكشخوا .. سمعوا المشرفه على الحفل تنادي بالمايك يللا البنات يتجمعوا على شان يرتبوهم استعداد للحفله ..

وبسرعه لبسوا قبعات التخرج .. وطلعوا .. ايمان عيونها على خصرها لا يكون يبين الخياط.. ورؤى تمشي بثقل تخاف تبين عرجتها ..

ووصلوا الأمهات.. وقعدوا والصاله وااسعه قسموهم نصين نص كراسي للبنات الخريجات ونص للأمهات.. البنات الخريجات صاروا بغرفه مهم على الكراسي .. وزعوا عليهم شموع بيضان طوال على شان دخلتهم يشعلوهم ليهم ..

وبدأ الحفل بالقران الكريم... وبعدين كلمة المديرة .. .. وبدأت الفعاليات .. مسرحيه وغيره .. وكلمة للأم .. وجا وقت التخريج . اشعلوا شموع الخريجات... طفوا لمبات الصاله..

طق طق طق ططق ططق طق طق <<< صووت قلب رؤى وايمان وروان..

حطوا شريط نشيد للتخرج.. والبنات يمشوا بالظلمه والشموع منوره لين وصلوا لكراسي جلوسهم وصاروا وحده وحده يدخلو.. ورؤى حايم قلبها بالظلمه تبغى تشوف وين امها ومفهيه .. والبنت اللي وراها مفهيه اعظم منها يوم جلست البنت على الكرسي .. شوي ما حست رؤى الا بطق على ظهرها ..

طاخ طاخ طاخ ... الا هي ابله من الأبلات تصارخ محمقه في اللي ورا رؤى ..

ــ وخري الشمعه يابنت يوم تجلسين ميليتها على البنت .. حرقتي شعرها ..
رؤى شهقت ..
ــ وييييييي شعلي ..
وجابت الجزء المفلول لقدام تشوفه.. الحمدلله ما احترق مره بس الأطراف مقدار تقريبا 3 سم صاير ابيض .. مسكته رؤى تفتت بيدها .. وشهقت من الخلعه .. البنيه اللي وراها مفتشله وخجلانه.. وهي عارفه ويش تقول .. همست بحيا :
ــ اسفه ما كان قصدي ..
رؤى ابتسمت..
ــ حصل خير ..
كانت كل وحده تقعد تطفي شمعتها ..
طفوا الشموع..
ولعوا اللمبات..
والقوا كلمة للخريجات وكلمة للمتفوقات .. ويللا بدأ التخريج بالترتيب ..

ــ ايماان محمد الـ ....
ايمان نقزت ..
ــ ويلي بنات شكلي ما يفشل تنورتي ما يبين الخراب اللي فيها ..
روان :
ــ لااا حركي بسرعه ..
طلعت ايمان .. وهي تمشي بهداوه خايفه تنشدخ من هالكعب ومرتبكه .. وصلت للمديره سلمت عليها .. المديره عيونها طاحت بشكل عفوي وغير مقصود على الجهه المشوهه بس ما شافت شي ..
ايمان اختلعت ونطت عيونها على المكان .. ونست عمرها ايدها ماسكه ايد المديره والمديره صار ليها ساعه ماده شهادة التخرج .. لين هزت المديره ايدها وانتبهت ايمان .. وتلونت مليون لون زياده على الألوان اللي حاطتنها .. ونزلت من المسرح وهي تمشي وتتعثر بالخطوه ..
ووصلت لروان ورؤى اللي كانوا يكركروا ضحك وطاحت فيهم فلاليص : "تقريص" ..

ــ روان عبدالكريم الــ ... شكر للطالبه على تفوقها الترتيب الثالث على المدرسه
روان ::
ــ وي وي باي بنات باي ..
رؤى وايمان ميتين عليها ضحك وتصفيق .. قامت تسابق الخطوه هالبنت سريعه في كل شي ..
ابتسمت في وجهها المديره وقالت ليها :
ــ سمارك مشرق هاليوم << كانت روان سمرا وناعمه وزي رؤى ما حطت بوجهها شي ثقيل شي خفيف وبسيط وطبيعي ..
وكانت من المتفوقات فأستحقت كم كلمة غزل من المديره ..
تلونت روان ومره استحت .. اخذت شهادة التخرج وشهادة شكر وتقدير على التفوق ورجعت مكانها تنافخ ...
ــ رؤى فاضل الــ ... وبجداره المرتبه الأولى .. شكر وتقدير على جهودها الجباره
رؤى من سمعت اسمها والكلام طاح قلبها و ساحت على الكرسي ..
ــ وي وي لجولي ثقيله ماني قادله اشيلها ..
ايمان :
ــ يؤووه رؤووه لا تدلعي كلنا من الربكه والربشه رجولنا ثقلت قومي من الكلام سيحش .. تحركي لا تتفشلي ..
روان تمسح على كتف رؤى :
ــ اللهم صلي على محمد وال محمد .. عمت عين الحسوود عنش يا خويتي
هوففففففففففففففففف
وتنفخ في وجهها ..
ــ قومي .. يللا عادي كلنا خفنا ..

قامت رؤى تمشي شوي شوي رجولها المنرضه تعورها فصارت مشيتها مره شي على ركاده << يا ارض انهدي ما عليش قدي ..
والتصفيق قايم.. وصلت للمديره ..
المديره :
ــ ما شالله تبارك الرحمن.. ثقل وجمال وعقل واخلاق .. وتفوق .. الله يبارك فيك يا بنتي ..
رؤى :
ــ الله يسلمك استاذه ..
ومره اشارة مرور احمر وردي عنابي << اخر موديل للأشارات خخ
واستلمت شهادة التخرج والتفوق وقبل لا تنزل استجمعت قواها وهمس للمديره طلب .. بغت تسويه بالحفل .. المديره ابتسمت في وجه رؤى وحطت ايدها على كتفها وهزت راسها يعني .. موافقه .. سوي اللي فبالش ..


الجزء الجديد بعد حين ان شالله بس برييييييح ..

[Princess]

نزلت رؤى من المسرح وما راحت لخوياتها طلعت من الصاله راحت لمكان العبي .. ايمان ورقبتها بتنكسر وهي ورى رؤى :
ــ وين بتروح هذي ..
روان :
ــ ويلي منش يمكن الحمام..
ــ لااا .. ما شفتيها والمديره تكلمها .. بعدين نزلت من المسرح وطلعت .. اكيد في ان..
ــ خخ ياعلي ما اقدر عليش ايمانوه ما يطوفش شي..
ــ اهوو يا خبر هالدقيقه بفلوس عشر دقايق ببلاش..
ــ خخخ على كيفش بعد تضربي الأمثال..
ــ اجل ويش ..
شوي رجعت رؤى حامله كيس من اكياسها .. حطته عند روان وراحت للمشرفة تبع الحفل اللي كانت تعدد الأسامي .. وعطتها ورقه .. ورجعت لخوياتها ..
ايمان :
ــ رؤووه ويش صاير ..؟؟
رؤى :
ــ لا تستعجلي شوي وتشوفي ..

خلصوا تكريم الخريجات.. وقبل لا يختموا الحفل ... قامت المشرفة تقرى ورقة رؤى..
" بسم الله الرحمن الرحيم...
ليت الجرأه تمتلك لساني لأبث لكي ما بقلبي الصغير ومابحناياي يجول يا جنتي .. ولكن اعذريني فأنت الأدرى بسبب عدم امتلاكي لتلك الجرأه. وانت الأدرى بما يحتويه من حب خالد لكي وان لم انطقه لك كلاما مسموع فهو يصل لك من القلب للقلب..
امي.. ارجوحتي اذرعتك.. ودفئي ببرد شتائي واحاسيسي احضانك.. تتبعثر كلماتي كلما هممت بصياغتها فتقف حائره ترتعش من اين تبدأ واين ستنتهي فهي لن تنتهي..
امااه.. ليتني شاعره لتفوقت على كل قيس في وصف حبيبته.. فحبي العذري النقي الذي لا يضاهي أي حب ولا يشابه حكايا عشاق الزمان قد تعدى الحدود..
امااه .. اليكي ضمني ومنكي لا تحرميني فأنا وان كنت في حضنك اظل لنهل دفئه اشتاق .. اطال الله بعمرك ياحبيتي واقر الله عيناك بي .. ووفقني لرضاك دوما وابدا .. ابنتك : رؤى فاضل الــ .... "

قام التصفيق .. زهرا ذرفت الدموع .. رؤى قامت بالكيس ووقفت على المسرح تطالع وينها امها .. امها رفعت ذراعها تلوح والدمعه بعيونها طاغيه وقامت .. رؤى ابتسمت ابتسامه في غاية الروعه .. ونزلت من المسرح مثل الفراشه تناست الم رجلها المرضوضه وراحت لأمها وتلاقوا عند الممر بنالص بين جهة الضيوف والخريحات.. و مع صوت التصفيق .. طلعت من الكيس قلادة ورد لبستها امها وحضنتها .. وعطتها الكيس فيه هديه ليها .. وظلت حاضنه امها والأمهات تأثروا وبكوا .. زهرا صارت دموع الفرح تتناثر على خدها وتتذكر جمل رنت في اذونها من كلام رؤى :

" ليت الجرأه تمتلك لساني لأبث لكي ما بقلبي الصغير ومابحناياي يجول يا جنتي .. ولكن اعذريني فأنت الأدرى بسبب عدم امتلاكي لتلك الجرأه."
هالجمله طرقت ابواب الفضول في بال زهرا .. ليش ما تمتلك الجرأه ؟؟؟
ويوم سمعت اسم بنتها بنهاية هالكلام الرائع .. عرفت السبب .. عرفت ان
رائها .. راح تخون مجرى الكلمات .. زادت ضمها لبنتها وفبالها :
ــ احلى من أي راء بالدنيا رائش.. كلامش دخل قلبي وتربع ...

روان :
ــ تهي تهي .. مؤثر المنظر ..
والتفت لإيمان ... لقت الكحل سايل على خدوها وشكلها تصيح من قلب عدل وتشاهق بصمت وكتمان شديد بس ملحوظ ..
طلعت ليها نشاف ومسحت خدودها ..
ــ وي ايمان غناتي .. اسم الله عليش.. خلاص ..
ايمان ما تحملت وحطت راسها على كتف روان.. روان صارت تمسح على شعر ايمان .. وتهديها ...
وفبالها .. الله يهديش يا ام ايمان.. يعني كفايه البعد اللي باعدتنه عن ايمان واختها .. بعد ما تحضري حتى حفلة تخرجها .. اففف .. انا لله..

ايمان..
امها مطلقه من 9 سنوات.. وتركتهم وتزوجت .. وابوها تزوج .. وكل واحد خلف والتهى بعايلته الجديده.. ايمان عندها اخت اكبر منها تزوجت .. وسافرت مع زوجها يشتغل بالخارج.. وظلت ايمان لحالها مع مرت ابوها .. صحيح مرت ابوها ما كانت قاسيه .. بس كانت غاسله ايدها منها .. ماليها شغل فيها.. ان غلطت .. ما تنصحها.. ولا تراقب سلوكياتها كمراهقه.. ابوها غني مره و بحكم انها وحيده وامها مهي معاها فمدلعنها دلع مو طبيعي كل طلباتها مجابه .. واي شي وان خالفه في البدايه بيرضى فيه بالنهايه .. كانت ايمان محسوده من بنات جيلها على الدلال المفرط .. والزايد.. بس عمرهم ما عرفوا ايمان .. لما تختلي مع نفسها ويش يصير فيها...
ايمان اللي كل ليله الدمعه رفيقتها.. اللي كوت مشاعرها غربة مهي طبيعيه.. تتمنى حضن بس دافي يضمها يحويها.. شبعت من دلال مادي... تبغى دلال حسي معنوي شي تلتمسه ويسكن من حرارة مشاعرها الملتهبه..

بكت ايمان لين شبعت على كتف روان.. وقامت معاها الحمام.. تغسل وجهها <<< بعد الصياح صار فحم من السموك اللي سال.. خخ

خلصوا الحفل ختموه.. و كل طلع بيروح بيتهم..

ركبوا السياره.. زهرا ورؤى وحنين.. يرجعوا البيت.. رائد :
ــ هاا حركات اجل .. ويش صار ويش ما صار ..
حكت زهرا لرائد اللي صار ..
ــ اهاااا والله اكشنات.. رؤووه هذا الكيس اللي ما نسيتيه هو اللي فيه الهديه هاا..
رؤى :
ــ خخ ايه..
زهرا قامت تضحك.. رائد يوم يوصلها للصاله اشتكى على رؤى ونحاستها يوم تمشوره وترجعه الإستديو..
رائد :
ــ كح كح انا بعد اسبوع حفل تخرجي ..
رؤى :
ــ الله كان زين لو يخلوا البنات يجوا..
ــ خخ ويش بتسوي لو خلوكم..
ــ هههههه بلقص..
ــ وجع هههههه.. اقص رجولش ..
ــ صدق امزح..
ــ هههههه عاد اللي يسمعش يصدق .. احنا قلنا لو ..
ــ كان زين.. اشوفك كاشخ حلكات بالشماغ .. يووه والله تطلع قمل ..وتطيح دلزن بنات ولاك..
ــ هههههههههههههه بااموووت عااد رااائش هنا تجنن عنيييفه .. ههههههههه انا قمل .. خخخخخخ .. ولا دلزن..
ــ مع وجهك سو لوحك ما فهمت,,
ــ ههههههه امزح وياااش افااا فهمت مو لهالدرجه رائش رايحه فيها .. كلما جا ليها تنقلب غين.. الساتر الله..
ــ هههههههه لا تسخل علي هااا .. لا الله يبليك بمله لو بنيه غلطه..
ــ والله عسسسل لا بلوه ولا شي ..
ويرفع ايده من على الدركسون ..
ــ يـــاالله ..
وتصرخ زهرا وحنين ورؤى مره وحده ..
ـــ ااااااااااه
رائد بسرعه حطت ايده على الدركسون مختلع من صرختهم..

زهراا معصبه :
ــ لا تشيل ايدك مره ثانيه هااااااااااا ..
ــ ويي ان شالله .. بس لويش جبانين تخافوا انا قلت .. يــــــالله
ورجع رفع ايده ..
ورجعوا :
ــ ااااااااااااااه
رؤى :
ــ لاااائدوه يادب ..
وطراااخ تشوت الكرسي برجولها اليمين المرضوضه .. << كان رائد قدامها قاعد..
ــ وجع عورتي الكرسي ..
ــ ااااي لجولي اللي انكسلت ..
ــ احسن تستاهلي ..

زهرا ..:
ــ وتاليتها وياكم كبرتوا وبعدكم يهال .. ويلي منكم بس ..

حنين ما شغلتها الا تضحك...
رؤى :
ــ ويلش منا .. بس ويش حلاتي مو اماه .. اهبل مو ..
زهرا:
ــ ههههههه ويش باقول قمر يا بعد عمري وقليل عليش

رائد يمسك كلر قميصه بيدينه ويرفعه على فوق ويميل رقبته وعن مسخره :
ــ بس بذمتش امااه مو ولدش احلى ولد بالعالم ..
رجعوا صرخوا :
ــ اااااااااه امسكككه ..
رائد :
ــ ههههههههههههه ويلي بتموتوني ضحك..
رؤى :
ــ من الغيله بيودينا بداهيه ..
ــ احم .. اقول رؤى ..
ــ هلا..
ــ انشبي ..<< " انطمي .. سكتي "
رؤى :
ــ زيـــــــــــن .. انشبيت ..

وصلوا حنين البيت .. ودخلوا بيتهم.. رؤى من دخلت البيت صرخت بفرحه ..
ــ الـــــــــــــــــلــــــــــــــــــــــــــــــ ـه

والى اللقاء غدا .. الصراحه تكسرت

[الشمعة]

رؤى :
ــ اهوو يللا ... تفاسحوا باعدل شعري ...

عندش خطأ يا اميررررروه ترى باجيلش بيتكم وباعلمش خخخخخ <<< هي يبغا اليها من يعلمها
اي صلحي الخطا قبل لا يشوفها مير العاشقيين

والجزء جدا راااااائع ويلا كملي قبل لا اجلش واشدخ بش دست <<< اي ناويه على عمرش

[.:روح وريحان:.]

مشكووورة خيتو
امووورة
على التكمله
بسـ في غلط مطبعي
حصل خير
مو حصل خيل
هههههه
تحياتي
ريحانوو

[الأمل البعيد]

مشكووووووووووووورة اموشة
بس وين التكملة غايبة سبوع وتالي ماتحط الا شويه
وبعد فو الحماس توقف
افففففففففففففففففففففففففففففف
نزلي الجزء بسرررررررررررررررررررررررررررررررعة
تحياااااااااااااااااااااااااااااااااااتي

[فرح]

هههههه عاد اللي يسمعش يصدق .. احنا قلنا لو ..
ــ كان زين.. اشوفك كاشخ حلكات بالشماغ .. يووه والله تطلع قمل ..وتطيح دلزن بنات ولاك..
ــ هههههههههههههه بااموووت عااد رااائش هنا تجنن عنيييفه .. ههههههههه انا قمل .. خخخخخخ .. ولا دلزن..
ــ مع وجهك سو لوحك ما فهمت,,
ــ ههههههه امزح وياااش افااا فهمت مو لهالدرجه رائش رايحه فيها .. كلما جا ليها تنقلب غين.. الساتر الله..
ــ هههههههه لا تسخل علي هااا .. لا الله يبليك بمله لو بنيه غلطه..
ــ والله عسسسل لا بلوه ولا شي ..
هههههههههههههههههههه
انا هنا بموووووت من الضحك بس خايفه الافي البيت يصحوو من النوووم
واطيح انا في داااهيه ههههه
بجد روووعه وحفلة الخرج شي رااائع وكلمة رؤى جدا حركه رووعه
تسلم يدينك حبيبتي امـــــــــــيره
وجااااري الانتظاااااار بس لاموتخلينا ع نـــــــــاااار

[ســحرالقوافي]

الجزء اكشنات وحركااات

تسلم الايااادي

صرت اتصيد الاخطاااء عليش

خخخخخخ

ــ لااا .. بس بالفير ..
بالفيل
ههههههههه
لا بزرافه

و

حصل خير
خيل

هههههههه
لا حمار

خخخخخخخخخخ

اليوم الاغلاط كلها خوف من الحيوانات






تسلم يدك



دمتـــ بود

[بيسان]

الله اميرروه هالمره رضينا عليش
جزء رهيب والله
طول الوقت والابتسامه على وجهي
ذكرتينا باللذي مضا
ها لايكون هذا موقفش اعترفي اميروه
يووم تخرجش سويتي كذا ها
ننتظر التكمله من القصه المكسيكيه :)
على احر من القدوو
الله يعطيك العاافيه يالغلا
ويسلموو
وبالتوفيق

[اسير الهوى]

اسجل حضوري في مسرحك الرائع

موفقة يا اميرة

[أمير العاشقين]

ــ لااا .. بس بالفير ..

ــ حصل خير ..

أميلوووه بقتلس انا
شغلتي بس الاقض ولاش عشان حلف اللاء

انتبهي ملة ثانية مانا قايل لش هاذي غلط ولا شي

وما بوقع على ولقتش

تفهمي أميلووه

يالله استنى الجزء الي بعده

تحياتي
أميل العاشقين
جاسم أحمد

[بنت الاجاويد]

ياااااااااااااااي ياسلام عليك غناتي اميرتنا
سلمت اناملك الرائعه لكتابتك المتميزه الله يعطيك العافيه
بس ونااااسه تخرجهم ذكرتيني با ايام تخرجنا بالثانويه
والى الان انا محتفظه بالهدايا اللي وزعوها علينا

بس مدري وش هالخلل اللي حصل عندك برؤى وحرفها الرائع
مع اني في احدى الاجزاء وجدت رائك لكن ماحبيت اقولك>>>>> قلت امررها ونعديها لك
هذه الان صارت مو بس قصه هذه تعليق الان الله يعينك علينا وعلى راء رؤى وخطئك فيه
بس عشان تعرفي انه جميعا معك ومدققين في قصتك ولذلك اندمجنا معها
والكل دقق في هالراء بالخلل الكتابي خخخخخخخخخخخخخخ
بس كسرت خاطري ايمان مسكينه ماتستاهل كل هذا تهي تهي تهي تهي تهي
بالنسبه لرائدوووه وناسه مع الدركسون عاد انا استانس عالمغامره كذا

غناتي لا تتاخري علينا با احداثك الشيقه
ليكون تتاخري وتنزلي لنا جزء قليييييييييييل ياويلك

[الأمل البعيد]

ها صار الصبح ولا حطيتي القصة صار لج سنة
مو تتأخري
عقاااااااااااب
جااري الانتظار >>>>>>>>>

[آخر شقآوهـ ..~]

ويلي ويلي ويشو هدا
خليتيني اصير غلطه في الراء >>>عفر مو ولادي اللي بصيرو غلطان اني
وويليييي كيف اضحك الحين اني عليهم هم بيضحكو عليي
خلاص اربي اختي واعلمها الكلام ولكن بخليها تغلط بحرف الراء عشان تتصير زيي وزي رؤى
ناقصه حلقه ترى يعني الحين عليش تحطي حلقتين احم كح بلح عليش هناك ترى
تسلمي حبوبتي ع الحلقه
يعطيش ربي العافيه
تحياتي
ضحكوه البطه

[الأمل البعيد]

ويييييييييييييييين القصة ؟؟؟؟؟؟؟؟؟؟
جاري الانتظار >>>

[أمير العاشقين]

am waiting for the stories
don't be late ok my sister
good bye
jasseim