ماعرفتوني .. كثر .. ما عرفني ..

[Princess]

ياهلا فيكم منورين وتفاعل حلو تشكرون عليه
ومفاجأه قدمت الموعد
هدية للحلوين اللي خلصوااختبارات...

خيي ابو باسم...

لااا .. ما اقصد انك منت مهتم بالعكس قلت لك فرحني تعقيبك في موضوع شمعه تبع قصص الجوال
اشكرك على التشجيع ...
انتظروا اليوم
بداية القصه
دمتم بحفظ الرحمن

[Princess]

التعريف بأبطال القصه ومواقف بسيطه…

في قرية من قرى القطيف ...عاش... فاضل ... انسان بسيط وعلى قد حاله .. مع زهراء.. وحده طيوبة وحبوبه وبنت اجاويد... الله ما رزقه بالذريه الا بعد انتظار سنين......فاضل.. كان يحب زهراء وااايد..فما فكر يعرس عليها ومفوض امره لله ... علاجات وادويه ودعاء وصبر وحسن ظن بالله وقدرته... ولا شي على الله بعسير ..وفي عام 1987 حملت زهراء.... بعد 10 سنوات انتظار.... وجابت توأم .. ولد... رائد.... وبنوته رؤى...

ومرت الأيام تسابق بعضها البعض.. والكتاكيت تكبر وتكبر وزهراء تواجه صعوبات بالمره في تربيتهم ..خصوصا انهم توأم وولد وبنت .. كانت تداري عليهم من الهوا الطاير .. يحق ليها جايينها بعد انتظار... وكانت تخاف عليهم من اقل شي ..


ــ ااااا.... اهي اهي ... اهييي... اااه ..كح كح ...ااه .. اهيييييي
صوت مخنوق تسمعه زهراء .. يا ويلي ويش صاير .. وتركض طياري لغرفه رؤى .. تفتح الباب وتشوف المصيبه !!!
رؤى قاعده على الأرض والكشه "شعرها" شكلها ممصوعه والدموع اربع اربع .. ومنظر رهيب خلفيه لهالبنوته المسكينه ..
مجموعه العابها عرايسها على دببها معلقين من رقابهم بخيووط بالسرير
.>>>. نياااهاااهااا مشنقين تشنيق ... وكم عروسه ضحايا ارهاب عنيف مطشره اعضائها تطشير ..!! رجول بجهه وايد بجهه . والراس ياا اويلي ويلاه من جهه ... ودبدوبها المفضل ويلي عليها تكسر الخاطر.. ملعونه حالته والقطن منه طااالع........ بالمره صاير اكشن بالغرفه..


ــ عمري رؤى ويش فيش ؟؟ ويش صاير ؟؟.
. << سألت زهراء هالسؤال وهي عارفه الا باصمه بالمليون ويش الجوااب ..؟؟ وفي قلبها كاتمه ضحكه على هالمنظر...
رؤى وهي تشاهق المسكينه..:
ــ اا.. من ..من .. لااا.. لااائدووه...
ــ النحيس اوريه الحين وليش سوى فيش كذا..
ــ ماا..اا.. ادلي عنه.. يقول يبغى يلعب لعبه الحلب
" الحلب= الحرب ..غلطه بحرف الراء رائها ثقيله تنطقها لام على واو بس رنتها بالأذن خفيفه وحلوه .. . و تجنن .ياحليلها هذا واسمها رؤى .. كمثال على رائها .. راء تعجبني وجنااااان صاحبها اكثر من مجرد رائع حفظه الله ورعاه السيد حسن نصر الله .. من جد رجل والرجال قليل .. "
وتكمل ودمعها يتزايد:.. اني ما لضيت قام ضلبني .. ومصع شعلي.. وقتل العابي كلهم .. اهيي اهيييي...
صارت زهراء تهدي في رؤى وتمسح دموعها حطتها بحضنها..
: ــ ماما رؤى لويش ما تلعبي وياه الحرب .. يلعب مع مين اذا ما لعبت خيته وياه
ــ لويش هو ما يلعب بيت .. اقول له خلني اني الأم وانت الأبو ودباديبي اولادنا ..... يقول لي خباله ما العب كدا.. اني بعد ما ابغى العب حلب .. مو على كيفه . اني ما التاح باللعب الا مع حنين ...
(حنين ..بنت جيرانهم اصدقاء الروح بالروح و العايلتين مثل عيله وحده .. وهي اصغر من رؤى بسنه واخر العنقود .. جارهم "رضا" هذا رجل اعمال مشهور بالقطيف. زوجته مريم... عندهم سمر..و شذى.و. كوثر... و حنين.
وزهراء تحبهم وتعتبرهم مثل بناتها)
زهراء فيها ضحكه على براءه بنيتها ودمعاتها المنسكبه وحالتها التكسر الخاطر وفيها ضحكه زوود على رائد الشيطان وفعايله اللي ما تخلص ... وكل فعله العن من اللي قبلها..
صارت تسكت في رؤى وتوعدها بتجيب ليها العاب جديده غير اللي خربهم رائد ورضت رؤى بسررعه << ويش وراها حملة تجديد حركتات ...
زهراء مهي مستغربه فعايل رائد برؤى .. رائد طفل بالمره كان نحيس وحركي ومشاغب .. بس امه وابوه.. يعورهم قلبهم ما يقدروا يضربوه ولا حتى يصرخوا عليه .. وبنفس الوقت مهي هاينه عليهم رؤى والبلاوي اللي تصيبها.. كانوا دوم ياخذوه باللين والطيب .. وفعلا كان يعتذر لرؤى ويبوسها بس يرجع عشر دقايق حده .. ويكفخها بنعاله.. !!..

نادت زهراء على رائد...
اللي جاها ركض وحالته متدحن بالغبره تدحين .....
ــ ويش هالحال يا ولدي ..
ــ من بتش مهي راضيه تلعب وياي قلت حلني العب بالحووش
ــ وويش هاللعبه اللي عافسه احوالك
ــ نن سيااايير
ــ ههههههه سيايير وغبره هاللون لويش ؟؟
ــ مسوى افحط وانقلبت..
زهراء بالمره مهي قادره على رائد وهدرته .. صغيرون لسا بس 5 سنوات ومطلع ليها قرون !!
ــ طيب يا عمري ما يفحطوا مره ثانيه مو زين
ــ لالا .. اصلا اللي ما يفحط ما يعرف يسوق
ــ يووه .. مين اللي قايل لك كدا .. ها ياعمري عيب ما يسووا كدا
ــ ان شالله اماه
ــ يا بعد قلبي ولدي الحليو اللي يطاوع... تعال باقول لك.. لويش ضربت رؤى ..؟؟ هادي اختك حبيبتك مالك غيرها بدال لا تلعب وياها تكفخها .. ازعل عليك اني ويا البابا بعدين ...
ــ حلاااص حلاااص .. ما بكفحها .. باروح اقول ليها اسف
ــ عفيه على ولدي الشاطر يللا روح تأسف منها وقدامي الحمام غسل هالغبره
ــ ننننن ححححححححححححححححححححح .......... وراح طياري لرؤى
ام رائد: ــ هههههههه ولا يفيد فيك . اروح اخش عنك النعول ما يندرى بمزاجك ... الله يهديك بس ويغير حالك...

وبعد سنتين دخلوا المدرسه...>> و تعدلت خاء رائد الحمدلله على السلامه J. و صاير بالمره فصيح بالكلام وعليه سوالف عجب اكبر من عمره ... اما راء رؤى على حالتها L لا حوول ..

رؤى منسدحه على بطنها تحل الواجب... ويجي السيد رائد يعبر عليها وهو يناطط ..
ــ لا تتحركي لا ادووس فبطنش خلني اسوي رياضه...
ــ هييييه لا تطيح علي .. وتعال حل واجباتك بدل هالمناطط..
ــ اسكتي هدا انا اداكر.. رياضه..
ــ ان طحت علي با قول لأبوي..
ويصير رائد يناطط يناطط ومشتتت فكر هالمخلوقه الفقيره خايفه لا يطيح عليها
وشوي
ــ ااااااااااااااااااااااااااااااااه...
وتقوم له وهي ماسكه شنطتها تلوح بها لاااا ناويه له على نية قشرى
ويحط رجوله هوو... ركض وهي وراه ... ويوقف ليها فجأه ويخزها نظره .. ويصرخ ..
ــ ارررررررجعي وانشدخي حلي واجبش لا انتفش الحين ريشه ريشه
ــ يماااه .. اهي اهي ...<<<<<< انهزمت بسهوله واستسلمت من نظره يااا مسكينه .. ساعدها الله..
رجعت تجر اذيال الهزيمه وانشدخت وهي تطالع في رائدوه على جنب والدمعه في عيونها..
وشوي ينشدخ على بطنه جنبها ويطلع من مخباه حلاوه..
ـــ هادي هديه بدل دوسة البطن ...
ــ الله الحلاوه اللي احبها .. شكلا <<< شكلا=شكرا
ــ عفوا.. يلا اندفني داكلي << داكلي = داكري " يتمسخر على خيته"
ــ لويش تقول لي كدا
ــ بس كدا على كيفي
ــ لا مو على كيفك كله تطققني وتكفخني وتسخل علي وتقول لي كلام مو حليو
ــ بتسكتي لاااا........
ــ خلاااص.... خلاااص.. << يا مغلوبه على امرش وعايشه على النيات.. L


كان رائد شي عجيب .. خفيف دم بشقاوه .. فيه طيبه وحنيه بس يطلعها بطريقه ممزوجه بنحاسه تطغى عليها..
كان جدا طفل اكشن .. واهله ما يقدروا يعاقبوه لأنهم يضحكوا اصلا على فعايله ما يتحملوها ... كان يطاوع عشر دقايق ويلتعن ساعات ,,
اما رؤى دلوعه البابا والماما ...
كان عندهم خال اكبر منه بسنتين . اسمه حيدر.. ودوم صفقه ويا رائد >>>على قولة القايل الولد مأخوذ من حضن خااله..!!!
------------------------------------------
-------------

يتبع..

[Princess]

(بسولف ليكم شوي عن اهل زهراء ..)

ابو كرار..ابو زهراء..
حيدر.. اخو زهراء من ابوها ... زهراء ما تقدر على شريفه"مرت ابوها" هذي مدلعه حيدر تدليع مو طبيعي وتحسها تخرب اخوها بهالخوف الزايد عليه .. لا تطلع لا تروح لا تجي .. لا تسوي .. ولا ولا ..
فزهراء خايفه عليه يصير طرطور وخايب ولا يعرف كوعه من بوعه.. بس ويش تسوي امه وحره فيه .. هذا غير حالة الهوس العنيفه الغير طبيعيه بأم حيدر .... " تعاني من وسواس قهري "
حيدر ما دخلوه المدرسه بدري دخلوه بنفس سنه رائد لأنه كان حجمه صغيروون وهفه هوا تطيره ..
>>> وامه خايفه ينداس فبطنه في المدرسه قالت خله لين يشد روحه شوي ...
و كان اخوها الوحيد من ابوها .. اما خليصها كرار.. اكبر منها بسنه توفى بحادث من بعد سنيتن من زواج زهراء وفاضل وكان عمره 24 .... فما عندها الا خوات خليصات من امها وابوها ....وكانوا ثنتين..
1ـ.. تهاني .. اكبر من زهراء بسنه .. متزوجه وعندها بنت..مخطوبه.. زينب ... ... و.. حسن.. قد رائد بس علاقته به عاديه..
2ـ هدى.. اصغر من زهراء بـ 10 سنوات..ساكنه بجده .. بحكم شغل زوجها" متزوجه اخو فاضل" يعني ماخذه حمي زهراء.. .. وما عندها الا بنوته وحده مرام.. سنتين..

----------------------------------------------------------------------------------------------------

نجي لأهل فاضل...( ابو رائد)
ابو فاضل .. متوفي من سنين هو ويا ام فاضل .. رحمة الله عليهم..
و ما عنده الا 3 اخوان..

1ـ هادي.. اصغر من فاضل بسنتين. . متزوج بنت عمه .. وعنده ولدين .. علي..بثالث ثانوي.. و حمزه <<<قد رائد و حسن ولد تهاني اخت زهراء اللي ما يطيق اراضيه ولا رقعة وجهه و كله شباق..
2ـ منتظر.. اصغر من فاضل بـ 7 سنوات.. متزوج اخت زهراء هدى.. ويشتغل بجده.. ومثل ما ذكرت بنوته وحده .. مرام..
3_ سراج.. اصغر من فاضل بـ 10 سنوات متخرج ومسافر بعثه يدرس بأستراليا

----------------------------------------------------------------------------------------------------

فارس ..................يشارك البطوله مع رائد لقصتي..
فارس.. اكبر من رائد بــ 3 سنوات.. امه ماتت اول ما جابته ووهو صغير ابو 3 سنوات بس .. ابوه تزوج وهاملنه .. عايش مع جدته ام حسين.. " ام امه" ربته من صغره ..
----------------------------------------------------------------------------------------------------
طبعا مع ظهور بعض الشخصيات ... اثناء القصه...
يللا هذي مقدمه مهي حلقه… اقروها .. مره ومرتين . ذاكروها عدل... خخخ عشان تركزوا وياي ... وبكره احط الحلقه الأولى …
والى اللقاء..
دمتم بحفظ الرحمن...