ونادت على حوريه :
ــ حوريه .. حوريه.. ييبي جوالش ...
حوريه جت وهي تشبر وتكفخ :
ــ وي وي ويش جوالي هههه مافي رصيد عفر تبغو تفشلوني
ام سلمان صفقت صدرها:
ــ صاقعه تصقعش ياام الهدره.. مو توه سلمان شاحن لش رصيد..
حوريه تحجج:
ــ المكالمات السعوديه اغلى..
ــ اغلى كف على ويهش .. حسبي الله عليش من بنيه...
فارس بعفويه سمع هدرتهم كان الباب مفتوح..
ضحك ونادى على ام سلمان.
ــ خاله.. اذا مافيها احراج يعني .. جيبوه بتصرف ...
حوريه:
ــ لا مافي احراج .. صحيح سوي كول مي ..
ام سلمان.:
ــ سكتي .. هين اذا يى اخوش..
ــ شييييييه ويش سوويت..
ــ يقص لسانش الطويل .. مي و كول هاا .. روحي ييبيه وخلي عنش هالهدره الزايده..

راحت حوريه الغرفه تجيبه وهي تتحمق :
ــ كل يصرخو علي .. كل يحمقو علي .. وكل كلمه والثانيه سلمانوه وسلمانوه..
ورفعت ايدها للسما..
ــ الهي تعرسك يا سلمانوه وتفكني منننك...
ما شافت الا طبقة نعال ام سلمان طايره ليها وتكفخها..
ــ ههههههه ااااه يزاتي بعد ادعي لولدش ..
ــ ههههههه غربلش الله من ملسونه روحي بسرعه الريال ينتظر..
جابت الجوال .. ورسل فارس لحيدر كول مي ..

حيدر في بيت اخته.. ورائد وياه.. زهرا متأسفه على فارس اللي ما جى وتعبان..
حيدر صار يكلم اخته.. وضعه هو ويا رائد مو اوكي مره ويحق له فارس يقعد لحاله شوي ...
رؤى تشيل ثلجه وتحط ثلجه . على مكان التحليل. وفي قلبها غصه..
ــ افف يا حمزه.. هذا اولها وياك تولمت ايدي .. حشا .. خخخ الله يستل من تاليها ..
صار فارس يجي على بالها بس تحاول تتحاشى طيفه وذكراه,,,
حيدر وصلت له الرساله.... دق وشاف الإسم ما طلع عنده.. واستغرب ...
ــ مين هذا اللي يبغاني وانا ما اعرفه .. غلط يمكن..
فارس يرد :
ــ الوو..
حيدر :
ــ هلا نعم..
ــ ينعم عليك.. اخبارك..
ــ مين بغيت..
ــ ههههههه وجهك ما عرفتني
ــ اه.. ههههههههه فااارس هلااا..؟

رائد من سمع طاري فارس .. ابتسم ابتسامه ويش كبرها.. متوقع في باله ان فارس هدأ وغير رايه ودق على حيدر يجي له حق يتغدى وياه
ما سمع الا حيدر :
ــ خلاص .. مشوار الطريق واجيبها.. حياك الله..
رائد مستغرب .. يجيب ويه.. اجيبها مو اجيبك.. ويش يعني.. ويسأل حيدر:
ــ وين بترووح؟؟
حيدر :
ــ بروح لفارس .. بودي له شنطته واغراضه مفتاح البيت في الشنطه وهو قاعد على الباب..
زهرا :
ــ وي على قلبي مسكين..
رؤى شوي وبتجيها صيحه.. بس ماسكه عمرها..
رائد احساس بالذنب يتزايد في قلبه...
حيدر وهو طالع :
ــ تغدو بالعافيه خيه .. بتغدى ويا فارس .. مع السلامه
زهرا :
ــ الله يعافيك ويسلمك.. تعال خذ غدى وياك ليكم..
ــ لا خلاص بشتري من المطعم.. اللي يحبه فارس .. خله يشد عمره ضعفان من قلة الأكل..
رائد :
ــ انا اتصلت في سلمان قلت له يرسلو له غدى
حيدر:
ــ يللا ما عليه زيادة الخيرخيرين.. نشوف على حسب ..
زهرا :ــ على راحتكم.. سلم عليه..
حيدر: ــ الله يسلمش خيه.. يللا في امان الله..

رائد في قلبه نيران قامت تشتعل.. ويتذكر كلام فارس :
ــ ما عرفتوني كثر ما عرفني .. حيدر...
ابتسم بهداوه وفي باله,,
ــ صحيح ما عرفتك كثره.. الله يخليه يارب لك.. ويغير حالنا ..

خذ حيدر الشنطه ومر على المطعم ,, وراح لفارس .. وصل له لقاه قاعد على الباب..حيدر:
ــ هلااا الله يهديك من متى راجع رائد البيت ما قلت له يذكرني لويش .. راح عن بالي زيي نساااي مافيه..
ــ ههههه هلا فيك .. لا عادي حصل خير..
وفتحو الباب..
صوت صريره.. فتح الجروح في قلب فارس ..
دخل البيت كان من داخل الحوش بارد ,, يحس روحه في كل زاويه يشم ريحة ام حسين.. ريحة الريحان معبيه الحوش .. شي ذبل ومات.. ما ينسقى .. وشي ظل عايش ...
وقف يتأمل.. ولفتت نظره التاوه اللي تخبز عليها امه الخبز,, صار يتنفس وغمض عيونه ..
ــ حيدر ...
حيدر حس عليه فيه حزن ..
ــ هلا..
ــ تصدق اشم ريحة خبز التاوه,, اسمع صوت امي وهي تخبز ..
وصار فارس ينشد بصوت متكسر وهادي ..
ــ أماه امبى لقمة واللقمة من البرمةوالبرمة من الحطب والحطب يبغيقدوم
سالت دموعه .. ومسحها وابتسم وهو يكمل ويمشي في الحوش ..ويصفق بإيده بهداوه..
والقدوم عند الحداد والحداد يبغي فلوسوالفلوس عندالعروس والعروس تمبى ريل
حيدر خلاص ما تحمل الموقف وصارت دموعه تسيل
فارس ..
ــ اااااه كنت اصحى من نومي الفجر على صوتها وهي اذا وصلت هالمقطع وانا بغرفتي نايم اسمعها تعلي الصوت " ياارب يالله تبلغني فيك يا فارس يا ولدي .. عساني اشوفك معرس .. على ديك العروس القمر ..واغسل رجولكم يا كريم "

ويقعد فارس على ركبه .. ويحوس في الرمل بوسط الحوش .. ويخلي الرمل يطير مع الهوا,,,
ــ راحت.. حيدر .. راحت ولا ودعتها .. ولا شفتها قبل لا تندفن .. وقبرها وين .. بعيد في سوريا.. متى اروح ازورها.. مافي امل وجوازي ضايع .. متى بطلع جواز.. يمديها تطلع روحي ..
حيدر قعد جنبه ..
ــ جعلها تروح روح عدوينك ان شالله.. هدي ياخوي .. هدي وما يصير الا الخير..الحمدلله على كل حال..
ــ الحمدلله..
ــ يللا قوم نغسل ونتغدى.. مين قدنا غدايين .. جوعااان حدي ..
فارس ابتسم..
ــ يللا ..
قعدو يتغدو.. الا صوت جوال .. وكان جوال فارس ..
طلعه لقاها زينه..
ــ الو هلا زينه
ــ اهلا خيي فارس .. الحمدلله انت على طول اللي كلمتني
ــ خير ان شالله ,,
ــ مافيش الا كل خير .. خلاص يا اخي مهمتي انتهت .. وحلالك وورثتك كلهم حواله لحسابك.. راجع البنك من شان تتأكد وطمني اذا وصلو.. حقك يجي حوالي ثلاث ملايين دولار..
فارس بلع اللقمه وفتح عيونه:
ــ ثلاث ملايين دولار ..؟؟!!!
زينه :
ــ ايوا.. ههههههه حلالك يا اخي.. عوافي عليك
ــ الله.. الله يعافيش.. واتعابش خيه.
ــ اييي يا فارس اتعابي وصلتني قبل لا يتوفى المرحوم ., ما قصرش معي ضعف اتعابي اعطاني الله يرحمه
ــ الله يرحمه .. ويخليش تعيشي والله.. مشكوره وما قصرتي ..
ــ العفو انا بالخدمه.. وقت اللي تحتاج شي لو بدك أي شي .. انا ورشيد موجودين
ــ الله يخليكم ويسعدكم يارب ..
ــ الله يسلمك .. كان بودي تجي زواجنا الشهر الجاي بس باس بوردك اففف
ــ ههههههه الف مبروووك .. والله يسعدكم ويهنيكم سلمي على رشيد وباركي له
ــ الله يسلمك اخي .. يللا سلام الك وانتبه لنفسك
ــ ان شالله الله يسلمش..
سكر فارس الجوال.. وحيدر يطالع فيه..
حيدر:
ــ ثل ثل مليون هههههههه فارسووه ويش هذيلا
فارس فاتح عيونه.. وبهداوه:
ــ ثلاثه مليون دولار .. هذي ورثتي من ابوي الله يرحمه..
حيدر :
ــ ههههههه فديتك عوووااااافي عليك..
فارس ماسك جواله وطلع بطاقة البنك..
ــ بت .. بت .. بتأكد لا انصدم بعد..
تابع>>