ماعرفتوني .. كثر .. ما عرفني ..

[دموع الوحدة]

أميروووووووووووه حراااااااااااام ليش قطعتي باقي كم كلمه بس كان حطيتيهم اهئ اهئ اهئ بعدين ويش صاااااار
الجزء قصير خخخخخخخخخخخخخخخخخخخخخ <<< شكلها التكفيخة قوية اليووم ههههههههههه
تسلمي امووووووووورة الجزء روووووووووووووووووووعة واكثر من روعة بعد مشكووووووووورة يعطيش الله 999 عافية خخخخخخخخخخخخخخخ <<< قالوا لش بتتصل على الشرطة خخخخخخخخخخخخخخ
ننتظر الجزء الجديد نحاااسة هذا الاسبوع علينا اختبارات الله يصبرني لاسبوع الجاي كله من اميروووه الحين طول الاسبوع بحلم بفارس ورؤى مساكين

تســــــــــــــــــلمي مــــــــــــــرة ثـــــــــــــانية

دمــــــــــــــــوع الــــــــــــــــــوحدة

[زهرة البنفسجي]

تسلمي أميرة على الجزء الحلو مثلك

بانتظار الجديد

[الحال2007مه]

اهلين اموره
اولا اعذريني اني من زمان مارديت على القصه بس انتي ادرى بالظروف
ثانيا القصه رووووووووووووووووووووووووووووعه وتزداد حلاوه
ثالثا يااعضاء المنتدى شوي شوي على اميره ترى الدراسه تاخذ وقت الواحد كلها واحين احنا على ابواب اختبارات<<<<<<لاتحقدو علي بس هادا الواقع
مولله لاني اني بعد علي اختبارات ومابغى تنزل جزء الابعد الأختبارات
على العموم تسلم ايديش وعادي اني اعطيش اجازه من الكتابه واتفرغي للمداكره<<<<قولي لروحش اول
الله يستر من الأعضاء اللي يتابعوا القصه انشاء بس مايعرفوا بيتي ويغتالوني

[دمعة الاحزان]

يالله اميروة ويش سويتي بالقصه واحداثها
انا قرت الحين بس الجزء ورجعتهم وهم بالطريق وماتحملت
ومابقدر اقرء الباقي لاني مابقدر
لاني لو قريتهم بصيح وانا مابي وكفايه اللي انا فيه فسوري
اذا تعدلت اوضاعي بتشوفي وجهي<<الله يعين ع امول والليل الاليل
ويش يسكتهم بس ربك كريم
سي يوو

[أميرة الشوق]

على العموم تسلم ايديش وعادي اني اعطيش اجازه من الكتابه واتفرغي للمداكره<<<<قولي لروحش اول
الله يستر من الأعضاء اللي يتابعوا القصه انشاء بس مايعرفوا بيتي ويغتالوني

صح لسانك خيه لازم نتفرغ للمذاكرة

وماعليكِ منهم أميرة ذاكري زين ولاتشغلي نفسك غناتي كثير بالقصه

سي يو

[Princess]

تسلمو والله
يعطيكم العافيه
تالي برد عليكم مستعجله الحين
تفضلو الجديد

[Princess]

رؤى ..و الدموع طاغية في عينها..
ــ لايي .. بكل صلاحه كان في نظلي انسان محتلم واخلاق بس اسف بعد لوحته المغلب واللي صال طاح من عيني..

حيدر ساكت مو عارف ويش يقول .. و لاهو عارف يدافع عن فارس لأنه هو بعد مصدوم ,, ولا هو عارف يكلم رؤى ويقول ليها عن فارس ويش هي بالنسبه له..
رؤى:
ــ لويش تسألني عنه؟؟
حيدر : ــ ااا.. كلمته لأني .. بس كذا .. مادري ..
رؤى : ــ وكلمته؟! ويش اسوي فيه اني ..!؟؟
حيدر يحس مو حلوه يقول ليها ترى فارس يحبش .. وهو مجرد كلام سمعه بس حس بصدقه ..
موقف فارس اللي صار و كان السبب في فراق رائد عنه يروح ويجي على بال حيدر ومانعنه من الكلام..
حيدر : ـــ بكلم فارس بسأله عن الموقف وعن اللي سمعنا صوتها واللي فيها فيها..
رؤى بنبرة تجاهل: ــ مايهم,, وويش يضمنك انه ما ينكل السالفه و يدبل له أي عذل يقنعنا فيه .. تتوقعه بيعتلف على لوحه .. ماتوقع ..
اصلا لو عنده اخلاق ما كذب علينا.. في باله يعلس لو يحب .. يقول ليش يحط العذل الوحيد ابوه.. ثاني شي هو مسؤوول عن تصلفاته...
وسكتت وصوت انفاسها يبين انها تصيح..
حيدر : ــ غناتي رؤى ويش فيش ؟؟
رؤى : ــ ليش تسألني عنه,, طاح من عيني هالإنسان., وخلاص كم يوم وبحدد مصيلي واحتمال كبيل اوافق على ولد عمي ويش دخلني في فالس ..

حيدر : ــ زين هدي .. وليش ظن السوء يمكن اللي سمعناها اخته من ابوه,,
رؤى : ــ اخته.. لو مهي اخته.. ماا يهمني .. << قالتها من ورى قلبها تبغى تنهي الموضوع..
حيدر مو عارف ويش يرد .. ويش يقول .. بصوت هادي وبنبرة اسف :
ــ خلاص .. براحتش ..
رؤى : ــ زين .. تسلم يالغالي .. بس اتمنى ما تحط لوحك في موقف محلج مع فالس ..
حيدر : ــ ان شالله .. يللا تصبحي على خير
رؤى : ــ وانت من اهله..

سكرت الجوال .. وبلا شعور دموعها صارت تصب .. عينها ما ترمش بس دموعها تتناثر .. خذت نفس عميق ..
ــ اااااه يالله ساعدني..

من الصباح .. طلع لمكتب الترحيل .. راح معاه رشيد وخلصو اجرائات ترحيله .. وحددو له بعد 3 ايام خلاص بيرجعوه بلده .. طبعا خلالهم تحقيقات وسين وجيم وحاله..

فارس حاسس بتعب نفسي مو طبيعي مرو عليه ثلاثة الأيام بثقل رهيب ,,

بنفس اليوم اللي ركب فيه الطائره.. وطلعت به من الحدود المغربيه ,,
طلعت رؤى من غرفتها.. وطقت باب غرفة اخوها ودخلت ,,
كان معاه حيدر يحوسو في موقع جامعة البترول .. ما باقي شي على الدراسه فيشوفو ويش الدنيا ..
دار رائد عليها : ــ هلا..
رؤى بصوت خافت : ــ خلاص ,, وافقت .. قول لأمي وابوي
حيدر فتح عيونه.. وصار يسمع كلام فارس ..
ــ انا احبها.. احبها.. اسمح لي عالجرأه بس احبها وابغاها.. ما تفارق خيالي ولا دقيقه ولا ثانيه .. بس بس خلاص راحت

رائد اكتفى بإبتسامه بارده ..
ــ ايه.. زين .. الله يتمم على خير .. شوي وبروح ابلغهم ..
طلعت رؤى عنهم..
حيدر بأسف وهو يطالع في رائد : ــ من صجك انت .؟! الحيين اللي صاير مقتنع فيه ؟!!
رائد ساكت ويحوس في الكمبيوتر ..
حيدر بعصبيه : ــ قسم بالله ما توقعتك كذا .. افاا بس عليك.. قاااسي بالمررره.. الحيـــــــــــن من حبك الزاااايد لحمزوووه,, وين كلامك عنه وعن غثاثته .. احنا الشباب وما نقدر عليه .. شلوون ترضااه لأختك الوحيده.. رؤى حساسه .. وبدل لا تنورها وتعلمها بعيوب ولد عمك ساكت وكنك تزينه ليها.. ليييش؟؟؟!! كل هذاا انتقام من فااارس ؟؟!!

رائد يطقطق على الكي بورد و يسوي روحه مطنش وما يسمع كلام حيدر .. وبنبرة مره طنااش :
ــ ويش دخل موضوع رؤى ويا حمزة في فارس ..
حيدر : ــ كلمت فارس وصارحني ..
رائد : ــ هه ... صارحك بويه .؟! بفعلته ,, لو شلخ لك كم شلخه وصدقته..
حيدر : ــ حراام عليك .. سالفته اصلا ما سألت عنها ولا ادري بها ..
رائد : ــ اجل صارحك بويه .؟.!
حيدر مرتبك .. : ــ ااا.. صراحه قال .. ااا.. صراحه لما درى ان رؤى انخطبت ,, زعل و ...
رائد يقاطعه : ــ ويششش دخله .. وزعل لو انطق .. صحيح ما عندك سالفه انت بعد << كلام لسان بس بداخل القلب الم وحسره..

حيدر عصب :
ــ ويش فيـــــــك انت .؟! قالب ابليس مخك عدل ..!! والله ما عندك قلب .. تدري لو لا .؟؟!.حشااا,, هذا وانت وياه عشرة عمر وكذا قلبت عليه ..

رائد : ــ اوهوووووووو .. لا تهدر على راااسي وبلا هالمثالياااات خلصني ويش قال لك .؟؟
حيدر : ــ يعني هامنك ويش قال لي ؟؟!
رائد كفخ الكي بورد بكفه كفخه قويه : ــ وبعديــــــــــــــــــــن...
حيدر : ــ هيـــــــــــــــــــــــــه.. اعصاابك انت.. شيه منت صاااحي .. ما صارت دي .. المهم .. فارس طلع يحب اختك صراحه.. وورث من ابوه خير ما شالله.. وبيرجع البلد بيرجعوه مكتب ترحيل ..
رائد يقاطعه :
ــ بس بس .. ويش دراك به انه يحبها..؟؟
حيدر : ــ قبل 3 ايام كلمته وقال لي ..
رائد بسخريه : ــ حلو حلو .. عيني عينك.. الله الله.. والله وطلعت يا فارسوه مو هين .. يعني فوق اللي عرفناه عنه بعد يتجرأ ويتكلم كذا,, وانت ليش تقول لي الحين .. مسخرره عادي عندك هالكلام ,, ويش يعني تبغوني اسوي ... اروح لحمزه واقول له ما نبغاك والله سيد فارس طلع يحب اختي..!؟؟ ههاااي عجبتني ,, صدق قلة حياا..
حيدر عصب : ــ رااائدووه ولعنه.. صحيح خلاص صرت معدوم ضمير واحساس ..ويش فيـــــــــــــــك؟؟ طول عمره فارس عايش وياكم .. بينكم .. طلعت منه حركه مهي عدله ناحية اختك..؟؟؟ طلع منه تصرف شين ومو اخلاقي ..؟؟؟
قال شي .. طالع وتعدى الحدود بنظراااته؟؟ والله ثم والله انه كان قمه في الأخلاق والإحترام ,, انا انصدمت يوم دريت منه انه يحبها ,, ماكااان يبين شي والله انسان محترم بمعنى الكلمه وانا صرااحه مو مصدق اللي صار واللي سمعناه واللي الفتوه عليه وانتون ما تدروا به .. ليش ما تكون اللي سمعنا صوته اخته من ابووه هااا ليششش ...؟؟؟؟

رائد عصب هو الثاني : ـــ هيــــــــــــــــه..اشوفك صرت علي مع الغريييب .. اذا قلنا الصوت اخته,, الصوره والخبر اللي في الجرااايد ويشوووو ,, ويش تسميه..؟؟

حيدر : ــ افااا صار الحين غريب .. مادري ويش اقول .. عجزت اتفاهم وياك ..

شوي وعلق الكمبيوتر ,, ويضرب رائد الشاشه بكفه..
حيدر : ــ المجانين في نعيم..
رائد : ــ لا تتعيلف هاااا.. وفكننننني..

شوي الا جوال حيدر يرن طلعه من جيبه .. وابستم ..
ــ واااو يالله الطيب عند ذكرره فااارس ,,
رائد التفت بسرعه لحيدر ,, وضرب الكي بورد طيرها من مكانها وقام وطلع من الغرفه,,
حيدر : ــ هيييييييييه غبااااااااااء,,,
ورد على فارس :
ــ هلااا .. هلا فارس ..
فارس :
ــ حيدر .. حيدر .. وصلللت البلد .. ابغى احد يجي يكفلني حق اطلع .. في مكتب الجوازات انا وبحولوني القسم للتحقيق..
حيدر وشوي يطير من الفرحه:
ــ هِيااااااااااااا ..ياهوووو .. هههههه بنجيك انا وفااضل الحييييين..
فارس : ــ هههههه فديتك وحشتوووني ..
حيدر : ــ يللا باي باي جاييينك مسافة الطريق ..

طلع حيدر من الغرفه ركض .. ووقف في الصاله اللي فوق وطل من الدرج .. كان رائد ويا امه يقول ليها عن رؤى انها وافقت على حمزه,,
رؤى كانت بتطلع من غرفتها .. ولا تسمع الا صرخه حيدر برى .. وبفرح
ــ فــــــــــااااااااااااااارس ررررررررجع..

زهرا :
ــ اللهم صل على محـــــــــــــــمــــــــد وال محمد..
رؤى تسندت على الباب وحطت ايدها على قلبها وبحزن ممزوج بفرح وتطغى عليه الدمعات,,
ــ الحمدلله...

رائد .. اللي مشاعر غريبه اختلجت في روحه .. حاس بفرحه بس بنفس الوقت بقهر ووجهه كسته ملامح التطنيش..

حيدر نزل بسرعه وقف عند زهرا ورائد وهو ينافخ:
ــ برووح.. برووح انا وفاضل .. وينهو خيه.. ابغاه يروح وياي يكفله ..
زهرا : ــ مادري طلع . تلاقيه قريب هنا .. دق عليه وشوفه..
حيدر بفرح : ــ زين يللا بااااي..
زهرا : ــ في امان الكريم .,, انتبهو لروحكم,,
وطلع حيدر ..
رائد حاس بغصه ,, يشوف حيدر وشلون فرحان ومتحمس وهو يخفي فرحته ويظهر قهره وغضبه.. وبدون شعور رنت في اذونه جملة عبدالله :
ــ فارس .. لا تخليه يارائد .. دايم خلك وياه..
غمض عيونه واخذ نفس وفي باله :
ــ اعذرني يالغالي .. رحمة الله عليك.. بس اسف طلع على حقيقته ما يستاهل اظل وياه ..

زهرا قطعت عليه سرحانه وصمته :
ــ امي رائد .. بعدك حامل على فارس في قلبك..؟؟ كل انسان له غلطاته .. الله يهديه ويغير حاله يارب .,, ما تقدر انت تحاسبه .. الله فوقه .. حسيبه وكفيله .. ما عليك الا العتب عليه والدعاء له .. امي لا تصير قاسي قلب هاللون .. وتقطعه مره وحده..

رائد ساكت بس ملامح وجهه كفيله بشرح مقدار الأسى والحزن والقهر اللي في داخله ,, قام عن امه ودخل غرفته,,
قعد على الكرسي مقابل التسريحه وطاحت عينه على صورتهم هو وفارس ويا عبدالله .. من بعد ما انكسر بروازها .. لصقها على المرايا .. ..
قام وشالها وحطها بالدرج .. وانسدح على سريره يقلب الفكر...

حيدر وفاضل راحو قسم الشرطه.. طلعوه بكفاله.. وكان داخل مع الضابط يجرو التحقيق ..,, دخل عليه وظلو حيدر وفاضل برى ..
الضابط : ــ قلت لي جوازك ضاع في المغرب ..
فارس : ــ ايه..
ــ وشلون ضاع..؟؟
ــ مادري ..!!
ــ اعتررف احسن لك .. ترى هالحالات مرت علينا وكثيره..
ــ اعتترف بويش ؟؟
ــ بكم بعته وعلى مين ؟؟
فارس مندهش :
ــ ويشووو؟؟
ــ لا تستعبط علي .. وش اللي يضمني انك ما بعته ..
ــ ليش الجواز يبيعوه..!!
ــ انت تسوي نفسك ما تدري .. ترى الجواز السعودي غالي يوصل سعره لـ 20 الف .. اعترف احسن لك..
ــ والله ما بعته .. وليش ابيعه.. ودام السالفه 20 الف .. خذ يا اخي 20 هالألف وجيب لي جواز ..
الضابط فتح عيونه وضرب الطاوله :
ــ نعــــــــــــــم يااا عسكررري ..
جى العسكري ..
الضابط : ــ خذه عالحجز
فارس فتح عيونه:
ــ ليييييش ...؟؟!!
ليش انت تمشي وانت ساكت..
فتح العسكري الباب وهو ماسك فارس ..
شافوه فاضل وحيدر ..
فاضل : ــ ويش صاااير ؟؟!!
فارس : ــ ماادري شوفو هالضااابط ويش سالفته ؟؟
دخل فاضل على الضابط سلم وسأل:
ــ ويش اللي صاير .. ووين بياخذوه..
الضابط : ــ على الحجز..
فاضل انصرع : ـــ ليش ويش مسوي..
الضابط : ــ رشوة موظف ....
فاضل فتح عيونه..
ــ رشوووة ..!!

والى اللقاء

[Ro7 AlM7bA]

ياررربي بوقت الحماس

على قلبي فالس بجيبها منين ولامنين

اميره مشكووره خيه على الجزء بس قصير مررره

الله يوفقش خيه في امتحاناتش

لاتطولي علينا كثير ننتظر جزء دسم بالمررررهـ

تـ ح ـيآآتـ ي

[سفيرة الاحلام]

واااااااااو
جزء روعه

حرام عليك كل نصيح

الله يعطيك العافيه

[أميرة الشوق]

مسكين هالفارس
من مصيبه إلى مصيبه

[Princess]

هلا بالغوالي ..
تسلمو والله يعطيكم العافيه
هههههه الحالمه غناتي .. تسلمي والله .. ضحكتيني . . يعيطش العافيه والله يوفقش ويوفق باقي الشله ياارب..
منورين ..
وتسلمي اميرة الشوق موفقه يارب
والله يووفق كل اللي عندهم اختبارات ,, دموع الوحده اللي ذكرت هالشي يوفقها ربي ويوفق الجميع..

دمعة الأحزان. غناتي... سلامتش يالغلا .. والله يبعد عنش كل حزن.. ويفرح قلبش ان شالله

طبعا لهالجزء اللي كتبته بقيه .. اكتبها حاليا... وعلى الله التساهيل
اسألكم الدعاء
دمتم بحفظ الرحمن

[اسير الهوى]

الااحداث تزداد تشويق


لي عودة

[أسيرة الأحلام]

يلا أمووور
إحنا بإنتظار التكملهـ

تحياتيـ

[الأمل البعيد]

جززززززززززززززززء يجنن مره حلو
عاد اميره انتي كل مرة توقفي وتقولي والى اللقاء
تجيني حاله عصبيه وانتظر الجزء بفارغ الصبر يلا مو تتأخري ويصير لي انهيار عصبي هع هع
(متابعه خلف الكواليس ههه)
يسلمووووو على الجزء الي يهبل وموفقه في الإختبارت ان شاء الله
تحياتي
الأمل البعيد

[Ro7 AlM7bA]

يالله خيوووه مو تتأخرين علينا كثير

نحنو بالأنتظار

وموفقه بأمتحاناتكـ ِ

تـ ح ـيآآتـ ي