ماعرفتوني .. كثر .. ما عرفني ..

[Princess]

اووه اووه
ماشالله في تطوور بالتعاليق ايوا كذا تعجبوني ويش عجبكم
ورايكم والله كلكم كشخه.. عدتكم امول الغلا خووش عدوه
تسلمووا جميعا ومنورين ولا عدمتها طلاتكم الحلوه علي

خيه سيناريو.. عادي ياقلبي ما حطيت بالي ولا شي..لأن كل الأعضاء اللي سويت اني ليهم التواقيع.. اختفت
تواقيعهم.. لأن مركز التحميل اللي حملته عليهم ضرب باند.. فيسمحوا لي هم ..

ومتبااااريكن بهاليوم
وتفضلوا الجديد...

[Princess]

وبين ما رائد يشك الدجاج....
ــ ااااااوهوووووووو....... اوووووووووف......
فارس .. وحيدر يطالعووه مستغربيين من صريخه ويش صاير..؟؟!

الدجاج كان قطع بدون عظم ومليانه بهارات وصايره طريه .. ومع الضغط وهو يشكها بالسيخ.. نقطت قطعه على بنطلونه خووش تنقيط وسوت له بقعه عالميه...
ــ وييييييييع.. اووووووف .. وهاداااويييش لوونها بعد.. <<< خبركم رائد واناقته المعتاده منذ الصغر
فارس وحيدر حددهم مستغربيين ومفهييين ويطالعوا في رائد المعصب المنقهر..
<< طلعت في وجوههم شخوط زي ماروكو..
رائد وهو محمق...
ــ ويش تطالع انت وياه..
ويرمي السيخ بالدجاج اللي فيه بالصحن..
ــ ماانى مسوي شي..
ومع قوة الرميه يطفر ماي ودم وبهار الدجاج على قميصه ووجهه..
ــ اااااااااااااااه وجع وجع.. وجعااات بعد.. ويع .. اوووف انا ناقص..

رؤى مهي قادره فيها ضحكه وكاتمتنها خايفه من اخوها يحمق زياده..
الا شوي فارس وحيدر فاقعينها ضحكه... ويللا رؤى مع الخيل يا شقرا..
زهرا..
ــ هههههه هدي يا ولدي قوم غسل بماي البحر..
ــ ويييش اغسل رحيته افف ويلي .. ويش اقول .. الحمدلله رب العالمين.. وااايد نقط علي.. سبحني..
فارس..
ــ هههههه تضغط عليها حد ما عندك.. عذبتها يا اخي.. انتقمت منك..
ــ انتقم الله من بليسووه..
ويأشر على قميصه..
ــ اجل هذي حاله.. ها .. طالع .. شووف.. تقول اشتغل في ملحمه..
اووووف...
وقام وهو مقهور.. وقومته يلبس نعاله بسرعه وبالغلط ما يدخل ابهام رجوله بالكامل داخل النعال.. وتنعوج رجوله .. وينكسر شوي ويطيح على الأرض..
ومن قهره... يطفر طبقة النعال برجوله وتطيير بعيد .. وهوووب في البحر..
ويصفق على راسه..
ــ لالاااا..
ويركض ليها لا يحركها المووج..
والكل ضحك عليه..
وصاد الطبقه ,, ويلوحها على الساحل وهو محمق.. ويغرف من البحر ماي وينظف قميصه وبنطلونه.. وكلما نظف يحس االبقعه توسعت وزادت..

طلع من الماي وحالته حاله..
زهرا..
ــ هاداويش ما يسوى علينا هالدجاج..
رائد..
ــ هه.. انا اللي ما يسوى علي..
فارس..
ــ ويش فيكم ما صار شي غير الا بقعه.. وانت في بحر ما بتروح مكان.. عادي..
رائد يشيل سيخ وفيه دم وماي تبع الدجاج ويمده على فارس ..
وفارس ينقز بعيييد..
حيدر ميت ضحك..
رائد.. يقلد فارس بمسخره..
ــ عاادي.. عااادي... مالت.. عادي وهو نقز بعيد.. حشا.. بيشفطك السيخ..
فارس ميت ضحك..
ــ لالا خلاص هونت مو عادي وخره عني..

قامت رؤى وخذت صحن الدجاج بتشك الباقي..
فارس..
ــ لالالا خليه انا باسويه..
رؤى..
ــ لا خلاص يعطيك العافيه سويت انت اللحم كله..
رائد..
ــ اعطيه ايااه.. اما انا.. مانى مسوي شي.. خلاص .. شطبت..
رؤى..
ــ لا عادي اني باسويه..
فارس يمسك الصحن..
ــ جيبي الصحن.. وما عليش وروحي قعدي شغلتنا هذي..
رؤى استحت.. هي ماسكه الصحن من طرف وفارس من طرف..
تركته بسرعه..
ــ يعطيك العافيه << قالتها بهمس..
فارس .. بعد ما تنهد داخل قلبه رد عليها..
ــ الله يعافيشششش..

قعدت رؤى وصارت تطالع في فارس وهو يشك الدجاج.. وحده ورى وحده..
عيونها عليه.. وهو يشك تحرك شوي وطاحت خصلات من شعره على جبهته وصارت تضايقه.. يبغى يشيلها مهو عارف ايده مهي نظيفه..
رفع ذراعه وصار يمسح به على جبهته..
طاح زياده شعر عليها..
رؤى مبتسمه وتغظ النظر..وفي بالها..
ــ عيب يا بنيه استحي على وجهش تلاقبي فيه.. بس والله حلكات..
وبين ما فارس يحاول يوخر شعره.. الا رائد وهو يصفر ويصفق..
ــ احلى يالحرير .. هلااا.. وطاح وساح على الجبهه.. اححح
فارس ..
ــ اه ......هههههههههههههه مااااا بنخلص.. ما بسميك الا ابو عين انت.. ياااااااااااداااااااااافع البلا.. والله لو يقبع بادلتك.. استغفر الله ياربي ههههههه تعااال بس وخره على ورى عن جبهتي

ويجيه رائد.. ويمسك شعره ويمصعه له على ورى يمزح معاه..
فارس..
ــ ااااي .. رائدووه يادب يانحيس..
رؤى في بالها,,
ــ اااي لائدووه عولته حلام عليك.. دفششششش...

ويمد فارس السيخ وينغز فيه رائد يطفره بعيد..
رؤى في بالها..
ــ ايووا زين سويت فيه يستاهل ...

رائد قرب من حيدر .. حيدر فهم عليه.. ولبس القبعه بسرعه..<< كانت بلوزته فيها قبعه من ورا..
رائد قام يضحك..
ــ بل هههههههههههه فهمها.. يصقع بليسك ماخذ احتياطك بهالبلوزه..
حيدر..
ــ هههههههه ايه وعن الشمس بعد..
ــ هههههههه ايدي وحرارة الشمس وحده يعني..هههههههههه الله يغربلك
ــ أي بعد ويش.. روح بس لا شغله ولا عمله..
راح رائد وقعد جنب اخته..
رؤى تبغى تتعيلف فيه..
ــ اووف ليحتك دجاج..
رائد اختلع.. ورفع قميصه يشمه..
ــ صدق...
وقام ياخذ نفس عميق..
ــ شلاااخه.. ما في ريحه..
ويتقرب من اخته..
ــ شمي هااا.. عطر...
ــ وخلل عني... فطستني دجااجه..
ماتوا من الضحك فارس وحيدر..
رائد..
ــ لكن هين.. زين.. اجل انا كااك ها.. كاك كاك.. اوريكم..
حيدر..
ــ اووه .. طلعوا مناااك...باااض رائدوه..
وفقعوا عليه كلهم ضحك..
وحطوا اللحم والدجاج على الفحم..
رائد يتعيلف..
ــ حيدروووه.. حرك الكرتونه اسرع.. جان يدخن عدل ويستوي اسرع..
حيدر يطالع رائد على جنب .. ويرجع يهف بالكرتونه ..
رائد..
ــ اه ويعرف يحقر بعد..
رجع حيدر طالع فيه.. وكفخ يهف مره ثانيه..
رائد..
ــ وجع زين..
رجع حيدر للمره الثالثه... وسوا نفس الحركه..
رائد شب
ــ حررررررررريقه.. بيخليني ادعي زي الحريم.. لااااا تطالعني كذا..

بنفس الوقت.. رؤى وجهها جهة فارس وفارس جا وجهه جهتها..
رؤى حست انه يبين انها تطالعه.. فكفخت بسرعه..
فارس انتبه ليها.. كانت تطالع اتجاهه وكفخت يوم انه انتبه..
قام استغلها فرصه.. دام رائد محمق من حيدر ..على هالنظرات..
ــ ياللي تطالع وكنك ما تطالعني .. نظراتك هذي حبيبي لا تكررها...
رائد..
ــ ايوااا هووو.. ياهووو.. عااش ابو الفوارس .. عاااش ..
رؤى نقزت.. وفي بالها..
ــ يؤ.. صاقعه شكله انتبه...
رائد يصفق..
ــ عاش عاش .. كمل ..
فارس وهو قاعد يشبك ايده على ركبه و يرجع بظهره على ورا بالإتجاه اللي قاعده فيه رؤى..
ــ صحيح شاطر ولكن صعب تخدعني أنا على الطاير افهمها واطيرها

رائد..
ــ واطيرها.. كمللل..
فارس صبعه السبابه الأيمن على الجانب اليمين لجبهته.<<< حركة مزاجي بكيفي"...
ــ أنا مزاجي واطيع اللي يطاوعني ان كان لي خلق أمررها ... امررها..
رؤى في بالها..
ــ لااا .. يمه.. شكله صدق انتبه لي .. اووف ويش هالفشله..
رائد..
ــ امرمرها..
فارس ..
ـــ بففففففف هههههههههههههههه.. ويش امرمرها.. امررها..
رائد..
ــ خخخخ اللي هي .. زين امررها.. كمللل..
فارس ..
ــ أي .. زين.. احم... اسمع كلامي .. اسمع كلامي ... إذا ودك تولعني

حيدر يقاطعه..
ــ خخخخخ حشاا فحمه يولعك..
رائد
ــ هههههههه متأثر حضرتك.. التهي بفحمك بس..
ويرجع حيدر يطالع رائد بنفس الحركه..
رائد..
ــ ياللي تبقق لا تبقق بي.. لا يجيك بكس يطير عيونك ويغربلها.. وما ادري ويش تالي خخخخخ
فارس ..
ــ هههههههه محاوله فااشله.. طووووط .. شفرناها..
رائد..
ــ هههههههه كمل ماعليك .. تولعني وتااالي
فارس ..
ــ ايه .. احم.. .. اسمع كلامي ... إذا ودك تولعني…سعادتي خلها همك ودورها..
رائد..
ــ غصصصبننن عنه يدورها.. ههههههه..
فارس في باله..
ــ لاااا انا ابغى برضاااهاا..
رؤى في بالها..
ــ كان زين اني اللي اسعدك.. يؤ .. ويش فيني اني ...
استححت وصارت تحوس في عود بقدونس..

فارس..
ــ ماانااا حاافظ البااقي.. وصح لسان قايلها..
رائد..
ــ منهوو .. صح لسانه..
حيدر وهو يشوي ..
ــ المريخي .. بعد مين..
رائد..
ــ اووه.. اوه .. اووووووووووه.. خبره الخال .. عاشوا..
حيدر رجع طالع بنفس النظره..
رائد..
ــ لا اجي اخبق عواينك الحين..
حيدر...
ــ ههههههههههه بدل لا تتغزل فيني .. ياللي تطالع وكنك ما تطالعني..
رائد..
ــ ليش هذي غزل؟؟؟

تابع>>

[Princess]

فارس..
ــ لأ .. مو غزل.. تقدر تقووول.. عتاااب.. لفت نظررر.. يعني كذا..
رائد..
ــ خخ اجل نص خبره حيدروه .. و لا ابغى لا اعاتبك ولا الفت نظرك.. شوّي بس عدل ..لا يحترق..
حيدر..
ــ لاااا تتشيرط..
فارس في باله..
ــ الا انا اللي ابغى اعااتب والفت نظر.. اوووف لمتى بس...!!
رؤى نتفت عود البقدونس تنتيف...
زهرا..
ــ هداويش رؤى.. ويش سويتي نتفتيه..
رؤى..
ــ هااه..
زهرا..
ــ لا البنيه رايحه فيها.. وين وصلتي نتفتي عود البقدونس على الفرش تنتيف..
انتبهت رؤى لروحها لقت نتف اوراق البقدونس صغيره .. بأظارفها نتفتهم حجم يصلح لتبوله <<<< هههههههه افاادي فيها الحين...

رائد..
ــ بللل.. مكينه .. ما شالله.. اللي واخذ عقلش يتهنى به..
فارس في باله..
ــ اااه لو انا اللي ماخذنه... ويلاااه.. اكون اسعد الخلق..
رؤى وبمسخره..
ــ وجهك.. ما احد ماخذ عقلي.. سلحت ويا البحل.. بلا ماخذ بلا بطيخ..

فارس في باله..
ــ بل .. افااا.. لا بالله فلست انا.. الهي يحنن قلبش علي..
رائد..
ــ خراط بخراط.. لمي بس هاللي نتفتيه لا يلصق بالفرش

ام حسين طبعا طوول هالمواقف ناايمه .. داير راسها من ريحة الفحم.. خدرت وخذت ليها غفوه..<< كان تتحلم براس قدو يعدل مزاجها خخخ

وخلصوا شواي كم سيخ .. حطهم فارس بالصحن.. وصار بسرعه بالخبزه يسحبهم من السيخ..
ــ اححححححح..
رؤى في بالها..
ــ ويي اسم الله عليك..
وصار يوزع بالصحون اللحم والدجاج ويحط معاهم خبز..
زهرا..
ــ قومي امي رؤى مناك وياهم حطي سلطه بالصحون

قامت رؤى.. ما شافت مكان.. فارس قاعد بجهه.. وحيدر قاعد عالطرف على طابوقه ويشوي.. ورائد قاعد على كبوت السياره..
وقفت محتاره بصحن السلطه..
فارس قام على طوله..
ــ قعدي مناا..
وهو قعد على ركبه على الرمل
رؤى استحت.. ومهي عارفه.. قعدت وعطته ظهرها.. وصارت تحط بالسلطه..
وكان في السلطه جزر ما قطعوه صغار قطعوه شرايح بالطول..

فارس..
ــ ابغى جزره..
رؤى.. ارتبكت.. ما عرفت ويش تسوي.. طنشت ما كنها سمعت..
فارس..
ــ رائدوووه..
رائد ..
ــ هاااه..
ــ ووجع قول نعم..
ــ دام انك قلت رائدووه بننقول هاااه..
ــ زين راائدي..
رائد وهو متشقق..
ــ أي عدل .. هلا.. عيوووونه.. امر..
رؤى فيها ضحكه:: بس كاتمنها..
الا خالها يعلق على اللحم
ــ اوووهووو اللحم عداه الفحم وصار اسووود مثله ..
ضحكت رؤى طلعت ضحكتها مع تعليق حيدر
فارس في باله..
ــ فديت هالضحكه..
رائد..
ــ فارسوه.. هيه.. صار لي ساعه من قلت لك هلا .. ويش عندك..
فارس ..
ــ هااه.. أي.. لا بس ابغى جزره..
ــ بفففف هههههههههه رؤى اعطي الأرنب جزره..
رؤى في بالها..
ــ وي وي.. ويش اعطيه اني ..
وتمد رؤى الصحن اللي فيه الجزر بكبره وتحطه جهة فارس ..
رائد مات من الضحك..
ــ حشاا.. هههههههههه.. قال لش جزره.. مو الصحن بكبره.. ارننب بتخليه..
فارس في باله..
ــ افاا.. تمنيته من ايدش.. ويش هالحظ المغبر...

اخذ له فارس جزره.. وصار يقرض فيها قرررض .. وصووت القرض من القهر والحسره قوي..
رائد..
ــ ما شالله ضروووس.. يخزي العين..
فارس كان سرحان .. وبحركه عفويه يعض لسانه..
ــ اوووو.. اااي..
رائد..
ــ بل.. ما قلت شي..
فارس..
ــ عضييت لسااني..
رؤى في بالها...
ــ وي على عملي يعووول..
انتبهت لنفسها.. ورجعت تهلوس في بالها..
ــ اووووف ويش فيني اني ...
وقامت جهة امها.. الا حيدر يشيل باقي الأسياخ.. ويصفقهم بالصحن..
والصحن معدن وكبير.. ويطلعوا صوت عالمي..
ويطير فارس مختلع.. << لأنه كان سرحان..
رائد..
ــ ههههههههه حشاا قنابل صواريخ تفلتت.. ويش فيك فارسوه اختلعت..
فارس يقوم من على الرمل ويقعد مكانه اللي قعدت فيه رؤى..
ــ ولا شي بس سرحت شوي وخلعني
رائد وهو يرقص حواجبه..
ــ ما اقول غيررر.. اللي ماخذ عقلك يتهنى به..
فارس في باله..
ــ يتهنى به.. بس يدري انه اخذه..

خلصوا شواي.. قعدوا ام حسين من نومها..
ام حسين..
ــ وصلنا...؟؟؟
فارس..
ــ وينا اماه..؟؟؟
ــ محطه..
زهرا..
ــ أي محطه؟؟
ام حسين..
ــ نتمسح لصلاةالمغرب..
رؤى..
ــ المغلب؟؟
فارس في باله..
ــ وييي امي على عمري.. داير راسها وبدت تهلوس..
ام حسين..
ــ يؤ.. مو رايحين سوريا.. الحين اذن الظهر.. يللا بلا هدره
فارس في باله..
ــ ويلي يا يمه توش اذان المغرب طرتي الظهر..
ام حسين..
ــ عفر الفجر؟؟
زهرا..
ــ الله يهديش امي.. في البحر احنا أي سوريا.. يالله ياكريم تكتبها لينا واياكم زياره..
الكل قال يااااارب..

الجوو ظلللمه جت الساعه 7:30 الليل.. وهم ياكلوا .. رؤى قالت ما ينشاف ظلمه..
فتحت وجهها..
الصبيان بجهه.. والحريم بجهه..
شوي الا رؤى..
ــ ااااااااااااااااااه

الى اللقاء غدا..