ام حيدر..
ــ يؤيؤ... ايه.. لويش..
ابو كرار..
ــ بسم الله ويش فيش مختلعه..
ــ بس ذكرتني بسالفته هذا من سنين سمعت بيت اهلي يهدروا عنه.. يقولوا طلق مرته وهي مريضه مسكينه وعلى باب الله ما عندها الا امها وولد صغير يوم تتطلق توه ابو سنتين لو فلاف ما ادري بس كان صغير ما يفتهم.. خلاهم وعرس على مغربيه عفر لو مصريه ماني متدكره.. بس صارت هدره يقولوا مسحور مادري ويش...
ابو كرار..
ــ انا لله صدق؟؟
ام حيدر..
ــ أي والله هادا اللي سمعته من سنين..لويش تسأل عنه..
ــ لا بس ولده اكو مع حيدر برى..
ــ صدق .. وي.. مسكين عباره يتيم.. ما يندرى عاد جدته عايشة والا لا..
ــ ربش كريم..
ــ لا اله الا الله.. الله يكون بالعون..



حيدر يحوس بالنافذه,,
ــ هادي عاد خليها حتى اشعار اخر.. يبغى ليها تصليح زين ما زين..
فارس..
ــ خلها تولي عنك.. مشكور وما تقصر عساني اردها لك بالأفراح..
ــ الله يخليك.. تسلم..
ــ الله يسلمك..

رائد..
ــ ويييش رايكم .....
فارس..
ــ بووويش ..
رائد..
ــ فبااالي نرووح مكان مع الأهل هاا تروحووا..

حيدر..
ــ اييي وينا. نرووح... اييي باقول لأبوي وامي ونروح..

فارس من سمع طاري الأهل.. تشقق مليون قطعه.. يعني رؤى بتطلع وياهم رحله.. ياهووو.. نسى كل شي صابه يقهر بهاليوم...
رائد..
ــ انا بادق على امي باشوفها..
دق رائد على امه..
زهرا..
ــ هلا امي
ــ اماااه ترووحوا...
ــ وينا بسم الله ..
ــ هههههههه بنطلع رحله البحر.. نبغاكم كلكم معانا بتروحوا...
فارس طاير من الفرحه.. وفي باله يدعي ربه
ــ يارب توافق .. الله البحر ومعاها.. كشششخه ...
زهرا..
ــ ما ادري علي اني عادي .. باشوف امك ام حسين...
وسألت زهرا ام حسين...
ام حسين..
ــ يؤ صلوات على محمد وال محمد ما بقول لأ...خلنا ننفه عن خاطرنا ونشتم هوا...
زهرا..
ــ خلاص بنروح..
رائد..
ــ ياااهوو تجهزوا..
فارس طاار ..وبلا وعي صرخ..
ــ يسسسسسسس
حيدر مات من الضحك عليهم...
زهرا..
ــ بس تعال .. << قالتها بنبرة متردده يعني بتغير رايها
رائد..
ــ هلا امااه.. لا عاااد
فارس تصروع.. وفباله ..
ــ اه.. لا تقول هونت.. لا لا لا...
زهرا..
ــ ما سويت عشا .. ولا جهزت شي للرحله .. وباتصل بأبوك استأذنه يمكن ما يرضى..
رائد..
ــ العشا ..المطاعم منفره بالطرقات.. وابوي.. خليه علي ما اتوقعه يمانع.. والا اقول لش بنشوي ..
زهرا..
ــ يؤه ما طلعت لحم ولا دجاج.. المنقله نظيفه وفي فحم.. بس يبغى له اللحم نقاع وتتبيل من الليل في الثلاجه جان يطلع احلى ..
رائد..
ــ اماااه هادوااويش انتين.. في لحم جاهز ومتبل ما عليش انا بشتري كل شي .. بس جهزي المنقله والفحم وخضره وروحكم..
ــ هههههههه غربلك ربي غربال.. روحنا مع المنقله والفحم والعفسه .. زين دق على ابوك استأذنه ورد لي خبر.. ماني رايحه اذا ما رضى..
ــ خخخخ زين يللا مع السلامه
ــ الله يسلمك ...
رائد يدق على ابوه...
ان الهاتف المطلوب لا يمكن الإتصال به الأن.. نرجو معاودة الإتصال في وقت لاحق.. ... مره مرتين .. عشر....
رائد صابه احباط..
وفارس صابه احباط ازيد منه...
دق رائد على امه..
ــ اماه ابوي ما يرد جواله مقفل.....

زهرا..
ــ الظاهر كالعاده... في مكان ما فيه ابراج... خلاص خيرها في غيرها ..مافي طلعة لينا احنا بدون شور ابوك..
رائد ..
ــ ان شالله..
سكر الجوال .. وصار يطق فيه على فخذه...
ــ افففففففففففف
فارس ..
ــ أي والله افففففففففففف << قالها من قلب مقهووور ومتحسر...

وشوووي .......

الى اللقاء بالحلقه القادمه