ربع ساعه الا رؤى نازله,, فارس فتح عيونه ومبين عليها الفرحه..
وفباله... هلااا وغلاااا ما بتنام .. اححح ... احسسسن..
زهرا..
ــ ها امي ويش فيش ما نمتي
ــ لا بشلب ماي بس.. والغلشه بغلفتي فاضيه..
فارس فباله..
ــ افااا ..
ورجعت رؤى وركبت وفارس مفهي وسرحان.. رائد ما يدري به سرحان وقاعد يهدر..
ــ هاا ويش رايكم..نروح الليله الكورنيش نتمشى.. وتالي نروح مطعم الــ ... نتعشى.. خخ صرت شاعر حلاوتي
فارس مهو وياه ابدا.. عقله ركب فووق... وحيدر مفهي من زماان ولا هو معاهم..
رائد حمق .. ويصرخ في فارس ويصفقه على فخذه..
ـــ هييييييييه ويش اهدر لحالي من الصبح..
فارس تربع على الكنبه..
ــ هااه.. هااه.. ويش فيك
رائد بمسخره..
ــ اللي ماخذ عقلك يتهنى به.. هذا اللي اقوله
ــ انا.. ولا شي نعسااان بس..
ويحط راسه على كتف رائد..
رائد..
ــ قوم بس قووم. عدتك اختي نوم ... وهاداك الأطرم من شاف السيد للحين .. حشاا.. حيدرووه قووم كلمه..
فارس فباله.. عدتني الا علقتني .... اخ بس لو اعديها انا باللي في قلبي..
حيدر مفهي..
رائد يطالع في فارس...
ــ يلوموني اذا خلعته وصروعته.. حيدرووووووووووووووووه..
ــ هااه.. ويش فيك الواحد ما يصخ من هدرتك شوي.. ما تعرف تسكت.. هدره هدره.. الله يعين اللي بتاخذك..
رائد..
ــ احم حاصل ليها.. تفتخر اصلا.. ولا تحقر ولا تعطيني اذون الصمخه ولا بهدر ساعتها عليك.. افف زهقت كم مره اعيد الهدره.. وين رقم السيد قووووم كلمه..
حيدر..
ــ صدق..؟؟ الحين؟..؟؟ عادي..
ــ أي خير البر عاجله..
ويفرك رائد كفوفه..
ــ اححح انا بس ابغى اعرف عدل ويش بيسوي معاك.. حركات والله يا حيدوور..
ــ اجل قوموا مناك عند التلفون..
زهرا..
ــ وين رايحيين..
رائد..
ــ بنكلم السيد بيشوف ويش سالفته..
زهرا..
ــ يؤ باقوم وياكم..
ام حسين ..
ــ يؤ اني بعد..
فارس .. ورائد وحيدر..
ــ ههههههههههههههه
رائد..
ــ باقي رؤى لو قاعده كان هي اول وحده..
فارس في قلبه.. ــ وي يا بعد قلبي..
زهرا..
ــ رائد شوف اللاسلكي اريح.. جيبه وخليه هنا ويانا يكلمه بنقعد هدوء نبغى نسمع..
ــ زين
طن طن طن طن طن طن طن طن طن طن << يضرب الرقم... خخ جوال..
طووووووط طوووووووط طوووووووط
ــ الو
حيدر بإرتباك..
ــ السلام عليكم
السيد:
ــ وعليكم السلام ورحمة الله وبركاته..
ــ انا حيدر الــ......
ــ أي حيدر
حيدر صابه احباط...وحط ايده على السماعه .. وقال ليهم..
ــ يقوول أي حيدر.. ما عرفني مهو ذاكر..
رائد بهمس عنيف..
ــ مالت عليك ما قلنا له اسمك ذكره بالموقف والمدرسه..
حيدر يكمل المكالمه..
ــ هلا اخوي.. سيد جعفر الــ.... انا اللي اليوم بالإشاره ا...
ــ أيــــــــــــــــه هلاااا وغلااا اسمح لي ما سألت عن اسمك.... الحمدلله انك دقيت كثر الله خيرك.. سكر وبدق عليك انا في البيت واتفاهم معاك..
ــ ان شالله
ثواني الا تلفون البيت يدق..
حيدر يرفعه على طول..
ــ هلا سيد جعفر..
الا صوت ناعم يرد عليه..
ــ هلا .. السلام عليكم..
حيدر اختلع وارتبك..
ــ وعليكم السلام..
ــ موجوده رؤى..
حيدر مهو عارف.. اول مره يسمع صوت بينه في التلفون.. خخ المسكين امه ما يرد على تلفون بيتهم.. وجواله الأرقام الغريبه يطنشها.. فما عرف يتصرف..
ــ هاه.. دقيقه..
وعطى السماعه رائد..
رائد..مستغرب..
ــ ويش السالفه؟؟؟
حيدر:
ــ يبغوا رؤى..
فارس انصرع صاير خبل ما يركز فكر السيد يبغى رؤى..
ــ ويش يبغى فيها ؟؟؟
حيدر يطالع فارس..
ــ مييين؟؟
ــ هذا السيد؟؟
ــ أي سيد.. بنيه هذي تبغاها..
ــ خخخخخخخ فكرت...
رائد رد عليها..
ــ هلا.. رؤى نايمه..
ــ زين هلا رائد اذا قعدت قول ليها تكلمني ضروري.. جوالها مقفل
ــ ان شالله.. حياش
ــ مع السلامه
ــ يسلمش..
قفل رائد.. حيدر مفهي يطالع في رائد. وفباله ... حركات يعرف يتصرف انا انربط لساني..
رائد..
ــ امااه هذي حنين اذا قعدت رؤى خليها تلكمها..
زهرا..
ــ يؤ لويش ما دقت عليها جوال غريبه..
ــ تقول مقفل ,,
ــ اهاا.. زين اجل...
شوي الا التلفون رن.. وطلع السيد هالمره...
كلم حيدر.. واتفق وياه يجي له بالحوزه بين كل فتره وفتره.. في عنده مجموعة قصايد للمناسبات عزا ومواليد.. يبغاه ياخذهم ويطلع عليهم.. كان يكونوا من نصيبه.. وشجعه ان هالموهبه لا يدفنها.. وهو اللي بياخذ بيده بس اهم شي همته وعزمه.. وهدره واايد..
حيدر طوال المكالمه ورائد وفارس ماسكين مخدات الكنبه يهفوا عليه هوا.. لأنه مره متلون ومرتبك..
خلصت المكالمه.. قفل حيدر,,
قعد على الكنبه... زهرا تقول..
ــ يؤ يؤ اخووي ماي ماي..
راح رائد يجيب له ماي طوارئ.. وي وي وي
فارس مستمر يهف بالمخده..
والضحك قايم..
حيدر ببرود..
ــ من الإسبوع الجاي.. بأدي اول لطميه في نذر مسونه واحد خوي للسيد..بحسينيه الــ....ويقول بعد كم مأتم بيخصص لي قصايد خاصه ..
ام حسين ..
ــ صلوااات على ابو الغزواات محمد واال محمد..
الكل قاموا يصلوا على النبي.. وزهرا قامت تقرى على اخوها المعوذات
ام حسين..
ــ أي صدق اني جايبه وياي ريحان.. خلي الفرحه تكمل ..
زهرا..
ــ صدق .. وين هوو.. ؟؟؟
فارس ..
ــ اووو نسيته بالسياره لحظه اجيبه..
طلع فارس وهو فرحان على حساب حيدر.. فتح باب الشارع
وشهق شهقه.. طيحت قلبه في بطنه
والى اللقاء غدا..
رد مع اقتباس
المفضلات