ماعرفتوني .. كثر .. ما عرفني ..

[الشمعة]

مشكوره خيه بس وين التكمله ترى اني متشوقه اعرف
ويش بيصير وبصراحه عجبتني فلطة رؤى احب الي يغلطوا اني
يلا عاد بلا دلاعه كملي لا انتفش ترى هذي القصه احلى بزود
عن الي قبلها هذيك كلها مأسي ونياحه اما هذي كركرتني ضحك
على حيدر وعبد الله لكن عجبني هالعبد الله خخخ <<< شجاع
يلا بس كملي واني متابعه لش اني مابترك المنتدى على شانش بقعد بس
على قصصش الحليوه واني بصراحه اموووره حاولت االف قصه بس مادري عنها
عدله لو مو عدله لان اول محاوله ليي في تأليف القصص
فا اني ابغا افعل عضويتي بس مارسلو لي رابط التفعيل ياريت احد يساعدني ويطلب منهم
على شان اقدر اسوي شي جدي احس انه رجايلي واياديي مربطه
تحياتو الى اميررررروه الحليوه
شموعة

[Princess]

يسلمووو كل الحكايه احبك الليله بيبتدي دوامي خخ

شمووعه ياهلا وغلا .. منوره عزيزتي ودوم هالضحكه يارب
وحلو ورينا اول تجاربش وان شالله راح اتباعها لش على خير .. لا تخبي اي موهبه عندش ولا تنتقصيها مع الوقت تطلع الإبداع..

وحساااااابش الغير مفعل .. عندش خيي امير . متابع القصه وان شالله ما يردش
وهاا لعيونش بسوي له نداء ويش كبره ..

خيي اميـــــــــــــــــــــــــر العاااشقيييين..

اني ابغا افعل عضويتي بس مارسلو لي رابط التفعيل ياريت احد يساعدني ويطلب منهم
على شان اقدر اسوي شي جدي احس انه رجايلي واياديي مربطه

هذاا كلام خيتناا الشمعه... تصرف ويعطيك الف عاااافيه....



والحين تفضلوا الجزء الجديد..

[Princess]

سبق الأاااه صوت شدخه قوويه شلخت الأرض .. وسقف غرفة جلوس الحريم ارتج رج شوي ويطيح..
زهراء كانت تحوس بالمطبخ..بتجيب ضيفة ..
ام حسين رفعت راسها.. :
ــ سمت على اعمارنا الزهرا ام الحسن وحسين .. هااداا ويش ..
مريم :
ــ ههههههه... الله يستر . بنادي زهرا تشوف ... زهراااا .. يا زهراااا

فارس ورائد راحوا ركيض بيشوفوا هالشدخه .. ويوم دخلوا.. لقوا سرير رؤى منشلخ وحنين ورؤى في وسطه بمشامرتهم وضلوعهم متكسره..
رائد:
ــ هههههههههههههه ويش صااير؟؟
حنين وهي تمسك حواف السرير تحاول تقوم:
ــ اااه.. آآآآييي.. قايله اني لرؤوه لا نناقز على هالسرير.. اخاف ينكسر ..
وتقلد رؤى بمسخره: "سليلي.. كل يوم اناقز عليه .. قوي وما ينكسل"
رؤى:
ــ آآآآييييي.. انكسل منش انتين يادبه و لا تتمسخلي.... وويش دلاني اني انه بينكسل..
رائد:
ــ ههههههههههههه فيله ودينصورة بيناقزوا على سرير خشب.. وما تبغوه ينكسر.. ويش يقدره هالمسكين..
فارس قام يضحك...
رؤى انقهرت وصارت تطالعهم على جنب:
ــ فيل انت مع وجهك..
حنين:
ــ طااالع اخذت الفيل وخلت لي الدينصور..
ــ أيـــه .. انتين امتن مني ..
حنين تصفق رؤى:
ــ ما احد غيرش الدينصور..
ــ ماني دينصول ولا فيل .. لكن ما عليه اوليكم..
رائد:
ــ قوومواااا يــادبب..
زهراء ركبت:
ــ ويش اللي انشدخ .. ويش صاير؟؟؟
ويوم شافت السريراللي منشلخ .. تنهدت..
ــ اشواا .. يعني السرير بس .. ما صابكم انتون شر..
حنين ورؤى:
ــ لااا..
زهراء:
ــ قوموا اجل عنه وخلوه تالي فاضل يصلحه..
نزلت زهراء تحت... وما مداه رائد بيرجع غرفته ويا فارس.. الا فارس ماسك ايد رائد:
ــ رائد.. انا ابغى اصلحه .. عادي؟؟
ــ ههههههه .. حركات.. تعرف له..
ــ ودي اصلحه اجرب.. عادي؟؟
ــ ايه عادي.. يللا وانا باعاونك..
شالوا المنام والبطانيات.. الا بطيحة ورقه على الأرض..
رؤى من شافتها قامت تركض وخطفتها وحطتها بالدرج..
رائد بحمق:
ــ ويــــــــــــــــش هالورقه..؟؟
ــ مـــــــــــــــــالك شغل...
رائد فتح الدرج وهو معصب وخطف الورقه... ورؤى تصارخ عليه ., وفارس وحنين يتفرجوا مستغربين..
رائد:
ــ هههههههههههههه .. ولوويش خاشتنها تحت البطانيه..
ــ اصلا ما ادلي بها من داك اليوم ضاعت لحنا بيت جدي بسلعه ولا دليت وين لاحت.. وهي اندعست في منامي..
رائد يكفسها :
ــ ماليها داعي الحين ..
رؤى :
ــ لااااااااااااااااااااااء..
وتخطفها من ايده وهي تعدلها..:
ــ بكلة اذا كبلنا تدكلك بفعايلك فيني يوم كنا صغال..
ــ خخخ والله ما عندش سالفه..

حنين وفارس يطالعوا في بعض مهم فاهمين ويش السالفه..
رائد:
ــ يللا ابو الفوارس.. ويش العدة اللي تبغاها للتصليح..
ــ بس مطرقه..
رائد راح لأمه:
ــ امااه .. وين المطرقه..؟؟
ــ يؤه .. حق ويش..
ــ بنصلح السرير..
ــ خلوه .. ابوك يصلحه تالي..
ــ لا بنصلحه انا وفارس,,
ام حسين:
ــ على عمري فارس ما يقدر يشوف شي منكسر لو مخترب وما يحط ايده فيه.. خليهم زهرا .. لا تخافي فارس شاطر..
زهراء:
ــ لا بس اني قلت لا يتعب عمره لو يصيبه شي من ضرب المطرقه..
ــ لا ان شالله ما يصيبهم شر.. ودام انه اشتهى ..جربوه عن افاده..
زهرا ابتسمت:
ــ وليش لا.. رائدي .. المطرقه في الصندوق في الدولاب اللي على يمين الثلاجه .. خذها وانتبوا لعمركم لا تضربوا اياديكم الله الله بروحكم..

عشر دقايق وقام الطق..
طراخ .. طراخ.. طرخ.. طرااخ .. طرخ..
ورؤى وحنين كالعاده مع الطق ما شغلتهم الا صفقه ورقصه ودق رقاب << يصلحوا يسووا فرقة .. خخ
رائد يتمسخر عليهم وقاعد يتفرج على فارس اللي ينجز المهمه.. << شقال قال باعونك ..

خلصوا تصليحه .. وعدلت حنين ورؤى المنام..
فارس
ــ يللا جربوا يطيح لو لا..
رؤى انربشت وقامت تناقز عليه.. نقزه نقزتين ثلاث الا هو .. طراااخ مره ثانيه..
فارس :
ــ لااااااااااااااااااااا..
رائد:
ــ ههههههههههههه قايل لش فيله... وبعدين تجربي جربي القعده النومه .. لويش تناقزي .. هههههههههههه
رؤى حمقت .. وقامت وهي منقهره:
ــ اني ماني فيله.. وماليكم شغل خلاص لا تعدلوه ما احد قال ليكم .. خلوه يعدله ابوي عدل..
فارس جت له حالة احباط,, ساعه يطقطق .. وتالي تناقز وتشلخه ولا بعد مو عاجبنها الوضع.. وخلوه وما احد طلب منكم بدل كلمه شكرا .. يعطيك العافيه...
فارس:
ــ رائد مشينا غرفتك
رائد حس على فارس من نبرته انه تضايق..
ــ يللا مشينا...

حنين صارت تعاتب في رؤى:
ــ الحين بدل لا تشكريه تقولي ما احد طلب منك...
رؤى حاسه بتأنيب الضمير بس من النوع اللي ما تبين هالشي وتظهر عكس ما تخفي:
ــ ما احد قال له .. ويولي .. اصلا ما اطيقه.. هادي تاني مله اشوفه.. وهو من اتكلم كله يضحك على كلامي من حلاته هوو..
ــ يمكن ما يضحك عليش.. ويش فيش..
ــ لا تدافعي عنه ولا تطليه والا فالقي لوحي ليهم وخليني.. تهي تهي
ــ بل بل.. تبغي اقل حاجه حق تصيحي..

تابع >>

[Princess]

بعد شهرين ...

ــ امااااه .. زهقت واني ضامه ايدي.. متى اغسلها..
ــ اذا تبغيه برتقالي وعع.. ومو حليو قومي غسليها.. حلاته احمرر ..
ــ افففف اني قلت لش ما ابغى .. ويش هاادي بقعه حملا.. لازم حنى..
ــ رؤووه.. عرس بنت خالتش زنووب ولازم تصيري حليوه كل البنات بيتحنوا الا انتين .. ما يصير شوفي حنين اكي ساكته..
ــ الا مفهيه شوفيها فتحت بوزها من التعب .. زهقت.. مو لازم هالبقعه من حلاتها ..
ــ رؤووه لا تقعدي تحني على راسي .. وسكتي...
شويات نشف الحنى .. وقاموا غسلوا.. ووقفوا قدام المرايا يستهبلوا.. فردوا اياديهم.. وصاروا يلوحوا بهم كنهم يودعوا باي باي .. هلا هلا هلا ..
حنين بنبرة تلحين كنها تغني :
ــ حنااي غمق.. احسن منش.. يعني يحبني ريلي..
ــ هههههههه .. ليلش في عينش .. مين اللي قال لش..
حنين تكمل بنفس النغمه:
ــ من قول امي.. اذا غمق حناش.. يعني يحبششش... واللي ما يغمق ما يحبهاااا..
ــ هههههههه واني اقول مفهيه وساكته .. و لا تكلمتي.. عشاان يغمق .. حق يحبش ليلش.. ههههههه خبله حنينووه وما تستحي..
حنين عدلت صوتها :
ـ اهووو انتين كل حاجه ما تستحي...

وبعد يومين ...

جت ليلة الزفه...
حنين متكشخه لابسه ثوب نعووم ,, ورؤى بحكم ان زينب بنت خالتها فلبست ثوب مفرفش ابيض ومستانسه به.. قاعده تدور وفرحانه بالثوب وهو يكبر مع دورانها..

زهرا ومريم يحطوا ليهم روج وكحله عند المرايا ويتعدلوا << قبل 10 سنين كل شي بسيط تعديل في البيت والعرس في البيت كل شي عادي..

ــ امااه اني ما ابغى حنى.. بس حطيتي لي .. اني ابغى حاجه حملا في مكان تاني..حطيها لي..
زهرا:
ــ وين يعني..
رؤى مدت برطمها :
ــ بلطمي..
ــ تبغي الطمش عليه .. عيييب البنيات ما يحطوا << رحم الله ايام لول خخ يوم كنا صغار.. عظيمه وقوويه اذا بنت مهي متزوجه حطت خخخ..
رؤى مدت برطمها حمسانه:
ــ لاااا.. هونت خلاص ...
ــ لا عاد اني اللي باحط لش عشان هونتي ..

حنين ساكته وسرحانه و شوي فتحت عيونها << حركه واحد لقى فكره جهنميه ومستعد لطرحها..
رؤى بتملل وحمسانه :
ــ قولي .. ويش عندش
حنين :
ــ بسم الله الرحمن الرحيم .. جنيه ويش دراش اني باقول حاجه..
رؤى ترفع حواجبها بخبث:
ــ دلـــيـــــــــــــــــــــــت.. قووولي..
ــ ههههههه .. زين ... عندكم فيمتو..؟؟
ــ فيمتو ؟؟ اللي يشلبوه ..؟؟
ــ لا اللي يتسبحوا به.. ايه عصير.. ويش فيش مفهيه..
ــ لااا بس توش شالبة عصيل بلتقال .. مسلع عطشتي وتبغي فيمتو..
ــ بــــــــــــــل رؤوووه بخيله يصقععععششش..
رؤى حمقت :
ــ مااني بخيله انتين اللي ما تشبعي يا دينصووله..
ــ دينصووره انتين .. جزاتي ابغى اسوي براطمش حمراا..
رؤى فتحت عيونها ..
ــ صدق ؟؟ كيفااا..
ــ امشي وياي المطبخ واعلمش..
راحوا المطبخ.. طلعت رؤى غرشة الفيمتو... صبت حنينوه قطرة في كاس.. وغمست صبعها.. ومدته على برطم رؤى..
رؤى:
ــ وييييع .. لا تقولي امص صبعش.. ما ابغى فيمتوو كذاا اني .. صبي فيه مااي ..
ــ خبله انتين اذا سويته عصير بتشربيه ويصير لش براطم حمرا وشنب .. ما نبغى الشنب نبغى بس البرطم.. اسكتي بس .. ما قلت لش مصيه.. ابمسحه على برطمش مالش شغل..
وتصير حنين تمسح برطم رؤى .. مره ومرتين بالفيمتو المركز.. وبالغلط طاحت
نقطتين فيمتو على الثوب الأبيض..
رؤى :
ــ ااااااااااااااااااااه... لا لا لا
وراحت تغسلهم بسرعه ... وللأسف انتشروا وصارت بقعتين ورديتين كبيرتين..
رؤى غرقت عيونها دموع... وتسندت على كبت المطبخ..
ــ تهي تهي.. مالت عليش وعلى فكلتش.. اختلب ثوبي.. تهي تهي
حنين مفهيه .. ماده صبعها واثر الفيمتو عليه .. وواقفه تطالع الموقف ...
ــ اسفه ما كنت اقصد..
ــ الحين امي بتعصب ويش اسوي.. تهي تهي..

راحت حنين لزهرا.. و بخووف وارتباك وتردد علمتها بالفعله العظيمه.. مريم انقهرت من حنين ومصعتها من اذونها وصرخت عليها..

اما زهراا توجهت للمطبخ لترى نتيجة الفعله... ويال هووول المفاجأة ووقعها على زهراا.. ابنتها وااقفه وتفرك ثوبها بصابون غسيل الصحون.. تريد البقعه الورديه ان تتلاشى << احم كحح اميرووة كنش قلبتي اللهجه ..
خخ باااك..
زهراا عصبت ..
ــ رؤوووووووه...
وراحت تركض ليها .. وضربتها على ظهرها على خفيف.. << ما يطاوعها قلبها بالقوه..
بس رؤى مهي معوده الا على الدل والدلال وتجيها صرخه وضربه :
ــ تهي تهي .. ما ندلي طاحت نقطتين .. اختلب ثوبي تهي تهي..
زهراا كسرت خاطرها بنتها.. بس ويش تسوي.. ان غسلته الحين ما بيمديه ينشف ..
جت ليها مريم..
ــ ويش بيدي عليش .. على عمري كل من هالنحيسه حنينوه .. اني لو عندي ليها ثوب ابيض كان جبته .. انا لله ويش بتسوي..
زهرا ترفع كتوفها وهي ماليها خلق:
ــ ما ادري والله.. شكلي بطلع ليها أي لبسه ناعمه وخلاص .. ما بيمديه ينشف وحتى لو نشف هذا مفرفش يبغى له حوسه وكواي واحنا مستعجلين.. حسبي الله على بليسكم من بنات..

راحت زهرا ودبرت لرؤى لبسه ناعمه.. لبست رؤى وهي مادة البرطم وعيونها حمرا .. مقهوره الحين كل البنات هناك .. متكشخين وعرايس الا هي.. << تعرفوا غيرة البنيات ما يحبوا يصير احد احلى واحسن منهم خخ

وطلعوا متوجهين لبيت ابو كرار .. لأنه واسع فبيصير فيه العرس...
وصلوا.. ودخلوا

زهراا شافت وحده وصرخت من الفرحه يوم شافتها لأنها ما توقعتها تجي .. وراحت ركض ليها وبالأحضاان ...

والى اللقاء بالحلقه القادمه..

[كبرياء]

تسلمي خيتو
وبانتظاار الجديد

[..انين الروح..]

قصه رائعه من كاتبه اروع
مشكوره حبيبتي الله يعطيش العافيه
وبنتظار الاثاره والتشويق
تحياتي
رهوفه التوفه

[الأمل البعيد]

حلقة رائعة بس لويش وقفتي وقت الحماس اف كمليها
منهي المرة لحضنتها
ياعلي كل تشوقينا اهئ اهئ
مشكورة ع القصة الروعة
جاري الأنتظار >>>

[ســحرالقوافي]

حلقة عحيبه

بس مسكين فااارس كسر خاطري


جزات الخير سواد الوجه


ودكرتيني بايام لجنون مع اني ما سويتها بس الي حولي سواها


الاسكريم الاحمر والحلاوه والفيمتو عشااان بس الروج


خخخخخخخخخخخ




جااااري الانتظار






دمتـــــــــ بود

[فرح]

يسلموو امــــــــــوووره
يعطيك العاافيه
جـــــــــااااري الانتظااااار

[همسه]

يسلموووووووووووو
شاطره في القصص توقف عند الأحداث المثيره
جاااااااااااااااااري الأنتظار

[الحال2007مه]

خخخخخخخخخخخخخخخخخخخ دكرتيني بايام لول كل شي عيب اجل احين اتحداش تفرقي بين
اللي مومتزوجه واللي متزوجه لاوفي متزوجات يستحوا اكثر من اللي مومتزوجين
تسلم ايدش ولا تتاخري واجد

[Princess]

يسلمووو جميعا على التفاعل الأكثر من روعه

اعذروني البارح على التقصير
بس صارت مشكله بجهازي .. طق مخه وما رضى يشبك واير لس..
وما عندي واير عادي.. اليوم عدلته.. وليكم الحين جزء البارحه.. وجزءالليله احطه الليله او الفجريه على خير

تفضلوا .. :)

[Princess]

زهرا:
ــ هـــــــــــــــــدىىىى ..
هدى:
ــ بعد عمري زهرااا..
ويتحاضنوا بلهفة وشووق..
زهرا:
ــ الله يقطع شرش.. تقولي منتين جايه منتظر ما عنده اجازه,,
ــ ويش اسوي في حميش.. تعرفيه يحب المفاجئات.. اخبارش خيتي .. واحشيني عدل انتين وتهانيووه..
ــ والله انتين واحشتنا اكثر... لا تقولي ما بتطولي
ــ اااخخ.. أي والله زين قدر ياخذ له اجازه اسبوع.. والله لخاطر اختي وبنتها .. والا مهم راضيين..
ــ حسبي الله عليهم.. ما يحسوا.. كفايه مودينكم جده.. اااخر الدنيا.. الله يعينش غناتي..
ــ الله يعين.. ويش اخباركم ... واخبار اولادش ..
ــ الحمدلله.. بخير الله يخليش اخبار مرام.. القمر.. اجل مشت الحلوه..
ــ الحمدلله كبرت ومشت.. سنتين صار ليها ..
ــ الله يخليها ليكم وما يحرمكم منها

هدى.. شبيهة امها المرحومه .. اكثر بنات ابو كرار صبر .. واكثرهم ضبط لنفسها وقت الغضب.. مع انها اصغرهم.. تحملت اشيا وايد.. يوم تتوفى ام كرار كانت هدى بالكليه.. تأزمت نفسيتها وما كملت.. وتالي خطبها حمي زهرا .. منتظر .. منتظر انسان حباب.. خدوم.. وطيب بزياده.. والكثير يستغلوا طيبته وحسن نواياه.. لدرجه انه يقدم راحة غيره على راحته.. يتنازل عن اجازاته لأجل زميل بالعمل محتاج لأجازه .. فيقضي شغل غيره .. طيييب بزياده.. الله انعم عليه بهدى.. اللي كانت تصبر على الغربه .. ولا تعارضه على فعل الخير.. مرام ملت عليهم الدنيا فرحة وبهجه وهي املهم الوحيد.. هدى بعد سنه من ولادتها .. اكتشفوا بداية ورم خبيث يا دافع البلا في رحمها.. فأجرت له عمليه..

لا اله الا الله.. زهراا كان الأمل ضعيف والله حقق مناها.. هدى فقدت الأمل وما عندها الا شمعه وحده تنور حياتها .. مرام...

اللي يشوف هدى يقول هي اكبر خواتها من ملامحها الذابله واللي اكساها الزمن شحوب شديد..

ــ رؤوووى يا حلووه.. ويش هالحيااا.. ابدا مافي سلام لخالة هداووي..
رؤى بحيا مدت ايدها:
ــ قوه خاله..
ــ يقوويش غناتي.. كبرتي وصرتي عروس..
رؤى تلون وجهها واكتفت بإبتسامه..
زهرا:
ــ الا وين هي مرام..
ــ نايمه .. ما نامت في السياره على عمري خلعوها قروود الطايف مرينا مناك وشافتهم وقعدت تصيح.. كل مره انيمها بالطريق هالمره عاندتني.. ويوم وصلنا سبحتها وداخت على عمري بس لا تتحلم ..
ــ وي على عمري خلعوها .. ومتى وصلتوا....؟؟
ــ من ساعتين على ما بدلنا وجهزنا..
ــ يـــاعلي من طلعتكم الفجر .. الله يعينكم حتى ما ريحتوا ويلي ..
ــ يللا هي ليله وتقضي على خير ان شالله..
ــ على خير..

متباركين عرس الأثنين ليلة ربيع ليلة قمراا
واللي جمع بين قلبين الله يطول في عمره..

حنين ورؤى طبعا فالينها فل وما يحتاج وصفهم... بس رؤى متضايقه شوي على فستانها .. ومع الطق والهيصه تحاول تنسي روحها شويات..

كللووووش جابوا العرووس.. ويللا عاد اليهال زحمه عليها الكل يبغى يصور وياها << خخ مو مثل الحين الله يخلف على العروس حدها لما تدخل يطالعوها دقيقه وتالي ينسوها ويتفرجوا على البنات والخبال خخخ..


عبدالله منسدح على منامه.. ينتظر بعد ربع ساعه بيطلع من بيتهم بيروح لفارس مواعدنه بيوصل جدته للمعاريس.. وبيروح هو معاه يباركوا لزوج خالة رائد..

وبظرف دقايق غفت عينه...



ــ عبدالله ..امي.. تعال شوف هالباب.. قفله خربان..
ــ ان شالله اماه..
ويدخل عبدالله مع امه للغرفه...
ــ ويش فيه القفل...
ــ ما ادري .. قفل علي من متى ويالله فتحته.. ابغاك تصلحه لا يرجع ويقفل..
ــ امااه.. انا مشتاق لش.. قبل لا اصلحه .. احضنيني..
ــ وي على عمري تعال يا عمري ..
حضنت ام عبدالله عبدالله.. وهي تحضنه.. صووت صرير للباب.. ومن حاله تسكر.. وقفل عليهم داخل الغرفه..

انتبه عبدالله من نومه..
ــ بسم الله الرحمن الرحيم.. اللهم صلي على محمد وال محمد... خير اللهم اجعله خير..
قرى الفاتحه لأمه... وقام بيطلع بيروح لفارس وجدته... وصلهم .. وراح مع فارس لرائد.. بحسينيه في حيهم .. بيباركوا للمعاريس...


في بيت ابو كرار.. الحاله قايمه.. ام حيدر تحاول تبتسم مهي قادره.. هي لمة بناوتها واولادهم ليلة الجمعه وهي ما تقدر عليها,,, شلون معاريس..

تهاني مطنشتنها ومهي داقه ليها خبر.. بيت ابووها وهي حره دام ابوها اللي فتحه ليها ولبنتها .. خلاص تنطق ام حيدر وعشرة من امثالها ..

ام حيدر تطالع في اليهال وهم يلعبوا.. وطالعين وداخلين .. بالها بال الفرش ويش ينظفه الحين..

وبين ما الطق قايم.. والناس تهني وتبارك.. كانت هدى مع زهراء في زاويه من الغرفه.. زهراء تحب هدى ومشتاقه ليها .. ونفس الشي هدى.. فسوالف ومره رايحين فيها وناسين ختهم تهاني في المعمعه ..


تابع>>

[Princess]

جتهم تهاني معصبه..
ــ حلاتكم .. بدل لا تعانوني قوموا جيبوا ضيفه للمعازيم ووزعوا المرطبات .. والفاكهه بنحط العشا..
زهراء:
ــ ويي على عمري تهوونه نسينا لهينا بالسوالف يللا جايين وراش للمطبخ..
ــ ايه حركوا.. خلكم وياي ..
وتغمز بعيونها على جنب وهي تساسرهم..
ــ لا تخلوني لحالي وياي ام حيدر تعاون وهي تحن وتهدر عورت راسي .. اذا قمتواباقول ليها ترتاح.. كان ارتاح من حنتها .. كفايه بعد برطمها الممدود
على هالحووسه الصايرة في بيتها..
هدى :
ــ هههههههههههههه .. ياعلي تهاني.. بعدش على هالحال وياها..
تهاني تغمز لهدى وتشبر بيدها .. حركوا قوموا..
قاموا هدى وزهرا يعونوا تهاني... وقعدت ام حيدر .. و فبالها :
ــ ما بغوا يقوموا .. فكه .. استرحت ..

وبين ما هم يحوسوا.. جت رؤى تركض لخالتها هدى :
ــ خاالتي الحقي .. ملام قعدت وتصيح .. وام حيدل معصبه وتصالخ عليها ..
زهراء :
ــ وي..,و لويش تصارخ عليها..؟؟
رؤى :
ــ ما ادلي بس الظاهل ملام بالت في ثيابها...
هدى دقت صدرها :
ــ وي على عمري من الخلعه .. ما قصروا عليها هالقرود..
وراحت تركض لبنتها .. وراحت وياها زهرا...
وتهاني واقفه حامل كرتون الموز .. وتطالع في رؤى.. وهي تضحك..
ــ انا لله.. الله يعين .. بتقوم حرب الحين..
رؤى :
ــ ياااي بلووح اشوووفهم..
تهاني :
ــ غربلش الله من فتينه..



هدى :
ــ لويش تصارخي عليها.. ياهله ما تفهم.. غصبن عليها..
مرام حاضنه امها وترتجف المسكينه...
ام حيدر :
ــ دام انها ياهله وما تفهم.. لويش ما تلبسيها حفاظ .. شوفي هالحاله..
ــ بنتي شاطره من يوم عمرها سنه ونص شلته وتعلمت.. بس من الخلعه سوتها غصبن عليها.. تلاقيها حلمانه .. حرام عليش..
ــ من الخلعه لويش .. اني اللي خلعتها بصراخي.. هي سوتها قبل لا اصارخ.. لا تتحججي لي...
ــ من القروود...
ــ أي قروود .. اني الحين ما فيني شدة عوار راس وحاله.. بسرعه نظفي هالبلوى..
ــ اني ما قلت لش نظفيه اني بانظفه.. ورجاء بلا صريخ..
ــ والله حاله.. يغيبوا يغيبوا .. وما يعودوا الا ببلاوي.. الله يعين بس ..


زهراء تدخلت..
ــ بلاوي ويش .. اختي تعبانه وتوها جايه من جده من طلعتهم من فجر الله ..
وبنتها مختلعه.. ويش فيش انتين..
ــ يللا عاد نطقت محامي الدفاع.. اني بروح اقعد والمكان يتنظف.. سامعين..


هدى انقهرت.. راحت بتنظف المكان.. زهراء مسكت ايدها تهديها..

ــ مشكوورة خيه .. ما تقصري...


وانتهى العرس على خير .. وزفوا زينب على ريلها.. وتهاني دموعها اربع اربع,, بنيتها الوحيده.. وزهرا وهدى صياح وياها وكلما تذكروا انه ممكني يجي يوم ويصيروا رؤى ومرام بالموقف زادوا بصياحهم..

نظفوا بيت ام حيدر زين ما زين لا تحجج.. وكل راح لبيته... هدى حمدت ربها عند ريلها في بيت اهله غرفة يباتو فيها لا تضطر تبات في بيت ابوها وتقابل ام حيدرووه ..

ومرت الأيام .. تسابق بعضها.. عبدالله ورائد وفارس دوم ويا بعض.. عبدالله حبهم وتعود عليهم.. وهم حبوه وتعلقوا فيه...

وفي احد الخميسات.. وفارس بسوق الخميس كعادته.. ورائد معاه مبسط ..
عبدالله تركهم شوي راح يشتري غرض لأبوه...

الا بجية امين.. وعلي.. مقبلين من بعيد..
فارس من شافهم يبس ريقه.. وقام يتأتأ لرائد:
ــ هم.. هم..
رائد مستغرب :
ــ مين هم..؟؟
ــ اللي... طقوني .. داك.. اليوم
رائد فتح عيونه:
ــ مييين...؟؟
فارس اشر عليهم ...
رائد اختلع :
ــ هااديلااا ؟؟
ــ أيــــــه.. هم اللي طقوني وربطوني ووصلوني لأبو مصيبه..
راائد:
ــ متأكد معاهم هادااا..؟؟؟ << يقصد علي..
ــ أيــــه...
ــ يا ويلاااه..
ــ ويش فيك .. لويش..تعرفهم..
ــ ايه واحد ولد جيرانا.. والثاني ..ااا
ــ الثاني مين..
ــ ولد عمي..
ــ هااااه.. احلف
ــ ولويش اشلخ
فارس سكت مو عارف ويش يقول ..
رائد حس بصخونه.. ونار في قلبه.. ولد عمي ويسوي هالفاعيل << في ظنة باله بس طق.. شلون لو يدري ويفهم الأشيا الثانيه اللي صارت..


علي:
ــ اووه ولد العم هنا . هلاااا... رائدوه ويش تسوي..
رائد مو مشتهي يطالع يطالع في وجهه..
امين:
ــ انا كني اعرف هالصبي.. هيه انت اللـي...
رائد يقاطعه وبحده:
ــ ضربتني برصاص ذاك اليوم..
امين:
ــ والله زين اجل ما تخونك الذاكره <<< شلوون تخونه وهو اللي خرب سيارته خخ ما يدري امين بعده مفكر من عبدالله..
رائد عطاهم نظره .. وكفخ وجهه
امين:
ــ بعد بعد.. ويعرف يطالع بنظرات..
ومد ايده على خد رائد عن مسخره:
ــ حبيبي مو ناقصني الا ياهل .. زيك..
رائد طق ايد امين.. ورفع بلوزته ومسح خده مكان اللمس..
امين :
ــ بعـــــــــــــــــد.. عدال .. والله انك خطير..
علي ميت من الضحك على امين وولد عمه..
فارس بلا شعور ضم رائد اله وبنبرة خوف:
ــ ويش تبغوا فينا .. وخروا عنا..
رائد مستغرب ليش هالخوف كله..!!!

شوي جاهم عبدالله ومن شاف امين وعلي .. هجم هجووم..
ــ ويش عندكم خير ويش تبغوا فيهم..
امين:
ــ مـــــــــــاااالك شغل .. عبدووه وخر بعيد لا تتدخل في اللي مالك خص فيه لا يجيك شي ما يسرك..
عبدالله حمق :
ــ نعـــــم...
شوي الا جوال امين يدق .. رد عليه .. طلع ابو مصيبه.. ويوم درى انهم بالسوق وان عبدالله معاهم.. طلب من امين يعطي عبدالله الجوال بيكلمه..
عبدالله:
ــ ما بيني وبينه أي كلام..
امين رد على ابو مصيبة كلام عبدالله ..
ابو مصيبة طلب من امين يحط الميكرفون..
ابو مصيبه:
ــ اسمع يا عبدووه.. يا جبان.. اذا فيك وفي امك وفي طوايفك كل ابوها خييير.. تعال لي المزرعه .. يا..... يا.... ... والله ما تجي منت رجال تخساا ..
عبدالله شب حريقه... ويش يقول هذا...؟؟؟؟!!!
قال لفارس ورائد ينتظروه بالسوق .. بيروح وبيرجع..
فارس صار يترجى عبدالله يهدي ويحقره.. وعبدالله محمق:
ــ لااااااا ما سمعته ويش يقول .. مستحيييييل اخليه واعديها...
رائد وده يروح معاه بس عبدالله مو راضي ..
ــ رائد ابقى هنا مع فارس انا برجع ليكم...

فارس خايف ... رائد مو قادر ميت على الروحه..
عبدالله قبل لا يركب سيارته.. طالع في رائد وفارس .. ابتسم... :
ــ لا تخافوا.. وانتبهوا لنفسكم,,, مع السلامه..

رائد وفارس بلا وعي مسكوا كفوف بعض.. وابتسموا:
ــ مع السلامه...


وصل عبدالله المزرعه.. دخل ولقى ابو مصيبه رايح فيها ومهو في وعيه...

ــ خير ويش تبغى فيني..
ابو مصيبة:
ــ والله خاطري العب فيك..
ــ نعم.. احترم نفسك.. انت اللي مو رجال .. احترم سنك..
ــ ههههههاااااي.. انت اللي بتعلمني كيف تكون الرجوله ..كخ بس كخ.. وانت مخاوي يهااال..
ــ يهاال عقلهم احسن من عقل مليون من امثالك..تفكيرهم طاهر برئ عفووين تتشرف وترتاح بمجالستهم..
ــ ههاااااي يا عيني عالطهر .. اسكت بس لا انسيك الحين معنى الطهر .. لا قسما بالله لـ............
عبدالله ارتجت تحت رجوله الأرض .. رجعه هالقسم لماساته.. نفس القسم صار يتردد صداه في اذونه .. في الصندقه وهو يصيح ويصارخ:
ــ بتسكت لا تفضحنا لا قسما بالله لـ ......
بلا شعور هجم على ابو مصيبه اللي كان ابدا مو في وعيه .. وطاح فيه ضرب ,,
امين وعلي يتفرجوا .. مستحيل يتدخلو..
ابو مصيبه صار يدافع عن عمره ..
وبسرعه مهي متوقعه ووعي مفقوود للغايه .. طلع سكين من جيبه .. و ضرب عبدالله...


الى اللقااء بالجزء الجديد

[ســحرالقوافي]

يا علي يا علي

مسكين عبووووود


لا تقولي صابه شي خطير


اميروووه



ترى هو الي محل القصه





تسلم يدك جزء حلوو

والله يخلي جهازك ويعطيه الصحه والعافية

خخخخخخخخخخخ


دمتـــ بود