طلعو من البيت.. وصولو السيده وزاروا.. وقبلو الضريح... وطلعو الساعه 10 الليل .. وصارو يتمشو في السوق وحيدر على اعصابه لأن ما يشوف عدل والدنيا ليل ...

وفعلا شوي الا حيدر مصروعنهم.. التفتو كلهم عليه لقووه متورط بوحده واقفه قباله وتهدر
راحو له لقوها مره من النّور << " النّور قبيله من غجر سوريا " بدو""
... وتهلوس عليه..
ــ البشاره يا صبي ...
حيدر مستنكر منها ومتشتت ويحس روحه داايخ بدون النظاره..
ــ بشارة ويـــــه؟؟
حسن ضحك..
ــ بتكشف لك الفال عفر..
رائد نقز..
ــ هلاااا.. ههههههه انا انا..
فارس يفلصه..
ــ استح على وجهك.. عاد بتصدق انت..
رائد :
ــ اييي لا بس نتسلى..
النّوريه:
ــ ايه ايه.. بالدور راح اقل الكن .. وانت اولهن..
اشرت على فارس...فارس ارتبك...
ــ ليش يعني..؟؟
النّوريه :
ــ هيك.. فالك مكشوف ما بيصعب علي تعال واقل لك وشوف..
رائد:ــ رووح يا اخي ويش ضارنك.. نتسمع وبس .. يللا .. حرك خلنا نشوف فالك << قالها وهو يرقص حواجبه...
فارس وهو يضحك : ــ زين.. يللا باشوف ...
النّوريه.. ــ ادفع
مد كفه للنوريه حق تقراها ...
النّوريه بتمسكها.. سحبها فارس :
ــ اقريها على بعد لو سمحتي..
طالعته نظره منقهره..:
ــ حاضر.. بس ادفع لول ..
عطاها فارس كم ليرة...
سكتت شوي ... وبعدين قامت الصواريخ بالقصف العشوائي..
ــ انت امك بعد اسبوع بدى تغضب عليك.. لأنك بدك تعمل شي ما راح يرضيها ..
رائد يساسر حسن :
ــ ابوووش يالصواااريخ.. رحمة الله عليش يا ام خويي...
تكمل :
ــ انت راح تتعرض لغدر من اعز اصحابك.. و راح تنصدم فيه ..
رائد طفر :
ــ هييييه ويش تقوولي..
النّوريه :
ــ شو في .. شو .. ليش معصب..
فارس يضحك ويغمز لرائد وهو يهمس : ــ يعني مصدق حضرتك.. خلها تهدر لبكره نشوف فضايحها اكي مبينه للحين شلاخ على اصوول ..
النوريه مهي فاهمه كلامهم.. تكمل الكلام..
ــ انت عشقان ...
فارس انقبض قلبه يوم قالت له كذا.. وصار ينتبه لباقي الكلام..
ــ ايه .. انت بتحب .. وغرقان بالعشق كتيير .. وهيدي يللي بتعشقا .. ماراح تكون من نصيبك.. راح تفارقها .. اما انك راح تموت او هيا تموت او راح تكون لغيرك..
رائد وحسن وحيدر مستلمين فارس مسخره ومزح..
رائد: ــ اييييييه تحب ,,اوه اوه حركتات وبسم الله عليك من الموت .. ههههه
حسن : ــ لا حووول اسكت لا تعور قلبه بيتفاارقوو..
حيدر : ــ تهي تهي.. والله دنيا بلاوي
فارس حس راسه يدور واختناق,,, وسكر ايده..
النوريه :ــ شو ما بدك اكمل ..
فارس : ــ لأ..
النوريه : ــ طيب براحتك.. هلق مين بدو اقرا لوو.,,
رائد انتبه لفارس وحركته .. بس سكت لأن معاهم حسن وحيدر ما حب يسأله ويحرجه..
جا دور حسن ..هدرت عليه شوي.. وخربطت وحسن بس يضحك... واخيرا دور رائد...
قالت له:
ــ انت اللي بيشوفك بيقول عنك شايف حالك.. بس يحق لك تشوف حالك.. فالك حلو كتير.. مستقبل حلو بيستناك.. بس مافي شي يكمل.. يا اما انك ما راح تتجوز يا اما انك راح تتأخر بالجواز..
رائد يفتح بلوزته جهة الرقبه: ــ تف تف تف بعيد الشر.. وليش بالله..
النّوريه: ــ ما بعرف .. بس شكلك ما راح تلاقي اللي تسعدك وترضيك.. شوف انا ما بعرف بس يمكن تلاقي صعوبات في ارتباطك باللي راح يختارها قلبك.. وممكن ما ترتبط فيها
المهم انك راح تطول .. ومنيح كتر خير الله اذا نجحت علاقتك فيها.. بس اللي مبين انك شخص كتير محبوب .. والبنات حولك وحواليك .. انتبه لنفسك..

رائد فقع ضحك.. :
ــ احم البنات حولي وحواليي .. ايه ادري امشي واطيح صفة بنات..
حيدر :
ــ خخ وانت الصادق درزن...
مشو عن النّوريه بعد ما كدت منهم خير .. وفارس ساكت.. رائد طلع جواله..
ــ بدق على ابوي بشوف ويش حال رؤى..
ما مداه يدق الجوال ويحطه على اذونه.. الا صبي يركض وخطفه من ايده.. وينحاااش..
ووراه يركضو رائد وفارس .. حسن مو بسرعتهم لأنه مو بخفتهم.. وحيدر مو لاااابس النظاره فما يشوف عدل .. ان ركض صامع في الخلق ..

وهم يركضو وراه .. شوي الا صبي طول بعرض .. يمسك الحرامي...
وصلو له رائد وفارس وهم ينافخو..
الصبي اخذ الجوال من ايد الحرامي ومسكها من كلر بلوزته وصار يفر فيه الأرض:
ــ.. شووو .. ليش الركض .. عم تسرأ يا حرامي ..
رائد وانفاسه تتلاحق:
ــ حقي هذا الجوال.. تسلم ياخوك..
الصبي ..
ــ الله يسلمك.. حاضرين بالخدمه.. يسلمك ربي ..
فارس وفضول فيه يوم سمع اللهجه :
ــ الأخ من وينا..
الصبي ضحك:
ــ من وينااا.. عفر من ديرتك.. اذا مانى غلطان..
رائد:
ــ من وينا اخووك..؟؟
الصبي :
ــ من الدراز .. بحريني..
ابتسم فارس :
ــ هلا فيك خيوو.. لا احنا من القطيف .. السعوديه..
الصبي :
ــ هلا والله بأهل القطيف .. اهلنا والله.. امي قطيفيه.. هلا والله فيكم..
رائد :
ــ هلا فيك.. ما عرفتنا يا خوك..
الصبي .:
ــ انا سلمان الـ ....
رائد : ــ انا رائد الـ .... وهذا خويي فارس الـ .... وهذا ولد خالتي حسن الــ..... وهذا خالي حيدر الـ .....
فارس :
ــ هههههههه ما شالله عليك لسان الحال..
سلمان:
ــ هلا والله فيكم تشرفنا...
حيدر:
ــ هلا فيك اخوي يعز مقدارك..
سلمان:
ــ استأذن الحين بروح .. مع السلامه.. فرصه سعيده..
رائد:
ــ احنا الأسعد.. الله يسلمك ..

ومشى سلمان عنهم..
فارس :
ــ شكله طيب هالسلمان وحركات.. رائد.. تصدق ذكرني بمين شكله و ابتسامته ..
رائد وهو مبتسم على جنب وبهدووء:
ــ المرحوم.. عبدالله..
فارس بادله الإبتسامه:
ــ ايييه الله يرحمه.. بس عبدالله كان انحف و اقصر .. هذا ما شالله متعافي.. شكله يحمل اثقال .. معضل .. لو صك الحرامي بكس مو بعيده يفر له وجهه..
رائد :
ــ ايه والله.. انا ابغى كذا بكثف التمارين حق اصير زيه.. كشخه والله...
فارس :
ــ ههههههههه ان شالله..
حيدر بمسخره:
ــ اخر شي افكر اسويه.. كمال اجسام قال..
حسن:
ــ خخخ نا ابغى شفط شحوم ولحوم..
فارس :
ــ ههههههههههه الله يحقق امانيكم..
رائد :
ــ حيدروه.. اف منك.. انت اسوي لك هفففففف الا انت طاااير... و حسنوه اخاف عليك والله من الغيبوبات .. يشفطو لك شحمك.. الا انت طافي ومنتهي .. بسم الله على عمرك.. ويش رايك تسوي خير وترسله لمجاعة افريقيا,, والله تكسب اجر وثواب
حسن يطالع رائد على جنب :
ــ هذا اللي فالح فيه حضرتك التمسخر..
حيدر :
ــ ما عليك منه ولد اختي فديتك.. خله يولي ..
رائد يبحلس عليهم:
ــ امززح وياكم شباب.. احبكم والله..
حسن:
ـــ مو ما مصبرنا على مزحك الثقيل هذا الا انا نحبك ..

رائد وهو داق على ابوه..:
ــ فديتكم والله ... الووو ... هلا يباا.. قوه .. ويش اخبار رؤى..
فاضل :
ــ الحمدلله تمام ضربوها ابرااه وصارت احسن..
رائد : ــ خخخخ معروفين ويش عندهم غير الأبر .. يللا هذا احنا راجعين البيت.. نشوفكم على خير.. مع السلامه..
فاضل : ــ الله يسلمك..
ووصلو البيت تعبانين.. فارس سرحان ويفكر في كلام النوريه.. امه ام حسين ويا تهاني بعدهم في حرم السيده.. انسدح في المجلس .. وشوي الا الباب يطق ..
ــ ميـــن؟؟
ــ انا ..
ــ هلا رائد.. ادخل..

دخل رائد وقعد على المنام جنب رجول فارس .. ضربها وتسند على الجدار:
ــ أيـــــه ما بتقول لي ويش فيك..
فارس مبهوت: ــ هااا .. مافيني شي ...
رائد : ــ ممم علينا عاد.. شوف انا منتبه وملاحظ عليك تغيرات من احد يجيب طاري الحب .. اعترف ..
فارس ابتسم : ــ ههههههههه ويش تخرف انت.. خبل قالو لك.. لا بس مستغرب من هالنوريه وتخريفها من وين تجيب هالكلام.. وبس..
ــ مممم وبس .. زين براحتك... فارسووه.. سلمان هذا كني شايفنه في مكان.. بس مو ذاكر وينا..
ــ مو قلنا يشبه المرحووم..
ــ لالا.. مكان ثاني .. مو غريب علي وجهه..
ــ تصدق يشبه بيت الـ ... جيراننا.. يشبه ابراهيم ولدهم... <<< بيت ام ابراهيم خوية ام حسين..
ــ أي والله وانا اقووول وينا شايفنه.. بس يشبه عبدالله اكثر موو..
ــ ايه رحمة الله عليه.. غالي له ذكرى وطاري في كل وقت..

صوت باب الشارع يتسكر ....
رائد : ــ وصلو اهلي .. اخليك بروح اتطمن على رؤى..
فارس : ما تشوف شر ان شالله.. حياك..
ــ الشر ما يجيك.. ارتاح ونام ولا تفكر وايد..
فارس مبتسم : ــ ان شالله..
طلع رائد وبعالي صوته : ــ هلاااا وغلااااا.. هااا ويش الأخبار ..
ضحكت رؤى : ــ ضللبوووني بلاه تقول حق بقله مو ادميه..
فارس داخل سمعها قام يضحك.. وتنهد من قلبه :
ــ ااااه لمتى هذا حالي .. يارب الطف بحالي .. تعبتتت من حااااالي...
ومن يذكر فارس حالته يتذكر ابوه على طول ..
ــ خلاص اسبوع بالكثير وبروح المغرب .. ضروري ارووح...

تابع>>